អន្តរជាតិ
×![]()
ដោយ: ថ្មីៗ
បក្សសម្ព័ន្ធយោធាណាតូបានបញ្ជាក់ថា រដ្ឋសមាជិកចំនួន ៦ បានឯកភាពគ្នានិងត្រៀមខ្លួនដើម្បីបង្កើនវត្តមាននិងកម្លាំងទ័ពនៅនៅក្នុងតំបន់សមុទ្រខ្មៅដែលជាប់ព្រំដែនរុស្ស៊ីនៅឆ្នាំ ២០១៧ នេះ។ ការបង្កើនកម្លាំងទ័ពនៅតំបន់សមុទ្រខ្មៅនេះធ្វើឡើងដើម្បីឆ្លើយតបការពង្រឹងកម្លាំងទ័ពរុស្ស៊ីនៅក្នុងតំបន់អឺរ៉ុបខាងកើតនិងសមុទ្រខ្មៅ។
សូមស្ដាប់ព័ត៌មានលម្អិត៖
ថ្លែងក្រោយបញ្ចប់កិច្ចប្រជុំរដ្ឋមន្ត្រីការពារជាតិណាតូថ្ងៃពុធទី ២៦ ខែតុលានៅក្រុងព្រុចសែល អគ្គលេខាធិការបក្សសម្ព័ន្ធយោធាណាតូ លោក Jens Stoltenberg បានអះអាងថានៅឆ្នាំ ២០១៧ នេះ ណាតូ អាចនឹងបង្កើនវត្តមានកងទ័ពជើងទឹក ជើងគោក និងជើងអាកាសរបស់ខ្លួននៅក្នុងតំបន់សមុទ្រខ្មៅដើម្បីការពារសុវត្ថិភាពនិងរក្សាសន្តិសុខរបស់សមាជិក។
យោងតាមសារព័ត៌មានរុស្ស៊ី RT អគ្គលេខាធិការណាតូរួបនេះ បានបញ្ជាក់ថា ប្រទេសសមាជិកទាំងអស់ចំនួន ៦ បានឯកភាពគ្នាហើយ និងត្រៀមលក្ខណៈសម្រាប់ការពង្រឹងវត្តមានកងទ័ពនៅក្នុងតំបន់សមុទ្រខ្មៅនេះ។ ប្រទេសដែលបង្ហាញឆន្ទៈចូលរួមនោះមានដូចជាកាណាដា,តួកគី, អាល្លឺម៉ង់, ហូឡង់, ប៉ូឡូញ និងអាមេរិកផងដែរ។
ក្រៅពីប្រទេសទាំង ៦នេះ លោក Jens Stoltenberg ក៏លួចបង្ហើបផងដែរថា ប្រទេសជាសម្ព័ន្ធមិត្តជាច្រើនទៀតក៏មានចំណាប់អារម្មណ៍ចូលរួមក្នុងការពង្រឹងកម្លាំងនិងវត្តមានកងទ័ពនៅសមុទ្រខ្មៅផងដែរ។ យ៉ាងណាក៏ដោយចុះ គម្រោងនេះមិនទាន់ត្រូវបានគេសម្រេចជាផ្លូវការឡើយ។ កិច្ចពិភាក្សានឹងត្រូវបន្តទៅមុខទៀត ហើយផែនការនេះនឹងត្រូវអនុម័តចុងក្រោយនៅខែកុម្ភៈឆ្នាំក្រោយនៅពេលរដ្ឋមន្ត្រីការពារជាតិ ណាតូជួបប្រជុំគ្នាម្តងទៀត។
