Big Sam បាត់បង់តំណែងជាអ្នកចាត់ការជម្រើសជាតិអង់គ្លេស ក្រោយដឹកនាំបានតែ ៦៧ថ្ងៃ

កីឡាអន្តរជាតិ

អន្តរជាតិ

Big Sam បាត់បង់តំណែងជាអ្នកចាត់ការជម្រើសជាតិអង់គ្លេស ក្រោយដឹកនាំបានតែ ៦៧ថ្ងៃ

28, Sep 2016 , 11:06 am

រូបភាព

ដោយ: ទេព ពិទូរ្យ

លោក Sam Allardyce ហៅ Big Sam បានចាកចេញពីតំណែងជាអ្នកចាត់ការទូទៅក្រុមបាល់ទាត់ជម្រើសជាតិអង់គ្លេសហើយ បន្ទាប់ពីដឹកនាំបានតែ ៦៧ ថ្ងៃ។

សហព័ន្ធកីឡាបាល់ទាត់អង់គ្លេស ហៅកាត់ថា FA បានបញ្ចប់តំណែង លោក Sam Allardyce ជាផ្លូវការហើយ ក្រោយរកឃើញថាបានប្រើតួនាទីខុសដើម្បីចរចាលើកិច្ចព្រមព្រៀងមួយដែលមានតម្លៃ ៤សែនផោន ប្រហែលជាង៥សែនដុល្លារអាមេរិក និងផ្តល់ដំបូន្មានពីរបៀបផ្ទេរកីឡាករ។

អ្នកចាត់ការសញ្ជាតិអង់គ្លេសវ័យ ៦១ឆ្នាំរូបនេះ បានដឹកនាំក្រុមជម្រើសជាតិអង់គ្លេសប្រកួតជាផ្លូវការបានតែមួយប្រកួតប៉ុណ្ណោះ ក្រោយចាកចេញពី Sunderland ដើម្បីមកជំនួសតំណែងលោក Roy Hodson កាលពីខែកក្កដានោះ។

ក្រោយបញ្ឈប់ពីតំណែង អតីតអ្នកចាត់ការក្រុម West Ham នេះបានក្លាយជាអ្នកចាត់ការទូទៅពេញម៉ោងខ្លីបំផុត និងឈ្នះ១០០ភាគរយក្រោយដឹកនាំ១ប្រកួត ឈ្នះ១ប្រកួត៕