ជាតិ
លោក ទៀ បាញ់ ទៅចូលរួមប្រជុំក្រៅផ្លូវការរដ្ឋមន្ត្រីការពារជាតិអាស៊ាន-អាមេរិក
×
លោក ទៀ បាញ់ រដ្ឋមន្ត្រីក្រសួងការពារជាតិ នឹងទៅចូលរួមក្នុងកិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ាន-សហរដ្ឋអាមេរិក ដែលនឹងប្រព្រឹត្តទៅ ចាប់ពីថ្ងៃទី២៩ ខែកញ្ញា ដល់ថ្ងៃទី១ ខែតុលា នៅកោះហាវ៉ៃ សហរដ្ឋអាមេរិក។
បើតាមសេចក្តីប្រកាសព័ត៌មានរបស់ក្រសួងការពារជាតិកម្ពុជា កិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ាន-សហរដ្ឋអាមេរិក ជាឱកាសល្អមួយដើម្បីតាមដានកិច្ចពិភាក្សាប្រភពដោយផ្លែផ្កា នៃកិច្ចប្រជុំរដ្ឋមន្ត្រីការពារជាតិអាស៊ានបូក(ADMM-Plus) ដែលបានរៀបចំឡើងកាលពីវិច្ឆិកា ឆ្នាំ២០១៥ នៅទីក្រុងកូឡាឡាំពួរ ប្រទេសម៉ាឡេស៊ី និងកិច្ចពិភាក្សារបស់មេដឹកនាំនៅក្នុងកិច្ចប្រជុំកំពូល អាស៊ាន-សហរដ្ឋអាមេរិក កាលពីខែកុម្ភៈ ឆ្នាំ២០១៦ នៅក្រុង Sunnylands រដ្ឋកាលីហ្វ័រនីញ៉ា សហរដ្ឋអាមេរិក។
កិច្ចប្រជុំនេះ ក៏ជាផ្នែកមួយ នៃការបន្តយុទ្ធសាស្ត្រសហរដ្ឋអាមេរិក នូវការធ្វើឲ្យមានតុល្យភាពឡើងវិញចំពោះតំបន់អាស៊ីប៉ាស៊ីហ្វិក ដែលក្រសួងការពារជាតិសហរដ្ឋអាមេរិក បន្តស្វែងរកឱកាសថ្មីៗ ដើម្បីគាំទ្រ និងភ្ជាប់ទំនាក់ទំនងជាមួយអាស៊ាន។ នេះបើតាមសេចក្តីប្រកាសព័ត៌មានដដែល៕
Tag:
ទៀ បាញ់
អាស៊ាន-អាមេរិក
© រក្សាសិទ្ធិដោយ thmeythmey.com