ជាតិ
សេដ្ឋកិច្ច
កម្ពុជា ឡាវ និងវៀតណាម គ្រោងបង្កើតគេហទំព័រពាណិជ្ជកម្មរួមគ្នា
× កម្ពុជា ឡាវ និងវៀតណាម គ្រោងបង្កើតគេហទំព័រពាណិជ្ជកម្មរួមគ្នា ដើម្បីចែករំលែកព័ត៌មានទីផ្សារ និងគោលនយោបាយផ្សេងៗ។ នេះបើតាមសេចក្ដីប្រកាសរបស់ក្រសួងពាណិជ្ជកម្ម នៅថ្ងៃទី២៥ខែតុលា។
គម្រោងបង្កើតគេហទំព័រនេះ ត្រូវបានលើកឡើងក្នុងពេលសម្រាកពិសារអាហារថ្ងៃត្រង់ រវាងរដ្ឋមន្ត្រីពាណិជ្ជកម្មនៃប្រទេសទាំងបី នាកិច្ចប្រជុំកំពូលយុទ្ធសាស្ដ្រសហប្រតិបត្ដិការសេដ្ឋកិច្ច អាយ៉េយ៉ាវ៉ាឌី ចៅផៅយ៉ា មេគង្គ (ACMECS) លើកទី ៧ និងកិច្ចប្រជុំកំពូលកម្ពុជា ឡាវ មីយ៉ាន់ម៉ា និងវៀតណាម (CLMV) លើកទី៨ ព្រមទាំងកិច្ចប្រជុំវេទិកាសេដ្ឋកិច្ចពិភពលោក (WEF) ឆ្នាំ២០១៦ ស្តីពីតំបន់មេគង្គ ដែលប្រព្រឹត្តទៅនៅទីក្រុងហាណូយ សាធារណរដ្ឋសង្គមនិយមវៀតណាម។
សេចក្ដីប្រកាសក្រសួងពាណិជ្ជកម្មឲ្យដឹងយ៉ាងដូច្នេះថា៖«ជាលទ្ធផលរដ្ឋមន្ត្រីនៃប្រទេសទាំងបី បានឯកភាពគ្នាក្នុងការបង្កើតគេហទំព័ររួមគ្នាមួយក្នុងពេលឆាប់ៗខាងមុខនេះ ដើម្បីចែករំលែករាល់ព័ត៌មានស្តីពីទីផ្សារ និងគោលនយោបាយផ្សេងៗ ដែលសំដៅគាំទ្រដល់សហគ្រាសធុនតូច និងធម្យមដែលកំពុងបំពេញប្រតិបត្តិការនៅក្នុងប្រទេសទាំងបី»៕
Tag:
គេហទំព័រពាណិជ្ជកម្ម
© រក្សាសិទ្ធិដោយ thmeythmey.com