ជាតិ
នយោបាយជាតិ
អ្នកវិភាគថា ការលើកលែងទោសឲ្យអនុប្រធានបក្សប្រឆាំង អាចទាក់ទងនឹងកិច្ចព្រមព្រៀងសម្ងាត់
×![]()
ភ្នំពេញ៖ នៅថ្ងៃទី២ ខែធ្នូនេះ ព្រះមហាក្សត្រ បានចេញព្រះរាជក្រឹត្យលើកលែងទោសឲ្យ ឯកឧត្តម កឹម សុខា អនុប្រធានគណបក្សសង្គ្រោះជាតិ ក្រោយពីមានការស្នើសុំលើកលែងទោសពីសម្ដេចនាយករដ្ឋមន្ត្រី ហ៊ុន សែន។ អ្នកវិភាគ យល់ឃើញថា ការលើកលែងទោសឯកឧត្តម កឹម សុខា នេះអាចមកពីគណបក្សប្រជាជនកម្ពុជា និងគណបក្សសង្គ្រោះជាតិ មានកិច្ចព្រមព្រៀងជាសម្ងាត់អ្វីមួយ។
អ្នកវិភាគនយោបាយលោក អ៊ូ វីរៈ ចាត់ទុកការលើកលែងទោសឲ្យឯកឧត្តម កឹម សុខា នេះគឺជារឿងមួយល្អ ដែលបង្ហាញថាស្ថានភាពនយោបាយកំពុងតែមានសភាពធូស្រាលជាងមុន សម្រាប់អ្នកនយោបាយក្នុងការប្រកួតប្រជែងគ្នា តាមបែបប្រជាធិបតេយ្យពិតប្រាកដ។ តែទោះជាមានការសាទរក្តី សម្រាប់លោក អ៊ូ វីរៈ ការស្នើទៅព្រះមហាក្សត្រលើកលែងទោសឲ្យឯកឧត្តម កឹម សុខា ពីសំណាក់សម្ដេច ហ៊ុន សែន នេះក៏អាចមកពីគណបក្សទាំងពីរមានកិច្ចព្រមព្រៀងជាសម្ងាត់អ្វីមួយ។ តែលោក វីរៈ ក៏មិនដឹងថា អ្វីជារឿងសម្ងាត់នោះដែរ។
ថ្លែងប្រាប់សារព័ត៌មានថ្មីៗអ្នកវិភាគរូបនេះ បានបញ្ជាក់ដូច្នេះថា៖«ខ្ញុំមើលទៅវាអាចជាកិច្ចព្រមព្រៀងជាសម្ងាត់រវាងគណបក្សទាំងពីរ។ តែក៏មិនដឹងថាអាចជាកិច្ចព្រមព្រៀងអ្វីដែរ។ តែយ៉ាងណាវាក៏ជារឿងវិជ្ជមានដែរ ព្រោះវាបង្ហាញថាអ្នកនយោបាយកំពុងមានភាពចាស់ទុំក្នុងការប្រកួតប្រជែងគ្នាដែរ»។
មិនខុសពីលោក អ៊ូ វីរៈ ឡើយ សាស្ត្រាចារ្យវិទ្យាសាស្ត្រនយោបាយលោក សូ ចន្ថា យល់ឃើញថា ការលើកលែងទោសឯកឧត្តម កឹម សុខា ហាក់ដូចជាលឿនពេក ដែលអាចមកពីមានការជជែកគ្នាក្រៅផ្លូវការលើរឿងអ្វីមួយ ដើម្បីជាថ្នូរនឹងការលើកលែងទោសនេះ។ បើតាមលោក សូ ចន្ថា បញ្ហាព្រំដែនដែលនៅតែចម្រូងចម្រាសគ្នាកន្លងមក ទំនងជាអាចលើកនៅក្នុងការចរចាក្រៅផ្លូវការនោះដែរ។ «ខ្ញុំយល់ថា អាចមានការជជែកគ្នាក្រៅផ្លូវការនានារវាងគណបក្សទាំងពីរមុននឹងលើកលែងទោស។ វាអាចមានបញ្ហាព្រំដែន ជាដើម ប៉ុន្តែយើងមិនអាចដឹងថា នឹងមានការជជែកបែបណាទេ»។ នេះជាការបញ្ជាក់របស់លោក សូ ចន្ថា។
