ហ្វីលីពីន លែង​ចង់​ឲ្យ​អាមេរិក​ប្រើ​មូលដ្ឋាន​ដើម្បី​ល្បាត​នៅ​សមុទ្រ​ចិន​ខាងត្បូង​ទៀត ដ្បិត​មិន​ចង់​បង្កបញ្ហា
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ
ហ្វីលីពីន លែង​ចង់​ឲ្យ​អាមេរិក​ប្រើ​មូលដ្ឋាន​ដើម្បី​ល្បាត​នៅ​សមុទ្រ​ចិន​ខាងត្បូង​ទៀត ដ្បិត​មិន​ចង់​បង្កបញ្ហា
អត្ថបទ : ទេព អ៊ីវិសាល       December-09-2016, 10:39 pm         3052
រូបភាព
រូបភាពកងទ័ពអាមេរិក និងកងទ័ពហ្វីលីពីនធ្វើសមយុទ្ធ PHIBLEX នៅខែតុលាកន្លងទៅ
រូបភាពកងទ័ពអាមេរិក និងកងទ័ពហ្វីលីពីនធ្វើសមយុទ្ធ PHIBLEX នៅខែតុលាកន្លងទៅ
​រដ្ឋមន្ត្រី​ការពារជាតិ​ហ្វីលីពីន លោក Delfin Lorenzana នៅ​ថ្ងៃទី​០៨ ខែធ្នូ បាន​អះអាងថា ហ្វីលីពីន ទំនងជា​មិន​អនុ​ញ្ញា​ឲ្យ​កងទ័ព​អាមេរិក​ប្រើប្រាស់​មូលដ្ឋាន​យោធា​របស់ខ្លួន​ដើម្បី​ធ្វើ​សកម្មភាព​ល្បាត​នៅក្នុង​សមុទ្រ​ចិន​ខាងត្បូង​ទៀតឡើយ​។ ការណ៍​ធ្វើបែបនេះ ដោយ​លោក​បញ្ជាក់ថា ហ្វីលីពីន មិន​ចង់​ចូលរួម​បង្កហេតុ​នៅក្នុង​ដែនទឹក​ជម្លោះ និង​ធ្វើ​ឲ្យ​ស្ថានភាព​នៅ​ទីនោះ​កាន់តែ​តានតឹង​។


​ឆ្លើយ​នឹង​សំណួរ​របស់​អ្នកសារព័ត៌មាន​ថា​តើ​ហ្វីលីពីន នឹង​បន្ត​ធ្វើជា​ម្ចាស់ផ្ទះ​សម្រាប់​ការ​ល្បាត​នាវា និង​យន្តហោះ​របស់​អាមេរិក​នៅ​ក្នុង​សមុទ្រ​ចិន​ខាងត្បូង​ទៀត​ឬ​យ៉ាងណា លោក​រដ្ឋមន្ត្រី​ការពារជាតិ Lorenzana បានបញ្ជាក់​យ៉ាង​ដូច្នេះ​ថា​៖« Duterte (​ប្រធានាធិបតី​ហ្វីលីពីន​) នឹងមិន​អនុញ្ញាត​ឲ្យ​រឿង​បែបនេះ​កើតឡើង​ឡើយ​ដើម្បី​ចៀសវាង​សកម្មភាព​បង្កហេតុ ដែល​អាចធ្វើ​ឲ្យ​ស្ថានភាព​កាន់​អាក្រក់​នោះ​។ វា​(​ការផ្តល់​មូលដ្ឋាន​ឲ្យ​អាមេរិក​) មិនអាច​ទៅរួច​នោះទេ​»​។ នេះ​បើ​យោងតាម​ការចុះផ្សាយ​រប​ស់​សារព័ត៌មាន​ឥណ្ឌូណេស៊ី The Jakarta Post​។

​លោក​រដ្ឋមន្ត្រី​ការពារជាតិ​រូបនេះ បាន​បន្ថែមទៀតថា ហ្វីលីពីន នឹង​ព្យាយាម​ចៀស​ការធ្វើសកម្មភាព​បែ​ប​នេះ​ក្នុង​រយៈពេល​មួយ តែ​លោក អះអាងថា អាមេរិក អាច​ហោះហើរ​ចេញពី​មូលដ្ឋាន​ផ្សេងទៀត​ដើម្បី​ធ្វើ​សកម្មភាព​ល្បាត​នៅ​សមុទ្រ​ចិន​ខាងត្បូង​នោះ​។ នេះ​បើ​យោងតាម​ប្រភពព័ត៌មាន​ដដែល​នោះ​។

​សូម​រម្លឹក​ផងដែរ​ថា ក្រោម​រដ្ឋបាល​របស់​អតីត​ប្រធានាធិបតី​ហ្វីលីពីន លោក ប៊ែ​រ​នី​ណូ អា​ហ្គូ​ណូ ទំនាក់ទំនង​អាមេរិក និង​ហ្វីលីពីន ជាពិសេស​លើ​វិស័យ​យោធា បាន​មាន​ភាព​ស្និទ្ធ​ល្មួត​ជាមួយនឹង​គ្នា​ខ្លាំង​។ អាមេរិក បាន​ជួយ​ជ្រោមជ្រែង​ហ្វីលីពីន​ដើម្បី​ប្រឆាំង​ទៅនឹង​ចិន​នៅក្នុង​តំបន់​វិវាទ​សមុទ្រ​ចិន​ខាងត្បូង តាមរយៈ​ការហ្វឹកហ្វឺន​កងទ័ព​ហ្វីលីពីន និង​សកម្មភាព​ល្បាត​នៅក្នុង​តំបន់​ជម្លោះ​នោះ​ទៀតផង​។ ជាងនេះទៅទៀត ក្រោម​រដ្ឋបាល​ចាស់​ដដែល​នោះ ហ្វីលីពីន ថែមទាំង​ផ្តល់​មូលដ្ឋាន​កងទ័ពអាកាស​ឲ្យ​អាមេរិក​ឈរជើង ដែល​ក្បែរ​នឹង​តំបន់​ជម្លោះ​នោះ​ទៀតផង​។

​យ៉ាងណាក៏ដោយ ក្រោម​រដ្ឋបាល​ថ្មី​របស់លោក​ប្រធានាធិបតី រ៉ូ​ឌ្រី​ហ្គូ ឌើ​ទើ​តេ (Rodrigo Duterte) ទំនាក់ទំនង​រវាង​អាមេរិក និង​ហ្វីលីពីន បាន​ធ្លាក់ចុះ​យ៉ាងខ្លាំង ដ្បិត​លោក​ប្រធានាធិបតី​រូបនេះ មាន​និន្នាការ​នយោបាយ​ប្រឆាំង​អាមេរិក​ខ្លាំង ខណៈ ងាក​ទៅរក​ចិន និង​រុស្ស៊ី​វិញ​។ ជាងនេះទៅទៀត​នោះ លោក ថែមទាំង​ធ្លាប់​ប្រកាស​ផ្តាច់ទំនាក់ទំនង​វិស័យ​ការពារ​ជាមួយនឹង​អាមេរិក​ទៀតផង​៕

Tag:
 ហ្វីលីពីន​
  អាមេរិក​
  សមុទ្រ​ចិន​ខាងត្បូង
   រក្សាសិទ្ធិដោយ thmeythmey.com  
ព័ត៌មានដែលទាក់ទង
1 month - 1901
1 month - 2021
1 month - 5827
ព័ត៌មានចម្រុះ
2 hrs - 2362
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2004
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1035
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2958
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2313
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017