កីឡាជាតិ
ជាតិ
ក្លិបប្រកាសថា មិនទាន់មានកិច្ចព្រមព្រៀងណាមួយឡើយក្នុងការផ្ទេរ វឌ្ឍនាកា ទៅកាន់ J3 League
វឌ្ឍនាកា នាអំឡុងពេលនៃការហ្វឹកហាត់នៅជំនួបជាមួយម្ចាស់ផ្ទះមីយ៉ាន់ម៉ា ក្នុងព្រឹត្តិការណ៍ AFF Suzuki Cup។ រូបថត FFC
×![]()
ដោយ: ថ្មីៗ
ក្លិបបឹងកេតអង្គរ បានចេញសេចក្តីថ្លែងការណ៍នារាត្រីថ្ងៃទី២១ ខែវិច្ឆិកា នេះ ដើម្បីបដិសេធពាក្យចចាមអារ៉ាមជុំវិញកិច្ចព្រមព្រៀងក្នុងការផ្ទេរខ្សែប្រយុទ្ធឆ្នើមរបស់ខ្លួន ចាន់ វឌ្ឍនាកា ទៅកាន់ក្លិប Fujieda MYFC។ 
បឹងកេតអង្គរ ម្ចាស់ជើងឯកក្របខណ្ឌកំពូលកម្ពុជា បានច្រានចោលព័ត៌មានដែលបណ្តាញផ្សព្វផ្សាយមួយចំនួនសរសេរថា «ក្លិប Fujieda MYFC ព្រមព្រៀងលក្ខខណ្ឌគ្រប់យ៉ាង ឬ វឌ្ឍនាកា នឹងទៅចូលរួមក្លិបនៃលីគទី៣ជប៉ុនមួយនេះក្រោយចប់ភារកិច្ចនៅ AFF Suzuki Cup 2016 និង Toyota Mekong Club Championship»។
តាមសេចក្តីជូនដំណឹង ក្លិបដែលដឹកនាំដោយលោកគ្រូបង្វឹក ប្រាក់ សុវណ្ណារ៉ា បញ្ជាក់ថា ក្លិប Fujieda MYFC នៃក្របខណ្ឌ J3 League របស់ជប៉ុន ដែល ចាន់ វឌ្ឍនាកា បានធ្វើការហ្វឹកហាត់រយៈពេលមួយសប្តាហ៍នោះ ពិតជាបានដាក់សំណើផ្លូវការមកកាន់ក្លិបពិតមែន ប៉ុន្តែសាមីកីឡាករមិនទាន់ធ្វើការសម្រេចចិត្តណាមួយនៅឡើយទេ។
ព័ត៌មានទាក់ទងនឹងការផ្ទេរ ចាន់ វឌ្ឍនាកា ទៅកាន់ក្របខណ្ឌ J3 League ត្រូវបានសារព័ត៌មានមួយចំនួនផ្សព្វផ្សាយឡើង បន្ទាប់ពីម្ចាស់ស្បែកជើងមាស២ជំនាន់ និងជាកីឡាករឆ្នើម៣លើកជាប់ៗគ្នានៃក្របខណ្ឌខេមបូឌានលីក បានស៊ុតបាល់បញ្ចូលទីចំនួន២គ្រាប់ ខណៈកម្ពុជាបរាជ័យ ៣-២ ដោយសារម៉ាឡេស៊ី នាការប្រកួតបើកឆាកពូល B នៃពានរង្វាន់ AFF Suzuki Cup នៅមីយ៉ាន់ម៉ា។
