វីរបុរស​បាល់ទាត់ Maradona ចាត់ទុក​មេ​បដិវត្តន៍​គុយបា ហ្វី​ដែល កា​ស្ត្រូ ជា​ឪពុក​ទី​ពីរ​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


កីឡាអន្តរជាតិ, អន្តរជាតិ
វីរបុរស​បាល់ទាត់ Maradona ចាត់ទុក​មេ​បដិវត្តន៍​គុយបា ហ្វី​ដែល កា​ស្ត្រូ ជា​ឪពុក​ទី​ពីរ​
អត្ថបទ : ថ្មីៗ       November-27-2016, 10:39 pm         1063
រូបភាព
សម្រាប់​វីរបុរស​បាល់ទាត់​អាស​ង់​ទីន Diego Maradona អតីត​មេដឹកនាំ​បដិវត្តន៍​គុយបា ហ្វី​ដែល កា​ស្ត្រូ (Fidel Castro) មិន​ត្រឹមតែ​ជា​មិត្ត​ប៉ុណ្ណោះ​ឡើយ​។ ប៉ុន្តែ ទំនាក់ទំនង​របស់​វីរបុរស​ទាំងពីរ គឺមាន​លើសពី​មិត្តភាព ដោយ​លោក Maradona បានចាត់ទុក​មេ​បដិវត្តន៍​កា​ស្ត្រូ ដែល​គ្រប់គ្រង​គុយបា​កន្លះ​សតវត្សរ៍ ជា​ឪពុក​ទី​ពីរ​ទៀតផង​។

កីឡាករ​បាល់ទាត់​អា​សង់​ទីន Diego Maradona បាន​រម្លឹក​ពី​ពេលវេលា​ដែល​ធ្លាប់​រស់នៅ​គុយបា និង​មិត្តភាព​ជិតស្និទ្ធ​រវាង​លោក និង​អតីត​ប្រធានាធិបតី​គុយបា ហ្វី​ដែល កា​ស្ត្រូ ដែល​បាន​ស្លាប់​នៅ​ថ្ងៃទី​២៦ ខែវិច្ឆិកា​។ Maradona ក៏បាន​បង្ហាញ​ពី​ការ​សាក​ស្ដាយ​ចំពោះ​ការបាត់បង់​បុគ្គល​ដែល​លោក​ចាត់ទុក​ដួច​ជា​ឪពុក​របស់លោក​។

​នៅក្នុង​បទសម្ភាសន៍​មួយ​ក្នុង​ទីក្រុង Zagreb ប្រទេស​ក្រូ​អាស៊ី អតីត​កីឡាករ​បាល់ទាត់​វ័យ​៥៦​ឆ្នាំ​រូបនេះ​និយាយថា​៖ «​ក្រោយ​ទទួលដំណឹង​មរណភាព​របស់លោក កា​ស្ត្រូ ខ្ញុំ​យំ​មិន​ឈប់​ទេ​។ គាត់​ដូចជា​ឪពុក​ទី​ពីរ​របស់ខ្ញុំ​អ៊ីចឹង​»​។ លោក Maradona ដែល​បាន​សាក់​រូបលោក កា​ស្ត្រូ នៅលើ​ជើង​របស់លោក​បាន​ក៏បាន​រម្លឹក​ពី​ការចំណាយ​ពេល​បួន​ឆ្នាំ​នៅ​គុយបា ដើម្បី​ព្យាបាល​ការ​ញៀន​ថ្នាំ​។

«​ខ្ញុំ​ចង់​អរគុណ​លោក កា​ស្ត្រូ ចំពោះ​រឿង​គ្រប់យ៉ាង​។​» នេះ​ជាការ​បញ្ជាក់បន្ថែម​រប​ស់លោក Maradona ដែល​ចេញផ្សាយ​ដោយសារ​ព័ត​មាន​រដ្ឋ​ចិន CCTV ។ វីរបុរស​កីឡាបាល់ទាត់​អា​សង់​ទីន​បានរស់នៅ​ក្នុង​រដ្ឋធានី​ឡា​ហាវ៉ាន ដើម្បី​ទទួល​ឲ្យ​ក្រុមគ្រូពេទ្យ​គុយបា​ព្យាបាល​ជម្ងឺ​ញៀន​ថ្នាំ​។ លោក Maradona បញ្ជាក់ថា លោក​កា​ស្ត្រូ បាន​បើកទ្វារ​ស្វាគមន៍​លោក ព្រោះ​មន្ទីរពេទ្យ​នៅ​អា​សង់​ទីន មិន​ទទួល​លោក​ឡើយ​។

​សូម​រម្លឹកថា នៅ​ថ្ងៃទី​២៦ ខែវិច្ឆិកា ទូរទស្សន៍​រដ្ឋ​គុយបា​បាន​ផ្សាយ​ថា លោក ហ្វី​ដែល កា​ស្ត្រូ អតីត​ប្រធានាធិបតី និង​ជា​មេដឹកនាំ​បដិវត្ត​កុំម្មុយនីស្ត​គុយបា បានទទួល​ទទួលមរណភាព​ហើយ​ក្នុង​អាយុ​៩០​ឆ្នាំ​។ លោក ហ្វី​ដែល កា​ស្ត្រូ បាន​ដឹកនាំ​គុយបា​ចាប់តាំងពី​ឆ្នាំ​១៩៥៩​មក ដោយ​កាន់តំណែង​ជា​នាយករដ្ឋមន្ត្រី​រហូត​ដល់​ឆ្នាំ​១៩៧៦ ហើយ​បន្ទាប់​មកជា​ប្រធានាធិបតី​រហូតដល់​ឆ្នាំ​២០០៨​។

​ដោយសារ​ធ្លាក់ខ្លួន​ឈឺ​កាន់តែខ្លាំង​នៅ​ឆ្នាំ​២០០៤ លោក​បានប្រកាស​ផ្ទេរតំណែង​ទៅ​ឲ្យ​ប្អូនប្រុស​បង្កើត​របស់ខ្លួន គឺ​លោក រ៉ា​អ៊ូ​ល កា​ស្ត្រូ ដែល​បាន​កាន់អំណាច​ចាប់ពី​ឆ្នាំ​២០០៨​មក​៕ 

Tag:
 Diego Maradona
  Fidel Castro
   រក្សាសិទ្ធិដោយ thmeythmey.com  
ព័ត៌មានដែលទាក់ទង
3 week - 2223
ព័ត៌មានចម្រុះ
2 hrs - 2459
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2025
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1038
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2964
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2320
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017