អន្តរជាតិ
កិច្ចប្រជុំមហាសន្និបាតអង្គការសហប្រជាជាតិស្ដីពីការបញ្ចប់ទណ្ឌកម្មលើគុយបា (រូបភាព UN)
×![]()
ដោយ: តន ចាន់រិទ្ធារ៉ា
សហរដ្ឋអាមេរិក នៅថ្ងៃទី២៦ ខែតុលា បានបោះឆ្នោតអនុប្បវាទលើដំណោះស្រាយរបស់មហាសន្និបាតអង្គការសហប្រជាជាតិ ដែលស្នើលុបចោលការដាក់ទណ្ឌកម្មលើគុយបា។ នេះជាលើកដំបូងក្នុងរយៈពេល២៥ឆ្នាំចុងក្រោយនេះ ដែលអាមេរិកបោះឆ្នោតមិនប្រឆាំងលើសេចក្ដីសម្រេចគ្មានចំណងផ្លូវច្បាប់ដែលទាមទារឲ្យអាមេរិកដកទណ្ឌកម្មលើរដ្ឋកុម្មុយនីស្តគុយបានោះ។ 
សូមស្ដាប់ព័ត៌មានលម្អិត៖
មហាសន្និបាតអង្គការសហប្រជាជាតិ បានបោះឆ្នោតអនុម័តសេចក្ដីសម្រេចស្នើឲ្យបញ្ចប់ការដាក់ទណ្ឌកម្មលើគុយបា ដោយមានសំឡេងគាំទ្រ១៩១លើសមាជិកទាំងអស់១៩៣ប្រទេស។ អាមេរិក ដែលតែងតែបោះឆ្នោតប្រឆាំងអស់រយៈពេល២៤ឆ្នាំមកហើយ បានបោះឆ្នោតអនុប្បវាទលើសេចក្ដីសម្រេចនោះ ខណៈដែលសម្ព័ន្ធមិត្តរបស់ខ្លួន គឺអ៊ីស្រាអែលក៏បោះឆ្នោតអនុប្បវាទដែរ។
ចាប់តាំងពីឆ្នាំ១៩៩១មក មហាសន្និបាតតែងតែបោះឆ្នោតលើសេចក្ដីសម្រេចស្ដីពីការដកទណ្ឌកម្មសេដ្ឋកិច្ច ពាណិជ្ជកម្មលើគុយបាពីសំណាក់អាមេរិកជាប្រចាំ ប៉ុន្តែសេចក្ដីសម្រេចនេះគ្មានអំណាចបង្ខំឡើយ គឺត្រឹមតែជាការអំពាវនាវនយោបាយប៉ុណ្ណោះ។ ក្នុងការបោះឆ្នោតរៀងរាល់លើក អាមេរិក និងអ៊ីស្រាអែល តែងបោះឆ្នោតប្រឆាំងនឹងសេចក្ដីសម្រេចនេះរហូត។ ទើបតែក្នុងការបោះឆ្នោតលើកទី២៥នេះ ដែលប្រទេសទាំងពីរនេះបោះឆ្នោតអនុប្បវាទនោះ។
អគ្គរដ្ឋទូតអាមេរិកប្រចាំអង្គការសហប្រជាជាតិ លោកស្រី Samantha Power បានបញ្ជាក់ពីជំហររបស់អាមេរិកដែលមិនប្រឆាំងសេចក្ដីសម្រេចនេះ ដោយលោកស្រីនិយាយថា ការដែលអាមេរិកបោះឆ្នោតអនុប្បវាទនេះ មិនមែនមានន័យថាអាមេរិកគាំទ្រនយោបាយរបស់គុយបាឡើយ។ ប៉ុន្តែអាមេរិកមើលឃើញពីការរីកចម្រើនរបស់គុយបា ហើយនេះក៏ជាការអនុវត្តសិទ្ធិជំនួសប្រជាជនដែរ។
ជាមួយគ្នានោះ លោកស្រីអគ្គរដ្ឋទូតក៏បញ្ជាក់ដែរថា អាមេរិក និងគុយបា ត្រូវដោះស្រាយបញ្ហាខុសគ្នាជាច្រើនទៀត ដើម្បីបង្កើនទំនាក់ទំនងទ្វេភាគី។ ការបោះឆ្នោតអនុប្បវាទក្នុងកិច្ចប្រជុំមហាសន្និបាត គឺជាជំហានវិជ្ជមានមួយទៀត ដែលអាចនឹងឈានដល់ការបញ្ចប់ទណ្ឌកម្មលើគុយបាជាផ្លូវការ។
