អន្តរជាតិ
រដ្ឋាភិបាលកូឡុំប៊ី និងឧទ្ទាម FARC ចុះហត្ថលេខាបញ្ចប់សង្គ្រាមស៊ីវិលកន្លះសតវត្សរ៍
ប្រធានាធិបតីកូឡុំប៊ី (ឆ្វេង) ចាប់ដៃជាមួយមេដឹកនាំឧទ្ទាម FARC (ស្ដាំ)
×![]()
ដោយ: តន ចាន់រិទ្ធារ៉ា
រដ្ឋាភិបាលកូឡុំប៊ី និងក្រុមឧទ្ទាមឆ្វេងនិយម FARC បានចុះហត្ថលេខាលើកិច្ចព្រមព្រៀងប្រវត្តិសាស្ត្រ ដើម្បីបញ្ចប់សង្គ្រាមស៊ីវិលកន្លះសតវត្សរ៍ ដែលបានសម្លាប់មនុស្សជាច្រើនម៉ឺននាក់ និងបង្ខំមនុស្សរាប់លាននាក់ទៀត ជម្លៀសចេញពីលំនៅដ្ឋាន។ អ្វីគួរឲ្យចាប់អារម្មណ៍នោះ ភាគីទាំងពីរ បានប្រើប្រាស់ប៊ិចធ្វើពីគ្រាប់កាំភ្លើង ដើម្បីចុះហត្ថលេខាលើកិច្ចព្រមព្រៀងដែលចំណាយពេលយ៉ាងយូរ ទម្រាំសម្រេចបាននេះ។
ស្ថិតក្នុងសម្លៀកពណ៌សតំណាងឲ្យសន្តិភាព ប្រធានាធិបតីកូឡុំប៊ី លោក Juan Manuel Santos និងមេដឹកនាំក្រុមឧទ្ទាម FARC លោក Rodrigo Londoño បានចុះហត្ថលេខាបញ្ចប់សង្គ្រាមស៊ីវិលវែងជាងគេនៅអាមេរិកឡាទីន។ កិច្ចព្រមព្រៀងប្រវត្តិសាស្ត្រនេះ ត្រូវបានចុះហត្ថលេខានៅថ្ងៃទី២៦ ខែកញ្ញា នៅទីក្រុងមាត់សមុទ្រ Cartagena មុននឹងដាក់ឲ្យប្រជាជនកូឡុំប៊ីសម្រេចចិត្តចុងក្រោយក្នុងប្រជាមតិខាងមុខនេះ។
មេដឹកនាំជាច្រើនបានចូលរួមជាសាក្សី ក្នុងការចុះហត្ថលេខាលើកិច្ចព្រមព្រៀងប្រវត្តិសាស្ត្រ បញ្ចប់សង្គ្រាមនេះ។ អគ្គលេខាធិការអង្គការសហប្រជាជាតិ លោក បាន គីមូន ប្រធានាធិបតីម៉ិកស៊ិក គុយបា អែលសាល់វ៉ាឌ័រ និងអ៊ុយរូហ្កាយ ព្រមទាំងរដ្ឋមន្ត្រីការបរទេសអាមេរិក ចន ឃែរី សុទ្ធតែមានវត្តមានក្នុងព្រឹត្តិការណ៍នៅទីក្រុង Cartagena។
ប្រធានាធិបតីកូឡុំប៊ី លោក Santos បានបង្ហាញក្ដីរីករាយចំពោះកិច្ចព្រមព្រៀងនេះ ដោយនិយាយថា ប្រជាជនកូឡុំប៊ី កំពុងអបអរ ហើយពិភពលោកក៏កំពុងអបអរ ព្រោះសង្គ្រាមបានបញ្ចប់ហើយ។ លោកបន្តថា យើងនឹងសម្រេចគោលដៅរបស់យើង ជម្នះរាល់ឧបសគ្គ និងប្រែក្លាយប្រទេសនេះ ទៅជាប្រទេសនៃសន្តិភាព។ ហើយព្រឹត្តិការណ៍នេះ ជាសាររបស់ប្រជាជនកូឡុំប៊ីទៅកាន់ពិភពលោក គឺកូឡប៊ី «គ្មានសង្គ្រាមទៀតឡើយ»។
