អន្តរជាតិ
មិនឲ្យ«Fan»ខកចិត្ត លោក Putin អញ្ជើញលោក Duterte ទៅបំពេញទស្សនកិច្ចនៅរុស្ស៊ី
×![]()
ទំនងជាស្គាល់ចិត្ត និងចេតនារបស់ប្រមុខរដ្ឋហ្វីលីពីនហើយ ប្រធានាធិបតីរុស្ស៊ី លោក Vladimir Putin បានអញ្ជើញប្រធានាធិបតីហ្វីលីពីន លោក Rodrigo Duterte ដើម្បីបំពេញទស្សនកិច្ចរទៅកាន់រុស្ស៊ី។ ការអញ្ជើញនេះ ត្រូវបានធ្វើឡើង បន្ទាប់ពីប្រមុខដឹកនាំទាំងពីរ បានជួបជជែកគ្នាជាលើកដំបូងនៅក្រៅកិច្ចប្រជុំ APEC ក្នុងប្រទេសប៉េរូ។
«ប្រធានាធិបតីរុស្ស៊ី Putin បានចេញលិខិតអញ្ជើញលោកប្រធានាធិបតី(Duterte) ជាផ្លូវការដើម្បីបំពេញទស្សនកិច្ចទៅកាន់រុស្ស៊ី ដែលខ្ញុំ នឹងត្រូវទៅទីនោះដើម្បីចាត់ចែងនៅខែធ្នូខាងមុខនេះ»។ នេះ គឺជាសេចក្តីថ្លែងការណ៍របស់រដ្ឋមន្ត្រីការបរទេសហ្វីលីពីន លោក Perfecto Yasay ទៅកាន់អ្នកសារព័ត៌មាននៅថ្ងៃទី២០ ខែវិច្ឆិកាម្សិលមិញ ដែលចុះផ្សាយដោយសារព័ត៌មានហ្វីលីពីន ABS-CBN។
លោករដ្ឋមន្ត្រីការបរទេសរូបនោះ ក៏បានបញ្ជាក់ដែរថា លោក ក៏សំឡឹងឃើញពីលទ្ធភាពក្នុងការពិភាក្សាជិតស្និទ្ធ និងសុទិទ្ធិនិយមរវាងប្រមុខរដ្ឋទាំងពីរតាមរយៈដំណើរទស្សនកិច្ចខាងមុខនេះដែរ។ លោក បន្ថែមដែរថា ទស្សនកិច្ចនេះ នឹងក្លាយជាចំណុចចាប់ផ្តើមនៃការឈានទៅដល់នៃការចុះកិច្ចព្រមព្រៀងជាច្រើនផងដែរ។
សូមរម្លឹកបន្តិចដែរថា នៅថ្ងៃ១៩ ខែវិច្ឆិកាកន្លងទៅ ប្រធានាធិបតីហ្វីលីពីន Rodrigo Duterte បានជួបពិភាក្សាទ្វេភាគីជាលើកដំបូងជាមួយនឹងសមភាគីរុស្សី លោក Vladimir Putin ក្នុងរដ្ឋធានីលីម៉ានៃប្រទេសប៉េរូ ដែលជាកន្លែងមេដឹកនាំទាំងពីរ ត្រូវចូលរួមកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិករួមគ្នានោះ។
នាពេលនោះ ប្រមុខហ្វីលីពីន បានប្រាប់ប្រមុខរុស្ស៊ីត្រង់ៗថា លោក បានទន្ទឹងរង់ចាំជួបជាមួយនឹងលោកប្រធានាធិបតី ពូទីន មិនត្រឹមតែដោយសារ លោក ពូទីន តំណាងឲ្យប្រទេសដ៏អស្ចារ្យនោះទេ តែ ក៏ព្រោះតែ ជំនាញនៃភាពដឹកនាំរបស់លោកពូទីនតែម្តង។ នេះបើយោងតាមការដកស្រង់ពាក្យរបស់លោក ដោយសារព័ត៌មានរុស្ស៊ី RT។
អ្វីគួរកត់សម្គាល់នោះ ខណៈពេលរុស្ស៊ី កំពុងតែមានរឿងប្រទាំងប្រទូសជាមួយនឹងប្រទេសតំបន់អឺរ៉ុប រួមទាំងអាមេរិកនោះ លោក ឌើទើតេ ដែលធ្លាប់ហៅលោកពូទីនថា «Idol» ក្នុងកិច្ចសម្ភាសន៍ជាមួយនឹងកាសែត Al Jazeera ក៏ឆ្លៀតលើកទឹកចិត្តលោក ពូទីន តាមរយៈការបន្ទោសបង្អាប់ទៅលើប្រទេសទាំងនោះ។
