អន្តរជាតិ
លោកស្រី ហ៊ីឡារី ធ្វើបានល្អជាងដូណាល់ត្រាំ ក្នុងការជជែកដេញដោលលើកទី១?
×![]()
ការជជែកដេញដោលលើកដំបូងរវាងបេក្ខជនប្រធានាធិបតីរយៈពេល៩០នាទី បានបញ្ចប់ទៅដោយភាគីទាំងពីរវាយប្រហារគ្នាដោយពាក្យសម្តីខ្លាំងៗ។ ប្រធានបទបីដែលបេក្ខជនទាំងពីរលើកយកមកជជែកពិភាក្សាគ្នាក្នុងនោះមាន«ទិសដៅអាមេរិក, ការឈានទៅសម្រេចបាននូវវិបុលភាព និងធ្វើយ៉ាងណារក្សាសុវត្ថិភាពអាមេរិក»។ បេក្ខជនទាំងពីរបានចំណាយពេលវេលាច្រើនវាយប្រហារគ្នាទៅវិញទៅមក ទាញយករឿងចាស់មកវែកញែក ច្រើនជាងនិយាយរឿងសាច់ការ។ ប៉ុន្តែ លោកស្រី ហ៊ីឡារី គ្លីនតុន ហាក់ធ្វើបានល្អជាង លោក ដូណាល់ ត្រាំ ។ 
សូមស្តាប់ការបកស្រាយរបស់លោក សៅ ផលនិស្ស័យ៖
ការជជែកដេញដោលលើកដំបូងរវាងបេក្ខជនប្រធានាធិបតីអាមេរិករយៈពេល៩០នាទីបានបិទបញ្ចប់ទៅដោយរលូន តែមានការប៉ះទង្គិចពាក្យសម្តីគ្នាខ្លះរវាងបេក្ខជនទាំងពីរនាក់។ រឿងសំបុត្រកំណើតលោក បារ៉ាក់ អូបាម៉ា, បញ្ហាអ៊ីម៉ែលលោកស្រី ហ៊ីឡារី គ្លីនតុន និងរឿងរបាយការណ៍ពន្ធក្រុមហ៊ុនលោក ដូណាល់ ត្រាំ នៅតែជារឿងក្តៅ និងចម្រូងចម្រាសដែរក្នុងវេទិកាជជែកគ្នានេះ ថ្វីបើវាជារឿងចាស់ក៏ដោយ។ រឿងចាស់ដូចជាសង្គ្រាមអ៊ីរ៉ាក់ និងបញ្ហាកិច្ចព្រមព្រៀងពាណិជ្ជកម្មអន្តរជាតិក៏ ជារឿងដែលបេក្ខជនទាំងពីរចំណាយពេលវេលាវែកញែកច្រើនដែរ។
ប៉ុន្តែអ្វីដែលគួរឲ្យកត់សម្គាល់ លោក ដូណាល់ ត្រាំ ពេលខ្លះមិនឆ្លើយចំសំណួរដែលគេសួរឡើយ ហើយបេក្ខជនទាំងពីរឆ្លៀតបង្អាក់ គ្នាទៅវិញទៅមកពេលកំពុងឆ្លើយសំណួរទៀត។ ប៉ុន្តែលោកស្រី ហ៊ីឡារី ហាក់បីដូចជាអាចរក្សាការអត់ធ្មត់បានច្រើនជាងនិងអាចឆ្លើយសំណួរល្អដែរ។ ហើយអ្វីដែលគេមើលឃើញនោះគឺលោកស្រី ហ៊ីឡារី គ្លីនតុន មានប្រៀបត្រង់វាយប្រហារលោក ដូណាល់ ត្រាំ មិនដកដៃសោះ។
១.បន្ថយពន្ធជួយប្រជាជន ឬចរចាកិច្ចព្រមព្រៀងពាណិជ្ជកម្មជាថ្មី?