ក្នុងការថ្លែងតាមកញ្ចក់ទូរទស្សន៍ជាលើកដំបូង មេដឹកនាំក្រុមឧទ្ទាម FARC លោក Londoño បានសុំអភ័យទោសពីប្រជាជនទាំងអស់ ដែលរងគ្រោះដោយសារជម្លោះនេះ។ លោកបញ្ជាក់ថា FARC នឹងទុកជម្លោះប្រដាប់អាវុធមួយអន្លើ និងងាកទៅរកសន្តិភាពវិញ ហើយក្រុមឧទ្ទាម FARC ក៏នឹងកាំភ្លើងចោលដែរ។
កិច្ចព្រមព្រៀងប្រវត្តិសាស្ត្រនេះ លេចជារូបរាងបន្ទាប់ពីការចរចាអស់ពេលបួនឆ្នាំរវាងរដ្ឋាភិបាលកូឡុំប៊ី និងក្រុមឧទ្ទាម នៅទីក្រុងឡាហាវ៉ាន។ បើតាមសារព័ត៌មាន BBC កិច្ចព្រមព្រៀងនេះ នឹងត្រូវដាក់ឲ្យពលរដ្ឋកូឡុំប៊ីសម្រេចក្នុងប្រជាមតិថ្ងៃទី២ ខែតុលាខាងមុខ។ ការស្ទង់មតិនាពេលកន្លងមកបង្ហាញថា ប្រជាជនកូឡុំប៊ី នឹងបោះឆ្នោតគាំទ្រកិច្ចព្រមព្រៀងនេះ ឲ្យក្លាយជាច្បាប់សម្រាប់អនុវត្ត។
ក្រោមកិច្ចព្រមព្រៀងនេះ ក្រុមឧទ្ទាម FARC នឹងក្លាយទៅជាបក្សនយោបាយថ្មីមួយចូលរួមជាមួយបក្សដទៃ។ អាវុធទាំងអស់របស់ក្រុមឧទ្ទាម នឹងត្រូវដកហូត ហើយសមាជិកឧទ្ទាម ដែលប្រព្រឹត្តខុសច្បាប់ធ្ងន់ធ្ងរៗ នឹងត្រូវកាត់ទោសតាមច្បាប់ ខណៈដែលអ្នកដែលមានទោសស្រាល នឹងត្រូវបានលើកលែងទោស នៅក្រោមកិច្ចព្រមព្រៀងនេះ៕
ស្ថិតក្នុងសម្លៀកពណ៌សតំណាងឲ្យសន្តិភាព ប្រធានាធិបតីកូឡុំប៊ី លោក Juan Manuel Santos និងមេដឹកនាំក្រុមឧទ្ទាម FARC លោក Rodrigo Londoño បានចុះហត្ថលេខាបញ្ចប់សង្គ្រាមស៊ីវិលវែងជាងគេនៅអាមេរិកឡាទីន។ កិច្ចព្រមព្រៀងប្រវត្តិសាស្ត្រនេះ ត្រូវបានចុះហត្ថលេខានៅថ្ងៃទី២៦ ខែកញ្ញា នៅទីក្រុងមាត់សមុទ្រ Cartagena មុននឹងដាក់ឲ្យប្រជាជនកូឡុំប៊ីសម្រេចចិត្តចុងក្រោយក្នុងប្រជាមតិខាងមុខនេះ។
