ជាតិ
×![]()
ដោយ: ថ្មីៗ
ពិធីត្រូវបានរៀបចំតាមគម្រោង និងតាមបណ្តាំរបស់លោកតា ប៉ាពី។ លោកយាយ ម៉ាមី ពលរដ្ឋអ្នកជិតខាង សិស្សានុសិស្ស បុគ្គលិកអង្គការ និងព្រះសង្ឃផង សរុបទាំងអស់ប្រមាណ២០០នាក់ បានជួបជុំគ្នានៅម៉ោង៨កន្លះព្រឹកថ្ងៃទី២៨ខែកញ្ញានេះ នៅលើទីតាំងអតីតកន្លែងចាក់សំរាមស្ទឹងមានជ័យ ដើម្បីបាចធាតុខ្លះរបស់លោកតា ប៉ាពី នៅទីនេះ។
ពិធីទាំងមូលត្រូវបានរៀបចំតាមបែបសាសនាខ្មែរ នៅក្រោមតង់កៅស៊ូតូចល្មមមួយដើម្បីទប់នឹងកម្តៅថ្ងៃ និងនៅលើផ្ទៃដីនៃអតីតទីតាំងចាក់សំរាម ដែលពេលនេះ គ្រប់ដណ្តប់ដោយស្មៅ និងរុក្ខជាតិនានាពណ៌បៃតង។ ផ្ទាំងរូបថតដ៏ធំរបស់លោកតាប៉ាពីត្រូវបានយកទៅដាក់បញ្ឈរនៅក្បែរតុតូចមួយដែលគេប្រើដើម្បីដាក់រណ្តាប់រៀបចំពិធី។
សាច់ញាតិ មិត្តភក្តិ និងព្រះសង្ឃដើរប្រទក្សិណជុំវិញរូបថតនេះ ដោយដៃកាន់ផ្កា មុននឹងបាចចំណែកនៃធាតុទៅលើដី។
លោក ឃុន ចាន់ថា សមាជិកគណៈកម្មាធិការរៀបចំបុណ្យសពលោក គ្រីស្យង់ ហ្គោកឺឡាំង ដេប៉ាលីយ៉ែរ នៃអង្គការភាពញញឹមនៃកុមារ បានបញ្ជាក់ប្រាប់ថា ការយកចំណែកនៃអដ្ឋិធាតុខ្លះរបស់លោកតា ប៉ាពី បាចលើអតីតទីតាំងចាក់សំរាមនេះ វាគឺជាបណ្តាំរបស់លោកតា។ ទីនេះហើយដែលកាលពី២០ឆ្នាំមុន លោកតាជនជាតិបារាំង និងភរិយា បានមកឃើញកុមារក្រីក្ររើសសំរាម ហើយក៏ចាប់ផ្តើមសកម្មភាពមនុស្សធម៌ជួយកុមារខ្មែរអ្នករើសសំរាមតែម្តងនោះ។
លោក ឃុន ចាន់ថា បានបញ្ជាក់ប្រាប់សារព័ត៌មានថ្មីៗថា៖ «ពេលគាត់នៅរស់ គាត់ធ្លាប់ប្រាប់ខ្ញុំថា នៅពេលគាត់ស្លាប់ទៅ ត្រូវយកអដ្ឋិធាតុរបស់គាត់ទៅដាក់លើគំនរសំរាមស្ទឹងមានជ័យ។ មូលហេតុ គឺដោយសារគំនរសំរាមនេះហើយ ដែលជំរុញទឹកចិត្តលោកឲ្យបង្កើតអង្គការភាពញញឹមនៃកុមារ»។
លោក គ្រីស្យង់ និងភរិយា Marie-France បានបង្កើតអង្គការដើម្បីភាពញញឹមនៃកុមារ (PSE) តាំងពីឆ្នាំ១៩៩៥ មក ហើយបានជួយដល់កុមារដែលរស់នៅម្តុំស្ទឹងមានជ័យ ជាយរាជធានីភ្នំពេញ ជាពិសេសនៅលើគំនរសំរាម ជាច្រើនពាន់នាក់ តាមរយៈការផ្តល់ឱកាសសិក្សា ការស្នាក់នៅ អាហារ និងការទំនុកបម្រុងផ្សេងៗ។ សប្បុរសជនទាំងពីរនាក់នេះ ត្រូវបានគេហៅថាតា និងយាយ (Papy Mami) និងត្រូវបានគេចាត់ទុកថា ជាឪពុកម្តាយទីពីររបស់កុមារកម្ពុជាទាំងនោះ។
