អន្តរជាតិ
យុវជននិងអ្នកជំនាញនយោបាយអាមេរិកមួយចំនួន បារម្ភពីអំពើហិង្សា បើត្រាំបដិសេធលទ្ធផលបោះឆ្នោត
×![]()
ដោយ: ថ្មីៗ
កាលពីថ្ងៃពុធបេក្ខជនប្រធានាធិបតីនៃគណបក្សសាធារណរដ្ឋ លោក ដូណាល់ ត្រាំ បានបដិសេធមិននិយាយថា រូបលោកនឹងទទួលយកលទ្ធផលនៃការបោះឆ្នោតប្រធានាធិបតីនៅថ្ងៃទី ៨ ខែវិច្ឆិកា ខាងមុខ បើខ្លួនចាញ់ឆ្នោតនោះទេ។ ជំហររបស់លោក ត្រាំ បែបនេះ បានធ្វើឲ្យអ្នកសិក្សាផ្នែកវិទ្យាសាស្ត្រនយោបាយ និងយុវជនមួយចំនួននៅសហរដ្ឋអារដ្ឋមេរិក បារម្ភពីការតវ៉ា ឬអំពើហិង្សាកើតឡើង នៅពេលដែលលោក ដូណាល់ ត្រាំ បរាជ័យ ហើយបដិសេធលទ្ធផលបោះឆ្នោតនោះ។ 
ខណៈដែលការបោះឆ្នោតជ្រើសរើសប្រធានាធិបតីអាមេរិក កាន់តែខិតជិតមកដល់ បេក្ខជនប្រធានាធិបតីនៃគណបក្សសាធារណរដ្ឋ លោក ដូណាល់ ត្រាំ បានប្រកាស បានប្រកាសពីភាពមិនប្រក្រតីនៃការបោះឆ្នោត ពោលគឺមានការរៀបចំលទ្ធផលបោះឆ្នោតទុកជាមុន។ កាលពីយប់ថ្ងៃពុធទី ១៩ ខែតុលានៅអំឡុងពេលនៃការជជែកដេញដោលគ្នាលើទី ៣ និងជាលើកចុងក្រោយរវាងបេក្ខជនប្រធានាធិបតីអាមេរិកនៃគណបក្សប្រជាធិបតេយ្យ និងគណបក្សសាធារណរដ្ឋ លោក ដូណាល់ ត្រាំ បានបដិសេធមិននិយាយថា ខ្លួននឹងទទួលយកលទ្ធផលនៃការបោះឆ្នោតនៅពេលខាងមុខនោះទេ ប្រសិនបើខ្លួនចាញ់ឆ្នោតនោះឡើយ។
ជាការកត់សម្គាល់ ការប្រកាសរបស់លោក ដូណាល់ ត្រាំ បែបនេះ បន្ទាប់ពីលទ្ធផលនៃការស្ទង់មតិជាច្រើននៅអាមេរិកបានបង្ហាញថា អ្នកស្រី ហ៊ីឡារី គ្លីនតុន បេក្ខជនប្រធានាធិបតីនៃគណបក្សប្រជាធិបតេយ្យមានសំឡេងគាំទ្រពីប្រជាពលរដ្ឋអាមេរិកច្រើនជាងលោក ដូណាល់ត្រាំ ដល់ទៅប្រមាណ ១០ ភាគរយនៅទូទាំងប្រទេសអាមេរិក។ វាមានន័យថា ការរំពឹងទុកថា ទទួលបានជ័យជំនះនាពេលខាងមុខរបស់លោកត្រាំ ហាក់នៅឆ្ងាយបន្តិច។
