គ្រប់រូបកើតក្នុងលោកា ទោះសាសន៍ណា គេថាមានសិទ្ធិដូចគ្នា។
រស់រានមានការការពារ មានសិទ្ធិទាមទារ ទោះជាមានក្រសខ្មៅ។
មានសិទ្ធិរួចពីភាពខ្លៅ សិទ្ធិនេះសំដៅ គេហៅថាសិទ្ធអប់រំ។
សិទ្ធិចូលរួមក្នុងសង្គម រកស៊ីតូចធំ ជួបជុំចងក្រងជាក្រុម។
ថែមទាំងសិទ្ធិប្រមូលផ្តុំ បង្កើតបក្សក្រុម សិទ្ធិផ្តុំធ្វើនយោបាយ។
មានសិទ្ធិដើរហើរជិតឆ្ងាយ អាចលំហែរកាយ សប្បាយទៅតាមច្បាប់ចែង។
មានសិទ្ធិមានទីកន្លែង សង់ផ្ទះសម្បែង ចាត់ចែងតាំងលំនៅដ្ឋាន។
សម្តែងសិល្បៈក៏បាន អប់រំគ្រប់ប្រាណ ថែមបានទាំងសិទ្ធិបោះឆ្នោត។
បាត់សិទ្ធិមួយណាក៏ចោទ កើតរឿងក្រេវក្រោធ ពិសោធធ្លាប់មានច្រើនហើយ។
ទាមទារតាមផ្លូវមិនស្បើយ មិនខ្លាចក្ស័យឡើយ ជួបហើយស្រុកយើងស្រុកគេ។
រឿងនេះមិនមែនលេងទេ មុនបិទសិទ្ធិគេ រដ្ឋរេរិះគិតឲ្យដល់៕
និពន្ធដោយប៉ាកកាខ្មៅ!