ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
អ្នកជំនាញអប់រំ និងវិស័យឯកជនពិភាក្សាគ្នាពីការបណ្តុះបណ្តាល និងតម្រូវការជំនាញទីផ្សារការងារ
27, Oct 2016 ,
2:41 pm
រូបភាព
×
ដោយ:
ជី ដាណា
ភ្នំពេញ៖ សភាពាណិជ្ជកម្មអន្តរជាតិនៃកម្ពុជា (IBC) កំពុងសហការជាដៃគូជាមួយនឹងក្រសួងអប់រំ យុវជន និងកីឡា គ្រឹះស្ថានអប់រំនានា សមាជិកវិស័យឯកជន និងសភាពាណិជ្ជកម្មនានា ដើម្បីរៀបចំវេទិកាអប់រំមួយនៅថ្ងៃព្រហស្បត្តិ៍ (២៧ តុលា) ដែលភាគីពាក់ព័ន្ធនឹងចូលរួមពិភាក្សាលើវិធីសាស្ត្រ លើកកម្ពស់ការអប់រំ កសាងយន្តការសម្រាប់កិច្ចសហការ និងកិច្ចសន្ទនាទៀងទាត់ជាមួយនឹងក្រសួងអប់រំ យុវជន និងកីឡា ក៏ដូចជាលើកយកបញ្ហាទាក់ទិនតម្រូវការជំនាញ និងការបណ្ដុះបណ្ដាល ពីសំណាក់សហគមន៍ធុរកិច្ចនៅកម្ពុជាផងដែរ។
នៅក្នុងវេទិកានោះ តំណាងគ្រឹះស្ថានអប់រំ និងតំណាងមកពីសមាគមន៍ធុរកិច្ច ដូចជា CAMEC, BritCham, AmCham, Cancham, AusCham និង EuroCham ជាដើម ក៏នឹងចូលរួមនៅក្នុងកិច្ចពិភាក្សាផងដែរ ដែលមានបំណងធ្វើយ៉ាងណាឲ្យវិស័យអប់រំ និងនិយោជកទាំងនៅក្នុងវិស័យរដ្ឋ និងឯកជនខិតជិតទៅរកគ្នា។
បន្ថែមលើការកែលម្អក្នុងវិស័យអប់រំ កិច្ចប្រជុំនេះផ្ដល់ឱកាសដល់សហគមន៍ធុរកិច្ចក្នុងការជូនដំណឹងដល់គ្រឹះស្ថានអប់រំអំពីគម្លាតជំនាញ និងការបណ្ដុះបណ្ដាលបច្ចុប្បន្ន ដែលចាំបាច់ត្រូវបំបាត់ដើម្បីធ្វើឲ្យមានកំណើនសេដ្ឋកិច្ច និងជំរុញឲ្យមានការវិនិយោគ។ ទន្ទឹមនឹងនេះ វេទិកាក៏ផ្ដល់នូវយន្តការសម្រាប់ក្រសួងអប់រំយុវជន និងកីឡា ផ្សព្វផ្សាយព័ត៌មានអំពីកំណែទម្រង់ដែលខ្លួនកំពុងអនុវត្ត និងផែនការយុទ្ធសាស្ត្ររបស់ខ្លួនសម្រាប់ពេលអនាគត ។
ដើម្បីសម្រេចគោលបំណងនេះ អ្នកចូលរួមមកពីវិស័យឯកជននឹងពិភាក្សាលើលទ្ធភាពបង្កើតកម្មវិធីនានាដែលជួយបង្កើតឲ្យមាននិស្សិតបញ្ចប់ការសិក្សាថ្មី ដែលអាចជួលមកធ្វើការបានកាន់តែច្រើនថែមទៀត ហើយក្នុងរយៈកាលណាមួយ ជារួម នឹងបង្កើតបាននូវប្រជាជនដែលមានការអប់រំ និងមានជំនាញ។
