ចិន ឆ្លៀត​ស្កាត់​ជួប​វៀតណាម និង​ហ្វីលីពីន​នៅ​ប៉េ​រូ​ដើម្បី​ប​ន្ថូ​រ​បន្ថយ​ភាព​តានតឹង​សមុទ្រ​ចិន​ខាងត្បូង
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ
ចិន ឆ្លៀត​ស្កាត់​ជួប​វៀតណាម និង​ហ្វីលីពីន​នៅ​ប៉េ​រូ​ដើម្បី​ប​ន្ថូ​រ​បន្ថយ​ភាព​តានតឹង​សមុទ្រ​ចិន​ខាងត្បូង
អត្ថបទ : ទេព អ៊ីវិសាល       November-20-2016, 8:39 pm         2957
រូបភាព
​លោក​ប្រធានាធិបតី​ចិន Xi Jinping បាន​មាន​ជំនួប​ដាច់ដោយឡែក​ជាមួយនឹង​ប្រធានាធិបតី​ហ្វីលីពីន លោក Rodrigo Duterte និង​ប្រធានាធិបតី​វៀតណាម លោក Tran Dai Quang ដែល​ស្ថិត​នៅក្រៅ​នៃ​កិច្ចប្រជុំ APEC នៅ​ប្រទេស​ប៉េ​រូ​។ គឺ​ទីនោះ​ហើយ​ដែលជា​កន្លែង​មេដឹកនាំ​ទាំងបី​ត្រូវ​ចូលរួម​កិច្ចប្រជុំ APEC រួមគ្នា​។ មិន​ខុសពី​ជំនួប​មុនៗ លោក Xi បាន​ឆ្លៀត​លើកឡើង​ពី​បញ្ហា​សមុទ្រ​ចិន​ខាងត្បូង ដោយ​ប្រាប់​ឲ្យ​ភាគី​ពាក់ព័ន្ធ​ដោះស្រាយ​បញ្ហា​ដោយ​ពិគ្រោះ​យោបល់ និង​ទ្វេភាគី​ជាមួយនឹង​ចិន​នោះ​។


​ក្នុងជំនួប​ជាមួយនឹង​ប្រមុខរដ្ឋ​ហ្វីលីពីន លោក Xi បាន​រម្លឹក និង​សាទរ​ទស្សនកិច្ច​របស់​លោក Duterte ទៅកាន់​ចិន​កាលពី​ខែ​មុន ដោយ លោក អះអាងថា ទំនាក់ទំនង​ចិន​-​ហ្វីលីពីន បាន​វិ​វត្ត​ទៅមុខ​យ៉ាង​ល្អប្រសើរ ដែល​វា​ជា​ឱកាស​មួយ​នៃ​ការបើក​ទំព័រ​ប្រវត្តិសាស្ត្រ​ថ្មី​នៃ​ទំនាក់ទំនង​ទ្វេភាគី​ក្នុងការ​ចូលរួម​កសាង​សន្តិភាព និង​ស្ថិរភាព​នៅក្នុង​តំបន់​។ នេះ​បើ​យោងតាម​ភ្នាក់ងារ​ព័ត៌មាន​រដ្ឋ​ចិន Xinhua​។

