កីឡាជាតិ
ជាតិ
គ្រូបង្វឹកកម្ពុជាខកចិត្ត តែគ្រូបង្វឹកម៉ាឡេស៊ីថា ក្រុមផ្សេងប៉ះកម្ពុជានឹងមិនងាយស្រួលឡើយ
លោក Lee Tae Hoon និងលោក Ong Kim Swee នាសន្និសីទសារព័ត៌មានកន្លងមក។ រូបថត FFC
×![]()
ដោយ: រួបរួម
លោក Ong Kim Swee គ្រូបង្វឹកក្រុមកីឡាបាល់ទាត់ជម្រើសជាតិម៉ាឡេស៊ី បានវាយតម្លៃខ្ពស់ចំពោះសមត្ថភាពរបស់កម្ពុជា បន្ទាប់ពីក្រុមរបស់លោកបានវាយបកតាមពីក្រោយដើម្បីទទួលជ័យជម្នះ ៣-២ នាការប្រកួតបើកឆាកពូល B នៃព្រឹត្តិការណ៍ AFF Suzuki Cup ឆ្នាំ២០១៦ ។ សម្រាប់លោក Lee Tae Hoon នេះជាលទ្ធផលដ៏ខកចិត្តមួយ ខណៈលោកបានរំពឹងថា កម្ពុជាគួរតែទទួលបានយ៉ាងហោចណាស់១ពិន្ទុពីការប្រកួត។
ជំនួបរវាងក្រុមកីឡាបាល់ទាត់ជម្រើសជាតិកម្ពុជា និងម៉ាឡេស៊ី នៅកីឡដ្ឋាន Thuwunna ក្រុងយ៉ាំងហ្គោន កាលពីរសៀលថ្ងៃអាទិត្យ ទី២០ ខែវិច្ឆិកា បានផ្តល់នូវភាពរីករាយយ៉ាងខ្លាំងសម្រាប់ក្រុមអ្នកគាំទ្រកម្ពុជា បន្ទាប់ពីខ្សែប្រយុទ្ធឆ្នើម ចាន់ វឌ្ឍនាកា ស៊ុតបាល់បញ្ចូលទី២គ្រាប់ ហើយឈានទៅនាំមុខជើងឯករង ២-១ ។ ប៉ុន្តែការខកចិត្តបានកើតឡើងនៅរយៈពេល២០នាទីចុងក្រោយ ដោយសារប្រធានក្រុមម៉ាឡេស៊ី Amri Yahyah បានស៊ុតបាល់បញ្ចូលទីរហូតដល់ទៅ២គ្រាប់ជាបន្តបន្ទាប់ដែលនាំជ័យជម្នះសម្រាប់ក្រុម។
លោក Lee Tae Hoon បានថ្លែងក្នុងសន្និសីទសារព័ត៌មានក្រោយការប្រកួតថា នៅពេលដែលកម្ពុជានាំមុខ ២-១ លោករំពឹងថា កម្ពុជាអាចទទួលបានយ៉ាងហោចណាស់១ពិន្ទុ ឬក៏ឈ្នះតែម្តង ប៉ុន្តែអ្វីៗមិនដូចជាការគិតរបស់លោកឡើយ។
គ្រូបង្វឹកកូរ៉េខាងត្បូងរូបនេះ បានលើកយកបញ្ជាអាកាសធាតុដែលជាមូលហេតុនាំឲ្យក្រុមរបស់លោក លេងមិនបានតាមគម្រោងដែលបានរៀបចំទុក។ ទោះបីជាយ៉ាងណាក៏ដោយលោកទទួលស្គាល់ថា នេះជាបទពិសោធន៍ថ្មីរបស់កីឡាករកម្ពុជានៅវគ្គចាប់ពូលក្នុងព្រឹត្តិការណ៍ AFF Suzuki Cup។ លោកបានបន្ថែមយ៉ាងដូច្នេះថា៖ «ខ្ញុំគិតថា កីឡាកររបស់យើងខ្សោយផ្នែកស្មារតីក្នុងការយកឈ្នះ»។
ទោះបីជាយ៉ាងណាក៏ដោយ គ្រូបង្វឹកម៉ាឡេស៊ី លោក Ong Kim Swee ហាក់ដូចជាផ្ញើរសារប្រាប់ទៅក្រុមម្ចាស់ផ្ទះមីយ៉ាន់ម៉ា និងវៀតណាមថា ជំនួបជាមួយកម្ពុជា មិនមែនជារឿងងាយស្រួលនោះឡើយ។ លោកបានថ្លែងប្រាប់អ្នកសារព័ត៌មានថា៖ «កម្ពុជាជាក្រុមខ្លាំង ដូចដែលខ្ញុំបានគិតទុកមុន។ ប៉ុន្តែយើងបានព្យាយាមវាយបករហូតទទួលបានជ័យជម្នះ»។