លោក ឆាល ណូប៊ល ( Charles Npble) សាស្ត្រាចារ្យផ្នែកវិទ្យាសាស្ត្រនយោបាយ នៅសកលវិទ្យាល័យ California State University of Long Beach ក្នុងរដ្ឋកាលីហ្វ័រនីញ៉ា មានប្រសាសន៍ថា លោកមានការបារម្ភខ្លាំងណាស់ចំពោះជំហររបស់បេក្ខជនប្រធានាធិបតីនៃគណបក្សសាធារណរដ្ឋជុំវិញដំណើរការនៃការបោះឆ្នោតប្រធានាធិបតីអាណត្តិនេះ។ លោកថា កន្លងមកមិនដែលមានបេក្ខជនប្រធានាធិបតីគណបក្សណាមួយ ដែលចូលរួមប្រកួតប្រជែងនៃការបោះឆ្នោតហើយ ប្រកាសមិនទុកចិត្តលើលទ្ធផលនៃការបោះឆ្នោត ដូចជាលោក ត្រាំ នោះទេ។ លោក ឆាល ណូប៊ល បន្ថែមថា ការមិនទុកចិត្តលើការបោះឆ្នោតរបស់ត្រាំ កំពុងក្លាយជាបញ្ហាថ្មីមួយនៅអាមេរិក។
ស្តាប់ប្រសាសន៍របស់លោក ឆាល ណូប៊ល នៅពេលដែលផ្តល់បទសម្ភាសន៍ដល់អ្នកកាសែតខ្មែរ ដែលកំពុងតែបំពេញទស្សនកិច្ចសិក្សានៅសហរដ្ឋអាមេរិកខាងក្រោម៖
«ខ្ញុំបារម្ភពីបញ្ហានេះ ពីព្រោះតែអ្នកគាំទ្ររបស់លោកត្រាំមានកំហឹងក្នុងខ្លួនខ្លាំង ហើយភាគច្រើននោះ គឺមានកាំភ្លើង។ នាពេលកន្លងមកនេះ មានគេសម្ភាសន៍អ្នកគាំទ្រលោក ដូណាល់ ត្រាំ ដ៏មុះមុតនោះ គឺថា បើគណបក្សសាធារណរដ្ឋចាញ់ឆ្នោត អាចនឹងមានបដិវត្តកើតឡើង។ ខ្ញុំយល់ថា អាចនឹងមានអំពើហិង្សា ហើយអ្វីដែលខ្ញុំបារម្ភកាន់តែខ្លាំងនោះ គឺខ្លាចមានការធ្វើឃាតលោកស្រី ហ៊ីឡារី គ្លីនតុន ទៀតផង។ ពីព្រោះនៅក្នុងចិត្តអ្នកគាំទ្រលោកត្រាំ ចាត់ទុកអ្នកស្រី គ្លីនតុន ប្រៀបបីដូចជាបិសាច។ ពួកគេយល់ថា បញ្ហាដែលកើតឡើងនៅសហរដ្ឋអាមេរិកទាំងប៉ុន្មានសព្វថ្ងៃ ដោយសារតែអ្នកស្រី ហ៊ីឡារី គ្លីនតុន នេះឯង។ វាជារឿងគ្រោះថ្នាក់ខ្លាំងណាស់»។
ទាក់ទងនឹងបញ្ហាការលើកឡើងពីភាពមិនប្រក្រតីនៃការបោះឆ្នោតរបស់បេក្ខជនប្រធានាធិបតីនៃគណបក្សសាធាររដ្ឋ លោក ដូណាល់ ត្រាំ វិញ សាស្ត្រាចារ្យផ្នែកវិទ្យាសាស្ត្រនយោបាយខាងលើ យល់ថា លោក ដូណាល់ ត្រាំ គ្រាន់តែនិយាយឲ្យតែរួចពីមាត់តែប៉ុណ្ណោះ។ តែយ៉ាងណា លោកទទួលស្គាល់ថា ជាការពិតការបោះឆ្នោតមិនអាចត្រឹមត្រូវទាំងអស់នោះទេ វាអាចនឹងមានបញ្ហាខ្លះដែរនៅតំបន់មួយចំនួន ក៏ប៉ុន្តែវាមិនអាចធ្វើឲ្យការបោះឆ្នោតនៅអាមេរិកទាំងមូលមានភាពមិនប្រក្រតីដល់ថ្នាក់រៀបចំលទ្ធផលទុកជាមុននោះឡើយ។
ស្តាប់ប្រសាសន៍របស់លោក ឆាល ណូប៊ល ខាងក្រោម៖
