ជាតិ
×![]()
ភ្នំពេញ៖ អ្នកខ្លះគិតថា បុរស និងនារី ដែលមានថ្ពាល់ខួច អាចជាមនុស្សមានសំណាង រួសរាយ រាក់ទាក់ និងមានមន្តស្នេហ៍។ បើទោះបីជាគ្មានការសិក្សាណាបញ្ជាក់ថា មនុស្សមានថ្ពាល់ខួច ជាមនុស្សមានសំណាង និងជាបុគ្គលមានមន្តស្នេហ៍ទាក់ទាញក៏ដោយ ក៏ប៉ុន្តែមនុស្សមួយចំនួន ជឿជាក់ថា អ្នកមានថ្ពាល់ខួច ច្រើនមានសំណាង និងត្រូវបានអ្នកផងទាំងពួងចូលចិត្តរាប់អាន។ 
មិនមែនតែនារីនោះទេ ដែលមានថ្ពាល់ខួច។ តែបុរសៗក៏មានថ្ពាល់ខួចគួរឲ្យស្រឡាញ់ដែរ។ យុវជន ជី ដាណា ច្រើនបញ្ចេញសម្រស់ថ្ពាល់របស់លោកនៅពេលគាត់បង្ហាញភាពញញឹម។ នៅពេលគាត់ញញឹម ថ្ពាល់ទាំងសងខាងបញ្ចេញសម្រស់ខួច។ សម្រស់ខួចរបស់លោក ជី ដាណា ធ្វើឲ្យមនុស្សដែលនិយាយជាមួយលោកមានអារម្មណ៍ថា លោក ដាណា ញញឹមស្រស់ប្រកបដោយមន្តស្នេហ៍។
ជាបុគ្គលិកក្រុមហ៊ុនឯកជនមួយនៅទីក្រុងភ្នំពេញ លោក ជី ដាណា ដែលធម្មជាតិបានផ្តល់ឲ្យរូបលោកនូវថ្ពាល់ខួចទាំងសងខាងនោះ បាននិយាយរបៀបកំប្លែងបន្តិចទៅកាន់អ្នកសារព័ត៌មានថា៖«មានថ្ពាល់ខួច ពេលសើច ឬញញឹម វាមានភាពទាក់ទាញ ហើយវាអាចលើកសម្រស់ និងកាត់បន្ថយភាពចាស់ដោយសារស្នាមថ្ពាល់ខួច»។ ថ្ពាល់ខួចមិនមែនត្រឹមតែធ្វើឲ្យ ដាណា មានភាពទាក់ទាញពីអ្នកផ្សេងទេ។ តែសម្រស់នេះ ធ្វើឲ្យអ្នកផ្សេងទប់មិនសរសើរយុវជន ដាណា មិនបានឡើយ។
លោក ជី ដាណា បានប្រាប់ទៀតថា៖«មានគេសរសើរច្រើនគួរសមដែរ ហើយមានគេចូលចិត្តឲ្យខ្ញុំសើច ឬញញឹម ឲ្យបានច្រើនទៀតផង ព្រោះគេគិតថាមានប្រជាប្រិយ រួសរាយ រាក់ទាក់។ ម្យ៉ាងទៀត បងប្អូនខ្ញុំក៏បានហៅឈ្មោះខ្ញុំថា«ខួច»ផងដែរ។ ជាពិសេសស្រីៗមួយចំនួនក៏ចាប់អារម្មណ៍នឹងស្នាមថ្ពាល់ខួចរបស់ខ្ញុំថែមទៀតផង»។