ពាក់ព័ន្ធបញ្ហាពន្ធនិងការបង្កើតការងារដល់ប្រជាជនអាមេរិក ពេលអ្នកសម្របសម្រួលចោទសួរ បេក្ខជនបក្សសាធារណដ្ឋលោក ដូណាល់ ត្រាំ បានចំណាយពេលវេលាច្រើនផ្តោតលើកិច្ចព្រមព្រៀងពាណិជ្ជកម្មអន្តរជាតិព្រោះលោកជឿជាក់ថា កិច្ចព្រមព្រៀងនេះហើយធ្វើឲ្យក្រុមហ៊ុនជាច្រើនចេញទៅបើកដំណើរការនៅប្រទេសក្រៅ។ លោក ពន្យល់ថា អាមេរិកខាតរហូតពេលបង្កើតកិច្ចព្រមព្រៀងពាណិជ្ជកម្មជាមួយប្រទេសដទៃ ហើយលោកលើកឧទាហរណ៍កិច្ចព្រមព្រៀងតំបន់ពាណិជ្ជកម្មសេរីអាមេរិកខាងជើង (NAFTA) ហើយមួយទៀតកិច្ចព្រមព្រៀងពាណិជ្ជកម្មស្តង់ដាមាសភាពជាដៃគូពាណិជ្ជកម្មអន្តរប៉ាស៊ីហ្វិក (TPP)។ ពាក់ព័ន្ធកិច្ចព្រមព្រៀង TPP លោក ដូណាល់ ត្រាំ បន្ទោសលោកស្រី ហ៊ីឡារី គ្លីនតុន ព្រោះលោកស្រីមានចំណែកក្នុងការផ្តួចផ្តើមកិច្ចព្រមព្រៀងនេះកាលធ្វើជារដ្ឋមន្ត្រីការបរទេស។
សម្រាប់លោកស្រី ហ៊ីឡារី គ្លីនតុន ដើម្បីដោះស្រាយបញ្ហាការងារ លោកស្រី នឹងបន្ថយការបង់ពន្ធសម្រាប់ក្រុមគ្រួសារវណ្ណៈកណ្តាលនៅអាមេរិក ដើម្បីសម្រួលដល់ការរស់នៅរបស់ពួកគេ។ ក្រៅពីនេះលោកស្រី ទទួលស្គាល់ថា កិច្ចព្រមព្រៀងពាណិជ្ជកម្មជារឿងសំខាន់ ប៉ុន្តែអាមេរិកត្រូវការកិច្ចព្រមព្រៀងដែលមានភាពឆ្លាតវៃនិងមានសមធម៌។
២.ប្រជាជនអាមេរិកគ្រប់គ្នាបង់ពន្ធ ចុះលោក ដូណាល់ត្រាំ?
យ៉ាងណាក៏ដោយចុះ ពេលជជែកដេញដោលរឿងពន្ធនិងការចំណាយរបស់ប្រជាជនអាមេរិកគ្រប់ស្រទាប់វណ្ណៈក្នុងការបង់ពន្ធជូនរដ្ឋ អ្នកសម្របសម្រួលបានចោទសួរលោក ដូណាល់ ត្រាំ រឿងមិនព្រមបញ្ចេញរបាយការណ៍បង់ពន្ធរបស់ក្រុមហ៊ុនលោក។
លោក ដូណាល់ ត្រាំ ឆ្លើយតបភ្លាមៗថា លោកមិនខ្លាចបញ្ចេញរបាយការណ៍ឡើយ ហើយលោកបង់ពន្ធជាទៀងទាត់តាំងពីដើមមក។ ប៉ុន្តែ ដូណាល់ ត្រាំ ចាប់ផ្តើមវាយប្រហារលោកស្រី ហ៊ីឡារី គ្លីនតុន ដោយព្រលយពាក្យ៖«ខ្ញុំនឹងបញ្ចេញរបាយការណ៍ពន្ធនៅពេលដែលោកស្រី ហ៊ីឡារី គ្លីនតុន បញ្ចេញអ៊ីម៉ែលចំនួន ៣៣០០០ ដែលលោកស្រីបានលុបចោលនោះ»។
វាក្លាយជាឱកាសពិសេសសម្រាប់ លោកស្រី ហ៊ីឡារី គ្លីនតុន ក្នុងការវាយប្រហារលោកដូណាល់ត្រាំ។ លោកស្រីសង្កត់ធ្ងន់ថា ជាទម្លាប់ អ្នកឈរឈ្មោះជាប្រធានាធិបតីត្រូវបញ្ចេញរបាយការណ៍ពន្ធ។ ក្នុងករណីដូចលោក ដូណាល់ ត្រាំ ដែលមិនហ៊ានបញ្ចេញរបាយការណ៍នេះប្រហែលជាលោកមិនមានទ្រព្យច្រើនដូចលោកធ្លាប់អះអាង។ ហើយមួយទៀតប្រហែលជាលោកមិនមានចិត្តសប្បុរសដូចដែលលោកប្រកាសកន្លងមកទេ។ ហើយមួយទៀតលោក ដូណាល់ ត្រាំ ប្រហែលជាមិនចង់ឲ្យគ្រប់គ្នាដឹងថា លោកមិនបានបង់ពន្ធសូម្បីតែមួយសេនដល់អាជ្ញាធរសហព័ន្ធ។
តែរឿងដែលគួរឲ្យអស់សំណើចនោះគឺ លោក ដូណាល់ ត្រាំ និយាយកាត់ សម្តីលោកស្រីថា ការមិនបង់ពន្ធឲ្យរដ្ឋនេះមានន័យថាលោក ឆ្លាត។ តែតាមពិត វាមិនជារឿងឆ្លាតឡើយនៅពេលយើងមិនបង់ពន្ធជូនរដ្ឋនោះ ។
៣.ដូណាល់ ត្រាំ លើកបញ្ហា តែមិនសូវ លើកដំណោះស្រាយ!!!