« លោកត្រាំ គ្រាន់តែនិយាយឲ្យរួចពីមាត់ ដើម្បីការពារខ្លួនទុកជាមុន នៅពេលដែលខ្លួនមិនជាប់ឆ្នោតប៉ុណ្ណោះ។ គាត់និយាយ ដើម្បីត្រៀមផ្លូវទុករកស៊ី ដើម្បីរក្សារបររបស់គាត់។ ព្រោះមួយរយៈនេះ សណ្ឋាគារ និងកន្លែងវាយកូនហ្គោលរបស់គាត់ មិនសូវមានភ្ញៀវនោះទេ»។
លោក Ed Horowitz សាស្ត្រាចារ្យផ្នែកប្រព័ន្ធផ្សព្វផ្សាយនៃសកលវិទ្យាល័យ Cleveland State ក្នុងរដ្ឋ Ohio យល់ឃើញស្រដៀងនឹងលោកសាស្ត្រាចារ្យ ឆាល ណូប៊ល ដែរថា ការមិនទុកចិត្តលើការបោះឆ្នោតរបស់លោក ដូណាល់ ត្រាំ និងអ្នកគាំទ្រខ្លួន ធ្វើឲ្យគេបារម្ភពីអំពើហិង្សាកើតឡើងនៅពេលដែលលោកត្រាំ បរាជ័យនៅក្នុងការបោះឆ្នោត ហើយមិនទទួលយកលទ្ធផល។ ជាងនេះទៅទៀត បើតាមលោក Ed Horowitz បញ្ហាកាន់តែធ្ងន់ធ្ងរនោះ គឺពលរដ្ឋអាមេរិកាំងមានសិទ្ធិកាន់កាំភ្លើង ដែលធ្វើឲ្យគេបារម្ភខ្លាចផ្ទុះអាវុធនៅពេលដែលអ្នកគាំទ្រលោកត្រាំតវ៉ាមិនទទួលយកលទ្ធផលនៃការបោះឆ្នោត។
យុវជនអាមេរិកកាំង Devd Ochoa និងយុវជនអាមេរិកាំងម្នាក់ទៀត មានដើមកំណើតមិចស៊ីកូ ឈ្មោះ Ivan Carcia ដែលសុទ្ធតែជានិស្សិតនៅសកលវិទ្យាល័យ CSUlB University ក្នុងទីក្រុងឡុងប៊ិច រដ្ឋកាលីហ្វ័រនីញ៉ា បានប្រាប់សារព័ត៌មានថ្មីៗថា ពួកគេបារម្ភដូចគ្នាខ្លាចអំពើហិង្សាកើតឡើង ប្រសិនបើលទ្ធផលបោះឆ្នោតចេញមក លោក ដូណាល់ ត្រាំ មិនទទួលយកលទ្ធផលនេះ។ យុវជន Devd Ochoa បញ្ជាក់យ៉ាងនេះថា៖ « ក្នុងនាមជាយុវជន ខ្ញុំមានការបារម្ភខ្លាំងមែនទែន។ ពីព្រោះថា ករណីបេក្ខជនមិនព្រមប្រកាសថា ខ្លួននឹងទទួលយកលទ្ធផលនៃការបោះឆ្នោត វាមិនដែលកើតឡើងសោះ។ ខ្ញុំយល់ថា អ្វីដែលលោកត្រាំ និយាយថា ការបោះឆ្នោតនោះមិនត្រឹមត្រូវ មានការរៀបចំលទ្ធផលនៃការបោះឆ្នោត វានឹងធ្វើឲ្យគាត់កាត់តែធ្លាក់ចុះប្រជាប្រិយភាពបន្ថែមទៀត»។
