ជាតិ
នយោបាយជាតិ
×![]()
ភ្នំពេញ៖ គណបក្សសង្គ្រោះជាតិ សម្រេចស្នើដាក់ឯកឧត្តម កឹម សុខា ជាប្រធានក្រុមតំណាងរាស្ត្រ CNRP ក្នុងរដ្ឋសភា ជំនួសឯកឧត្តម សម រង្ស៊ី ប្រធានគណបក្ស ដែលកំពុងរស់នៅក្រៅប្រទេសក្រោយពីរងបទចោទប្រកាន់ជាបន្តបន្ទាប់។ អ្នកនាំពាក្យរដ្ឋសភា បានបញ្ជាក់ថា រដ្ឋសភានឹងពិនិត្យលើសំណើសុំផ្ទេតួនាទីឯកឧត្តម សម រង្ស៊ី ដែលជាប្រធានក្រុមតំណាងរាស្ត្រ CNRP មកឲ្យឯកឧត្តម កឹម សុខា នេះ។
នៅពេលសួរថា តើការដាក់ឯកឧត្តម កឹម សុខា ជំនួសនេះ មានការយល់ព្រមពីឯកឧត្តម សម រង្ស៊ី ដែរឫទេ? ឆ្លើយតបនឹងសារព័ត៌មានថ្មីៗ លោក យ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិ បានបញ្ជាក់ថា ការផ្ទេតួនាទីរវាងប្រធាននិងអនុប្រធាននៅក្នុងរដ្ឋសភានេះ គឺគណបក្សលោកបានប្រជុំពិភាក្សា ដោយមានការឯកភាពគ្នាពីឯកឧត្តម សម រង្ស៊ី និងឯកឧត្តម កឹម សុខា រួចរាល់ហើយមុននឹងសម្រេចបែបនេះ។ «រាល់ធ្វើការងារអ្វីមួយគណបក្សយើងតែងតែប្រជុំពិភាក្សាគ្នា។ ហើយការផ្ទេនេះក៏មានការយល់ព្រមពីលោកប្រធាន សម រង្ស៊ី ដែរ ព្រោះយើងបានទូរសព្ទទៅជម្រាបនិងប្រជុំពិគ្រោះយោបល់ជាមួយគាត់មុននឹងសម្រេចផ្ទេ»។ នេះជាការបញ្ជាក់របស់អ្នកនាំពាក្យគណបក្សសង្គ្រោះជាតិ។
ទាក់ទងនឹងព័ត៌មានផ្ទេតួនាទីប្រធានក្រុមតំណាងរាស្ត្រ CNRP ក្នុងរដ្ឋសភានេះ លោក ឡេង ប៉េងឡុង អ្នកនាំពាក្យរដ្ឋសភា បានឲ្យដឹងថា គណបក្សសង្គ្រោះជាតិ បានដាក់លិខិតជូនរដ្ឋសភា ដោយស្នើសុំផ្ទេតួនាទីប្រធានក្រុមតំណាងរាស្ត្រ CNRP ពីលោក សម រង្ស៊ី ជំនួសដោយលោក កឹម សុខា វិញ។ ថ្លែងប្រាប់សារព័ត៌មានថ្មីៗ អ្នកនាំពាក្យរដ្ឋសភារូបនេះ បានបញ្ជាក់ដូច្នេះថា៖«សំណើរបស់គណបក្សសង្គ្រោះជាតិនេះ គឺបានបញ្ជូនទៅប្រធានរដ្ឋសភាហើយ ដោយត្រូវរង់ចាំការត្រួតពិនិត្យនឹងអនុម័តពីប្រធានរដ្ឋសភា ឬពីគណៈកម្មាធិការអចិន្ត្រៃយ៍សិន»។