អ្នកសម្របសម្រួលបានឆ្លងទៅប្រធានបទស្មុគស្មាញមួយទៀតគឺ បញ្ហាហិង្សាប្រឆាំងប្រជាជនស្បែកខ្មៅពីសំណាក់ប៉ូលិស ជាឧទាហរណ៍ដូចនៅ Tulsa និង Charlotte។ សំណួរគឺថា តើត្រូវធ្វើយ៉ាងណាដើម្បីដោះស្រាយបញ្ហាបែកបាក់គ្នារវាងសហគមន៍ប្រជាជនអាមេរិកដើមកំណើតអាហ្វ្រិក និងប្រជាជនស្បែកស?
លោកស្រី ហ៊ីឡារី គ្លីនតុន បានបកស្រាយ ដើម្បីដោះស្រាយបញ្ហានេះ គេត្រូវលើកកម្ពស់ការកសាងទំនុកចិត្តរវាងប៉ូលិសនិងសហគមន៍ប្រជាជនស្បែកខ្មៅ។ ចំណុចបន្ទាប់គឺកែទម្រង់ប្រព័ន្ធយុត្តិធម៌ទាក់ទងបញ្ហាឧក្រិដ្ឋកម្ម។ ហើយចុងក្រោយត្រូវដកហូតសិទ្ធប្រើប្រាស់កាំភ្លើងរបស់អ្នកដែលមិនគួរមាន។
តែលោក ដូណាល់ ត្រាំ ឯណោះវិញ មិនបានបកស្រាយច្រើនឡើយ។ លោកអះអាងថា ដើម្បីដោះស្រាយបញ្ហានេះអាមេរិកត្រូវស្តារ«សណ្តាប់ធ្នាប់និងច្បាប់ទម្លាប់»ឡើងវិញ។ ចម្លើយយ៉ាងខ្លីនេះប្រហែលជាល្អស្តាប់ ប៉ុន្តែពិបាកយល់ថាតើត្រូវធ្វើដូចម្តេចដើម្បីស្តារសណ្តាប់ធ្នាប់និងអនុវត្តច្បាប់បានត្រឹមត្រូវ។ និយាយទៅ នេះជាចំណុចមួយដែលធ្វើឲ្យលោកស្រី ហ៊ីឡារី គ្លីនតុនតុនមានប្រៀបលើលោកថែមទៀត។
៤. សង្គ្រាមអ៊ីរ៉ាក់រឿងចាស់ តែនៅក្តៅ
ដោយឡែក សង្គ្រាមអាមេរិកនៅអ៊ីរ៉ាក់ ក្លាយជារឿងក្តៅ ពេលដែលលោក ដូណាល់ត្រាំ ចោទប្រកាន់រដ្ឋបាលលោកបារ៉ាក់ អូបាម៉ា និងលោកស្រី ហ៊ីឡារី គ្លីនតុនថា ជាអ្នកធ្វើឲ្យក្រុមភេរវជនរដ្ឋឥស្លាមកើតឡើង ដោយដកទ័ពអាមេរិកចេញពីអ៊ីរ៉ាក់។ ហើយដោយសាររដ្ឋបាលលោក បារ៉ាក់ អូបាម៉ា បានជាស្ថានភាពចលាចលកើតមានពេញតំបន់មជ្ឈិមបូព៌ាដូចបច្ចុប្បន្ន។