បន្ថែមពីលើនេះលោក សូ ចន្ថា បន្តមើលឃើញថា ការស្នើទៅព្រះមហាក្សត្រលើកលែងទោសឲ្យឯកឧត្តម កឹម សុខា ពីសំណាក់សម្ដេច ហ៊ុន សែន នេះ ក៏អាចជាសេណារីយោមួយ ដែលចំណេញទៅខាងគណបក្សកាន់អំណាច ក្នុងការបំបែកបំបាក់ផ្ទៃក្នុងគណបក្សប្រឆាំងផងដែរ។ សាស្ត្រាចារ្យវិទ្យាសាស្ត្រនយោបាយរូបនេះ បានបញ្ជាក់ដូច្នេះថា៖«វាអាចជាការរុញឲ្យគណបក្សសង្គ្រោះជាតិប្រេះឆាផ្ទៃក្នុងកាន់តែខ្លាំងដែរ។ ព្រោះសកម្មជន មន្ត្រីបក្ស សង្គមស៊ីវិល និងលោក សម រង្ស៊ី កំពុងជាប់ឃុំ និងគេចខ្លួនក្រៅប្រទេស ដូចនេះអាចថាយុទ្ធសាស្ត្រធ្វើឲ្យបក្សប្រឆាំងឈ្លោះគ្នាផ្ទៃក្នុងបក្សរវាងមេដឹក និងធ្វើឲ្យអ្នកគាំទ្រសង្ស័យលើបក្សប្រឆាំង។ ព្រោះបើចង់លើកលែងទោសមែននោះ គួតែលើកលែងទោសជាកញ្ចប់»។
ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី២ ខែធ្នូនេះ បានចេញព្រះរាជក្រឹត្យលើកលែងទោស ឯកឧត្តម កឹម សុខា អនុប្រធានគណបក្សសង្គ្រោះជាតិ ដែលត្រូវបានតុលាការសម្រេចផ្ទន្ទាទោសដាក់ពន្ធនាគារ ពីបទបដិសេធក្នុងការចូលខ្លួនឲ្យជាប់ពន្ធនាគារ៥ ខែ និងពិន័យប្រាក់៨សែនរៀល។ព្រះរាជទានទោសនេះ ធ្វើឡើងតាមសំណើរបស់ សម្តេច ហ៊ុន សែន ដែលបានស្នើទៅព្រះមហាក្សត្រ នៅថ្ងៃទី២ ខែធ្នូនេះដដែលបន្ទាប់ពីឯកឧត្តម កឹម សុខា បានស្នើសុំទៅកាន់សម្តេច នាយករដ្ឋមន្ត្រី ។ នាយករដ្ឋមន្ត្រីកម្ពុជា បានសរសេរដូច្នេះថា៖« សូមទ្រង់ព្រះមេត្តាប្រោសព្រះរាជទាននូវព្រះរាជក្រឹត្យ លើកលែងទោសឲ្យទណ្ឌិត កឹម សុខា ដែលត្រូវបានផ្តន្ទាទោសតាមអំណាចសាលដីកាព្រហ្មទណ្ឌស្ថាពរ កាលពីថ្ងៃទី៤ ខែវិច្ឆិកា ឆ្នាំ២០១៦»៕
អ្នកវិភាគនយោបាយលោក អ៊ូ វីរៈ ចាត់ទុកការលើកលែងទោសឲ្យឯកឧត្តម កឹម សុខា នេះគឺជារឿងមួយល្អ ដែលបង្ហាញថាស្ថានភាពនយោបាយកំពុងតែមានសភាពធូស្រាលជាងមុន សម្រាប់អ្នកនយោបាយក្នុងការប្រកួតប្រជែងគ្នា តាមបែបប្រជាធិបតេយ្យពិតប្រាកដ។ តែទោះជាមានការសាទរក្តី សម្រាប់លោក អ៊ូ វីរៈ ការស្នើទៅព្រះមហាក្សត្រលើកលែងទោសឲ្យឯកឧត្តម កឹម សុខា ពីសំណាក់សម្ដេច ហ៊ុន សែន នេះក៏អាចមកពីគណបក្សទាំងពីរមានកិច្ចព្រមព្រៀងជាសម្ងាត់អ្វីមួយ។ តែលោក វីរៈ ក៏មិនដឹងថា អ្វីជារឿងសម្ងាត់នោះដែរ។
ថ្លែងប្រាប់សារព័ត៌មានថ្មីៗអ្នកវិភាគរូបនេះ បានបញ្ជាក់ដូច្នេះថា៖«ខ្ញុំមើលទៅវាអាចជាកិច្ចព្រមព្រៀងជាសម្ងាត់រវាងគណបក្សទាំងពីរ។ តែក៏មិនដឹងថាអាចជាកិច្ចព្រមព្រៀងអ្វីដែរ។ តែយ៉ាងណាវាក៏ជារឿងវិជ្ជមានដែរ ព្រោះវាបង្ហាញថាអ្នកនយោបាយកំពុងមានភាពចាស់ទុំក្នុងការប្រកួតប្រជែងគ្នាដែរ»។