សូមបញ្ជាក់ដែរថា ការសម្រេចចិត្តបោះឆ្នោតអនុប្បវាទរបស់អាមេរិក ទទួលបានការសាទរខ្លាំងពីសំណាក់សមាជិកមហាសន្និបាត បើទោះជាកន្លងមកស្ថាប័ននេះ មិនពេញចិត្តនឹងការដាក់ទណ្ឌកម្មក៏ដោយចុះ។ កន្លងមក មហាសន្និបាតតែងប្រាប់ឲ្យសមាជិករបស់ខ្លួន មិនត្រូវអនុវត្តច្បាប់ណាដែលមិនស្របនឹងច្បាប់អន្តរជាតិឡើយ ហើយជាញឹកញយនោះ មហាសន្និបាត តែងស្នើអាមេរិកឲ្យបញ្ចប់ទណ្ឌកម្មរបស់ខ្លួនលើគុយបាផងដែរ៕
សូមស្ដាប់ព័ត៌មានលម្អិត៖
មហាសន្និបាតអង្គការសហប្រជាជាតិ បានបោះឆ្នោតអនុម័តសេចក្ដីសម្រេចស្នើឲ្យបញ្ចប់ការដាក់ទណ្ឌកម្មលើគុយបា ដោយមានសំឡេងគាំទ្រ១៩១លើសមាជិកទាំងអស់១៩៣ប្រទេស។ អាមេរិក ដែលតែងតែបោះឆ្នោតប្រឆាំងអស់រយៈពេល២៤ឆ្នាំមកហើយ បានបោះឆ្នោតអនុប្បវាទលើសេចក្ដីសម្រេចនោះ ខណៈដែលសម្ព័ន្ធមិត្តរបស់ខ្លួន គឺអ៊ីស្រាអែលក៏បោះឆ្នោតអនុប្បវាទដែរ។
ចាប់តាំងពីឆ្នាំ១៩៩១មក មហាសន្និបាតតែងតែបោះឆ្នោតលើសេចក្ដីសម្រេចស្ដីពីការដកទណ្ឌកម្មសេដ្ឋកិច្ច ពាណិជ្ជកម្មលើគុយបាពីសំណាក់អាមេរិកជាប្រចាំ ប៉ុន្តែសេចក្ដីសម្រេចនេះគ្មានអំណាចបង្ខំឡើយ គឺត្រឹមតែជាការអំពាវនាវនយោបាយប៉ុណ្ណោះ។ ក្នុងការបោះឆ្នោតរៀងរាល់លើក អាមេរិក និងអ៊ីស្រាអែល តែងបោះឆ្នោតប្រឆាំងនឹងសេចក្ដីសម្រេចនេះរហូត។ ទើបតែក្នុងការបោះឆ្នោតលើកទី២៥នេះ ដែលប្រទេសទាំងពីរនេះបោះឆ្នោតអនុប្បវាទនោះ។
អគ្គរដ្ឋទូតអាមេរិកប្រចាំអង្គការសហប្រជាជាតិ លោកស្រី Samantha Power បានបញ្ជាក់ពីជំហររបស់អាមេរិកដែលមិនប្រឆាំងសេចក្ដីសម្រេចនេះ ដោយលោកស្រីនិយាយថា ការដែលអាមេរិកបោះឆ្នោតអនុប្បវាទនេះ មិនមែនមានន័យថាអាមេរិកគាំទ្រនយោបាយរបស់គុយបាឡើយ។ ប៉ុន្តែអាមេរិកមើលឃើញពីការរីកចម្រើនរបស់គុយបា ហើយនេះក៏ជាការអនុវត្តសិទ្ធិជំនួសប្រជាជនដែរ។
ជាមួយគ្នានោះ លោកស្រីអគ្គរដ្ឋទូតក៏បញ្ជាក់ដែរថា អាមេរិក និងគុយបា ត្រូវដោះស្រាយបញ្ហាខុសគ្នាជាច្រើនទៀត ដើម្បីបង្កើនទំនាក់ទំនងទ្វេភាគី។ ការបោះឆ្នោតអនុប្បវាទក្នុងកិច្ចប្រជុំមហាសន្និបាត គឺជាជំហានវិជ្ជមានមួយទៀត ដែលអាចនឹងឈានដល់ការបញ្ចប់ទណ្ឌកម្មលើគុយបាជាផ្លូវការ។
សូមបញ្ជាក់ដែរថា ការសម្រេចចិត្តបោះឆ្នោតអនុប្បវាទរបស់អាមេរិក ទទួលបានការសាទរខ្លាំងពីសំណាក់សមាជិកមហាសន្និបាត បើទោះជាកន្លងមកស្ថាប័ននេះ មិនពេញចិត្តនឹងការដាក់ទណ្ឌកម្មក៏ដោយចុះ។ កន្លងមក មហាសន្និបាតតែងប្រាប់ឲ្យសមាជិករបស់ខ្លួន មិនត្រូវអនុវត្តច្បាប់ណាដែលមិនស្របនឹងច្បាប់អន្តរជាតិឡើយ ហើយជាញឹកញយនោះ មហាសន្និបាត តែងស្នើអាមេរិកឲ្យបញ្ចប់ទណ្ឌកម្មរបស់ខ្លួនលើគុយបាផងដែរ៕
Tag:
អាមេរិក
គុយបា
UN
© រក្សាសិទ្ធិដោយ thmeythmey.com