គួរបញ្ជាក់ផងដែរថា ធាតុរបស់លោកតា ប៉ាពី ត្រូវបានបែកចែកជា៣។ មួយចំណែកត្រូវបានបានដាក់តម្កល់នៅក្នុងព្រះវិហារកាតូលិកមួយកន្លែងនៅភ្នំពេញ មួយចំណែកត្រូវបានយកទៅបាចនៅអតីតទីតាំងគំនរសំរាម និងចំណែកចុងក្រោយត្រូវយកទៅប្រទេសបារាំងជាដែលប្រទេសកំណើតរបស់លោក៕
ពិធីទាំងមូលត្រូវបានរៀបចំតាមបែបសាសនាខ្មែរ នៅក្រោមតង់កៅស៊ូតូចល្មមមួយដើម្បីទប់នឹងកម្តៅថ្ងៃ និងនៅលើផ្ទៃដីនៃអតីតទីតាំងចាក់សំរាម ដែលពេលនេះ គ្រប់ដណ្តប់ដោយស្មៅ និងរុក្ខជាតិនានាពណ៌បៃតង។ ផ្ទាំងរូបថតដ៏ធំរបស់លោកតាប៉ាពីត្រូវបានយកទៅដាក់បញ្ឈរនៅក្បែរតុតូចមួយដែលគេប្រើដើម្បីដាក់រណ្តាប់រៀបចំពិធី។
សាច់ញាតិ មិត្តភក្តិ និងព្រះសង្ឃដើរប្រទក្សិណជុំវិញរូបថតនេះ ដោយដៃកាន់ផ្កា មុននឹងបាចចំណែកនៃធាតុទៅលើដី។
លោក ឃុន ចាន់ថា សមាជិកគណៈកម្មាធិការរៀបចំបុណ្យសពលោក គ្រីស្យង់ ហ្គោកឺឡាំង ដេប៉ាលីយ៉ែរ នៃអង្គការភាពញញឹមនៃកុមារ បានបញ្ជាក់ប្រាប់ថា ការយកចំណែកនៃអដ្ឋិធាតុខ្លះរបស់លោកតា ប៉ាពី បាចលើអតីតទីតាំងចាក់សំរាមនេះ វាគឺជាបណ្តាំរបស់លោកតា។ ទីនេះហើយដែលកាលពី២០ឆ្នាំមុន លោកតាជនជាតិបារាំង និងភរិយា បានមកឃើញកុមារក្រីក្ររើសសំរាម ហើយក៏ចាប់ផ្តើមសកម្មភាពមនុស្សធម៌ជួយកុមារខ្មែរអ្នករើសសំរាមតែម្តងនោះ។
លោក ឃុន ចាន់ថា បានបញ្ជាក់ប្រាប់សារព័ត៌មានថ្មីៗថា៖ «ពេលគាត់នៅរស់ គាត់ធ្លាប់ប្រាប់ខ្ញុំថា នៅពេលគាត់ស្លាប់ទៅ ត្រូវយកអដ្ឋិធាតុរបស់គាត់ទៅដាក់លើគំនរសំរាមស្ទឹងមានជ័យ។ មូលហេតុ គឺដោយសារគំនរសំរាមនេះហើយ ដែលជំរុញទឹកចិត្តលោកឲ្យបង្កើតអង្គការភាពញញឹមនៃកុមារ»។
លោក គ្រីស្យង់ និងភរិយា Marie-France បានបង្កើតអង្គការដើម្បីភាពញញឹមនៃកុមារ (PSE) តាំងពីឆ្នាំ១៩៩៥ មក ហើយបានជួយដល់កុមារដែលរស់នៅម្តុំស្ទឹងមានជ័យ ជាយរាជធានីភ្នំពេញ ជាពិសេសនៅលើគំនរសំរាម ជាច្រើនពាន់នាក់ តាមរយៈការផ្តល់ឱកាសសិក្សា ការស្នាក់នៅ អាហារ និងការទំនុកបម្រុងផ្សេងៗ។ សប្បុរសជនទាំងពីរនាក់នេះ ត្រូវបានគេហៅថាតា និងយាយ (Papy Mami) និងត្រូវបានគេចាត់ទុកថា ជាឪពុកម្តាយទីពីររបស់កុមារកម្ពុជាទាំងនោះ។
គួរបញ្ជាក់ផងដែរថា ធាតុរបស់លោកតា ប៉ាពី ត្រូវបានបែកចែកជា៣។ មួយចំណែកត្រូវបានបានដាក់តម្កល់នៅក្នុងព្រះវិហារកាតូលិកមួយកន្លែងនៅភ្នំពេញ មួយចំណែកត្រូវបានយកទៅបាចនៅអតីតទីតាំងគំនរសំរាម និងចំណែកចុងក្រោយត្រូវយកទៅប្រទេសបារាំងជាដែលប្រទេសកំណើតរបស់លោក៕
Tag:
ប៉ាពី
ស្ទឹងមានជ័យ
© រក្សាសិទ្ធិដោយ thmeythmey.com