សម្រាប់ការប្រកួតនៅល្ងាចថ្ងៃពុធទី២៣ ខែវិច្ឆិកា កម្ពុជាត្រូវប៉ះជាមួយម្ចាស់ផ្ទះមីយ៉ាន់ម៉ា ដែលបានចាញ់វៀតណាម ២-១ រីឯការប្រកួតបន្ទាប់វៀតណាម ត្រូវតទល់ជាមួយម៉ាឡេស៊ី ដោយការប្រកួតប្រព្រឹត្តទៅនៅកីឡដ្ឋាន Thuwunna៕
ជំនួបរវាងក្រុមកីឡាបាល់ទាត់ជម្រើសជាតិកម្ពុជា និងម៉ាឡេស៊ី នៅកីឡដ្ឋាន Thuwunna ក្រុងយ៉ាំងហ្គោន កាលពីរសៀលថ្ងៃអាទិត្យ ទី២០ ខែវិច្ឆិកា បានផ្តល់នូវភាពរីករាយយ៉ាងខ្លាំងសម្រាប់ក្រុមអ្នកគាំទ្រកម្ពុជា បន្ទាប់ពីខ្សែប្រយុទ្ធឆ្នើម ចាន់ វឌ្ឍនាកា ស៊ុតបាល់បញ្ចូលទី២គ្រាប់ ហើយឈានទៅនាំមុខជើងឯករង ២-១ ។ ប៉ុន្តែការខកចិត្តបានកើតឡើងនៅរយៈពេល២០នាទីចុងក្រោយ ដោយសារប្រធានក្រុមម៉ាឡេស៊ី Amri Yahyah បានស៊ុតបាល់បញ្ចូលទីរហូតដល់ទៅ២គ្រាប់ជាបន្តបន្ទាប់ដែលនាំជ័យជម្នះសម្រាប់ក្រុម។
លោក Lee Tae Hoon បានថ្លែងក្នុងសន្និសីទសារព័ត៌មានក្រោយការប្រកួតថា នៅពេលដែលកម្ពុជានាំមុខ ២-១ លោករំពឹងថា កម្ពុជាអាចទទួលបានយ៉ាងហោចណាស់១ពិន្ទុ ឬក៏ឈ្នះតែម្តង ប៉ុន្តែអ្វីៗមិនដូចជាការគិតរបស់លោកឡើយ។
គ្រូបង្វឹកកូរ៉េខាងត្បូងរូបនេះ បានលើកយកបញ្ជាអាកាសធាតុដែលជាមូលហេតុនាំឲ្យក្រុមរបស់លោក លេងមិនបានតាមគម្រោងដែលបានរៀបចំទុក។ ទោះបីជាយ៉ាងណាក៏ដោយលោកទទួលស្គាល់ថា នេះជាបទពិសោធន៍ថ្មីរបស់កីឡាករកម្ពុជានៅវគ្គចាប់ពូលក្នុងព្រឹត្តិការណ៍ AFF Suzuki Cup។ លោកបានបន្ថែមយ៉ាងដូច្នេះថា៖ «ខ្ញុំគិតថា កីឡាកររបស់យើងខ្សោយផ្នែកស្មារតីក្នុងការយកឈ្នះ»។
ទោះបីជាយ៉ាងណាក៏ដោយ គ្រូបង្វឹកម៉ាឡេស៊ី លោក Ong Kim Swee ហាក់ដូចជាផ្ញើរសារប្រាប់ទៅក្រុមម្ចាស់ផ្ទះមីយ៉ាន់ម៉ា និងវៀតណាមថា ជំនួបជាមួយកម្ពុជា មិនមែនជារឿងងាយស្រួលនោះឡើយ។ លោកបានថ្លែងប្រាប់អ្នកសារព័ត៌មានថា៖ «កម្ពុជាជាក្រុមខ្លាំង ដូចដែលខ្ញុំបានគិតទុកមុន។ ប៉ុន្តែយើងបានព្យាយាមវាយបករហូតទទួលបានជ័យជម្នះ»។
សម្រាប់ការប្រកួតនៅល្ងាចថ្ងៃពុធទី២៣ ខែវិច្ឆិកា កម្ពុជាត្រូវប៉ះជាមួយម្ចាស់ផ្ទះមីយ៉ាន់ម៉ា ដែលបានចាញ់វៀតណាម ២-១ រីឯការប្រកួតបន្ទាប់វៀតណាម ត្រូវតទល់ជាមួយម៉ាឡេស៊ី ដោយការប្រកួតប្រព្រឹត្តទៅនៅកីឡដ្ឋាន Thuwunna៕
Tag:
បាល់ទាត់
ជម្រើសជាតិកម្ពុជា
AFF Suzuki Cup
© រក្សាសិទ្ធិដោយ thmeythmey.com
