ជាតិ
សេដ្ឋកិច្ច
ADB លោកSamiuela Tukuafu ប្រធាន ADB ស្តាំ
×![]()
ដោយ: ខន ចំប៉ា
ធនាគារអភិវឌ្ឍន៍អាស៊ី ហៅកាត់ថាADB បានរក្សាការព្យាកររបស់ខ្លួនចំពោះកំណើនសេដ្ឋកិច្ចកម្ពុជាពោលគឺ ៧ ភាគរយ ក្នុងឆ្នាំនេះ និង ៧,១ភាគរយ ក្នុងឆ្នាំ២០១៧ ។ ការនាំចេញពីឧស្សាហកម្មសម្លៀកបំពាក់ និងស្បែកជើង ជាចំណែកធ្វើឲ្យកម្ពុជារក្សាបាននូវកំណើនសេដ្ឋកិច្ចដ៏រឹងមាំនេះ។
កំណើនសេដ្ឋកិច្ចកម្ពុជា នៅតែបន្តរឹងមាំនៅក្នុងឆ្នាំ២០១៦នេះ និងនៅឆ្នាំ២០១៧ ។ នេះបើយោងតាមសេចក្តីប្រកាសព័ត៌មានរបស់ធនាគារអភិវឌ្ឍន៍អាស៊ី (ADB) នៅថ្ងៃទី២៧ ខែកញ្ញានេះ។យោងតាមបច្ចុប្បន្នភាពនៃអត្ថបទបោះពុម្ពផ្សាយប្រចាំឆ្នាំចម្បងមួយអំពីបញ្ហាសេដ្ឋកិច្ចឈ្មោះថា«ការព្យាករអំពីការអភិវឌ្ឍនៅអាស៊ី(ADO)» ដែលចេញផ្សាយដោយADB នៅថ្ងៃទី២៧ ខែកញ្ញានេះADBបានរក្សាការព្យាកររបស់ខ្លួនចំពោះកំណើនសេដ្ឋកិច្ច ថាមានអត្រា ៧ ភាគរយ ក្នុងឆ្នាំនេះ និង ៧,១ ភាគរយ ក្នុងឆ្នាំ២០១៧។
លោក SamiuelaTukuafu ប្រធានADBប្រចាំកម្ពុជា បានមានប្រសាសនថា៖«បន្ទាប់ពីទទួលបានឋានៈជាប្រទេសមានប្រាក់ចំណូលមធ្យមកម្រិតទាបក្នុងខែកក្កដា ការព្យាករសម្រាប់សេដ្ឋកិច្ចប្រទេសកម្ពុជា នៅតែបន្តមានភាពរឹងមាំ ដោយការនាំចេញពីឧស្សាហកម្មសម្លៀកបំពាក់ និង ស្បែកជើងមានការកើនឡើងចំនួន ៩,៤ ភាគរយ នៅក្នុងឆមាសទី១នៃឆ្នាំនេះ»។ ប្រធានADBប្រចាំកម្ពុជា បានបន្តថា ៖«បើទោះបីជាកំណើនឥណទានដល់វិស័យឯកជនបានថយចុះមកត្រឹម ២៨,១ភាគរយ ធៀបនឹងឆ្នាំមុនក្នុងខែមិថុនាក៏ដោយ ប៉ុន្តែតម្រូវការក្នុងស្រុកនៅតែមានកម្រិតខ្ពស់។ ធាតុអាកាសដែលមានលក្ខណៈប្រសើរជាងមុនចាប់ពីខែមិថុនា បន្ទាប់ពីគ្រោះរាំងស្ងួតអូសបន្លាយ អាចជួយឱ្យវិស័យកសិកម្មមានភាពធូរស្រាលឡើងវិញបន្តិច»។
លោកTukuafuបានបញ្ជាក់ទៀតថា ធនាគារអភិវឌ្ឍន៍អាស៊ី ត្រៀមខ្លួនរួចជាស្រេចក្នុងការគាំទ្រដល់កំណើនសេដ្ឋកិច្ចប្រកបដោយបរិយាប័ន្នរបស់កម្ពុជា តាមរយៈការវិនិយោគសំខាន់ៗនៅក្នុងផលិតកម្មកសិកម្ម ការដឹកជញ្ជូន និងភ័ស្តុភារ ការអប់រំ និងបណ្តុះបណ្តាលបច្ចេកទេសវិជ្ជាជីវៈ និងការអភិវឌ្ឍន៍វិស័យហិរញ្ញវត្ថុ។
