Andy Khun ដែលជា​កូន​ខ្មែរ​ផ្តល់​ភាព​ភ្ញាក់ផ្អើល និង​រំភើប​លើ​ឆាក The Voice នៅ​កាណាដា​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


ជាតិ, តារាជាតិ
Andy Khun ដែលជា​កូន​ខ្មែរ​ផ្តល់​ភាព​ភ្ញាក់ផ្អើល និង​រំភើប​លើ​ឆាក The Voice នៅ​កាណាដា​
អត្ថបទ : រួបរួម       October-15-2016, 1:45 pm         4096
រូបភាព
Andy Khun អាយុ​១១​ឆ្នាំ ដែលមាន​សាច់ឈាម​ជា​ខ្មែរ បានផ្តល់​ក្តីរំភើប​យ៉ាងខ្លាំង នៅពេលដែល​គេ​បកស្រាយ​បទ​ចម្រៀង «Hallelujah» របស់លោក Leonard Cohen នា​ការប្រឡង​ចម្រៀង​លំដាប់​ពិភពលោក «La Voix Junior» ឬ «The Voice Kids» នៅ​ប្រទេស​កាណាដា នាវ​គ្គ Blind Audition​។​


​គ្រាន់តែ​ច្រៀង​បាន​៧​វិនាទី​ប៉ុណ្ណោះ តារាចម្រៀង Marc Dupré និង Marie-Mai បាន​ចុច​ប៊ូ​តុង បង្វិល​កៅអី​បែរ​ទៅរក Andy Khun ហើយ​គ្រូបង្វឹក​ម្នាក់ទៀត គឺ​លោក Alex Nevsky បាន​ចុច​ប៊ូ​តុង​បន្ត​ក្រោយ​ស្តាប់​ការបកស្រាយ​បាន​៣០​វិនាទី​។​

Andy Khun បានសម្រេច​ជ្រើសរើស​លោក Marc Dupré ដែលជា​អ្នកជា​ចម្រៀង​ដ៏​ល្បី​របស់​កាណាដា ជា​គ្រូបង្វឹក​។ លោក Marc Dupré ក៏​ជា​ដៃគូ​ច្រៀង​ម្នាក់​របស់​តារាចម្រៀង Céline Dion ផងដែរ ហើយ​បទ​ដែលមាន​ភាពល្បីល្បាញ​បំផុត គឺ​បទ​ជា​ភាសា​បារាំង ដែលមាន​ចំណងជើង​ថា «Tout près du Bonheur»​។​

​បន្ទាប់ពី​ការប្រឡង Andy Khun បានផ្តល់​បទ​សម្ភាស​មួយ​ដល់​ក្រុមការងារ​កម្មវិធី «La Voix Junior» ឬ «The Voice Kids» ដែល​រៀបចំ​ដោយ​ទូរទស្សន៍ TVA ថា រូបគេ​ចេះ​ច្រៀង​តាំងពី​អាយុ​៤​ឆ្នាំ​មកម្ល៉េះ ហើយ​តន្ត្រី​គឺជា​ជីវិត​របស់គេ​។​

Andy បាន​រៀបរាប់ថា​៖ «​ឪពុកម្តាយ​របស់ខ្ញុំ​បាន​បង្រៀន​ឲ្យ​ខ្ញុំ​ច្រៀង​ជា​ភាសា​ខ្មែរ​។ បន្ទាប់មក ខ្ញុំ​ចាប់ផ្តើម​ច្រៀង​ជា​ភាសា​អង់គ្លេស និង​ភាសា​បារាំង​។ ពេលនេះ ខ្ញុំ​អាច​ច្រៀង​បាន​ទាំងបី​ភាសា​»​។ Andy បាន​ផ្ញើ​បទ​ចម្រៀង «Hallelujah» ដល់​ឪពុកម្តាយ​របស់ខ្ញុំ ដែល​បាន​កម្លាំងចិត្ត​ដល់​រូបគេ​១០០​ភាគរយ​ដើម្បី​ទទួលបាន​ជោគជ័យ​។​

​ទាក់ទង​នឹង​ការសម្រេចចិត្ត​ចូលក្នុង​ក្រុម​របស់លោក Marc Dupré នោះ Andy បាន​បកស្រាយ​ថា គេ​ចូលចិត្ត​តន្ត្រី​តារាចម្រៀង​រូបនេះ ហើយ​ការផ្តល់​យោបល់​របស់ Marc ទាក់ទាញ​ចំណាប់អារម្មណ៍​គេ​យ៉ាងខ្លាំង​។ Andy បាន​តាំងចិត្ត​យ៉ាង​ដូច្នេះ​ថា​៖ «​ខ្ញុំ​តាំងចិត្ត​បន្តដំណើរ​ទៅមុខទៀត​ក្នុង​កម្មវិធី La Voix Junior»​។​