បើតាមលោក ឡេង ប៉េង ឡុង សមាសភាពថ្មីរបស់ CNRP នេះ រួមមានលោក កឹម សុខា ជាប្រធានក្រុម លោក យឹម សុវណ្ណ ជាអនុប្រធាន និងលោក យ៉ែម បុញ្ញឫទ្ធិ ជាសមាជិកវិញ។ ចំណែកភាគីគណបក្សប្រជាជនកម្ពុជាវិញ មានសម្ដេច ស ខេង ជាប្រធាន លោក គាត ឈន់ ជាអនុប្រធាន និងលោកស្រី ម៉ែន សំអន ជាសមាជិក៕
នៅពេលសួរថា តើការដាក់ឯកឧត្តម កឹម សុខា ជំនួសនេះ មានការយល់ព្រមពីឯកឧត្តម សម រង្ស៊ី ដែរឫទេ? ឆ្លើយតបនឹងសារព័ត៌មានថ្មីៗ លោក យ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិ បានបញ្ជាក់ថា ការផ្ទេតួនាទីរវាងប្រធាននិងអនុប្រធាននៅក្នុងរដ្ឋសភានេះ គឺគណបក្សលោកបានប្រជុំពិភាក្សា ដោយមានការឯកភាពគ្នាពីឯកឧត្តម សម រង្ស៊ី និងឯកឧត្តម កឹម សុខា រួចរាល់ហើយមុននឹងសម្រេចបែបនេះ។ «រាល់ធ្វើការងារអ្វីមួយគណបក្សយើងតែងតែប្រជុំពិភាក្សាគ្នា។ ហើយការផ្ទេនេះក៏មានការយល់ព្រមពីលោកប្រធាន សម រង្ស៊ី ដែរ ព្រោះយើងបានទូរសព្ទទៅជម្រាបនិងប្រជុំពិគ្រោះយោបល់ជាមួយគាត់មុននឹងសម្រេចផ្ទេ»។ នេះជាការបញ្ជាក់របស់អ្នកនាំពាក្យគណបក្សសង្គ្រោះជាតិ។
ទាក់ទងនឹងព័ត៌មានផ្ទេតួនាទីប្រធានក្រុមតំណាងរាស្ត្រ CNRP ក្នុងរដ្ឋសភានេះ លោក ឡេង ប៉េងឡុង អ្នកនាំពាក្យរដ្ឋសភា បានឲ្យដឹងថា គណបក្សសង្គ្រោះជាតិ បានដាក់លិខិតជូនរដ្ឋសភា ដោយស្នើសុំផ្ទេតួនាទីប្រធានក្រុមតំណាងរាស្ត្រ CNRP ពីលោក សម រង្ស៊ី ជំនួសដោយលោក កឹម សុខា វិញ។ ថ្លែងប្រាប់សារព័ត៌មានថ្មីៗ អ្នកនាំពាក្យរដ្ឋសភារូបនេះ បានបញ្ជាក់ដូច្នេះថា៖«សំណើរបស់គណបក្សសង្គ្រោះជាតិនេះ គឺបានបញ្ជូនទៅប្រធានរដ្ឋសភាហើយ ដោយត្រូវរង់ចាំការត្រួតពិនិត្យនឹងអនុម័តពីប្រធានរដ្ឋសភា ឬពីគណៈកម្មាធិការអចិន្ត្រៃយ៍សិន»។
បើតាមលោក ឡេង ប៉េង ឡុង សមាសភាពថ្មីរបស់ CNRP នេះ រួមមានលោក កឹម សុខា ជាប្រធានក្រុម លោក យឹម សុវណ្ណ ជាអនុប្រធាន និងលោក យ៉ែម បុញ្ញឫទ្ធិ ជាសមាជិកវិញ។ ចំណែកភាគីគណបក្សប្រជាជនកម្ពុជាវិញ មានសម្ដេច ស ខេង ជាប្រធាន លោក គាត ឈន់ ជាអនុប្រធាន និងលោកស្រី ម៉ែន សំអន ជាសមាជិក៕
Tag:
ប្រធានក្រុមសំឡេងភាគតិច
រដ្ឋសភា
កឹម សុខា
© រក្សាសិទ្ធិដោយ thmeythmey.com