មានសម្បុរសណ្ដែកបាយ សក់វែងត្រឹមស្មា មានថ្ពាល់ខួច ប្រកបទឹកមុខញញឹមប្រិមប្រិយនោះគឺជាកញ្ញា ផល លីវយី។ យុវតី លីវយី ជានិស្សិតឆ្នាំទី២ នៃសាកលវិទ្យាល័យកម្ពុជា ជានារីដែលមានថ្ពាល់ខួចទាំងសងខាងគួរឲ្យស្រឡាញ់ និងចាប់អារម្មណ៍ពីមនុស្សគ្រប់គ្នា។ យុវតី លីវយី បាននិយាយប្រាប់ថា៖«ធ្លាប់មានគេសរសើរថា ពេលសើចទៅឃើញថ្ពាល់ខួចស្អាត»។ កញ្ញា លីវយី មានអារម្មណ៍ចង់សើចឲ្យបានច្រើន ព្រោះបានបញ្ចេញស្នាមថ្ពាល់ខួចដ៏ស្រស់ស្អាត។
ចំណែកយុវជន លៀវ ពន្លក មានថ្ពាល់ខួចទាំងសងខាងពីកំណើត ក៏មានអារម្មណ៍ពេញចិត្តនឹងសម្ផស្សដែលទេវតាប្រទានឲ្យដែរ។ លោកពន្លក បាននិយាយថា៖«ខ្ញុំមានអារម្មណ៍សប្បាយចិត្តដែលមានថ្ពាល់ខួចទាំងសងខាងពីធម្មជាតិ ហើយមនុស្សមួយចំនូនមិនមានដូចខ្ញុំ។ ម្យ៉ាងទៀត ធ្លាប់មានគេប្រាប់ខ្ញុំថា ពេលខ្ញុំញញឹមទៅចេញថ្ពាល់ខួចទាំងសងខាងស្អាត ហើយបើនិយាយពីសំណាងវិញមានខ្លះៗដែរ»។
ងាកមកនិយាយពីកញ្ញា សុខុន សុម៉ាភាវី វិញម្តង។ កញ្ញាមានថ្ពាល់ខួចតែម្ខាង។ ម្តាងក៏នាងសប្បាយចិត្តដែរ។ នាងបានប្រាប់ថា៖«ខ្ញុំមានអារម្មណ៍ធម្មតា ប៉ុន្តែថ្ពាល់ខួចបានធ្វើឲ្យអ្នកដទៃហៅខ្ញុំថាស្រីខួច ដោយសារថ្ពាល់ខួចនេះផងដែរ។ ម្យ៉ាងវិញទៀត ថ្ពាល់ខួចទាក់ទាញការចាប់អារម្មណ៍ពីអ្នកដទៃ»។
កញ្ញា ពុទ្ធី ហ៊ីលែន ជានិស្សិតវិទ្យាស្ថានវ៉ាន់ដា ដែលមានថ្ពាល់ខួចតែម្ខាងផ្នែកខាងឆ្វេង បានលើកឡើងថា៖«ពេលមុនដំបូងមានអារម្មណ៍ធម្មតា ប៉ុន្តែនៅពេលសើចឃើញថ្ពាល់ខួចចឹងទៅ ខ្ញុំមានអារម្មណ៍ពេញចិត្តនឹងខ្លួនឯង ហើយស្រឡាញ់ថ្ពាល់ខួចដែលខ្លួនឯងមាន។ ខ្ញុំគិតថា មនុស្សទាំងអស់កើតមកមិនមែនសុទ្ធតែមានថ្ពាល់ខួចនោះទេ។ ខ្ញុំគិតថាខ្ញុំជាមនុស្សមានសំណាង។ ថ្ពាល់ខួចអាចតំណាងឲ្យឈ្មោះក៏បាន ព្រោះមានអ្នកហៅឈ្មោះខ្ញុំថាស្រីខួច នៅពេលដែលឃើញមានថ្ពាល់ខួច។