មិនខុសពីលោក អ៊ូ វីរៈ ឡើយ សាស្ត្រាចារ្យវិទ្យាសាស្ត្រនយោបាយលោក សូ ចន្ថា យល់ឃើញថា ការលើកលែងទោសឯកឧត្តម កឹម សុខា ហាក់ដូចជាលឿនពេក ដែលអាចមកពីមានការជជែកគ្នាក្រៅផ្លូវការលើរឿងអ្វីមួយ ដើម្បីជាថ្នូរនឹងការលើកលែងទោសនេះ។ បើតាមលោក សូ ចន្ថា បញ្ហាព្រំដែនដែលនៅតែចម្រូងចម្រាសគ្នាកន្លងមក ទំនងជាអាចលើកនៅក្នុងការចរចាក្រៅផ្លូវការនោះដែរ។ «ខ្ញុំយល់ថា អាចមានការជជែកគ្នាក្រៅផ្លូវការនានារវាងគណបក្សទាំងពីរមុននឹងលើកលែងទោស។ វាអាចមានបញ្ហាព្រំដែន ជាដើម ប៉ុន្តែយើងមិនអាចដឹងថា នឹងមានការជជែកបែបណាទេ»។ នេះជាការបញ្ជាក់របស់លោក សូ ចន្ថា។
បន្ថែមពីលើនេះលោក សូ ចន្ថា បន្តមើលឃើញថា ការស្នើទៅព្រះមហាក្សត្រលើកលែងទោសឲ្យឯកឧត្តម កឹម សុខា ពីសំណាក់សម្ដេច ហ៊ុន សែន នេះ ក៏អាចជាសេណារីយោមួយ ដែលចំណេញទៅខាងគណបក្សកាន់អំណាច ក្នុងការបំបែកបំបាក់ផ្ទៃក្នុងគណបក្សប្រឆាំងផងដែរ។ សាស្ត្រាចារ្យវិទ្យាសាស្ត្រនយោបាយរូបនេះ បានបញ្ជាក់ដូច្នេះថា៖«វាអាចជាការរុញឲ្យគណបក្សសង្គ្រោះជាតិប្រេះឆាផ្ទៃក្នុងកាន់តែខ្លាំងដែរ។ ព្រោះសកម្មជន មន្ត្រីបក្ស សង្គមស៊ីវិល និងលោក សម រង្ស៊ី កំពុងជាប់ឃុំ និងគេចខ្លួនក្រៅប្រទេស ដូចនេះអាចថាយុទ្ធសាស្ត្រធ្វើឲ្យបក្សប្រឆាំងឈ្លោះគ្នាផ្ទៃក្នុងបក្សរវាងមេដឹក និងធ្វើឲ្យអ្នកគាំទ្រសង្ស័យលើបក្សប្រឆាំង។ ព្រោះបើចង់លើកលែងទោសមែននោះ គួតែលើកលែងទោសជាកញ្ចប់»។
ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី២ ខែធ្នូនេះ បានចេញព្រះរាជក្រឹត្យលើកលែងទោស ឯកឧត្តម កឹម សុខា អនុប្រធានគណបក្សសង្គ្រោះជាតិ ដែលត្រូវបានតុលាការសម្រេចផ្ទន្ទាទោសដាក់ពន្ធនាគារ ពីបទបដិសេធក្នុងការចូលខ្លួនឲ្យជាប់ពន្ធនាគារ៥ ខែ និងពិន័យប្រាក់៨សែនរៀល។ព្រះរាជទានទោសនេះ ធ្វើឡើងតាមសំណើរបស់ សម្តេច ហ៊ុន សែន ដែលបានស្នើទៅព្រះមហាក្សត្រ នៅថ្ងៃទី២ ខែធ្នូនេះដដែលបន្ទាប់ពីឯកឧត្តម កឹម សុខា បានស្នើសុំទៅកាន់សម្តេច នាយករដ្ឋមន្ត្រី ។ នាយករដ្ឋមន្ត្រីកម្ពុជា បានសរសេរដូច្នេះថា៖« សូមទ្រង់ព្រះមេត្តាប្រោសព្រះរាជទាននូវព្រះរាជក្រឹត្យ លើកលែងទោសឲ្យទណ្ឌិត កឹម សុខា ដែលត្រូវបានផ្តន្ទាទោសតាមអំណាចសាលដីកាព្រហ្មទណ្ឌស្ថាពរ កាលពីថ្ងៃទី៤ ខែវិច្ឆិកា ឆ្នាំ២០១៦»៕
Tag:
កឹម សុខា
CNRP
© រក្សាសិទ្ធិដោយ thmeythmey.com
