អន្តរជាតិ
របាយការណ៍៖ សមាជិកបក្សសាធារណរដ្ឋភាគច្រើនរំពឹងថា ហ៊ីឡារី ឈ្នះ ដូណាល់ត្រាំ
×![]()
បណ្តាអ្នកគាំទ្របក្សសាធារណរដ្ឋរំពឹងថាបេក្ខជនប្រធានាធិបតីបក្សប្រជាធិបតេយ្យលោកស្រី ហ៊ីឡារី គ្លីនតុន នឹងឈ្នះការបោះឆ្នោតថ្ងៃ ៨ខែវិច្ឆិកាខាងមុខនេះ។ នេះបើតាមរបាយការណ៍ស្ទង់មតិដែលរៀបចំឡើងដោយទីភ្នាក់ងារព័ត៌មាន Reuters ចាប់ពីថ្ងៃ ២០ ដល់ ២៤ តុលា កន្លងមកនេះ។ 
របាយការណ៍ស្ទង់មតិមួយពាក់ព័ន្ធការបោះឆ្នោតអាមេរិកដែលរៀបចំឡើងដោយទីភ្នាក់ងារព័ត៌មាន Reuters បានបង្ហាញថា អ្នកគាំទ្រគណបក្សសាធារណរដ្ឋភាគច្រើនរំពឹងថា លោកស្រី ហ៊ីឡារី គ្លីនតុន នឹងឈ្នះលោក ដូណាល់ ត្រាំ នៅក្នុងការបោះឆ្នោតប៉ុន្មានថ្ងៃខាងមុខនេះ។
យោងតាមរបាយការណ៍ដែលចុះផ្សាយថ្ងៃពុធទី ២៦ តុលា អ្នកសារធារណរដ្ឋចំនួន ៤១ ភាគរយសុទ្ធតែយល់ឃើញថា លោកស្រីហ៊ីឡារី គ្លីនតុន ឈ្នះឆ្នោត ខណៈ ៤០ ភាគរយផ្សេងទៀតជ្រើសរើសថាលោក ដូណាល់ ត្រាំឯណោះជាអ្នកឈ្នះ។
ចំណែកក្នុងចំណោមអ្នកគាំទ្រលោក ដូណាល់ ត្រាំ វិញ ភាគរយអ្នកដែលគិតថាលោក ដូណាល់ ត្រាំ ឈ្នះឆ្នោតធ្លាក់ចុះមកនៅត្រឹមតែ ៤៩ ភាគរយប៉ុណ្ណោះ។ អ្នកដែលគិតថាលោក ដូណាល់ ត្រាំឈ្នះឆ្នោតនេះមានរហូត ៦៧ភាគរយកាលដើមខែតុលានេះ។
ត្រឡប់ទៅមើល អ្នកគាំទ្របក្សប្រជាធិបតេយ្យឯណោះវិញ មនុស្សភាគច្រើនរំពឹងថា លោកស្រី ហ៊ីឡារី គ្លីនតុន នឹងឈ្នះឆ្នោតនៅថ្ងៃ ៨វិច្ឆិកា។ អ្នកគាំទ្របក្សប្រជាធិបតេយ្យ ៨៣ភាគរយ អះអាងថា លោកស្រី នឹងឈ្នះឆ្នោត ខណៈដែលអ្នកគាំទ្រ ៨ភាគរយផ្សេងទៀតរំពឹងថា លោកដូណាល់ ត្រាំនឹងឈ្នះឆ្នោត។
តាមពិតទៅ ចំនួនអ្នកគាំទ្រលោក ដូណាល់ ត្រាំ បន្តធ្លាក់ចុះខ្លាំងក្នុងរយៈពេលចុងក្រោយនេះ ដោយសារលោកប្រឈមរឿងអាស្រូវច្រើនជាពិសេសរឿងអាស្រូវផ្លូវភេទ និងការបដិសេធទទួលស្គាល់លទ្ធផលបោះឆ្នោតបើសិនជាលោកចាញ់ឆ្នោតថ្ងៃ ៨ វិច្ឆិកានោះ។
