ជាតិ
មេឃុំបក្សប្រឆាំង ដែលពាក់ព័ន្ធក្នុងរឿងស្រីមុំ ត្រូវឡើងសវនាការនៅថ្ងៃស្អែក
×![]()
ដោយ: ម៉ៅ សុផា
ភ្នំពេញ៖ សាលាដំបូងរាជធានីភ្នំពេញ នឹងបើកសវនាការ ជំនុំជម្រះលើសំណុំរឿងរបស់លោក ស៊ាង ចែត មេឃុំពីគណបក្ស សម រង្ស៊ី នៅថ្ងៃទី២៨ ខែតុលា ឆ្នាំ២០១៦។ នេះជាការបញ្ជាក់របស់លោក សំ សុគង់ ដែលជាមេធាវីរបស់លោក ស៊ាង ចែត។
បើតាមលោក សំ សុគង់ សវនាការនៅថ្ងៃស្អែក នឹងចាប់ផ្តើមដំណើរការនៅម៉ោង៨និង៣០នាទីព្រឹក។ លោក សំ សុគង់ បានប្រាប់សារព័ត៌មានថ្មីៗនៅរសៀលថ្ងៃព្រហស្បតិ៍នេះថា លោក និងកូនក្តីរបស់ខ្លួន នឹងចូលរួមក្នុងសវនាការ តាមការកំណត់របស់តុលាការ។
លោកមេធាវីខាងលើ បានពន្យល់ថា សវនាការនេះ គឺជាការជំនុំជម្រះលើអង្គសេចក្តីតែម្តង ដើម្បីសម្រេចថា លោក ស៊ាង ចែត មានទោសឬគ្មានទោស។
លោក ស៊ាង ចែត ដែលជាមេឃុំស្រក ស្រុកកំពុងសៀម ខេត្តកំពុងចាម ត្រូវបានបញ្ជូនទៅពន្ធនាគារព្រៃស ចាប់ពីតាំងខែមេសា ឆ្នាំ២០១៦ មកម្លេះ។ រហូតមកដល់ពេលនេះ មេឃុំបក្សសម រង្ស៊ី រូបនេះ បានជាប់ពន្ធនាគារ ជាង៦ខែហើយ។
តុលាការ បានចោទលោក ស៊ាង ចែត ពីបទ «សូកប៉ាន់សាក្សី» ពាក់ព័ន្ធនឹងរឿងរ៉ាវរបស់កញ្ញា ខុម ចន្ទតារ៉ាទី ហៅស្រីមុំ ជាមួយនឹងឯកឧត្តម កឹម សុខា អនុប្រធានគណបក្សសង្គ្រោះជាតិ។ រឿងនេះបានផ្ទុះឡើង បន្ទាប់ពីស្រីមុំ សរសេរលិខិតចំហមួយច្បាប់ ទៅកាន់តុលាការ ក្នុងអំឡុងខែមេសា ឆ្នាំ២០១៦ ដោយចោទលោក ស៊ាង ចែត ថាបានយកប្រាក់ចំនួន៥០០ដុល្លារ ទៅសូកម្តាយរបស់នាង។
ស្រីមុំ បានបញ្ជាក់ក្នុងលិខិសនោះថា លោក ស៊ាង ចែត បានប្រើប្រាស់ទឹកប្រាក់ទាំងនោះ ដើម្បីបញ្ចុះបញ្ចូលម្តាយ ឲ្យលួងលោមរូបនាង កុំឲ្យនិយាយការពិត ពីរឿងអាស្រូវរបស់នាង ជាមួយនឹងឯកឧត្តម កឹម សុខា។ ដោយសារតែលិខិតនេះឯង ទើបលោក ស៊ាង ចែត ត្រូវបានឃាត់ខ្លួន នឹងចោទពីបទ «សូកបាន់សាក្សី»។