តែយ៉ាងណា យុវជនអាមេរិកកាំងម្នាក់ដើមកំណើតអេស្បាញឈ្មោះ Ed Adnor និស្សិតនៅសកលវិទ្យាល័យ CSUlB University ដែរនោះ យល់ឃើញថា ការបោះឆ្នោតនៅក្នុងអាណត្តិនេះ អាចនឹងមានការលម្អៀងខ្លះទៅលើគណបក្សសាធារណរដ្ឋ។ និស្សិតរូបនេះ ដែលអះអាងថា ខ្លួននឹងបោះឆ្នោតឲ្យលោក ត្រាំ នោះ បានបញ្ជាក់បែបនេះថា៖ «ខ្ញុំថា ទូទៅ យ៉ាងហោចណាស់មានការរៀបចំតិចតូច នឹងលម្អៀងខ្លះដែរទៅរកគណបក្សប្រជាធិបតេយ្យរបស់អ្នកស្រី ហ៊ីឡារី គ្លីនតុន»៕
ខណៈដែលការបោះឆ្នោតជ្រើសរើសប្រធានាធិបតីអាមេរិក កាន់តែខិតជិតមកដល់ បេក្ខជនប្រធានាធិបតីនៃគណបក្សសាធារណរដ្ឋ លោក ដូណាល់ ត្រាំ បានប្រកាស បានប្រកាសពីភាពមិនប្រក្រតីនៃការបោះឆ្នោត ពោលគឺមានការរៀបចំលទ្ធផលបោះឆ្នោតទុកជាមុន។ កាលពីយប់ថ្ងៃពុធទី ១៩ ខែតុលានៅអំឡុងពេលនៃការជជែកដេញដោលគ្នាលើទី ៣ និងជាលើកចុងក្រោយរវាងបេក្ខជនប្រធានាធិបតីអាមេរិកនៃគណបក្សប្រជាធិបតេយ្យ និងគណបក្សសាធារណរដ្ឋ លោក ដូណាល់ ត្រាំ បានបដិសេធមិននិយាយថា ខ្លួននឹងទទួលយកលទ្ធផលនៃការបោះឆ្នោតនៅពេលខាងមុខនោះទេ ប្រសិនបើខ្លួនចាញ់ឆ្នោតនោះឡើយ។
ជាការកត់សម្គាល់ ការប្រកាសរបស់លោក ដូណាល់ ត្រាំ បែបនេះ បន្ទាប់ពីលទ្ធផលនៃការស្ទង់មតិជាច្រើននៅអាមេរិកបានបង្ហាញថា អ្នកស្រី ហ៊ីឡារី គ្លីនតុន បេក្ខជនប្រធានាធិបតីនៃគណបក្សប្រជាធិបតេយ្យមានសំឡេងគាំទ្រពីប្រជាពលរដ្ឋអាមេរិកច្រើនជាងលោក ដូណាល់ត្រាំ ដល់ទៅប្រមាណ ១០ ភាគរយនៅទូទាំងប្រទេសអាមេរិក។ វាមានន័យថា ការរំពឹងទុកថា ទទួលបានជ័យជំនះនាពេលខាងមុខរបស់លោកត្រាំ ហាក់នៅឆ្ងាយបន្តិច។
លោក ឆាល ណូប៊ល ( Charles Npble) សាស្ត្រាចារ្យផ្នែកវិទ្យាសាស្ត្រនយោបាយ នៅសកលវិទ្យាល័យ California State University of Long Beach ក្នុងរដ្ឋកាលីហ្វ័រនីញ៉ា មានប្រសាសន៍ថា លោកមានការបារម្ភខ្លាំងណាស់ចំពោះជំហររបស់បេក្ខជនប្រធានាធិបតីនៃគណបក្សសាធារណរដ្ឋជុំវិញដំណើរការនៃការបោះឆ្នោតប្រធានាធិបតីអាណត្តិនេះ។ លោកថា កន្លងមកមិនដែលមានបេក្ខជនប្រធានាធិបតីគណបក្សណាមួយ ដែលចូលរួមប្រកួតប្រជែងនៃការបោះឆ្នោតហើយ ប្រកាសមិនទុកចិត្តលើលទ្ធផលនៃការបោះឆ្នោត ដូចជាលោក ត្រាំ នោះទេ។ លោក ឆាល ណូប៊ល បន្ថែមថា ការមិនទុកចិត្តលើការបោះឆ្នោតរបស់ត្រាំ កំពុងក្លាយជាបញ្ហាថ្មីមួយនៅអាមេរិក។