​ពាក់ព័ន្ធ​នឹង​បញ្ហា​ដែន​ជម្លោះ​សមុទ្រ​ចិន​ខាងត្បូង​វិញ លោក​ប្រធានាធិបតី​ចិន​រូបនេះ ក៏បាន​ទទូច​ឲ្យ​ភាគី​ទាំងពីរ​គី​ចិន និង​ហ្វីលីពីន ចូលរួម​កិច្ចសហប្រតិបត្តិការ​គ្នា​ឲ្យ​បាន​សកម្ម និង​លើកកម្ពស់​ទំនាក់ទំនង​ដែនសមុទ្រ ដើម្បី​កែប្រែ​បញ្ហា​សមុទ្រ​ចិន​ខាងត្បូង​ឲ្យ​ទៅជា​ឱកាស​សម្រាប់​កិច្ចសហប្រតិបត្តិការ​ទ្វេភាគី​ល្អ​វិញ​។ នេះ​បើ​យោងតាម​ប្រភពព័ត៌មាន​ដដែល ដែល​បាន​ដកស្រង់​សម្តី​របស់លោក Xi ដែល​បាន​អះអាងថា ភាគី​ហ្វីលីពីន ក៏បាន​បង្ហាញ​ឆន្ទៈ ក្នុងការ​ដោះស្រាយ​បញ្ហា​ដែនសមុទ្រ​ជាមួយនឹង​ចិន តាមរយៈ​កិច្ចសន្ទនា និង​ពិគ្រោះ​យល់​ផងដែរ​។

​ក្នុង​ថ្ងៃ និង​ឱកាស​ដដែល​នោះ លោក​ប្រធានាធិបតី​ចិន Xi Jinping ក៏បាន​ជួបពិភាក្សា​ជាមួយនឹង​ប្រធានាធិបតី​វៀតណាម លោក Tran Dai Quang លើ​ទំនាក់ទំនង​ទ្វេភាគី​ផងដែរ​។ ហើយ​បញ្ហា​សមុទ្រ​ចិន​ខាងត្បូង ក៏​ស្ថិតនៅក្នុង​របៀបវារៈ​នៃ​ជំនួប​នោះដែរ​។

​តាម​ប្រភព​ភ្នាក់ងារ​ព័ត៌មាន Xinhua ស្រដៀង​ទៅនឹង​ការលើកឡើង​ជាមួយនឹង​មេដឹកនាំ​ហ្វីលីពីន លោក Xi បាន​ទទូច​ឲ្យ​ប្រទេសជិតខាង​ទាំងពីរ​គឺ​ចិន និង​វៀតណាម ដោះស្រាយ​ជម្លោះ​តាមរយៈ​ការពិគ្រោះ​យោបល់ និង​កិច្ចសន្ទនា​ទ្វេភាគី ប្រកាន់ខ្ជាប់​នូវ​មាគ៌ា​សហប្រតិបត្តិការ​តាមរយៈ​ការគ្រប់គ្រង​ភាពចម្រូងចម្រាស​រួម និង​ផ្សារភ្ជាប់​គ្នា​តាម​ការអភិវឌ្ឍ​រួមគ្នា​ផងដែរ​។

​យ៉ាងណាក៏ដោយ ភាគី​ទាំងពីរ មិនបាន​ជជែក​ពី​បញ្ហា​ប្រឈម​ចុងក្រោយ​នោះទេ​។ បញ្ហា​ប្រឈម​ចុងក្រោយ​នោះ​គឺ​ក្រសួងការបរទេស​ចិន ទើបតែ​ទទូច​ឲ្យ​វៀតណាម គោរព​អធិបតេយ្យ​និង​សិទ្ធិ​ស្របច្បាប់ និង​ផលប្រយោជន៍​របស់​ចិន បញ្ឈប់​សកម្មភាព​គ្រប់គ្រង និង​សាងសង់​ជាបន្ទាន់ និង​ដក​រាល់​សម្ភារ និង​សំណង់​ផ្សេងៗ​ពី​តំបន់​ប្រជុំ​កោះ​មួយចំនួន​នៃ​សមុទ្រ​ចិន​ខាងត្បូង ក្រោយពី​មាន​របាយការណ៍ បង្ហាញថា វៀតណាម បាន​ចូលទៅ​សង់​ចំណត​ព្រលានយន្តហោះ​នៅ​សមុទ្រ​ចិន​ខាងត្បូង​នោះ​។

