ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ នៅព្រឹកនេះរដ្ឋសភា បានបើកកិច្ចប្រជុំគណកម្មាធិការអចិន្ត្រៃយ៍ ដែលដឹកនាំដោយសម្ដេច ហេង សំរិន ប្រធានរដ្ឋសភា។ ក្នុងកិច្ចប្រជុំគណៈកម្មាធិការអចិន្ត្រៃយ៍នេះ ក៏មានតំណាងរាស្ត្រគណបក្សសង្គ្រោះជាតិ ចូលរួមប្រជុំដែរ ក្រោយពីប្រកាសរកផ្លូវចរចាជាមួយគណបក្សប្រជាជនកម្ពុជា។ 
បើតាមអ្នកសារព័ត៌មានថ្មីៗ ប្រធានគណៈកម្មាធិការអចិន្ត្រៃយ៍ពីគណបក្សសង្គ្រោះជាតិ ដែលចូលរួមប្រជុំនោះរួមមានលោក អេង ឆៃអ៊ាង លោក យ៉ែម បុញ្ញឫទ្ធិ លោក ហូ វ៉ាន់ លោក ប៉ុល ហំម និងអ្នកស្រី កែ សុវណ្ណារ័ត្ន ។
របៀបវីរៈនៃកិច្ចប្រជុំនេះ មានដូចជាទី១ ការពិនិត្យលើសំណើរសុំ អនុម័តនូវសេចក្ដីស្នើច្បាប់ស្តីពីវិសោធនកម្មមាត្រាចំនួន១៥នៃច្បាប់ស្តីពីការរៀបចំ និងការប្រព្រឹត្តិទៅនៃឧត្តមក្រុមប្រឹក្សានៃអង្គចៅក្រម។ ទី២ ការពិនិត្យលើសំណើរសុំ អនុម័តនូវសេចក្ដីស្នើច្បាប់វិសោធនកម្មមាត្រាចំនួន១៥ នៃច្បាប់ស្តីពីលក្ខន្តិកៈនៃចៅក្រម និងព្រះរាជអាជ្ញា។ទី៣ការពិនិត្យលើសំណើរសុំ អនុម័តនូវសេចក្ដីស្នើច្បាប់វិសោធនកម្មមាត្រាចំនួន១៥ នៃច្បាប់ស្តីពីការរៀបចំអង្គការតុលាការ។ ទី៤ ការពិនិត្យសេចក្ដីព្រាងសេចក្ដីសម្រេចស្តីពីការអនុវត្តវិន័យរបស់តំណាងរាស្ត្រ។ ទី៥ការពិនិត្យលើសេចក្ដីព្រាងគម្រោងថវិការដ្ឋសភាប្រចាំឆ្នាំ២០១៧។ ទី៦ ការពិនិត្យលើរបាយការណ៍ស្តីពីការពិនិត្យសិក្សាសំណើរបស់ក្រសួងយុត្តិធម៌លើការលើកអភ័យឯកសិទ្ធិសភារបស់តំណាងរាស្ត្រ២រូប។ ទី៧ ការពិនិត្យលើសេចក្ដីព្រាងរបាយការណ៍ស្តីពីសកម្មភាពរបស់រដ្ឋសភាចន្លោះសម័យប្រជុំរដ្ឋសភាលើកទី៦ លើកទី៧ និងលើកទី៨ និងចុងក្រោយ ការពិនិត្យលើសំណើសុំបញ្ចូលក្នុងរបៀបវីរៈនៃសម័យប្រជុំរដ្ឋសភាលើកទី៧ នីតិកាលទី៥៕
Tag:
CNRP
រដ្ឋសភា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
