លោក ប៉ែន ផាត សង្ឃឹមថា កីឡាករកម្ពុជាប្រមូលអារម្មណ៍បានល្អសម្រាប់ការប្រកួតថ្ងៃនេះ

កីឡាជាតិ

លោក ប៉ែន ផាត សង្ឃឹមថា កីឡាករកម្ពុជាប្រមូលអារម្មណ៍បានល្អសម្រាប់ការប្រកួតថ្ងៃនេះ

23, Nov 2016 , 7:59 am

រូបភាព

ដោយ:

លោក ប៉ែន ផាត អតីតកីឡាករបាល់ទាត់ជើងខ្លាំងនាទស្សវត្សរ៍ឆ្នាំ១៩៦០ និង១៩៧០ បានសរសេរសារនៅលើទំព័រហ្វេសប៊ុកផ្លូវរបស់ខ្លួន លើកទឹកចិត្តកីឡាករជម្រើសជាតិកម្ពុជាដែលកំពុងបំពេញតួនាទីយ៉ាងសំខាន់ក្នុងពានរង្វាន់ AFF Suzuki Cup នៅប្រទេសមីយ៉ាន់ម៉ា។ លើសពីនេះលោកបានជំរុញឲ្យកីឡាករកម្ពុជាត្រូវចេះប្រើប្រាស់អារម្មណ៍មុនពេលប្រកួតឲ្យបានល្អ។

ក្រោយក្រុមជម្រើសជាតិកម្ពុជាបានចាញ់ក្រុមជម្រើសជាតិម៉ាឡេស៊ី ៣-២ នាការប្រកួតដណ្តើមពានរង្វាន់ AFF Suzuki Cup 2016 ក្នុងពូល B នៅលើទឹកដីមីយ៉ាន់ម៉ា កាលពីថ្ងៃទី២០ ខែវិច្ឆិកា កន្លងទៅ។ លោក ប៉ែន ផាត គ្រូបង្វឹកបាល់ទាត់នៅប្រទេស បានជំរុញឲ្យក្រុមកីឡាករជម្រើសជាតិកម្ពុជាកុំអស់សង្ឃឹម និងបាក់ទឹកចិត្ត ត្រូវខិតខំព្យាយាមធ្វើអារម្មណ៍ឲ្យបានល្អមុនជំនួបជាមួយម្ចាស់ផ្ទះមីយ៉ាន់ម៉ា មកដល់នៅថ្ងៃនេះ។ លើសពីនេះ លោកបានកោតសរសើរពីសមត្ថភាពរបស់កីឡាករជម្រើសជាតិកម្ពុជាបច្ចុប្បន្នថា ធ្វើបានល្អថែមទៀតផង។

កាលពីរសៀលថ្ងៃទី២២ ខែវិច្ឆិកា នេះ លោក ប៉ែន ផាត បានសរសេរសានៅលើ Status ហ្វេសប៊ុកផ្លូវការរបស់ខ្លួនយ៉ាងដូច្នេះថា៖«កីឡាករទាំងអស់គ្នាសូមកុំអស់សង្ឃឹមឲ្យសោះ កន្លងមកនេះ អ្នកលេងបានល្អហើយ អ្នកត្រូវតែខំធ្វើចិត្តឲ្យត្រជាក់ និងអារម្មណ៍ឲ្យបានល្អនៅមុនពេលប្រកួត និងពេលឈប់សម្រាកការប្រកួតនៅវគ្គទី១ កុំនិយាយច្រើន ស្ដាប់គ្រូ ហើយគិត»។

ជាមួយគ្នានេះ ក្រៅពីផ្ញើសារលើកទឹកចិត្ត និងប្រាប់ពីវិធីសាស្ត្រក្នុងការធ្វើអារម្មណ៍មុនការប្រកួត និងក្នុងអំឡុងពេលប្រកួតរួចមក អតីតកីឡាករបាល់ទាត់ជើងខ្លាំងក្នុងទស្សន៍ឆ្នាំ១៩៦០ និង១៩៧០ រូបនេះក៏បានជូនពរឲ្យក្រុមជម្រើសជាតិកម្ពុជាទទួលបានជោគជ័យនាការប្រកួតនេះផងដែរ។ «សូមទោសបើខុសសូមកុំធ្វើតាមបើត្រូវ ធ្វើមិនធ្វើក៏ស្រាច់តែអ្នកទាំងអស់គ្នាទេ ! សូមជូនពរឲ្យបានជោគជ័យនៅថ្ងៃខាងមុខនេះ»។ នេះជាការបញ្ជាក់របស់លោក ប៉ែន ផាត៕