ប៉ុន្តែលោកស្រី ហ៊ីឡារី គ្លីនតុន វាយប្រហារបកវិញថា លោក ដូណាល់ ត្រាំ ធ្លាប់ជាអ្នកដែលគាំទ្រសង្គ្រាមអាមេរិកនៅអ៊ីរ៉ាក់ ហើយក្រោយមកលោកក៏ស្នើឲ្យមានការផ្តួលរំលំរបបដឹកនាំលីប៊ីរបស់លោក ហ្កាដាហ្វី ទៀត។ ម្យ៉ាងលោក George W. Bush ជាអ្នកដែលបង្កើតកិច្ចព្រមព្រៀងដើម្បីកំណត់ថាពេលណាគួរដកកងទ័ពអាមេរិកចេញពីអ៊ីរ៉ាក់ មិនមែនលោក បារ៉ាក់ អូបាម៉ា នោះឡើយ។
៥. ដូណាល់ ត្រាំ នៅតែធ្វើឲ្យសម្ព័ន្ធមិត្តអាមេរិកមិនទុកចិត្ត
លោក ដូណាល់ ត្រាំ ក៏បន្ទោសរបបដឹកនាំលោក អូបាម៉ា និងលោកស្រី ហ៊ីឡារី គ្លីនតុន រឿងបង្កើតកិច្ចព្រមព្រៀងនុយក្លេអ៊ែរអ៊ីរ៉ង់ដែរ។ ទាក់ទិនបញ្ហានុយក្លេអ៊ែរអ៊ីរ៉ង់ លោកអះអាងថា លោកបានជួបនាយករដ្ឋមន្ត្រីអ៊ីស្រាអែល Benjamin Netanyahu ហើយនាយករដ្ឋមន្ត្រីអ៊ីស្រាអែលប្រាប់លោក ថាលោក បារម្ភខ្លាំងពីកិច្ចព្រមព្រៀងនុយក្លេអ៊ែរនេះ។
ក្រៅពីនេះ លោកក៏បកស្រាយជាថ្មីដែរថា ប្រទេសសម្ព័ន្ធមិត្តមួយចំនួនដូចជាជប៉ុននិងកូរ៉េខាងត្បូង គួរចំណាយលុយច្រើនបង់ថ្លៃការពារ និងត្រៀមខ្លួនដើម្បីការពារសន្តិសុខខ្លួន ឯងវិញជាជាងពឹងលើអាមេរិក។ លោកធ្លាប់ប្រកាសថា បើលោកជាប់ឆ្នោតលោកនឹងអនុញ្ញាតឲ្យកូរ៉េខាងត្បូងនិងជប៉ុនមានអាវុធនុយក្លេអ៊ែរប្រើប្រាស់ថែមទៀត។
ចំណែកសមាជិកបក្សសម្ព័ន្ធយោធាណាតូក៏ត្រូវបង់លុយតាមការកំណត់នៅក្នុងសន្ធិសញ្ញាដូចគ្នា។ លោក ដូណាល់ ត្រាំ ថាអាមេរិកល្ងង់ ព្រោះអាមេរិកចំណាយថវិកាច្រើនសន្ធឹកសម្រាប់បក្សសម្ព័ន្ធយោធាណាតូ ខណៈដែលប្រទេសសមាជិក ២៧ ផ្សេងទៀតជិះសេះលែងដៃនិងចំណាយលុយតិចជាងការកំណត់ក្នុងសន្ធិសញ្ញា។
ជាធម្មតាក្នុងវេទិកានេះ មនុស្សជាច្រើនតាមដាននិងចាំមើលគោលនយោបាយ យុទ្ធសាស្ត្រ និងសម្តីដែលបេក្ខជនប្រើប្រាស់។ វាជាពេលដែលបេក្ខជនត្រូវប្រុងប្រយ័ត្នពាក្យសម្តីបំផុតដើម្បីធ្វើយ៉ាងណាបង្ហាញទៅអ្នកមើលថា ខ្លួនសក្តិសមជាប្រធានាធិបតី។ តែលោក ដូណាល់ ត្រាំ មិនបានគិតគូរច្រើនឡើយ។ ផ្ទុយទៅវិញលោកបែរជាបន្តលើកបញ្ហាដែលធ្វើឲ្យសម្ព័ន្ធមិត្តអាមេរិកបាត់បង់ទំនុកចិត្តថែមទៀត។