ស្តាប់ប្រសាសន៍របស់លោក ឆាល ណូប៊ល នៅពេលដែលផ្តល់បទសម្ភាសន៍ដល់អ្នកកាសែតខ្មែរ ដែលកំពុងតែបំពេញទស្សនកិច្ចសិក្សានៅសហរដ្ឋអាមេរិកខាងក្រោម៖
«ខ្ញុំបារម្ភពីបញ្ហានេះ ពីព្រោះតែអ្នកគាំទ្ររបស់លោកត្រាំមានកំហឹងក្នុងខ្លួនខ្លាំង ហើយភាគច្រើននោះ គឺមានកាំភ្លើង។ នាពេលកន្លងមកនេះ មានគេសម្ភាសន៍អ្នកគាំទ្រលោក ដូណាល់ ត្រាំ ដ៏មុះមុតនោះ គឺថា បើគណបក្សសាធារណរដ្ឋចាញ់ឆ្នោត អាចនឹងមានបដិវត្តកើតឡើង។ ខ្ញុំយល់ថា អាចនឹងមានអំពើហិង្សា ហើយអ្វីដែលខ្ញុំបារម្ភកាន់តែខ្លាំងនោះ គឺខ្លាចមានការធ្វើឃាតលោកស្រី ហ៊ីឡារី គ្លីនតុន ទៀតផង។ ពីព្រោះនៅក្នុងចិត្តអ្នកគាំទ្រលោកត្រាំ ចាត់ទុកអ្នកស្រី គ្លីនតុន ប្រៀបបីដូចជាបិសាច។ ពួកគេយល់ថា បញ្ហាដែលកើតឡើងនៅសហរដ្ឋអាមេរិកទាំងប៉ុន្មានសព្វថ្ងៃ ដោយសារតែអ្នកស្រី ហ៊ីឡារី គ្លីនតុន នេះឯង។ វាជារឿងគ្រោះថ្នាក់ខ្លាំងណាស់»។
ទាក់ទងនឹងបញ្ហាការលើកឡើងពីភាពមិនប្រក្រតីនៃការបោះឆ្នោតរបស់បេក្ខជនប្រធានាធិបតីនៃគណបក្សសាធាររដ្ឋ លោក ដូណាល់ ត្រាំ វិញ សាស្ត្រាចារ្យផ្នែកវិទ្យាសាស្ត្រនយោបាយខាងលើ យល់ថា លោក ដូណាល់ ត្រាំ គ្រាន់តែនិយាយឲ្យតែរួចពីមាត់តែប៉ុណ្ណោះ។ តែយ៉ាងណា លោកទទួលស្គាល់ថា ជាការពិតការបោះឆ្នោតមិនអាចត្រឹមត្រូវទាំងអស់នោះទេ វាអាចនឹងមានបញ្ហាខ្លះដែរនៅតំបន់មួយចំនួន ក៏ប៉ុន្តែវាមិនអាចធ្វើឲ្យការបោះឆ្នោតនៅអាមេរិកទាំងមូលមានភាពមិនប្រក្រតីដល់ថ្នាក់រៀបចំលទ្ធផលទុកជាមុននោះឡើយ។
ស្តាប់ប្រសាសន៍របស់លោក ឆាល ណូប៊ល ខាងក្រោម៖
« លោកត្រាំ គ្រាន់តែនិយាយឲ្យរួចពីមាត់ ដើម្បីការពារខ្លួនទុកជាមុន នៅពេលដែលខ្លួនមិនជាប់ឆ្នោតប៉ុណ្ណោះ។ គាត់និយាយ ដើម្បីត្រៀមផ្លូវទុករកស៊ី ដើម្បីរក្សារបររបស់គាត់។ ព្រោះមួយរយៈនេះ សណ្ឋាគារ និងកន្លែងវាយកូនហ្គោលរបស់គាត់ មិនសូវមានភ្ញៀវនោះទេ»។