ទាក់ទងទៅនឹងរឿងថ្ពាល់ខួចនេះ អ្វីដែលគួរឲ្យចាប់អារម្មណ៍នោះ គឺត្រង់ថា ថ្ពាល់ខួចដែលមានពីធម្មជាតិរបស់បុរស និងនារី មិនថាតែម្ខាង ឬទាំងសងខាងនោះទេ សុទ្ធតែបង្ហាញពីសម្រស់ទាក់ទាញទៅកាន់មហាជន។ តែរឿងថា សម្រស់ខួចមានសំណាង ឬក៏គ្មានសំណាងនោះ វាជារឿងផ្សេងមួយទៀត៕
មិនមែនតែនារីនោះទេ ដែលមានថ្ពាល់ខួច។ តែបុរសៗក៏មានថ្ពាល់ខួចគួរឲ្យស្រឡាញ់ដែរ។ យុវជន ជី ដាណា ច្រើនបញ្ចេញសម្រស់ថ្ពាល់របស់លោកនៅពេលគាត់បង្ហាញភាពញញឹម។ នៅពេលគាត់ញញឹម ថ្ពាល់ទាំងសងខាងបញ្ចេញសម្រស់ខួច។ សម្រស់ខួចរបស់លោក ជី ដាណា ធ្វើឲ្យមនុស្សដែលនិយាយជាមួយលោកមានអារម្មណ៍ថា លោក ដាណា ញញឹមស្រស់ប្រកបដោយមន្តស្នេហ៍។
ជាបុគ្គលិកក្រុមហ៊ុនឯកជនមួយនៅទីក្រុងភ្នំពេញ លោក ជី ដាណា ដែលធម្មជាតិបានផ្តល់ឲ្យរូបលោកនូវថ្ពាល់ខួចទាំងសងខាងនោះ បាននិយាយរបៀបកំប្លែងបន្តិចទៅកាន់អ្នកសារព័ត៌មានថា៖«មានថ្ពាល់ខួច ពេលសើច ឬញញឹម វាមានភាពទាក់ទាញ ហើយវាអាចលើកសម្រស់ និងកាត់បន្ថយភាពចាស់ដោយសារស្នាមថ្ពាល់ខួច»។ ថ្ពាល់ខួចមិនមែនត្រឹមតែធ្វើឲ្យ ដាណា មានភាពទាក់ទាញពីអ្នកផ្សេងទេ។ តែសម្រស់នេះ ធ្វើឲ្យអ្នកផ្សេងទប់មិនសរសើរយុវជន ដាណា មិនបានឡើយ។ លោក ជី ដាណា បានប្រាប់ទៀតថា៖«មានគេសរសើរច្រើនគួរសមដែរ ហើយមានគេចូលចិត្តឲ្យខ្ញុំសើច ឬញញឹម ឲ្យបានច្រើនទៀតផង ព្រោះគេគិតថាមានប្រជាប្រិយ រួសរាយ រាក់ទាក់។ ម្យ៉ាងទៀត បងប្អូនខ្ញុំក៏បានហៅឈ្មោះខ្ញុំថា«ខួច»ផងដែរ។ ជាពិសេសស្រីៗមួយចំនួនក៏ចាប់អារម្មណ៍នឹងស្នាមថ្ពាល់ខួចរបស់ខ្ញុំថែមទៀតផង»។
មានសម្បុរសណ្ដែកបាយ សក់វែងត្រឹមស្មា មានថ្ពាល់ខួច ប្រកបទឹកមុខញញឹមប្រិមប្រិយនោះគឺជាកញ្ញា ផល លីវយី។ យុវតី លីវយី ជានិស្សិតឆ្នាំទី២ នៃសាកលវិទ្យាល័យកម្ពុជា ជានារីដែលមានថ្ពាល់ខួចទាំងសងខាងគួរឲ្យស្រឡាញ់ និងចាប់អារម្មណ៍ពីមនុស្សគ្រប់គ្នា។ យុវតី លីវយី បាននិយាយប្រាប់ថា៖«ធ្លាប់មានគេសរសើរថា ពេលសើចទៅឃើញថ្ពាល់ខួចស្អាត»។ កញ្ញា លីវយី មានអារម្មណ៍ចង់សើចឲ្យបានច្រើន ព្រោះបានបញ្ចេញស្នាមថ្ពាល់ខួចដ៏ស្រស់ស្អាត។ចំណែកយុវជន លៀវ ពន្លក មានថ្ពាល់ខួចទាំងសងខាងពីកំណើត ក៏មានអារម្មណ៍ពេញចិត្តនឹងសម្ផស្សដែលទេវតាប្រទានឲ្យដែរ។ លោកពន្លក បាននិយាយថា៖«ខ្ញុំមានអារម្មណ៍សប្បាយចិត្តដែលមានថ្ពាល់ខួចទាំងសងខាងពីធម្មជាតិ ហើយមនុស្សមួយចំនូនមិនមានដូចខ្ញុំ។ ម្យ៉ាងទៀត ធ្លាប់មានគេប្រាប់ខ្ញុំថា ពេលខ្ញុំញញឹមទៅចេញថ្ពាល់ខួចទាំងសងខាងស្អាត ហើយបើនិយាយពីសំណាងវិញមានខ្លះៗដែរ»។
ងាកមកនិយាយពីកញ្ញា សុខុន សុម៉ាភាវី វិញម្តង។ កញ្ញាមានថ្ពាល់ខួចតែម្ខាង។ ម្តាងក៏នាងសប្បាយចិត្តដែរ។ នាងបានប្រាប់ថា៖«ខ្ញុំមានអារម្មណ៍ធម្មតា ប៉ុន្តែថ្ពាល់ខួចបានធ្វើឲ្យអ្នកដទៃហៅខ្ញុំថាស្រីខួច ដោយសារថ្ពាល់ខួចនេះផងដែរ។ ម្យ៉ាងវិញទៀត ថ្ពាល់ខួចទាក់ទាញការចាប់អារម្មណ៍ពីអ្នកដទៃ»។កញ្ញា ពុទ្ធី ហ៊ីលែន ជានិស្សិតវិទ្យាស្ថានវ៉ាន់ដា ដែលមានថ្ពាល់ខួចតែម្ខាងផ្នែកខាងឆ្វេង បានលើកឡើងថា៖«ពេលមុនដំបូងមានអារម្មណ៍ធម្មតា ប៉ុន្តែនៅពេលសើចឃើញថ្ពាល់ខួចចឹងទៅ ខ្ញុំមានអារម្មណ៍ពេញចិត្តនឹងខ្លួនឯង ហើយស្រឡាញ់ថ្ពាល់ខួចដែលខ្លួនឯងមាន។ ខ្ញុំគិតថា មនុស្សទាំងអស់កើតមកមិនមែនសុទ្ធតែមានថ្ពាល់ខួចនោះទេ។ ខ្ញុំគិតថាខ្ញុំជាមនុស្សមានសំណាង។ ថ្ពាល់ខួចអាចតំណាងឲ្យឈ្មោះក៏បាន ព្រោះមានអ្នកហៅឈ្មោះខ្ញុំថាស្រីខួច នៅពេលដែលឃើញមានថ្ពាល់ខួច។
ទាក់ទងទៅនឹងរឿងថ្ពាល់ខួចនេះ អ្វីដែលគួរឲ្យចាប់អារម្មណ៍នោះ គឺត្រង់ថា ថ្ពាល់ខួចដែលមានពីធម្មជាតិរបស់បុរស និងនារី មិនថាតែម្ខាង ឬទាំងសងខាងនោះទេ សុទ្ធតែបង្ហាញពីសម្រស់ទាក់ទាញទៅកាន់មហាជន។ តែរឿងថា សម្រស់ខួចមានសំណាង ឬក៏គ្មានសំណាងនោះ វាជារឿងផ្សេងមួយទៀត៕
Tag:
ថ្ពាល់ខួច
© រក្សាសិទ្ធិដោយ thmeythmey.com