តាមពិតទៅ ផែនការបង្កើនវត្តមានកងទ័ពនៅសមុទ្រខ្មៅ ត្រូវបានលើកឡើងជាលើកដំបូងក្នុងកិច្ចប្រជុំណាតូនៅប្រទេសប៉ូឡូញ កាលពីខែកក្កដាកន្លងទៅ ដោយកាលនោះសមាជិកបក្សសម្ព័ន្ធយោធានេះបានអះអាងថា ការបង្កើនវត្តមានកងទ័ពជាការគាំទ្របណ្តាប្រទេសអឺរ៉ុបខាងកើតនិងទប់ទល់រុស្ស៊ីផង។ គេអាចនិយាយថា ផែនការនេះ ស្ថិតក្រោមគម្រោងកសាងកម្លាំងទ័ពរបស់ណាតូដែលឆ្លើយតបការក្រសោបយកទឹកដី Crimea ពីអ៊ុយក្រែនរបស់រុស្ស៊ីនៅ ឆ្នាំ ២០១៤នោះ។ ចាប់ពីវិបត្តិអ៊ុយក្រែនផ្ទុះឡើង ការចល័តទ័ព ការពង្រាយទ័ព និងសមយុទ្ធយោធាជាដើមរបស់សមាជិកណាតូ ត្រូវបានគេរៀបចំឡើងឥតមានឈប់ឈរ។ ចាប់ពីឆ្នាំ ២០១៤ នាវាចម្បាំងណាតូរួមទាំងនាវាពិឃាតអាមេរិកនិងសមាជិកផ្សេងទៀតបន្តល្បាតនៅសមុទ្រខ្មៅដោយផ្លាស់វេនគ្នា ហើយមកទល់ពេលបច្ចុប្បន្នណាតូនៅបន្តសកម្មភាពល្បាតនេះដដែល។
ក្រៅពីសមុទ្រខ្មៅ អគ្គលេខាធិការណាតូ ក៏បានបញ្ជាក់ជាថ្មីផងដែរថា នៅដើមឆ្នាំក្រោយនេះ សមាជិកណាតូចំនួន ១៧ នឹងបញ្ជូនកងទ័ពរៀងៗខ្លួន ទៅចូលរួមក្នុងកងពលធំចម្រុះចំនួនបួនដែលត្រូវពង្រាយទៅកាន់ប្រទេសប៉ូឡូញ និងតំបន់បាល់ទិកផងដែរ។
ចំណែករុស្ស៊ីឯណោះវិញរិះគន់និងព្រមានណាតូជាញឹកញយ។មិនត្រឹមតែប៉ុណ្ណោះទេ មហាអំណាចមួយនេះបានឆ្លើយតបវិញដោយបញ្ជូនសព្វាវុធនិងកងទ័ពទៅតាមព្រំដែនជាដើមផងដើម្បីកំញើញសមាជិកណាតូ។ ជាក់ស្តែង នាវាចម្បាំងរុស្ស៊ីនៅចល័តទៅមកទៅវិញនៅក្នុងតំបន់សមុទ្រខ្មៅផងដែរ៕
សូមស្ដាប់ព័ត៌មានលម្អិត៖
ថ្លែងក្រោយបញ្ចប់កិច្ចប្រជុំរដ្ឋមន្ត្រីការពារជាតិណាតូថ្ងៃពុធទី ២៦ ខែតុលានៅក្រុងព្រុចសែល អគ្គលេខាធិការបក្សសម្ព័ន្ធយោធាណាតូ លោក Jens Stoltenberg បានអះអាងថានៅឆ្នាំ ២០១៧ នេះ ណាតូ អាចនឹងបង្កើនវត្តមានកងទ័ពជើងទឹក ជើងគោក និងជើងអាកាសរបស់ខ្លួននៅក្នុងតំបន់សមុទ្រខ្មៅដើម្បីការពារសុវត្ថិភាពនិងរក្សាសន្តិសុខរបស់សមាជិក។
យោងតាមសារព័ត៌មានរុស្ស៊ី RT អគ្គលេខាធិការណាតូរួបនេះ បានបញ្ជាក់ថា ប្រទេសសមាជិកទាំងអស់ចំនួន ៦ បានឯកភាពគ្នាហើយ និងត្រៀមលក្ខណៈសម្រាប់ការពង្រឹងវត្តមានកងទ័ពនៅក្នុងតំបន់សមុទ្រខ្មៅនេះ។ ប្រទេសដែលបង្ហាញឆន្ទៈចូលរួមនោះមានដូចជាកាណាដា,តួកគី, អាល្លឺម៉ង់, ហូឡង់, ប៉ូឡូញ និងអាមេរិកផងដែរ។