លោក បានបញ្ជាក់ថា ប្រទេសលោក បានមានបំណងចង់ក្លាយជាផ្នែកមួយនៃលោកខាងលិច ប៉ុន្តែ ឥលូវរដ្ឋលោកខាងលិច កំពុងតែប៉ុនប៉ងវាយប្រហាររដ្ឋតូចៗ និងបំភិតបំភ័យប្រទេសតូចៗទាំងនោះ។ ហើយលោក បន្ថែមទៀតថា ឥរិយាបថទាំងនេះ គឺជាផ្នែកមួយដែលបង្កឡើងដោយ អាមេរិក និងសម្ព័ន្ធមិត្តអាមេរិកតែម្តង។
ដោយមិនឲ្យអ្នកដាក់ទណ្ឌកម្មហ្វីលីពីនខកចិត្តនោះ លោក ពូទីន ក៏បានសាទរចំពោះជ័យជម្នះនៃការឈ្នះការបោះឆ្នោតប្រធានាធិបតីហ្វីលីពីននៅថ្ងៃទី០៩ ខែឧសភាកន្លងមក ដោយលោក ថែមទាំងពន្យល់ថា កាលបរិច្ឆេទនោះ(០៩ ឧសភា) គឺជាថ្ងៃពិសេសសម្រាប់ប្រជាជាតិរុស្ស៊ី ដែលបានទទួលជ័យជម្នះលើរបបណាស៊ីអាល្លឺម៉ង់ក្នុងឆ្នាំ១៩៤៥។
ជាងនេះទៅទៀត មេដឹកនាំរុស្ស៊ី ក៏បានលើកឡើងយ៉ាងដូច្នេះថា៖ «បើនិយាយពីប្រវត្តិនៃទំនាក់ទំនងប្រទេសទាំងពីរគឺខ្លី តែ ប្រទេសទាំងពីរ សម្រេចបាននូវកិច្ចការដ៏អស្ចារ្យសម្រាប់ការអភិវឌ្ឍទំនាក់ទំនងភាពជាដៃគូគ្រប់ជ្រុងជ្រោយ និងការបង្កើនទំនុកចិត្តផងដែរ»។
សូមជម្រាបផងដែរថា កន្លងមកជាពិសេសនោះក្នុងរដ្ឋបាលអតីតប្រធានាធិបតីហ្វីលីពីន ប៊ែរនីណូ អាហ្គីណូ ហ្វីលីពីន គឺជាសម្ព័ន្ធមិត្តជិតស្និទ្ធបំផុតរបស់អាមេរិកនៅក្នុងតំបន់។ តែក្រោយពីលោក ឌើទើតេ ឡើងកាន់តំណែង ទំនាក់ទំនងស្អិតល្មួត បានប្រែប្រួល ដ្បិត ដោយសារតែ រដ្ឋបាលលោក អូបាម៉ា បានរិះគន់ពីការដឹកនាំរបស់លោក ឌើទើតេ។ ទន្ទឹមនឹងការមិនឲ្យតម្លៃទំនាក់ទំនងជាមួយនឹងអាមេរិក លោក ឌើទើតេ បានប្រកាសថា «បីប្រទេសរួមគ្នា គឺហ្វីលីពីន រុស្ស៊ី និងចិន ប្រឆាំងពិភពលោក»៕
«ប្រធានាធិបតីរុស្ស៊ី Putin បានចេញលិខិតអញ្ជើញលោកប្រធានាធិបតី(Duterte) ជាផ្លូវការដើម្បីបំពេញទស្សនកិច្ចទៅកាន់រុស្ស៊ី ដែលខ្ញុំ នឹងត្រូវទៅទីនោះដើម្បីចាត់ចែងនៅខែធ្នូខាងមុខនេះ»។ នេះ គឺជាសេចក្តីថ្លែងការណ៍របស់រដ្ឋមន្ត្រីការបរទេសហ្វីលីពីន លោក Perfecto Yasay ទៅកាន់អ្នកសារព័ត៌មាននៅថ្ងៃទី២០ ខែវិច្ឆិកាម្សិលមិញ ដែលចុះផ្សាយដោយសារព័ត៌មានហ្វីលីពីន ABS-CBN។
លោករដ្ឋមន្ត្រីការបរទេសរូបនោះ ក៏បានបញ្ជាក់ដែរថា លោក ក៏សំឡឹងឃើញពីលទ្ធភាពក្នុងការពិភាក្សាជិតស្និទ្ធ និងសុទិទ្ធិនិយមរវាងប្រមុខរដ្ឋទាំងពីរតាមរយៈដំណើរទស្សនកិច្ចខាងមុខនេះដែរ។ លោក បន្ថែមដែរថា ទស្សនកិច្ចនេះ នឹងក្លាយជាចំណុចចាប់ផ្តើមនៃការឈានទៅដល់នៃការចុះកិច្ចព្រមព្រៀងជាច្រើនផងដែរ។
សូមរម្លឹកបន្តិចដែរថា នៅថ្ងៃ១៩ ខែវិច្ឆិកាកន្លងទៅ ប្រធានាធិបតីហ្វីលីពីន Rodrigo Duterte បានជួបពិភាក្សាទ្វេភាគីជាលើកដំបូងជាមួយនឹងសមភាគីរុស្សី លោក Vladimir Putin ក្នុងរដ្ឋធានីលីម៉ានៃប្រទេសប៉េរូ ដែលជាកន្លែងមេដឹកនាំទាំងពីរ ត្រូវចូលរួមកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិករួមគ្នានោះ។