យោងតាម ADOគោលនយោបាយហិរញ្ញវត្ថុ ត្រូវបានមើលឃើញថាគាំទ្រដល់កំណើនសេដ្ឋកិច្ចដោយចំណាយរបស់រដ្ឋាភិបាលមានការកើនឡើងចំនួន ១៥,៦ ភាគរយ នៅក្នុងឆមាសទី១ នៃឆ្នាំ២០១៦ ដោយសារកំណើននៃបៀវត្សរ៍សេវាសាធារណៈ និងប្រាក់ចំណូលមានការកើនឡើងចំនួន ២៤,១ ភាគរយ អាស្រ័យដោយរដ្ឋាភិបាលបន្តកែលម្អទៅលើការប្រមូលពន្ធ។
ចំណែកឯ ឱនភាពថវិកា ដោយមិនរាប់បញ្ចូលហិរញ្ញប្បទានឥតសំណង មានគោលដៅពង្រីកផលិតផលក្នុងស្រុកសរុបចំនួន ៤,៣ ភាគរយ។ តម្រូវការក្នុងស្រុកដ៏រឹងមាំ និងការកើនឡើងនៃតម្លៃស្បៀងអាហារ បានធ្វើឲ្យអតិផរណាជាមធ្យម មានការកើនឡើងខ្ពស់ជាងការរំពឹងទុក ចំនួន ២,៧ ភាគរយ ក្នុងរយៈពេល៦ខែដំបូងនៃឆ្នាំ២០១៦ បើធៀបទៅនឹងឆ្នាំមុន។
ដោយឡែក ការព្យាករអំពីអតិផរណាមានការកើនឡើងបន្តិច ដោយអត្រាជាមធ្យមចំនួន ៣,៤ ភាគរយ ក្នុងឆ្នាំ២០១៧ ។ ការព្យាករបែបនេះ ស្របទៅនឹងការរំពឹងទុកថានឹងមានការកើនឡើងនៃតម្លៃប្រេងសកល។ ការនាំចេញទំនិញ បានកើនឡើងប្រមាណចំនួន ១២,៣ ភាគរយ ក្នុងរយៈពេល៦ខែដំបូង ដែលអត្រានេះមានភាពលឿនជាងអត្រា ៩,៤ភាគរយ ដែលបានកត់ត្រានៅក្នុងឆមាសទី១ នៃឆ្នាំ២០១៥ ខណៈការនាំចូលទំនិញ ធ្លាក់ចុះពី១៧ ភាគរយ មកត្រឹម ៧,៣ ភាគរយ។ ឱនភាពគណនីចរន្តដោយមិនរាប់បញ្ចូលការផ្ទេជាផ្លូវការមានការប្រែប្រួលបន្តិចបន្តួចក្នុងឆ្នាំនេះ បើធៀបទៅនឹងឆ្នាំ២០១៥ ហើយគេរំពឹងថានឹងមានភាពរួមតូចក្នុងឆ្នាំ២០១៧ ដែលនឹងនាំឲ្យរក្សាបាននូវជំហរខាងក្រៅមួយដ៏ល្អសម្រាប់កម្ពុជា៕
កំណើនសេដ្ឋកិច្ចកម្ពុជា នៅតែបន្តរឹងមាំនៅក្នុងឆ្នាំ២០១៦នេះ និងនៅឆ្នាំ២០១៧ ។ នេះបើយោងតាមសេចក្តីប្រកាសព័ត៌មានរបស់ធនាគារអភិវឌ្ឍន៍អាស៊ី (ADB) នៅថ្ងៃទី២៧ ខែកញ្ញានេះ។យោងតាមបច្ចុប្បន្នភាពនៃអត្ថបទបោះពុម្ពផ្សាយប្រចាំឆ្នាំចម្បងមួយអំពីបញ្ហាសេដ្ឋកិច្ចឈ្មោះថា«ការព្យាករអំពីការអភិវឌ្ឍនៅអាស៊ី(ADO)» ដែលចេញផ្សាយដោយADB នៅថ្ងៃទី២៧ ខែកញ្ញានេះADBបានរក្សាការព្យាកររបស់ខ្លួនចំពោះកំណើនសេដ្ឋកិច្ច ថាមានអត្រា ៧ ភាគរយ ក្នុងឆ្នាំនេះ និង ៧,១ ភាគរយ ក្នុងឆ្នាំ២០១៧។
លោក SamiuelaTukuafu ប្រធានADBប្រចាំកម្ពុជា បានមានប្រសាសនថា៖«បន្ទាប់ពីទទួលបានឋានៈជាប្រទេសមានប្រាក់ចំណូលមធ្យមកម្រិតទាបក្នុងខែកក្កដា ការព្យាករសម្រាប់សេដ្ឋកិច្ចប្រទេសកម្ពុជា នៅតែបន្តមានភាពរឹងមាំ ដោយការនាំចេញពីឧស្សាហកម្មសម្លៀកបំពាក់ និង ស្បែកជើងមានការកើនឡើងចំនួន ៩,៤ ភាគរយ នៅក្នុងឆមាសទី១នៃឆ្នាំនេះ»។ ប្រធានADBប្រចាំកម្ពុជា