អន្តរជាតិ
បុរសឥណ្ឌាម្នាក់កាត់លិង្គខ្លួនចោល ដោយសារប្រពន្ធបដិសេធរួមភេទអស់រយៈ១០ឆ្នាំ
×![]()
ដោយ: ធីតា
បុរសវ័យ៣៧ឆ្នាំម្នាក់ដែលរស់នៅរដ្ឋ Uttar Pradesh ប្រទេសឥណ្ឌា បានសម្រេចយកកាំបិត កាត់លិង្គខ្លួនឯងចោល ដោយសារខឹងប្រពន្ធតែងតែបដិសេធរួមភេទអស់ពេលជាង១០ឆ្នាំកន្លងមកនេះ។
យោងតាមការផ្សាយរបស់ Hindustan Timesបុរសដែលមានឈ្មោះថា Ghasi Ram បានរៀបការជាមួយភរិយាឈ្មោះ Manjhri Devi អស់រយៈពេល១៨ឆ្នាំមកហើយ។ ប៉ុន្តែគាត់មានការតប់ប្រម៉ល់យ៉ាងខ្លាំង ដោយភរិយាតែងតែឆ្លើយថា «ទេ» នៅពេលដែលលោកចង់រួមភេទ។
កាលពីពេលថ្មីៗកន្លងមកនេះ លោក Ghasi Ram បានទៅផ្ទះក្នុងស្ថានភាពស្រវឹងខ្លាំង។ ជាមួយនឹងការខឹងសម្បារផងដែរនោះ គាត់បានរត់ទៅយកកាំបិតក្នុងផ្ទះបាយ ហើយយកមកកាត់លិង្គរបស់ខ្លួនដាច់ភ្លាមមួយរំពេច។ លោក Ghasi Ram បានដួល ហើយអ្នកស្រី Manjhri បានហៅអ្នកជិតខាងដើម្បីយកប្តីរបស់ខ្លួនទៅពេទ្យសម្រាប់ការសង្គ្រោះបឋម។
បុរសដែលដាច់ចិត្តកាត់ប្រដាប់ភេទខ្លួនរូបនេះ បាននិយាយទៅកាន់អ្នកសារព័ត៌មានទាំងមួម៉ៅថា៖ «យើងមិនដែលរួមភេទគ្នាសោះអស់រយៈពេលពី១០ទៅ១២ឆ្នាំមកហើយ។ គាត់ប្រហែលជាមិនស្រឡាញ់ខ្ញុំឡើយ។ គាត់មិនដែលអង្គុយក្បែរខ្ញុំ ហើយតែងតែបដិសេធរាល់សំណូមពររបស់ខ្ញុំ»។
ទោះបីជាយ៉ាងណាក៏ដោយ អ្នកស្រី Manjhri បានបញ្ជាក់ថា៖ «ស្វាមីរបស់ខ្ញុំ ចូលផ្ទះក្នុងស្ថានភាពស្រវឹងជារៀងរាល់យប់ គាត់មិនដែលស្តាប់ខ្ញុំឡើយ។ ខ្ញុំបដិសេធគាត់ពីព្រោះគាត់តែងតែស្រវឹងខួប ហើយខ្ញុំខឹងគាត់ខ្លាំងណាស់»។
អ្នកទាំងពីរមានកូនប្រុស២នាក់ និងកូនស្រី១នាក់។ មនុស្សជាច្រើនទទួលស្គាល់ថា លោក Ghasi តែងតែមានអារម្មណ៍តប់ប្រម៉ល់ និងច្របូកច្របល់ដោយសារតែការបដិសេធរបស់ភរិយា ប៉ុន្តែមិនមានអ្នកណាគាំទ្រការសម្រេចចិត្តដ៏ល្ងង់ខ្លៅរបស់គាត់នោះឡើយ ពីព្រោះការធ្វើបែបនេះ បានបញ្ចប់ឱកាសផ្លូវភេទរបស់គាត់អស់មួយជីវិត៕
Tag:
ប្លែកៗ
© រក្សាសិទ្ធិដោយ thmeythmey.com