នាពេលនោះ ប្រមុខហ្វីលីពីន បានប្រាប់ប្រមុខរុស្ស៊ីត្រង់ៗថា លោក បានទន្ទឹងរង់ចាំជួបជាមួយនឹងលោកប្រធានាធិបតី ពូទីន មិនត្រឹមតែដោយសារ លោក ពូទីន តំណាងឲ្យប្រទេសដ៏អស្ចារ្យនោះទេ តែ ក៏ព្រោះតែ ជំនាញនៃភាពដឹកនាំរបស់លោកពូទីនតែម្តង។ នេះបើយោងតាមការដកស្រង់ពាក្យរបស់លោក ដោយសារព័ត៌មានរុស្ស៊ី RT។
អ្វីគួរកត់សម្គាល់នោះ ខណៈពេលរុស្ស៊ី កំពុងតែមានរឿងប្រទាំងប្រទូសជាមួយនឹងប្រទេសតំបន់អឺរ៉ុប រួមទាំងអាមេរិកនោះ លោក ឌើទើតេ ដែលធ្លាប់ហៅលោកពូទីនថា «Idol» ក្នុងកិច្ចសម្ភាសន៍ជាមួយនឹងកាសែត Al Jazeera ក៏ឆ្លៀតលើកទឹកចិត្តលោក ពូទីន តាមរយៈការបន្ទោសបង្អាប់ទៅលើប្រទេសទាំងនោះ។
លោក បានបញ្ជាក់ថា ប្រទេសលោក បានមានបំណងចង់ក្លាយជាផ្នែកមួយនៃលោកខាងលិច ប៉ុន្តែ ឥលូវរដ្ឋលោកខាងលិច កំពុងតែប៉ុនប៉ងវាយប្រហាររដ្ឋតូចៗ និងបំភិតបំភ័យប្រទេសតូចៗទាំងនោះ។ ហើយលោក បន្ថែមទៀតថា ឥរិយាបថទាំងនេះ គឺជាផ្នែកមួយដែលបង្កឡើងដោយ អាមេរិក និងសម្ព័ន្ធមិត្តអាមេរិកតែម្តង។
ដោយមិនឲ្យអ្នកដាក់ទណ្ឌកម្មហ្វីលីពីនខកចិត្តនោះ លោក ពូទីន ក៏បានសាទរចំពោះជ័យជម្នះនៃការឈ្នះការបោះឆ្នោតប្រធានាធិបតីហ្វីលីពីននៅថ្ងៃទី០៩ ខែឧសភាកន្លងមក ដោយលោក ថែមទាំងពន្យល់ថា កាលបរិច្ឆេទនោះ(០៩ ឧសភា) គឺជាថ្ងៃពិសេសសម្រាប់ប្រជាជាតិរុស្ស៊ី ដែលបានទទួលជ័យជម្នះលើរបបណាស៊ីអាល្លឺម៉ង់ក្នុងឆ្នាំ១៩៤៥។
ជាងនេះទៅទៀត មេដឹកនាំរុស្ស៊ី ក៏បានលើកឡើងយ៉ាងដូច្នេះថា៖ «បើនិយាយពីប្រវត្តិនៃទំនាក់ទំនងប្រទេសទាំងពីរគឺខ្លី តែ ប្រទេសទាំងពីរ សម្រេចបាននូវកិច្ចការដ៏អស្ចារ្យសម្រាប់ការអភិវឌ្ឍទំនាក់ទំនងភាពជាដៃគូគ្រប់ជ្រុងជ្រោយ និងការបង្កើនទំនុកចិត្តផងដែរ»។
សូមជម្រាបផងដែរថា កន្លងមកជាពិសេសនោះក្នុងរដ្ឋបាលអតីតប្រធានាធិបតីហ្វីលីពីន ប៊ែរនីណូ អាហ្គីណូ ហ្វីលីពីន គឺជាសម្ព័ន្ធមិត្តជិតស្និទ្ធបំផុតរបស់អាមេរិកនៅក្នុងតំបន់។ តែក្រោយពីលោក ឌើទើតេ ឡើងកាន់តំណែង ទំនាក់ទំនងស្អិតល្មួត បានប្រែប្រួល ដ្បិត ដោយសារតែ រដ្ឋបាលលោក អូបាម៉ា បានរិះគន់ពីការដឹកនាំរបស់លោក ឌើទើតេ។ ទន្ទឹមនឹងការមិនឲ្យតម្លៃទំនាក់ទំនងជាមួយនឹងអាមេរិក លោក ឌើទើតេ បានប្រកាសថា «បីប្រទេសរួមគ្នា គឺហ្វីលីពីន រុស្ស៊ី និងចិន ប្រឆាំងពិភពលោក»៕
Tag:
ហ្វីលីពីន
រុស្ស៊ី
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
