ជាតិ
សង្គមជាតិ
ស្ពានអាកាសថ្មើរជើងលើកដំបូង ចំនួន២កន្លែង នឹងត្រូវដាក់ឲ្យប្រើប្រាស់នៅដើមឆ្នាំ២០១៧
ស្ពានអាកាសថ្មើរជើង រូបភាពពីមន្ទីរក្រសួងសាធារណការ និងដឹកជញ្ជូនរាជធានីភ្នំពេញ
×![]()
ភ្នំពេញ៖ ស្ពានអាកាសថ្មើរជើងកាត់លើផ្លូវជាតិលេខ៤ ចំនួន២កន្លែង នឹងត្រូវសម្ពោធឲ្យប្រើប្រាស់នៅដើមឆ្នាំ២០១៧ ។ នេះបើតាមលោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ។
លោក សាំ ពិសិដ្ឋ បានឲ្យដឹងថា ស្ពានអាកាសថ្មើរជើងពីរកន្លែង ដែលឆ្លងកាត់ផ្លូវជាតិ លេខ ៤ ត្រង់សាលាបឋមសិក្សាជម្ពូវ័ន្ត និងវិទ្យាល័យចំណេះទូទៅហ៊ុនសែនជម្ពូវ័ន្ត ស្ថិតក្នុងខណ្ឌពោធិ៍សែនជ័យ ជាយរាជធានីភ្នំពេញ នឹងត្រូវស្ថាបនាឲ្យចប់រួចរាល់នៅខែមករាឆ្នាំ ២០១៧ ខណៈដែលការសាងសង់ស្ពានទាំងពីរនេះសម្រេចបាន ៥០ភាគរយហើយនៅពេលនេះ។
លោក សាំ ពិសិដ្ឋ ត្រូវបានទីភ្នាក់ងារសារព័ត៌មានកម្ពុជា AKP ដកស្រង់សំដីយ៉ាងដូច្នេះថា៖« អាជ្ញាធរចាំបាច់ណាស់ក្នុងការរៀបចំប្រព័ន្ធ ការពារសុវត្ថិភាព ជូនប្រជាពលរដ្ឋ ដែលឆ្លងកាត់ផ្លូវនេះ ស្របពេលតំបន់នេះ ងាយប្រឈមនឹងគ្រោះ ថ្នាក់ចរាចរណ៍ខ្ពស់ ដោយសារផ្លូវមានស្ថានភាពចរាចរមមាញឹកខ្លាំង និងមានរថយន្តធំៗឆ្លងកាត់ច្រើន»។
លោក សាំ ពិសិដ្ឋ បន្ថែមទៀតថា បើគម្រោងស្ថាបនាស្ពាននេះទទួលការគាំទ្រពីប្រជាពលរដ្ឋ នោះ សាលារាជធានីភ្នំពេញអាចនឹងពង្រីកគម្រោងស្ថាបនានេះនៅលើផ្លូវផ្សេងៗមួយចំនួនទៀត ដែលស្ពានអាកាសថ្មើរជើងទាំងនេះនឹងត្រូវសាងសង់នៅមុខសាលារៀន មន្ទីរពេទ្យ និងផ្សារជាដើម ដើម្បីបង្កើនការកាពារផ្នែកសុវត្ថិភាពជូនប្រជាពលរដ្ឋ នៅពេលឆ្លងកាត់ផ្លូវ៕
លោក សាំ ពិសិដ្ឋ បានឲ្យដឹងថា ស្ពានអាកាសថ្មើរជើងពីរកន្លែង ដែលឆ្លងកាត់ផ្លូវជាតិ លេខ ៤ ត្រង់សាលាបឋមសិក្សាជម្ពូវ័ន្ត និងវិទ្យាល័យចំណេះទូទៅហ៊ុនសែនជម្ពូវ័ន្ត ស្ថិតក្នុងខណ្ឌពោធិ៍សែនជ័យ ជាយរាជធានីភ្នំពេញ នឹងត្រូវស្ថាបនាឲ្យចប់រួចរាល់នៅខែមករាឆ្នាំ ២០១៧ ខណៈដែលការសាងសង់ស្ពានទាំងពីរនេះសម្រេចបាន ៥០ភាគរយហើយនៅពេលនេះ។
លោក សាំ ពិសិដ្ឋ ត្រូវបានទីភ្នាក់ងារសារព័ត៌មានកម្ពុជា AKP ដកស្រង់សំដីយ៉ាងដូច្នេះថា៖« អាជ្ញាធរចាំបាច់ណាស់ក្នុងការរៀបចំប្រព័ន្ធ ការពារសុវត្ថិភាព ជូនប្រជាពលរដ្ឋ ដែលឆ្លងកាត់ផ្លូវនេះ ស្របពេលតំបន់នេះ ងាយប្រឈមនឹងគ្រោះ ថ្នាក់ចរាចរណ៍ខ្ពស់ ដោយសារផ្លូវមានស្ថានភាពចរាចរមមាញឹកខ្លាំង និងមានរថយន្តធំៗឆ្លងកាត់ច្រើន»។
លោក សាំ ពិសិដ្ឋ បន្ថែមទៀតថា បើគម្រោងស្ថាបនាស្ពាននេះទទួលការគាំទ្រពីប្រជាពលរដ្ឋ នោះ សាលារាជធានីភ្នំពេញអាចនឹងពង្រីកគម្រោងស្ថាបនានេះនៅលើផ្លូវផ្សេងៗមួយចំនួនទៀត ដែលស្ពានអាកាសថ្មើរជើងទាំងនេះនឹងត្រូវសាងសង់នៅមុខសាលារៀន មន្ទីរពេទ្យ និងផ្សារជាដើម ដើម្បីបង្កើនការកាពារផ្នែកសុវត្ថិភាពជូនប្រជាពលរដ្ឋ នៅពេលឆ្លងកាត់ផ្លូវ៕
Tag:
ស្ពានអាកាស
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