ជាមួយគ្នានេះផងដែរ ក្លិបបឹងកេតអង្គរបានស្នើរថា៖ «សូមសំណូមពរដល់បណ្ដាញផ្សព្វផ្សាយនានា សូមមេត្តាចៀសវាងការចុះផ្សាយពាក្យចចាមអារ៉ាមមិនពិតប្រាកដដែលអាចប៉ះពាល់ដល់ស្មារតីកីឡាករ ដើម្បីទុកពេលវេលាឱ្យ វឌ្ឍនាកា បានផ្ដោតអារម្មណ៍ពេញលេញក្នុងការជួយក្រុមជម្រើសជាតិកម្ពុជាដែលកំពុងប្រកួតនៅជុំផ្ដាច់ព្រ័ត្រ AFF Suzuki Cup ជាលើកដំបូងគិតតាំងពីឆ្នាំ២០០៨មក»៕
បឹងកេតអង្គរ ម្ចាស់ជើងឯកក្របខណ្ឌកំពូលកម្ពុជា បានច្រានចោលព័ត៌មានដែលបណ្តាញផ្សព្វផ្សាយមួយចំនួនសរសេរថា «ក្លិប Fujieda MYFC ព្រមព្រៀងលក្ខខណ្ឌគ្រប់យ៉ាង ឬ វឌ្ឍនាកា នឹងទៅចូលរួមក្លិបនៃលីគទី៣ជប៉ុនមួយនេះក្រោយចប់ភារកិច្ចនៅ AFF Suzuki Cup 2016 និង Toyota Mekong Club Championship»។
តាមសេចក្តីជូនដំណឹង ក្លិបដែលដឹកនាំដោយលោកគ្រូបង្វឹក ប្រាក់ សុវណ្ណារ៉ា បញ្ជាក់ថា ក្លិប Fujieda MYFC នៃក្របខណ្ឌ J3 League របស់ជប៉ុន ដែល ចាន់ វឌ្ឍនាកា បានធ្វើការហ្វឹកហាត់រយៈពេលមួយសប្តាហ៍នោះ ពិតជាបានដាក់សំណើផ្លូវការមកកាន់ក្លិបពិតមែន ប៉ុន្តែសាមីកីឡាករមិនទាន់ធ្វើការសម្រេចចិត្តណាមួយនៅឡើយទេ។
ព័ត៌មានទាក់ទងនឹងការផ្ទេរ ចាន់ វឌ្ឍនាកា ទៅកាន់ក្របខណ្ឌ J3 League ត្រូវបានសារព័ត៌មានមួយចំនួនផ្សព្វផ្សាយឡើង បន្ទាប់ពីម្ចាស់ស្បែកជើងមាស២ជំនាន់ និងជាកីឡាករឆ្នើម៣លើកជាប់ៗគ្នានៃក្របខណ្ឌខេមបូឌានលីក បានស៊ុតបាល់បញ្ចូលទីចំនួន២គ្រាប់ ខណៈកម្ពុជាបរាជ័យ ៣-២ ដោយសារម៉ាឡេស៊ី នាការប្រកួតបើកឆាកពូល B នៃពានរង្វាន់ AFF Suzuki Cup នៅមីយ៉ាន់ម៉ា។
ជាមួយគ្នានេះផងដែរ ក្លិបបឹងកេតអង្គរបានស្នើរថា៖ «សូមសំណូមពរដល់បណ្ដាញផ្សព្វផ្សាយនានា សូមមេត្តាចៀសវាងការចុះផ្សាយពាក្យចចាមអារ៉ាមមិនពិតប្រាកដដែលអាចប៉ះពាល់ដល់ស្មារតីកីឡាករ ដើម្បីទុកពេលវេលាឱ្យ វឌ្ឍនាកា បានផ្ដោតអារម្មណ៍ពេញលេញក្នុងការជួយក្រុមជម្រើសជាតិកម្ពុជាដែលកំពុងប្រកួតនៅជុំផ្ដាច់ព្រ័ត្រ AFF Suzuki Cup ជាលើកដំបូងគិតតាំងពីឆ្នាំ២០០៨មក»៕
Tag:
បាល់ទាត់
ជម្រើសជាតិកម្ពុជា
AFF Suzuki Cup
ចាន់ វឌ្ឍនាកា
© រក្សាសិទ្ធិដោយ thmeythmey.com