កន្លងមក មានបែកធ្លាយខ្សែរអាត់វីដេអូដែលបង្ហាញថា លោក ដូណាល់ ត្រាំ បានប្រើប្រាស់ពាក្យសម្តីចំអាសចំអូងដាក់ស្ត្រីភេទកាលពីឆ្នាំ ២០០៦ ហើយរឿងអាស្រូវនេះបានបង្កឲ្យមានការខឹងសម្បារខ្លាំងក្នុងចំណោមស្ត្រីភេទ រួមទាំងសមាជិកគណបក្សសាធារណរដ្ឋផងដែរ។ ក្រៅពីនេះ មានស្ត្រីយ៉ាងហោចណាស់ ១០នាក់ បានចេញមុខចោទប្រកាន់លោក ដូណាល់ ត្រាំ ដោយសម្អាងថា លោក ដូណាល់ ត្រាំ ធ្លាប់ប្រើឥរិយាបថមិនសមរម្យនិងចង់បំពានផ្លូវភេទផងដែរ។ ប៉ុន្តែលោក ដូណាល់ ត្រាំ បានបដិសេធរាល់ការចោទប្រកាន់ ដោយអះអាងថាលោក ស្អាតស្អំ។
ក្រៅពីរឿងអាស្រូវផ្លូវភេទ ការបដិសេធទទួលស្គាល់លទ្ធផលបើសិនជាលោកចាញ់ឆ្នោតនោះជារឿងមួយសំខាន់ដែលធ្វើឲ្យសេដ្ឋីអចលនទ្រព្យរូបនេះធ្លាក់ប្រជាប្រិយភាពខ្លាំង។ ក្នុងការជជែកដេញដោលគ្នាជាលើកទីបី លោក ដូណាល់ ត្រាំ មិនហ៊ានសន្យាទទួលស្គាល់លទ្ធផលបោះឆ្នោតឡើយ ក្នុងករណីដែលលោក ចាញ់ឆ្នោត ដែលបញ្ហានេះធ្វើឲ្យគេបារម្ភខ្លាំង។ គេបារម្ភត្រង់ថា ចលនាបាតុកម្ម និងអំពើហិង្សាអាចនឹងកើតមានឡើង បើសិនជាលោក ដូណាល់ ត្រាំ មិនព្រមទទួលស្គាល់លទ្ធផលបោះឆ្នោតនោះ។
របាយការណ៍ស្ទង់មតិមួយពាក់ព័ន្ធការបោះឆ្នោតអាមេរិកដែលរៀបចំឡើងដោយទីភ្នាក់ងារព័ត៌មាន Reuters បានបង្ហាញថា អ្នកគាំទ្រគណបក្សសាធារណរដ្ឋភាគច្រើនរំពឹងថា លោកស្រី ហ៊ីឡារី គ្លីនតុន នឹងឈ្នះលោក ដូណាល់ ត្រាំ នៅក្នុងការបោះឆ្នោតប៉ុន្មានថ្ងៃខាងមុខនេះ។
យោងតាមរបាយការណ៍ដែលចុះផ្សាយថ្ងៃពុធទី ២៦ តុលា អ្នកសារធារណរដ្ឋចំនួន ៤១ ភាគរយសុទ្ធតែយល់ឃើញថា លោកស្រីហ៊ីឡារី គ្លីនតុន ឈ្នះឆ្នោត ខណៈ ៤០ ភាគរយផ្សេងទៀតជ្រើសរើសថាលោក ដូណាល់ ត្រាំឯណោះជាអ្នកឈ្នះ។
ចំណែកក្នុងចំណោមអ្នកគាំទ្រលោក ដូណាល់ ត្រាំ វិញ ភាគរយអ្នកដែលគិតថាលោក ដូណាល់ ត្រាំ ឈ្នះឆ្នោតធ្លាក់ចុះមកនៅត្រឹមតែ ៤៩ ភាគរយប៉ុណ្ណោះ។ អ្នកដែលគិតថាលោក ដូណាល់ ត្រាំឈ្នះឆ្នោតនេះមានរហូត ៦៧ភាគរយកាលដើមខែតុលានេះ។