ក្រៅពីលោក ស៊ាង ចែត នៅមានមន្ត្រីការពារសិទ្ធិមនុស្សនៃសមាគមអាដហុកបួនរូប និងអគ្គលេខាធិការរងនៃគណៈកម្មាធិការជាតិរៀបចំការបោះឆ្នោតមួយរូប កំពុងជាប់ពន្ធនាគារផងដែរ ដោយសារតែរឿងរ៉ាវរបស់ស្រីមុំខាងលើ៕
បើតាមលោក សំ សុគង់ សវនាការនៅថ្ងៃស្អែក នឹងចាប់ផ្តើមដំណើរការនៅម៉ោង៨និង៣០នាទីព្រឹក។ លោក សំ សុគង់ បានប្រាប់សារព័ត៌មានថ្មីៗនៅរសៀលថ្ងៃព្រហស្បតិ៍នេះថា លោក និងកូនក្តីរបស់ខ្លួន នឹងចូលរួមក្នុងសវនាការ តាមការកំណត់របស់តុលាការ។
លោកមេធាវីខាងលើ បានពន្យល់ថា សវនាការនេះ គឺជាការជំនុំជម្រះលើអង្គសេចក្តីតែម្តង ដើម្បីសម្រេចថា លោក ស៊ាង ចែត មានទោសឬគ្មានទោស។
លោក ស៊ាង ចែត ដែលជាមេឃុំស្រក ស្រុកកំពុងសៀម ខេត្តកំពុងចាម ត្រូវបានបញ្ជូនទៅពន្ធនាគារព្រៃស ចាប់ពីតាំងខែមេសា ឆ្នាំ២០១៦ មកម្លេះ។ រហូតមកដល់ពេលនេះ មេឃុំបក្សសម រង្ស៊ី រូបនេះ បានជាប់ពន្ធនាគារ ជាង៦ខែហើយ។
តុលាការ បានចោទលោក ស៊ាង ចែត ពីបទ «សូកប៉ាន់សាក្សី» ពាក់ព័ន្ធនឹងរឿងរ៉ាវរបស់កញ្ញា ខុម ចន្ទតារ៉ាទី ហៅស្រីមុំ ជាមួយនឹងឯកឧត្តម កឹម សុខា អនុប្រធានគណបក្សសង្គ្រោះជាតិ។ រឿងនេះបានផ្ទុះឡើង បន្ទាប់ពីស្រីមុំ សរសេរលិខិតចំហមួយច្បាប់ ទៅកាន់តុលាការ ក្នុងអំឡុងខែមេសា ឆ្នាំ២០១៦ ដោយចោទលោក ស៊ាង ចែត ថាបានយកប្រាក់ចំនួន៥០០ដុល្លារ ទៅសូកម្តាយរបស់នាង។
ស្រីមុំ បានបញ្ជាក់ក្នុងលិខិសនោះថា លោក ស៊ាង ចែត បានប្រើប្រាស់ទឹកប្រាក់ទាំងនោះ ដើម្បីបញ្ចុះបញ្ចូលម្តាយ ឲ្យលួងលោមរូបនាង កុំឲ្យនិយាយការពិត ពីរឿងអាស្រូវរបស់នាង ជាមួយនឹងឯកឧត្តម កឹម សុខា។ ដោយសារតែលិខិតនេះឯង ទើបលោក ស៊ាង ចែត ត្រូវបានឃាត់ខ្លួន នឹងចោទពីបទ «សូកបាន់សាក្សី»។
ក្រៅពីលោក ស៊ាង ចែត នៅមានមន្ត្រីការពារសិទ្ធិមនុស្សនៃសមាគមអាដហុកបួនរូប និងអគ្គលេខាធិការរងនៃគណៈកម្មាធិការជាតិរៀបចំការបោះឆ្នោតមួយរូប កំពុងជាប់ពន្ធនាគារផងដែរ ដោយសារតែរឿងរ៉ាវរបស់ស្រីមុំខាងលើ៕
Tag:
តុលាការ
ស៊ាង ចែត
កាត់ទោស
© រក្សាសិទ្ធិដោយ thmeythmey.com
