លោក នេត្រ ភក្ត្រា៖សាលដីកាប្រឆាំងនួន ជា និងខៀវ សំផន ជាយុត្តិធម៌រួមសម្រាប់កម្ពុជា

ខ្មែរក្រហម

ជាតិ

លោក នេត្រ ភក្ត្រា៖សាលដីកាប្រឆាំងនួន ជា និងខៀវ សំផន ជាយុត្តិធម៌រួមសម្រាប់កម្ពុជា

21, Nov 2016 , 3:32 pm

រូបភាព

ដោយ: ខន ចំប៉ា

អង្គជំនុំជម្រះនៃតុលាការកំពូលកម្ពុជា(អ.វ.ត.ក) នឹងប្រកាសសាលដីកាលើបណ្តឹងសារទុក្ ខក្នុងសំណុំរឿង ០០២/០០១ ប្រឆាំងអតីតមេដឹកនាំខ្មែរក្រហម គឺលោក នួន ជា និងខៀវ សំផន នៅថ្ងៃទី២៣ ខែវិច្ឆិកានេះ។ ក្នុងបទសម្ភាសន៍ជាមួយសារព័ត៌មានថ្មីៗ ក្រោយសន្និសីទកាសែតនៅថ្ងៃទី២១ ខែវិច្ឆិកានេះ លោក នេត្រ ភក្ត្រា បានថ្លែងថា សាលដីកានេះ មិនត្រឹមតែជាយុត្តិធម៌សម្រាប់ជនរងគ្រោះនៅក្នុងរបបអាវខ្មៅ និងអ្នកនៅរស់រានមានជីវិតនោះទេ តែគឺជាតម្លៃរួម នៃដំណើរការស្វែងរកការពិត និងយុត្តិធម៌សម្រាប់ប្រជាជនកម្ពុជាទាំងមូល។ អ្នកនាំពាក្យសាលាក្តីខ្មែរក្រហមរូបនេះ បន្ថែមទៀតថា សាលដីកាស្ថាពរនេះ ក៏វាព្រឹត្តិការណ៍ប្រវត្តិសាស្ត្រថ្មីមួយទៀត សម្រាប់សាលាក្តីខ្មែរក្រហម ក្នុងការរកយុត្តិធម៌សម្រាប់ជនរងគ្រោះ បន្ទាប់ពីបានប្រកាសសាលដីកាលើសំណុំរឿង០០១ ប្រឆាំងអតីតប្រធានគុកទួលស្លែង កាំង ហ្កេចអ៊ាវ ហៅឌុច។