​សូម​ជម្រាប​ផងដែរ​ថា ជម្លោះ​សមុទ្រ​ចិន​ខាងត្បូង គឹជា​ជម្លោះ​អធិបតេយ្យ​ដែលមាន​រដ្ឋ​ពាក់ព័ន្ធ​ជា​សមាជិក​អាស៊ាន​មានដូចជា ព្រុយ​ណេ ម៉ាឡេស៊ី ហ្វីលីពីន និង​វៀតណាម ជាមួយនឹង​ចិន​។ ចិន​ទាមទារ​តំបន់​លើ​វិវាទ​នេះ​ស្ទើរតែ​ទាំងស្រុង​ដោយ​យោងតាម​កត្តា​ប្រ​វិត្ត​សាស្ត្រ ខណៈ រដ្ឋ​អាស៊ាន​ទាមទារ​ដោយយោង​តាមច្បាប់ ដែល​នេះហើយ បានធ្វើ​ឲ្យ​ប្រទេស​ពាក់ព័ន្ធ​បន្ត​មាន​វិវាទ​គ្នា​មកដល់​បច្ចុប្បន្ន​។ សម្រាប់​ចិន ដំណោះស្រាយ អាចធ្វើ​ទៅបាន​លុះត្រាតែ​រដ្ឋ​ពាក់ព័ន្ធ​និយាយ​ជា​ទ្វេភាគី​ជាមួយនឹង​ចិន​ប៉ុណ្ណោះ​។​

​រយៈពេល​ចុងក្រោយ បន្ទាប់ពី​ហ្វីលីពីន បន្ទន់ឥរិយាបថ​បន្តិច​ទៅរក​ការចរចា​ទ្វេភាគី​ជាមួយនឹង​ចិន មានតែ​វៀតណាម ប៉ុណ្ណោះ​នោះទេ ដែល​បន្ត​តទល់​ជាមួយនឹង​ចិន​។ ភាគី​ទាំងពីរ តែងតែ​ចេញ​សេចក្តីថ្លែងការណ៍​ថ្កោលទោស​គ្នា​ទៅវិញទៅមក ក្រោយពី​ភាគី​ណាមួយ​ធ្វើ​សកម្មភាព​លើសលួស​គ្នា​នោះ​៕