ចំណែកលោក ស្រី ហ៊ីឡារី គ្លីនតុន បានឆ្លៀតបញ្ជាក់ប្រាប់ដល់អ្នកតាមដានជាពិសេសប្រជាជននៃប្រទេសម្ព័ន្ធមិត្តជប៉ុននិងកូរ៉េខាងត្បូង ថាបើលោកស្រីជាប់ឆ្នោត សន្ធិសញ្ញាការពាររួមគ្នាដែលមាននឹងត្រូវអនុវត្តបន្តទោះបីជាស្ថិតក្នុងកាលៈទេសៈណាក៏ដោយ។ លោកស្រី ធានា ការពារសម្ព័ន្ធមិត្តទាំងនោះទៀត នៅពេលលោកស្រី ក្លាយជាប្រធានាធិបតីអាមេរិក៕
សូមស្តាប់ការបកស្រាយរបស់លោក សៅ ផលនិស្ស័យ៖
ការជជែកដេញដោលលើកដំបូងរវាងបេក្ខជនប្រធានាធិបតីអាមេរិករយៈពេល៩០នាទីបានបិទបញ្ចប់ទៅដោយរលូន តែមានការប៉ះទង្គិចពាក្យសម្តីគ្នាខ្លះរវាងបេក្ខជនទាំងពីរនាក់។ រឿងសំបុត្រកំណើតលោក បារ៉ាក់ អូបាម៉ា, បញ្ហាអ៊ីម៉ែលលោកស្រី ហ៊ីឡារី គ្លីនតុន និងរឿងរបាយការណ៍ពន្ធក្រុមហ៊ុនលោក ដូណាល់ ត្រាំ នៅតែជារឿងក្តៅ និងចម្រូងចម្រាសដែរក្នុងវេទិកាជជែកគ្នានេះ ថ្វីបើវាជារឿងចាស់ក៏ដោយ។ រឿងចាស់ដូចជាសង្គ្រាមអ៊ីរ៉ាក់ និងបញ្ហាកិច្ចព្រមព្រៀងពាណិជ្ជកម្មអន្តរជាតិក៏ ជារឿងដែលបេក្ខជនទាំងពីរចំណាយពេលវេលាវែកញែកច្រើនដែរ។
ប៉ុន្តែអ្វីដែលគួរឲ្យកត់សម្គាល់ លោក ដូណាល់ ត្រាំ ពេលខ្លះមិនឆ្លើយចំសំណួរដែលគេសួរឡើយ ហើយបេក្ខជនទាំងពីរឆ្លៀតបង្អាក់ គ្នាទៅវិញទៅមកពេលកំពុងឆ្លើយសំណួរទៀត។ ប៉ុន្តែលោកស្រី ហ៊ីឡារី ហាក់បីដូចជាអាចរក្សាការអត់ធ្មត់បានច្រើនជាងនិងអាចឆ្លើយសំណួរល្អដែរ។ ហើយអ្វីដែលគេមើលឃើញនោះគឺលោកស្រី ហ៊ីឡារី គ្លីនតុន មានប្រៀបត្រង់វាយប្រហារលោក ដូណាល់ ត្រាំ មិនដកដៃសោះ។
១.បន្ថយពន្ធជួយប្រជាជន ឬចរចាកិច្ចព្រមព្រៀងពាណិជ្ជកម្មជាថ្មី?