មេដឹកនាំជាច្រើនបានចូលរួមជាសាក្សី ក្នុងការចុះហត្ថលេខាលើកិច្ចព្រមព្រៀងប្រវត្តិសាស្ត្រ បញ្ចប់សង្គ្រាមនេះ។ អគ្គលេខាធិការអង្គការសហប្រជាជាតិ លោក បាន គីមូន ប្រធានាធិបតីម៉ិកស៊ិក គុយបា អែលសាល់វ៉ាឌ័រ និងអ៊ុយរូហ្កាយ ព្រមទាំងរដ្ឋមន្ត្រីការបរទេសអាមេរិក ចន ឃែរី សុទ្ធតែមានវត្តមានក្នុងព្រឹត្តិការណ៍នៅទីក្រុង Cartagena។
ប្រធានាធិបតីកូឡុំប៊ី លោក Santos បានបង្ហាញក្ដីរីករាយចំពោះកិច្ចព្រមព្រៀងនេះ ដោយនិយាយថា ប្រជាជនកូឡុំប៊ី កំពុងអបអរ ហើយពិភពលោកក៏កំពុងអបអរ ព្រោះសង្គ្រាមបានបញ្ចប់ហើយ។ លោកបន្តថា យើងនឹងសម្រេចគោលដៅរបស់យើង ជម្នះរាល់ឧបសគ្គ និងប្រែក្លាយប្រទេសនេះ ទៅជាប្រទេសនៃសន្តិភាព។ ហើយព្រឹត្តិការណ៍នេះ ជាសាររបស់ប្រជាជនកូឡុំប៊ីទៅកាន់ពិភពលោក គឺកូឡប៊ី «គ្មានសង្គ្រាមទៀតឡើយ»។
ក្នុងការថ្លែងតាមកញ្ចក់ទូរទស្សន៍ជាលើកដំបូង មេដឹកនាំក្រុមឧទ្ទាម FARC លោក Londoño បានសុំអភ័យទោសពីប្រជាជនទាំងអស់ ដែលរងគ្រោះដោយសារជម្លោះនេះ។ លោកបញ្ជាក់ថា FARC នឹងទុកជម្លោះប្រដាប់អាវុធមួយអន្លើ និងងាកទៅរកសន្តិភាពវិញ ហើយក្រុមឧទ្ទាម FARC ក៏នឹងកាំភ្លើងចោលដែរ។
កិច្ចព្រមព្រៀងប្រវត្តិសាស្ត្រនេះ លេចជារូបរាងបន្ទាប់ពីការចរចាអស់ពេលបួនឆ្នាំរវាងរដ្ឋាភិបាលកូឡុំប៊ី និងក្រុមឧទ្ទាម នៅទីក្រុងឡាហាវ៉ាន។ បើតាមសារព័ត៌មាន BBC កិច្ចព្រមព្រៀងនេះ នឹងត្រូវដាក់ឲ្យពលរដ្ឋកូឡុំប៊ីសម្រេចក្នុងប្រជាមតិថ្ងៃទី២ ខែតុលាខាងមុខ។ ការស្ទង់មតិនាពេលកន្លងមកបង្ហាញថា ប្រជាជនកូឡុំប៊ី នឹងបោះឆ្នោតគាំទ្រកិច្ចព្រមព្រៀងនេះ ឲ្យក្លាយជាច្បាប់សម្រាប់អនុវត្ត។
ក្រោមកិច្ចព្រមព្រៀងនេះ ក្រុមឧទ្ទាម FARC នឹងក្លាយទៅជាបក្សនយោបាយថ្មីមួយចូលរួមជាមួយបក្សដទៃ។ អាវុធទាំងអស់របស់ក្រុមឧទ្ទាម នឹងត្រូវដកហូត ហើយសមាជិកឧទ្ទាម ដែលប្រព្រឹត្តខុសច្បាប់ធ្ងន់ធ្ងរៗ នឹងត្រូវកាត់ទោសតាមច្បាប់ ខណៈដែលអ្នកដែលមានទោសស្រាល នឹងត្រូវបានលើកលែងទោស នៅក្រោមកិច្ចព្រមព្រៀងនេះ៕
Tag:
កូឡុំប៊ី
FARC
សង្គ្រាមស៊ីវិល
© រក្សាសិទ្ធិដោយ thmeythmey.com