លោក Ed Horowitz សាស្ត្រាចារ្យផ្នែកប្រព័ន្ធផ្សព្វផ្សាយនៃសកលវិទ្យាល័យ Cleveland State ក្នុងរដ្ឋ Ohio យល់ឃើញស្រដៀងនឹងលោកសាស្ត្រាចារ្យ ឆាល ណូប៊ល ដែរថា ការមិនទុកចិត្តលើការបោះឆ្នោតរបស់លោក ដូណាល់ ត្រាំ និងអ្នកគាំទ្រខ្លួន ធ្វើឲ្យគេបារម្ភពីអំពើហិង្សាកើតឡើងនៅពេលដែលលោកត្រាំ បរាជ័យនៅក្នុងការបោះឆ្នោត ហើយមិនទទួលយកលទ្ធផល។ ជាងនេះទៅទៀត បើតាមលោក Ed Horowitz បញ្ហាកាន់តែធ្ងន់ធ្ងរនោះ គឺពលរដ្ឋអាមេរិកាំងមានសិទ្ធិកាន់កាំភ្លើង ដែលធ្វើឲ្យគេបារម្ភខ្លាចផ្ទុះអាវុធនៅពេលដែលអ្នកគាំទ្រលោកត្រាំតវ៉ាមិនទទួលយកលទ្ធផលនៃការបោះឆ្នោត។
យុវជនអាមេរិកកាំង Devd Ochoa និងយុវជនអាមេរិកាំងម្នាក់ទៀត មានដើមកំណើតមិចស៊ីកូ ឈ្មោះ Ivan Carcia ដែលសុទ្ធតែជានិស្សិតនៅសកលវិទ្យាល័យ CSUlB University ក្នុងទីក្រុងឡុងប៊ិច រដ្ឋកាលីហ្វ័រនីញ៉ា បានប្រាប់សារព័ត៌មានថ្មីៗថា ពួកគេបារម្ភដូចគ្នាខ្លាចអំពើហិង្សាកើតឡើង ប្រសិនបើលទ្ធផលបោះឆ្នោតចេញមក លោក ដូណាល់ ត្រាំ មិនទទួលយកលទ្ធផលនេះ។ យុវជន Devd Ochoa បញ្ជាក់យ៉ាងនេះថា៖ « ក្នុងនាមជាយុវជន ខ្ញុំមានការបារម្ភខ្លាំងមែនទែន។ ពីព្រោះថា ករណីបេក្ខជនមិនព្រមប្រកាសថា ខ្លួននឹងទទួលយកលទ្ធផលនៃការបោះឆ្នោត វាមិនដែលកើតឡើងសោះ។ ខ្ញុំយល់ថា អ្វីដែលលោកត្រាំ និយាយថា ការបោះឆ្នោតនោះមិនត្រឹមត្រូវ មានការរៀបចំលទ្ធផលនៃការបោះឆ្នោត វានឹងធ្វើឲ្យគាត់កាត់តែធ្លាក់ចុះប្រជាប្រិយភាពបន្ថែមទៀត»។
តែយ៉ាងណា យុវជនអាមេរិកកាំងម្នាក់ដើមកំណើតអេស្បាញឈ្មោះ Ed Adnor និស្សិតនៅសកលវិទ្យាល័យ CSUlB University ដែរនោះ យល់ឃើញថា ការបោះឆ្នោតនៅក្នុងអាណត្តិនេះ អាចនឹងមានការលម្អៀងខ្លះទៅលើគណបក្សសាធារណរដ្ឋ។ និស្សិតរូបនេះ ដែលអះអាងថា ខ្លួននឹងបោះឆ្នោតឲ្យលោក ត្រាំ នោះ បានបញ្ជាក់បែបនេះថា៖ «ខ្ញុំថា ទូទៅ យ៉ាងហោចណាស់មានការរៀបចំតិចតូច នឹងលម្អៀងខ្លះដែរទៅរកគណបក្សប្រជាធិបតេយ្យរបស់អ្នកស្រី ហ៊ីឡារី គ្លីនតុន»៕
© រក្សាសិទ្ធិដោយ thmeythmey.com