ពាក់ព័ន្ធបញ្ហាពន្ធនិងការបង្កើតការងារដល់ប្រជាជនអាមេរិក ពេលអ្នកសម្របសម្រួលចោទសួរ បេក្ខជនបក្សសាធារណដ្ឋលោក ដូណាល់ ត្រាំ បានចំណាយពេលវេលាច្រើនផ្តោតលើកិច្ចព្រមព្រៀងពាណិជ្ជកម្មអន្តរជាតិព្រោះលោកជឿជាក់ថា កិច្ចព្រមព្រៀងនេះហើយធ្វើឲ្យក្រុមហ៊ុនជាច្រើនចេញទៅបើកដំណើរការនៅប្រទេសក្រៅ។ លោក ពន្យល់ថា អាមេរិកខាតរហូតពេលបង្កើតកិច្ចព្រមព្រៀងពាណិជ្ជកម្មជាមួយប្រទេសដទៃ ហើយលោកលើកឧទាហរណ៍កិច្ចព្រមព្រៀងតំបន់ពាណិជ្ជកម្មសេរីអាមេរិកខាងជើង (NAFTA) ហើយមួយទៀតកិច្ចព្រមព្រៀងពាណិជ្ជកម្មស្តង់ដាមាសភាពជាដៃគូពាណិជ្ជកម្មអន្តរប៉ាស៊ីហ្វិក (TPP)។ ពាក់ព័ន្ធកិច្ចព្រមព្រៀង TPP លោក ដូណាល់ ត្រាំ បន្ទោសលោកស្រី ហ៊ីឡារី គ្លីនតុន ព្រោះលោកស្រីមានចំណែកក្នុងការផ្តួចផ្តើមកិច្ចព្រមព្រៀងនេះកាលធ្វើជារដ្ឋមន្ត្រីការបរទេស។
សម្រាប់លោកស្រី ហ៊ីឡារី គ្លីនតុន ដើម្បីដោះស្រាយបញ្ហាការងារ លោកស្រី នឹងបន្ថយការបង់ពន្ធសម្រាប់ក្រុមគ្រួសារវណ្ណៈកណ្តាលនៅអាមេរិក ដើម្បីសម្រួលដល់ការរស់នៅរបស់ពួកគេ។ ក្រៅពីនេះលោកស្រី ទទួលស្គាល់ថា កិច្ចព្រមព្រៀងពាណិជ្ជកម្មជារឿងសំខាន់ ប៉ុន្តែអាមេរិកត្រូវការកិច្ចព្រមព្រៀងដែលមានភាពឆ្លាតវៃនិងមានសមធម៌។
២.ប្រជាជនអាមេរិកគ្រប់គ្នាបង់ពន្ធ ចុះលោក ដូណាល់ត្រាំ?
យ៉ាងណាក៏ដោយចុះ ពេលជជែកដេញដោលរឿងពន្ធនិងការចំណាយរបស់ប្រជាជនអាមេរិកគ្រប់ស្រទាប់វណ្ណៈក្នុងការបង់ពន្ធជូនរដ្ឋ អ្នកសម្របសម្រួលបានចោទសួរលោក ដូណាល់ ត្រាំ រឿងមិនព្រមបញ្ចេញរបាយការណ៍បង់ពន្ធរបស់ក្រុមហ៊ុនលោក។
លោក ដូណាល់ ត្រាំ ឆ្លើយតបភ្លាមៗថា លោកមិនខ្លាចបញ្ចេញរបាយការណ៍ឡើយ ហើយលោកបង់ពន្ធជាទៀងទាត់តាំងពីដើមមក។ ប៉ុន្តែ ដូណាល់ ត្រាំ ចាប់ផ្តើមវាយប្រហារលោកស្រី ហ៊ីឡារី គ្លីនតុន ដោយព្រលយពាក្យ៖«ខ្ញុំនឹងបញ្ចេញរបាយការណ៍ពន្ធនៅពេលដែលោកស្រី ហ៊ីឡារី គ្លីនតុន បញ្ចេញអ៊ីម៉ែលចំនួន ៣៣០០០ ដែលលោកស្រីបានលុបចោលនោះ»។
វាក្លាយជាឱកាសពិសេសសម្រាប់ លោកស្រី ហ៊ីឡារី គ្លីនតុន ក្នុងការវាយប្រហារលោកដូណាល់ត្រាំ។ លោកស្រីសង្កត់ធ្ងន់ថា ជាទម្លាប់ អ្នកឈរឈ្មោះជាប្រធានាធិបតីត្រូវបញ្ចេញរបាយការណ៍ពន្ធ។ ក្នុងករណីដូចលោក ដូណាល់ ត្រាំ ដែលមិនហ៊ានបញ្ចេញរបាយការណ៍នេះប្រហែលជាលោកមិនមានទ្រព្យច្រើនដូចលោកធ្លាប់អះអាង។ ហើយមួយទៀតប្រហែលជាលោកមិនមានចិត្តសប្បុរសដូចដែលលោកប្រកាសកន្លងមកទេ។ ហើយមួយទៀតលោក ដូណាល់ ត្រាំ ប្រហែលជាមិនចង់ឲ្យគ្រប់គ្នាដឹងថា លោកមិនបានបង់ពន្ធសូម្បីតែមួយសេនដល់អាជ្ញាធរសហព័ន្ធ។
តែរឿងដែលគួរឲ្យអស់សំណើចនោះគឺ លោក ដូណាល់ ត្រាំ និយាយកាត់ សម្តីលោកស្រីថា ការមិនបង់ពន្ធឲ្យរដ្ឋនេះមានន័យថាលោក ឆ្លាត។ តែតាមពិត វាមិនជារឿងឆ្លាតឡើយនៅពេលយើងមិនបង់ពន្ធជូនរដ្ឋនោះ ។
៣.ដូណាល់ ត្រាំ លើកបញ្ហា តែមិនសូវ លើកដំណោះស្រាយ!!!