បានបន្តថា ៖«បើទោះបីជាកំណើនឥណទានដល់វិស័យឯកជនបានថយចុះមកត្រឹម ២៨,១ភាគរយ ធៀបនឹងឆ្នាំមុនក្នុងខែមិថុនាក៏ដោយ ប៉ុន្តែតម្រូវការក្នុងស្រុកនៅតែមានកម្រិតខ្ពស់។ ធាតុអាកាសដែលមានលក្ខណៈប្រសើរជាងមុនចាប់ពីខែមិថុនា បន្ទាប់ពីគ្រោះរាំងស្ងួតអូសបន្លាយ អាចជួយឱ្យវិស័យកសិកម្មមានភាពធូរស្រាលឡើងវិញបន្តិច»។
លោកTukuafuបានបញ្ជាក់ទៀតថា ធនាគារអភិវឌ្ឍន៍អាស៊ី ត្រៀមខ្លួនរួចជាស្រេចក្នុងការគាំទ្រដល់កំណើនសេដ្ឋកិច្ចប្រកបដោយបរិយាប័ន្នរបស់កម្ពុជា តាមរយៈការវិនិយោគសំខាន់ៗនៅក្នុងផលិតកម្មកសិកម្ម ការដឹកជញ្ជូន និងភ័ស្តុភារ ការអប់រំ និងបណ្តុះបណ្តាលបច្ចេកទេសវិជ្ជាជីវៈ និងការអភិវឌ្ឍន៍វិស័យហិរញ្ញវត្ថុ។
យោងតាម ADOគោលនយោបាយហិរញ្ញវត្ថុ ត្រូវបានមើលឃើញថាគាំទ្រដល់កំណើនសេដ្ឋកិច្ចដោយចំណាយរបស់រដ្ឋាភិបាលមានការកើនឡើងចំនួន ១៥,៦ ភាគរយ នៅក្នុងឆមាសទី១ នៃឆ្នាំ២០១៦ ដោយសារកំណើននៃបៀវត្សរ៍សេវាសាធារណៈ និងប្រាក់ចំណូលមានការកើនឡើងចំនួន ២៤,១ ភាគរយ អាស្រ័យដោយរដ្ឋាភិបាលបន្តកែលម្អទៅលើការប្រមូលពន្ធ។
ចំណែកឯ ឱនភាពថវិកា ដោយមិនរាប់បញ្ចូលហិរញ្ញប្បទានឥតសំណង មានគោលដៅពង្រីកផលិតផលក្នុងស្រុកសរុបចំនួន ៤,៣ ភាគរយ។ តម្រូវការក្នុងស្រុកដ៏រឹងមាំ និងការកើនឡើងនៃតម្លៃស្បៀងអាហារ បានធ្វើឲ្យអតិផរណាជាមធ្យម មានការកើនឡើងខ្ពស់ជាងការរំពឹងទុក ចំនួន ២,៧ ភាគរយ ក្នុងរយៈពេល៦ខែដំបូងនៃឆ្នាំ២០១៦ បើធៀបទៅនឹងឆ្នាំមុន។
ដោយឡែក ការព្យាករអំពីអតិផរណាមានការកើនឡើងបន្តិច ដោយអត្រាជាមធ្យមចំនួន ៣,៤ ភាគរយ ក្នុងឆ្នាំ២០១៧ ។ ការព្យាករបែបនេះ ស្របទៅនឹងការរំពឹងទុកថានឹងមានការកើនឡើងនៃតម្លៃប្រេងសកល។ ការនាំចេញទំនិញ បានកើនឡើងប្រមាណចំនួន ១២,៣ ភាគរយ ក្នុងរយៈពេល៦ខែដំបូង ដែលអត្រានេះមានភាពលឿនជាងអត្រា ៩,៤ភាគរយ ដែលបានកត់ត្រានៅក្នុងឆមាសទី១ នៃឆ្នាំ២០១៥ ខណៈការនាំចូលទំនិញ ធ្លាក់ចុះពី១៧ ភាគរយ មកត្រឹម ៧,៣ ភាគរយ។ ឱនភាពគណនីចរន្តដោយមិនរាប់បញ្ចូលការផ្ទេជាផ្លូវការមានការប្រែប្រួលបន្តិចបន្តួចក្នុងឆ្នាំនេះ បើធៀបទៅនឹងឆ្នាំ២០១៥ ហើយគេរំពឹងថានឹងមានភាពរួមតូចក្នុងឆ្នាំ២០១៧ ដែលនឹងនាំឲ្យរក្សាបាននូវជំហរខាងក្រៅមួយដ៏ល្អសម្រាប់កម្ពុជា៕
Tag:
ADB
កំណើនសេដ្ឋកិច្ច
© រក្សាសិទ្ធិដោយ thmeythmey.com