ក្រៅពីប្រទេសទាំង ៦នេះ លោក Jens Stoltenberg ក៏លួចបង្ហើបផងដែរថា ប្រទេសជាសម្ព័ន្ធមិត្តជាច្រើនទៀតក៏មានចំណាប់អារម្មណ៍ចូលរួមក្នុងការពង្រឹងកម្លាំងនិងវត្តមានកងទ័ពនៅសមុទ្រខ្មៅផងដែរ។ យ៉ាងណាក៏ដោយចុះ គម្រោងនេះមិនទាន់ត្រូវបានគេសម្រេចជាផ្លូវការឡើយ។ កិច្ចពិភាក្សានឹងត្រូវបន្តទៅមុខទៀត ហើយផែនការនេះនឹងត្រូវអនុម័តចុងក្រោយនៅខែកុម្ភៈឆ្នាំក្រោយនៅពេលរដ្ឋមន្ត្រីការពារជាតិ ណាតូជួបប្រជុំគ្នាម្តងទៀត។
តាមពិតទៅ ផែនការបង្កើនវត្តមានកងទ័ពនៅសមុទ្រខ្មៅ ត្រូវបានលើកឡើងជាលើកដំបូងក្នុងកិច្ចប្រជុំណាតូនៅប្រទេសប៉ូឡូញ កាលពីខែកក្កដាកន្លងទៅ ដោយកាលនោះសមាជិកបក្សសម្ព័ន្ធយោធានេះបានអះអាងថា ការបង្កើនវត្តមានកងទ័ពជាការគាំទ្របណ្តាប្រទេសអឺរ៉ុបខាងកើតនិងទប់ទល់រុស្ស៊ីផង។ គេអាចនិយាយថា ផែនការនេះ ស្ថិតក្រោមគម្រោងកសាងកម្លាំងទ័ពរបស់ណាតូដែលឆ្លើយតបការក្រសោបយកទឹកដី Crimea ពីអ៊ុយក្រែនរបស់រុស្ស៊ីនៅ ឆ្នាំ ២០១៤នោះ។ ចាប់ពីវិបត្តិអ៊ុយក្រែនផ្ទុះឡើង ការចល័តទ័ព ការពង្រាយទ័ព និងសមយុទ្ធយោធាជាដើមរបស់សមាជិកណាតូ ត្រូវបានគេរៀបចំឡើងឥតមានឈប់ឈរ។ ចាប់ពីឆ្នាំ ២០១៤ នាវាចម្បាំងណាតូរួមទាំងនាវាពិឃាតអាមេរិកនិងសមាជិកផ្សេងទៀតបន្តល្បាតនៅសមុទ្រខ្មៅដោយផ្លាស់វេនគ្នា ហើយមកទល់ពេលបច្ចុប្បន្នណាតូនៅបន្តសកម្មភាពល្បាតនេះដដែល។
ក្រៅពីសមុទ្រខ្មៅ អគ្គលេខាធិការណាតូ ក៏បានបញ្ជាក់ជាថ្មីផងដែរថា នៅដើមឆ្នាំក្រោយនេះ សមាជិកណាតូចំនួន ១៧ នឹងបញ្ជូនកងទ័ពរៀងៗខ្លួន ទៅចូលរួមក្នុងកងពលធំចម្រុះចំនួនបួនដែលត្រូវពង្រាយទៅកាន់ប្រទេសប៉ូឡូញ និងតំបន់បាល់ទិកផងដែរ។
ចំណែករុស្ស៊ីឯណោះវិញរិះគន់និងព្រមានណាតូជាញឹកញយ។មិនត្រឹមតែប៉ុណ្ណោះទេ មហាអំណាចមួយនេះបានឆ្លើយតបវិញដោយបញ្ជូនសព្វាវុធនិងកងទ័ពទៅតាមព្រំដែនជាដើមផងដើម្បីកំញើញសមាជិកណាតូ។ ជាក់ស្តែង នាវាចម្បាំងរុស្ស៊ីនៅចល័តទៅមកទៅវិញនៅក្នុងតំបន់សមុទ្រខ្មៅផងដែរ៕
© រក្សាសិទ្ធិដោយ thmeythmey.com