នៅក្នុងកិច្ចពិភាក្សា អ្នកចូលរួមមកពីវិស័យឯកជន និងរដ្ឋ នឹងស្វែងរកមធ្យោបាយដើម្បីជួយដល់ក្រសួងអប់រំ យុវជន និងកីឡា ដើម្បីឈានទៅសម្រេចបាននូវគោលដៅកំណែទម្រង់របស់ខ្លួន តាមរយៈការផ្ដល់នូវការគាំទ្រទាំងផ្នែកបច្ចេកទេស និងហិរញ្ញវត្ថុ។
ប្រធាន IBC លោក Bretton Sciaroni ដែលនឹងថ្លែងសុន្ទរកថាបើកវេទិកានោះ បានមានប្រសាសន៍ថា ព្រឹត្តិការណ៍នេះគឺជាចំណុចចាប់ផ្ដើមថ្មីសម្រាប់សហគមន៍ធុរកិច្ច និងក្រសួងអប់រំយុវជន និងកីឡា ដើម្បីធ្វើការរួមគ្នាបង្កើតបរិយាកាសសេដ្ឋកិច្ច ដែលមានផលិតភាពជាងមុន។
លោក Bretton Sciaroni បានមានប្រសាសន៍ថា៖«យើងបានចំណាយពេលជាងមួយឆ្នាំ ដើម្បីរៀបចំវេទិកាមួយនេះឡើង ហើយវេទិកានេះនឹងជួយយើងទាំងអស់គ្នាឲ្យកំណត់រកឲ្យឃើញនូវផ្នែកនានា ក្នុងវិស័យអប់រំ ដែលយើងអាចចាប់ផ្ដើមភ្លាមៗក្នុងការធ្វើការកែលម្អ ដែលការធ្វើដូច្នេះ ជាលទ្ធផលនឹងផ្ដល់ផលប្រយោជន៍ដោយផ្ទាល់ចំពោះសេដ្ឋកិច្ចជាតិ»។
រដ្ឋមន្ត្រីក្រសួងអប់រំ ឯកឧត្តម បណ្ឌិត ហង់ ជួន ណារ៉ុន បានមានប្រសាសន៍ថា ឯកឧត្តមមានក្តីសង្ឃឹមខ្ពស់ថា កិច្ចពិភាក្សារយៈពេលពេញមួយថ្ងៃនោះនឹងនាំទៅរកកិច្ចសហប្រតិបត្តិការកាន់តែប្រសើររវាងក្រសួងអប់រំ និងវិស័យឯកជន ។
ឯកឧត្តមបណ្ឌិត ហង់ ជួន ណារ៉ុន មានប្រសាសន៍ថា៖ “យើងជឿថា តាមរយៈការចូលរួមនៅក្នុងកិច្ចពិភាក្សាទាំងនេះ វិស័យអប់រំនឹងមានលទ្ធភាពធ្វើការកែប្រែមួយចំនួន ដែលនឹងជួយដល់សិស្សានុសិស្សនៅវិទ្យាល័យ និងនិស្សិតនៅសកលវិទ្យាល័យ កាន់តែឆាប់ងាយទទួលបានការងារធ្វើ ក្រោយពេលបញ្ចប់ការសិក្សារួច” ។
វេទិកាអប់រំរបស់សភាពាណិជ្ជកម្មអន្តរជាតិនៃកម្ពុជា (IBC) លើកនេះ គឺជាវេទិកាដំបូងហើយដែលត្រូវបានរៀបចំឡើង ចាប់តាំងពី IBC និងក្រសួងអប់រំ យុវជន និងកីឡា បានចុះហត្ថលេខាលើអនុស្សរណៈយោគយល់គ្នា (MoU) កាលពីឆ្នាំមុន ដោយព្រមព្រៀងជួបប្រជុំជាប្រចាំដើម្បីពិភាក្សាលើកំណែទម្រង់ដែលកំពុងធ្វើឡើង នៅក្នុងប្រព័ន្ធអប់រំ និងដើម្បីផ្ដល់អនុសាសន៍ផ្ដោតលើឧស្សាហកម្មនានា ដល់ក្រសួងអប់រំផងដែរ៕
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
12 ម៉ោង
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
7 ថ្ងៃ
អត្ថបទពេញនិយមបន្ថែម