ជាតិ
សិល្បះ
ស្ថានទូតជប៉ុន សម្រាំងភាពយន្តឆ្លុះបញ្ចាំងពីជីវិត សង្គម និងវប្បធម៌របស់ខ្លួន ឲ្យទស្សនាឥតគិតថ្លៃ
× ស្ថានទូតជប៉ុន សហការជាមួយមូលនិធិជប៉ុន និងក្រសួងវប្បធម៌និងវិចិត្រសិល្បៈ នឹងរៀបចំមហោស្រពភាពយន្តជប៉ុននៅកម្ពុជា រយៈពេល៥ថ្ងៃ ចាប់ពីថ្ងៃទី៥-៩ ខែវិច្ឆិកា ឆ្នាំ២០១៦ ។
បើតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំកម្ពុជា មានភាពយន្តជាច្រើនប្រភេទ ដែលបានសម្រិតសម្រាំង ដើម្បីដាក់បញ្ចាំងឲ្យទស្សនាឥតគិតថ្លៃ នៅរោងភាពយន្តធំៗចំនួន៣ គឺរោងភាពយន្ត Major Cineplex (AEON) រោងភាពយន្ត Legendទួលគោក ក្នុងក្រុងភ្នំពេញ និងរោងភាពយន្ត Platinum Cineplex ក្នុងខេត្តសៀមរាប។
បើតាមសេចក្តីប្រកាសព័ត៌មានដដែល ភាពយន្តដែលបានសម្រិតសម្រាំងទាំងអស់រួមមាន ភាពយន្តគំនូរជីវចល ភាពយន្តបែបមនោសញ្ចេតនា ភាពយន្តឯកសារ ភាពយន្តបែបសើបអង្កេត ហើយក្នុងនោះមានខ្សែភាពយន្តខ្លះក៏ធ្លាប់បានទទួលពានរង្វាន់ផងដែរ ដែលឆ្លុះបញ្ចាំងអំពីជីវិតរស់នៅរបស់ជនជាតិជប៉ុន សង្គម និងវប្បធម៌ជប៉ុន។ មហោស្រពនេះ ក៏ជាឱកាសដ៏ល្អមួយ សម្រាប់អ្នកទស្សនា អាចស្គាល់អំពីប្រទេស និងប្រជាជនជប៉ុន។
ភាពយន្តជប៉ុនចំនួន១០រឿង នឹងត្រូវបានចាក់បញ្ចាំងជាមួយចំណងជើងរងជាភាសាខ្មែរ និង ភាសាអង់គ្លេស។ កម្មវិធីលម្អិតនៃការចាក់បញ្ចាំង នឹងមានផ្សព្វផ្សាយនៅលើគេហទំព័រនៃមហោស្រពភាពយន្តជប៉ុន និងទំព័រហ្វេសប៊ុកដែលមានអាស័យដ្ឋាន http://kh.japanesefilmfest.org
https://www.facebook.com/jffcambodia
Tag:
ភាពយន្ត
មហោស្រពភាពយន្ត
© រក្សាសិទ្ធិដោយ thmeythmey.com