ជាតិ
សម្ដេច ហ៊ុន សែន៖ «កុំប្រើពាក្យ International Pressure ឲ្យសោះ...ចាំចរិតខ្ញុំឲ្យច្បាស់»
× ភ្នំពេញ៖ ក្រោយពីស្ថានភាពនយោបាយមានសភាពធូរស្រាលបន្តិចនោះ សម្ដេចនាយករដ្ឋមន្ត្រី ហ៊ុន សែន បានផ្ញើសារថា កម្ពុជាចេះដោះស្រាយបញ្ហាដោយខ្លួនឯង ហើយអន្តរជាតិកុំចង់មកដាក់សម្ពាធមកលើកម្ពុជា។ ថ្លែងក្នុងពិធីអបអរសាទរខួប៥ឆ្នាំ នៃការបើកប្រតិបត្តិការរបស់ក្រុមហ៊ុនមីនីបៀរ នៅតំបន់សេដ្ឋកិច្ចពិសេសភ្នំពេញ នៅថ្ងៃទី០៨ ធ្នូនេះ សម្ដេច ហ៊ុន សែន បន្ថែមថា ការដោះស្រាយភាពតានតឹងនយោបាយនេះ គឺមិនមែនមកពីមានការគាបសង្កត់លើសម្ដេច ពីសំណាក់អន្តរជាតិឡើយ តែវាជាការដោះស្រាយបញ្ចប់បញ្ហារវាងខ្មែរនិងខ្មែរ ដើម្បីរួមគ្នាងាកមកគិតគូពីការអភិវឌ្ឍប្រទេសជាតិវិញ។ «ហើយកុំគាបសង្កត់។ ការគាបសង្កត់នេះមិនបានការអ្វីទេ ហ៊ុន សែន មានចរិកខុសគេទាំងអស់។ បើអ្នកឯងគាប អញដេកធ្វើមិនដឹង។ គាបមិនបាន មនុស្សម្នាក់នេះ(ហ៊ុន សែន) កុំគាបឲ្យសោះ តែគាបគឺអត់បាន»។ នេះជាការផ្ញើសាររបស់សម្ដេច ហ៊ុន សែន ។
សូមស្ដាប់ប្រសាសន៍នាយករដ្ឋមន្ត្រី ហ៊ុន សែន៖
© រក្សាសិទ្ធិដោយ thmeythmey.com