កីឡាជាតិ
ជាតិ
កាន់ភ្លើងគប់នាព្រឹត្តិការណ៍កីឡាជាតិ នឹងក្លាយជាអនុស្សាវរីយ៍ដែលមិនអាចបំភ្លេចបានរបស់ វឌ្ឍនាកា
× ខ្សែប្រយុទ្ធដ៏ឆ្នើមរបស់បឹងកេតអង្គរ ចាន់ វឌ្ឍនាកា នឹងត្រូវកាន់ភ្លើងគប់រត់ក្នុងកម្មវិធីបើកការប្រកួតកីឡាជាតិលើកទី១ជាមួយអតីតកីឡាករ និងកីឡាករឆ្នើមៗជាច្រើនរូបទៀតនៅពហុកីឡដ្ឋានជាតិនាយប់ថ្ងៃទី២៨ ខែតុលា។ ការត់ភើ្លងគប់បើកកម្មវិធីជាប្រវត្តិសាស្ត្រនេះ វាជាលើកទី១ហើយសម្រាប់ខ្សែប្រយុទ្ធដ៏ឆ្នើមរូបនេះ ហើយវាក៏ជាក្តីស្រមៃមួយដែលក្លាយជាការពិតផងដែរ។
កីឡាករជម្រើសជាតិ ចាន់ វឌ្ឍនាកា ខ្សែប្រយុទ្ធដ៏ឆ្នើមរបស់បឹងកេតអង្គរបានសម្តែងអារម្មណ៍រំភើបសប្បាយរីករាយយ៉ាងក្រៃលែងដែលថ្នាក់ដឹកនាំកីឡាកម្ពុជាប្រគល់តួនាទីជាអ្នកកាន់ភ្លើងគប់រត់ក្នុងកម្មវិធីបើកការប្រកួតកីឡាជាតិលើកទី១នាថ្ងៃទី២៨ ខែតុលា នៅពហុកីឡដ្ឋានជាតិ។
ក្នុងថ្ងៃសម្តែងសាកល្បងនៅពហុកីឡដ្ឋានជាតិ កាលពីថ្ងៃទី២៦ ខែតុលា កីឡាករ ចាន់ វឌ្ឍនាកា បានបញ្ជាក់យ៉ាងដូច្នេះថា៖«ខ្ញុំពិតជាមានអារម្មណ៍ថាសប្បាយរីករាយ ហើយខ្ញុំមិននឹកស្មានថាខ្ញុំអាចកាន់ភ្លើងគប់ក្នុងថ្ងៃបើកការប្រកួតជាប្រវត្តិសាស្ត្រដូច្នេះទេ។ ខ្ញុំពិតជាមានមោទកភាពស្ទើរកអ្វីមិននិយាយមិនបាន»។
ទោះបីការប្រកួតកីឡាជាតិវាលើកទី១ក៏ដោយ ប៉ុន្តែខ្សែប្រយុទ្ធបឹងកេតរូបនេះបានចាត់ទុកថា ការរៀបចំកីឡាជាតិពិតជាមានសារសំខាន់សម្រាប់កីឡាករកីឡាការិនីក្នុងការអភិវឌ្ឍន៍សមត្ថភាពឲ្យកាន់តែរីកចម្រើន ម្យ៉ាងវិញទៀត វាជាការផ្តល់ឱកាសដល់កីឡាករកីឡាការិនីដែលមិនធ្លាប់ប្រកួតបានចូលរួមប្រកួត។ មិនត្រឹមតែប៉ុណ្ណោះរូបគេយល់ថា មានការប្រកួតកាន់តែច្រើនកីឡាករកាន់រីកចម្រើនទាំងសមត្ថភាព និងបទពិសោធន៍៕
Tag:
កីឡាជាតិលើកទី១
ចាន់ វឌ្ឍនាកា
© រក្សាសិទ្ធិដោយ thmeythmey.com