​ក្នុង​បទ​សម្ភាស​ជាមួយ TVA ផងដែរ Andy បាន​បកស្រាយ​បទ​ចម្រៀង​ភាសា​ខ្មែរ ដែលមាន​ចំណងជើង​ថា «​ស្រណោះ​ភ្លៀង​» របស់លោក អ៊ឹង ណា​រី ផងដែរ​៕

Tag:
 The Voice
  Andy Khun
   រក្សាសិទ្ធិដោយ thmeythmey.com  
ព័ត៌មានដែលទាក់ទង
2 month - 2388
ព័ត៌មានចម្រុះ
7 minutes - 36
​ភ្នំពេញ​៖ ប្រធានស្តីទី​គណបក្ស​ស​ង្គ្រោះ​ជាតិ ឯកឧត្តម កឹម សុខា នឹង​ចុះទៅ​ខេត្ត​ព្រះសីហនុ នៅ​ថ្ងៃទី​២១ មករា ដើម្បី​រៀបចំ​បេក្ខជន​ឈរឈ្មោះ​ឃុំ​សង្កាត់ របស់​គណបក្ស​ខ្លួន​។ នេះ​បើតាម​សំណេរ​ជា​ភាសា​អង់គ្លេស​លើ​បណ្ដាញ​Twitter​របស់​កញ្ញា កឹម មនោ​វិទ្យា កូនស្រី​ឯកឧត្តម កឹម សុខា​។
23 minutes - 99
​ការរត់​ប្រណាំង​ចម្ងាយ​ឆ្ងាយ​១២៨​គីឡូម៉ែត្រ​កាត់​ឧបសគ្គ​នៅលើ​ទឹកដី​អង្គរ​ខេត្តសៀមរាប​ដែលជា​វិញ្ញាសា​ស្នូល​របស់​ព្រឹត្តិការណ៍ Ultra Trail Angkor លើក​ទី​២​នឹង​ចេញដំណើរ​នៅ​ម៉ោង​១១​យប់​ថ្ងៃទី​២០ ខែមករា នេះ​។ ចំណែក​វិញ្ញាសា​៣​ផ្សេងទៀត​ចេញដំណើរ​នៅ​ព្រឹក​ថ្ងៃទី​២១ ខែមករា​។​ព្រឹត្តិការណ៍​នេះ​មាន​អត្ត​ព​លិ​ក​ចូលរួម​ប្រមាណ​ជា​៥០០​នាក់​មកពី​៣៧​ប្រទេស​ទូទាំង​ពិភពលោក​។
27 minutes - 11
​សូម​ចូលទៅ​កាន់ www.thmeythmey.com ដើម្បី​ស្តាប់​ព័ត៌មាន​ប្រចាំថ្ងៃ​សុក្រ ទី​២០ ខែមករា ឆ្នាំ​២០១៧​នេះ ដែល​រៀបចំ​ដោយ​លោក មុំ ពិទូរ្យ ។​
52 minutes - 256
​សៀមរាប​៖ ពិធីបុណ្យ​ចំ​បើង ឫ​ហៅថា​បុណ្យ​ក​សិ​ទេសចរណ៍ ត្រូវបាន​រៀបចំ​ឡើងជា​លើកដំបូង​នៅ​ខេត្តសៀមរាប​។
2 hrs - 722
​ភ្នំពេញ​៖ ក្រោយពី​ទទួលបាន​ការលើកលែង​ទោស​ពី​ព្រះមហាក្សត្រ​ជិត​ពីរ​ខែ​មកនេះ ឯកឧត្តម កឹម សុខា ប្រធានស្តីទី​គណបក្ស​ស​ង្គ្រោះ​ជាតិ មិនទាន់បាន​ចុះ​ជួប​អ្នកគាំទ្រ​នៅ​មូលដ្ឋាន តាម​បំណង​ខ្លួន​ឡើយ ព្រោះ​រង់ចាំ​ការដោះស្រាយ​បញ្ហា​ជាមួយ​គណបក្ស​ប្រជាជន​កម្ពុជា​។​

20 Jan 2017