ត្រឡប់ទៅមើល អ្នកគាំទ្របក្សប្រជាធិបតេយ្យឯណោះវិញ មនុស្សភាគច្រើនរំពឹងថា លោកស្រី ហ៊ីឡារី គ្លីនតុន នឹងឈ្នះឆ្នោតនៅថ្ងៃ ៨វិច្ឆិកា។ អ្នកគាំទ្របក្សប្រជាធិបតេយ្យ ៨៣ភាគរយ អះអាងថា លោកស្រី នឹងឈ្នះឆ្នោត ខណៈដែលអ្នកគាំទ្រ ៨ភាគរយផ្សេងទៀតរំពឹងថា លោកដូណាល់ ត្រាំនឹងឈ្នះឆ្នោត។
តាមពិតទៅ ចំនួនអ្នកគាំទ្រលោក ដូណាល់ ត្រាំ បន្តធ្លាក់ចុះខ្លាំងក្នុងរយៈពេលចុងក្រោយនេះ ដោយសារលោកប្រឈមរឿងអាស្រូវច្រើនជាពិសេសរឿងអាស្រូវផ្លូវភេទ និងការបដិសេធទទួលស្គាល់លទ្ធផលបោះឆ្នោតបើសិនជាលោកចាញ់ឆ្នោតថ្ងៃ ៨ វិច្ឆិកានោះ។
កន្លងមក មានបែកធ្លាយខ្សែរអាត់វីដេអូដែលបង្ហាញថា លោក ដូណាល់ ត្រាំ បានប្រើប្រាស់ពាក្យសម្តីចំអាសចំអូងដាក់ស្ត្រីភេទកាលពីឆ្នាំ ២០០៦ ហើយរឿងអាស្រូវនេះបានបង្កឲ្យមានការខឹងសម្បារខ្លាំងក្នុងចំណោមស្ត្រីភេទ រួមទាំងសមាជិកគណបក្សសាធារណរដ្ឋផងដែរ។ ក្រៅពីនេះ មានស្ត្រីយ៉ាងហោចណាស់ ១០នាក់ បានចេញមុខចោទប្រកាន់លោក ដូណាល់ ត្រាំ ដោយសម្អាងថា លោក ដូណាល់ ត្រាំ ធ្លាប់ប្រើឥរិយាបថមិនសមរម្យនិងចង់បំពានផ្លូវភេទផងដែរ។ ប៉ុន្តែលោក ដូណាល់ ត្រាំ បានបដិសេធរាល់ការចោទប្រកាន់ ដោយអះអាងថាលោក ស្អាតស្អំ។
ក្រៅពីរឿងអាស្រូវផ្លូវភេទ ការបដិសេធទទួលស្គាល់លទ្ធផលបើសិនជាលោកចាញ់ឆ្នោតនោះជារឿងមួយសំខាន់ដែលធ្វើឲ្យសេដ្ឋីអចលនទ្រព្យរូបនេះធ្លាក់ប្រជាប្រិយភាពខ្លាំង។ ក្នុងការជជែកដេញដោលគ្នាជាលើកទីបី លោក ដូណាល់ ត្រាំ មិនហ៊ានសន្យាទទួលស្គាល់លទ្ធផលបោះឆ្នោតឡើយ ក្នុងករណីដែលលោក ចាញ់ឆ្នោត ដែលបញ្ហានេះធ្វើឲ្យគេបារម្ភខ្លាំង។ គេបារម្ភត្រង់ថា ចលនាបាតុកម្ម និងអំពើហិង្សាអាចនឹងកើតមានឡើង បើសិនជាលោក ដូណាល់ ត្រាំ មិនព្រមទទួលស្គាល់លទ្ធផលបោះឆ្នោតនោះ។
Tag:
ដូណាល់ ត្រាំ
ហ៊ីឡារី គ្លីនតុន
© រក្សាសិទ្ធិដោយ thmeythmey.com