អ្នកសម្របសម្រួលបានឆ្លងទៅប្រធានបទស្មុគស្មាញមួយទៀតគឺ បញ្ហាហិង្សាប្រឆាំងប្រជាជនស្បែកខ្មៅពីសំណាក់ប៉ូលិស ជាឧទាហរណ៍ដូចនៅ Tulsa និង Charlotte។ សំណួរគឺថា តើត្រូវធ្វើយ៉ាងណាដើម្បីដោះស្រាយបញ្ហាបែកបាក់គ្នារវាងសហគមន៍ប្រជាជនអាមេរិកដើមកំណើតអាហ្វ្រិក និងប្រជាជនស្បែកស?
លោកស្រី ហ៊ីឡារី គ្លីនតុន បានបកស្រាយ ដើម្បីដោះស្រាយបញ្ហានេះ គេត្រូវលើកកម្ពស់ការកសាងទំនុកចិត្តរវាងប៉ូលិសនិងសហគមន៍ប្រជាជនស្បែកខ្មៅ។ ចំណុចបន្ទាប់គឺកែទម្រង់ប្រព័ន្ធយុត្តិធម៌ទាក់ទងបញ្ហាឧក្រិដ្ឋកម្ម។ ហើយចុងក្រោយត្រូវដកហូតសិទ្ធប្រើប្រាស់កាំភ្លើងរបស់អ្នកដែលមិនគួរមាន។
តែលោក ដូណាល់ ត្រាំ ឯណោះវិញ មិនបានបកស្រាយច្រើនឡើយ។ លោកអះអាងថា ដើម្បីដោះស្រាយបញ្ហានេះអាមេរិកត្រូវស្តារ«សណ្តាប់ធ្នាប់និងច្បាប់ទម្លាប់»ឡើងវិញ។ ចម្លើយយ៉ាងខ្លីនេះប្រហែលជាល្អស្តាប់ ប៉ុន្តែពិបាកយល់ថាតើត្រូវធ្វើដូចម្តេចដើម្បីស្តារសណ្តាប់ធ្នាប់និងអនុវត្តច្បាប់បានត្រឹមត្រូវ។ និយាយទៅ នេះជាចំណុចមួយដែលធ្វើឲ្យលោកស្រី ហ៊ីឡារី គ្លីនតុនតុនមានប្រៀបលើលោកថែមទៀត។
៤. សង្គ្រាមអ៊ីរ៉ាក់រឿងចាស់ តែនៅក្តៅ
ដោយឡែក សង្គ្រាមអាមេរិកនៅអ៊ីរ៉ាក់ ក្លាយជារឿងក្តៅ ពេលដែលលោក ដូណាល់ត្រាំ ចោទប្រកាន់រដ្ឋបាលលោកបារ៉ាក់ អូបាម៉ា និងលោកស្រី ហ៊ីឡារី គ្លីនតុនថា ជាអ្នកធ្វើឲ្យក្រុមភេរវជនរដ្ឋឥស្លាមកើតឡើង ដោយដកទ័ពអាមេរិកចេញពីអ៊ីរ៉ាក់។ ហើយដោយសាររដ្ឋបាលលោក បារ៉ាក់ អូបាម៉ា បានជាស្ថានភាពចលាចលកើតមានពេញតំបន់មជ្ឈិមបូព៌ាដូចបច្ចុប្បន្ន។
ប៉ុន្តែលោកស្រី ហ៊ីឡារី គ្លីនតុន វាយប្រហារបកវិញថា លោក ដូណាល់ ត្រាំ ធ្លាប់ជាអ្នកដែលគាំទ្រសង្គ្រាមអាមេរិកនៅអ៊ីរ៉ាក់ ហើយក្រោយមកលោកក៏ស្នើឲ្យមានការផ្តួលរំលំរបបដឹកនាំលីប៊ីរបស់លោក ហ្កាដាហ្វី ទៀត។ ម្យ៉ាងលោក George W. Bush ជាអ្នកដែលបង្កើតកិច្ចព្រមព្រៀងដើម្បីកំណត់ថាពេលណាគួរដកកងទ័ពអាមេរិកចេញពីអ៊ីរ៉ាក់ មិនមែនលោក បារ៉ាក់ អូបាម៉ា នោះឡើយ។
៥. ដូណាល់ ត្រាំ នៅតែធ្វើឲ្យសម្ព័ន្ធមិត្តអាមេរិកមិនទុកចិត្ត