Tag:
 ​ចិន​
  ហ្វីលីពីន​
  វៀតណាម​
  សមុទ្រ​ចិន​ខាងត្បូង
   រក្សាសិទ្ធិដោយ thmeythmey.com  
ព័ត៌មានដែលទាក់ទង
1 month - 3042
1 month - 1891
1 month - 2014
ព័ត៌មានចម្រុះ
3 hrs - 343
​លោកនាយក​រដ្ឋមន្ត្រី​ម៉ាឡេស៊ី ណា​ជីប រ៉ា​ហ្សា​ក់ នៅ​ថ្ងៃទី​១៦ មករា​នេះ បាន​ព្រលះ​មី​យ៉ាន់​ម៉ា​ជាថ្មី​ក្នុង​វេទិកា​ប្រទេស​ឥស្លាម​លើ​បញ្ហា​ជនជាតិភាគតិច​ម៉ូ​ស្លី​ម​រ៉ូ​ហ៊ីង​យ៉ា និង​ថែមទាំង​ទទូច​ឲ្យ​ប្រទេស​ឥស្លាម​ចូលរួម​គ្នា​ដើម្បី​បញ្ចប់​សកម្មភាព​ធ្វើ​ទុក​បុក​ម្នេញ​ពី​សំណាក់​អាជ្ញាធរ​មី​យ៉ាន់​ម៉ា​ទៅលើ​ក្រុម​នោះ​។ នេះ គឺ​សេចក្តីថ្លែងការណ៍​មិន​ពេញចិត្ត​របស់​នាយករដ្ឋមន្ត្រី​ម៉ាឡេស៊ី​ដែល​ធ្វើ​ឡើងជា​លើក​ទី​ពីរ​ហើយ​ទៅ​មិត្ត​អាស៊ាន​មី​យ៉ាន់​ម៉ា​នោះ​។
5 hrs - 3158
​ប្រធានាធិបតី​ផុត​អាណត្តិ បា​រ៉ា​ក់ អូ​បា​ម៉ា បាន​ជួប​ផ្តែរ​ផ្តាំ​អ្នកសារព័ត៌មាន​ប្រចាំ​សេត​វិមាន​ដែល​ធ្លាប់​បំពេញការងារ​អស់​រយៈពេល ៨​ឆ្នាំកន្លងមក​ជា​លើកចុងក្រោយ​នៅ​ថ្ងៃ​ពុធ​ទី ១៨ មករា​។លោក​បាន​ថ្លែងអំណរគុណ និង​ប្រាប់​អ្នកសារព័ត៌មាន​ទាំងនោះ​ថា ពួកគេ​បានធ្វើ​ឲ្យ​គ្រប់យ៉ាង​ប្រសើរឡើង ហើយ​ប្រជាជន​និង​ប្រជាធិបតេយ្យ​អាមេរិក​មិនអាច​ខ្វះ​ពួកគេ​បានឡើយ​។ លោក​បាន​ទទូច​ឲ្យ​អ្នកសារព័ត៌មាន​បន្តធ្វើ​កិច្ចការ​ឲ្យ​អស់ពី​សមត្ថភាព​ដើម្បី​ជំរុញ​ឲ្យ​អាមេរិក​ដើរទៅ​មុខ​ហើយ​លោក​ធានាថា គ្រប់យ៉ាង​នឹង​ល្អប្រសើរ​នៅពេល​ខាងមុខ​។
5 hrs - 522
​ប្រធានាធិបតី​ហ្វីលីពីន លោក រ៉ូ​ឌ្រី​ហ្គូ ឌើ​ទើ​តេ នឹង​បំពេញ​ទស្សនកិច្ច​ទៅកាន់​ចិន​ជាថ្មី​ម្តងទៀត​ដើម្បី​ចូលរួម​កិច្ចប្រជុំ​វេទិកា​នៃ​គំនិត​ផ្តួចផ្តើម​«​ខ្សែក្រវ៉ាត់​មួយ និង​វី​ថី​មួយ​» ។ តាមរយៈ​ដំណើរ​ទស្សនកិច្ច​នេះ លោក ឌើ​ទើ​តេ ក៏រ​ពឹង​ថា​នឹង​អាច​ជួប​ជាមួយនឹង​សម​ភាគី​ចិន លោក ស៊ី ជិន​ពីង​ជាថ្មីទៀត​ផងដែរ​។
6 hrs - 1069
​លោក​ប្រធានាធិបតី​អាមេរិក បា​រ៉ា​ក់ អូ​បា​ម៉ា បាន​ពន្យល់​អំពី​មូលហេតុ​នៃ​ការលើកលែងទោស​ដ៏​ភ្ញាក់ផ្អើល​ដល់​ការកាត់ទោស​ឲ្យ​ជាប់ពន្ធនាគារ​ដល់​អ្នក​វិភាគ​ស៊ើបការណ៍​សម្ងាត់​យោធា​ម្នាក់​ដែល​បានធ្វើ​ឲ្យ​បែកធ្លាយ​ឯកសារ​របស់​យោធា​។
9 hrs - 4588
​នៅសល់​មិន​ដល់​៤៨​ម៉ោង​ឡើយ លោក​បា​រ៉ា​ក់ អូ​បា​ម៉ា និង​ភរិយា​លោក​ស្រី្ត​ទីមួយ Michelle Obama រួមជាមួយ​បុត្រី​ទាំងពីរ​នឹង​ចាក​ចេញពី​សេត​វិមាន​ហើយ​។ លោកស្រី Michelle បាន​អរគុណ​ស្វាមី​លោកស្រី និង​បញ្ជាក់ថា លោកស្រី​មាន​កិត្តិយស​បំផុត​ដែល​បាន​ធ្វើជា​ស្ត្រី​ទីមួយ​។ 

19 Jan 2017