អត្ថបទពាណិជ្ជកម្ម
សាលាអន្តរជាតិ លើននីង ចាំងហ្គល រៃអង្គាសថវិកាសប្បុរសធម៌ជាលើកទី៣ ជូនដល់មន្ទីពេទ្យគន្ធបុប្ជា
×![]()
សាលាអន្តរជាតិ លើននីង ចាំងហ្គល ដែលជាសាលាអន្តរជាតិហ្វ្រេនឆាយមកពីប្រទេស កាណាដា បន្ថែមពីលើគុណភាពអប់រំស្តង់ដាអន្តរជាតិដែលមានគុណភាពខ្ពស់ សាលាក៏បានជួយ ជំរុញលើកទឹកចិត្តសិស្សឲ្យមានស្មារតីចេះជួយគ្នានិងមានសាមគ្គីភាពគ្នា។ ដោយទទួលបានពត៌មានថា មន្ទីពេទ្យគន្ធបុប្ជានៅតែបន្តជួបប្រទះនូវកង្វះខាតថវិកាសម្រាប់ការព្យាបាលអ្នកជំងឺ លោក លី វីរះ ប្រធានក្រុមប្រឹក្សា ភិបាល របស់សាលាអន្តរជាតិ លើននីង ចាំងហ្គល បាន ផ្តួចផ្តើមគំនិតរៀបចំកម្មវីធីរៃអង្គាសថវិកាទឹកចិត្តសប្បុរសធម៌ជាលើកទី៣ ជូនដល់មន្ទីពេទ្យគន្ធបុប្ជា ដើម្បីចូលរួមចំនែកជួយសង្គ្រោះជីវិតកុមារដែល ត្រូវការការព្យាបាលជាចាំបាច់។
កម្មវីធីរៃអង្គាសថវិកាទឹកចិត្តសប្បុរសធម៌នេះ គឺជាទឹកចិត្តសប្បុរសធម៌ជាលើកទី៣ហើយ ដែលសាលាអន្តរជាតិ លើននីង ចាំងហ្គល បានរៀបចំឡើងដោយមានការគាំទ្រយ៉ាងកក់ក្តៅ ពីសំណាក់សិស្សានុសិស្ស អាណាព្យាបាល និងបុគ្គលិកទាំងអស់របស់សាលា។ លើកទី៣នេះ សាលាអន្តរជាតិ លើននីង ចាំងហ្គល បានរៃអង្គាសថវិកាទឹកចិត្តសប្បុរសធម៌ចំនួន $៧,០០០.០០ (ប្រាំពីរពាន់ដុល្លាអាមេរិក) សម្រាប់មន្ទីរពេទ្យគន្ធបុប្ជា ដើម្បីចូលរួមចំនែកជួយសម្រួលដល់ការព្យាបាលអ្នកជម្ងឺ និងកុមារកម្ពុជាដែលត្រូវការជំនួយជាចាំបាច់ផងដែរ។ មកទល់នឹងពេលនេះដែរ សាលាអន្តរជាតិ លើននីង ចាំងហ្គល បានធ្វើការបរិច្ចាគ ថវិកាសរុបជាង $១៥,០០០.០០ (មួយម៉ឺនប្រាំពាន់ដុល្លារអាមេរិក) ជូនទៅដល់ខាងមន្ទីរពេទ្យរួចមក ហើយ។
សាលាអន្តរជាតិ លើននីង ចាំងហ្គលបានចាប់ផ្តើមដំណើរការនៅក្នុងប្រទេសកម្ពុជា តាំងពី ដើមខែមករាឆ្នាំ២០១៤មកម្លេះ។ ថ្មីៗនេះ សាលាអន្តរជាតិ លើននីង ចាំងហ្គល ទើបតែបើកសម្ពោធសាខា បឋមសិក្សាថ្មីដ៏ធំ ដោយកម្មវិធីសម្ពោធនេះ ត្រូវបានប្រព្រឹត្តទៅយ៉ាងអធិកអធមបំផុត ដែលមានការចូលរួមពីសំណាក់ ឯកឧត្តម បណ្ឌិត ហង្ស ជួនណារ៉ុន រដ្ធមន្ត្រីក្រសួងអប់រំ យុវជន និងកីឡា លោក Francis Hout ប្រធានការិយាល័យ និង អគ្គកុងស៊ុល នៃស្ថានទូតកាណាដា ប្រចាំនៅព្រះរាជាណាចក្រកម្ពុជា លោក Nesmith Chincuanco នាយកប្រតិបត្តិ Learning Jungle ប្រទេស Canada លោក David Sok Dara Marshall ប្រធានក្រុមប្រឹក្សាភិបាល នៃសភាពាណិជ្ជកម្មកាណាដា ប្រចាំនៅព្រះរាជាណាចក្រកម្ពុជា ព្រមទាំងអាណាព្យាបាលសិស្ស យ៉ាងច្រើនកុះករ។ សាលាអន្តរជាតិ លើននីង ចាំងហ្គល មាន២សាខា ដែលសាខាទី១ស្ថិតនៅ ផ្លូវលេខ៣៣៧ ខណ្ឌទួលគោក នឹងសាខាទី២ ស្ថិតនៅផ្លូវលេខ៥៩៨ ខណ្ឌឬស្សីកែវ ដែលផ្តល់ជូននូវសេវាអប់រំស្តង់ដាអន្តរជាតិចាប់ពីថ្នាក់មតេយ្យរហូតដល់ថ្នាក់ទី៦។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