លោក ដូណាល់ ត្រាំ ក៏បន្ទោសរបបដឹកនាំលោក អូបាម៉ា និងលោកស្រី ហ៊ីឡារី គ្លីនតុន រឿងបង្កើតកិច្ចព្រមព្រៀងនុយក្លេអ៊ែរអ៊ីរ៉ង់ដែរ។ ទាក់ទិនបញ្ហានុយក្លេអ៊ែរអ៊ីរ៉ង់ លោកអះអាងថា លោកបានជួបនាយករដ្ឋមន្ត្រីអ៊ីស្រាអែល Benjamin Netanyahu ហើយនាយករដ្ឋមន្ត្រីអ៊ីស្រាអែលប្រាប់លោក ថាលោក បារម្ភខ្លាំងពីកិច្ចព្រមព្រៀងនុយក្លេអ៊ែរនេះ។
ក្រៅពីនេះ លោកក៏បកស្រាយជាថ្មីដែរថា ប្រទេសសម្ព័ន្ធមិត្តមួយចំនួនដូចជាជប៉ុននិងកូរ៉េខាងត្បូង គួរចំណាយលុយច្រើនបង់ថ្លៃការពារ និងត្រៀមខ្លួនដើម្បីការពារសន្តិសុខខ្លួន ឯងវិញជាជាងពឹងលើអាមេរិក។ លោកធ្លាប់ប្រកាសថា បើលោកជាប់ឆ្នោតលោកនឹងអនុញ្ញាតឲ្យកូរ៉េខាងត្បូងនិងជប៉ុនមានអាវុធនុយក្លេអ៊ែរប្រើប្រាស់ថែមទៀត។
ចំណែកសមាជិកបក្សសម្ព័ន្ធយោធាណាតូក៏ត្រូវបង់លុយតាមការកំណត់នៅក្នុងសន្ធិសញ្ញាដូចគ្នា។ លោក ដូណាល់ ត្រាំ ថាអាមេរិកល្ងង់ ព្រោះអាមេរិកចំណាយថវិកាច្រើនសន្ធឹកសម្រាប់បក្សសម្ព័ន្ធយោធាណាតូ ខណៈដែលប្រទេសសមាជិក ២៧ ផ្សេងទៀតជិះសេះលែងដៃនិងចំណាយលុយតិចជាងការកំណត់ក្នុងសន្ធិសញ្ញា។
ជាធម្មតាក្នុងវេទិកានេះ មនុស្សជាច្រើនតាមដាននិងចាំមើលគោលនយោបាយ យុទ្ធសាស្ត្រ និងសម្តីដែលបេក្ខជនប្រើប្រាស់។ វាជាពេលដែលបេក្ខជនត្រូវប្រុងប្រយ័ត្នពាក្យសម្តីបំផុតដើម្បីធ្វើយ៉ាងណាបង្ហាញទៅអ្នកមើលថា ខ្លួនសក្តិសមជាប្រធានាធិបតី។ តែលោក ដូណាល់ ត្រាំ មិនបានគិតគូរច្រើនឡើយ។ ផ្ទុយទៅវិញលោកបែរជាបន្តលើកបញ្ហាដែលធ្វើឲ្យសម្ព័ន្ធមិត្តអាមេរិកបាត់បង់ទំនុកចិត្តថែមទៀត។
ចំណែកលោក ស្រី ហ៊ីឡារី គ្លីនតុន បានឆ្លៀតបញ្ជាក់ប្រាប់ដល់អ្នកតាមដានជាពិសេសប្រជាជននៃប្រទេសម្ព័ន្ធមិត្តជប៉ុននិងកូរ៉េខាងត្បូង ថាបើលោកស្រីជាប់ឆ្នោត សន្ធិសញ្ញាការពាររួមគ្នាដែលមាននឹងត្រូវអនុវត្តបន្តទោះបីជាស្ថិតក្នុងកាលៈទេសៈណាក៏ដោយ។ លោកស្រី ធានា ការពារសម្ព័ន្ធមិត្តទាំងនោះទៀត នៅពេលលោកស្រី ក្លាយជាប្រធានាធិបតីអាមេរិក៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
