ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
អត្ថបទពាណិជ្ជកម្ម
ប្រាក់ មុន្នីឧត្តម៖ បាល់ទាត់កុមារតូយ៉ូតាជាកត្តាជួយអភិវឌ្ឍន៍បាល់ទាត់កម្ពុជាឲ្យរីកចម្រើន
12, Dec 2016 ,
11:33 am
រូបភាព
×
ដោយ:
ខ្សែប្រយុទ្ធដ៏ឆ្នើមរបស់ក្លិបព្រះខ័នរាជស្វាយរៀង ប្រាក់ មុន្នីឧត្តម បានចាត់ទុកព្រឹត្តិការណ៍ប្រកួតជើងឯកពានរង្វាន់បាល់ទាត់កុមារតូយ៉ូតាកម្ពុជា (Toyota Mekong Football Challenge) ជាកត្តាជួយទាក់ទាញកុមារកម្ពុជាឲ្យចូលរួមលេងកីឡាបាល់ទាត់កាន់តែច្រើន ជាពិសេសជួយអភិវឌ្ឍន៍កីឡាបាល់ទាត់កម្ពុជាឲ្យកាន់តែរីកចម្រើន។ ព្រឹត្តិការណ៍បាល់ទាត់កុមារតូយ៉ូតាឆ្នាំនេះមាន២៤សាលាចូលរួម ដោយចាប់ផ្តើមប្រកួតពីថ្ងៃទី១៨ ដល់ថ្ងៃទី៣១ ខែធ្នូ ឆ្នាំ២០១៦។
ទោះបីបច្ចុប្បន្នវិស័យកីឡាបាល់ទាត់កម្ពុជាមានការរីកចម្រើនគួរឲ្យកត់សម្គាល់ក៏ដោយ ប៉ុន្តែកីឡាករ ប្រាក់ មុន្នីឧត្តម ខ្សែប្រយុទ្ធដ៏ឆ្នើមរបស់ក្រុមជម្រើសជាតិកម្ពុជា បានចាត់ទុកព្រឹត្តិការណ៍ការប្រកួតបាល់ទាត់កុមារតូយ៉ូតាកម្ពុជាដែលរៀបចំដោយក្រុមហ៊ុនតូយ៉ូតា។ វាជាព្រឹត្តិការណ៍មួយដ៏ល្អក្នុងការជួយអភិវឌ្ឍន៍វិស័យកីឡាបាល់ទាត់នៅកម្ពុជាឲ្យកាន់តែរីកចម្រើនទៅថ្ងៃអនាគត ព្រោះវាអាចជួយទាក់ទាញកីឡាករវ័យក្មេងឲ្យចូលរួមលេងបាល់ទាត់កាន់តែច្រើន។
ខ្សែប្រយុទ្ធរូបនេះបានបញ្ជាក់យ៉ាងដូច្នេះថា៖«ខ្ញុំគិតថា វាពិតជាល្អ ព្រោះអីវាជាលើកទី១ហើយដែលក្រុមហ៊ុនតូយ៉ូតាបានបង្កើតពានរង្វាន់ឲ្យក្មេងៗគាត់បានលេង ណាមួយខ្ញុំគិតឃើញថា វិស័យកីឡាបាលទាត់ពីមុនក៏រីកចម្រើនដែរ ប៉ុន្តែវាមិនសូវមានសន្ទុះដូចពេលនេះ។ ដូច្នេះខ្ញុំគិតថា ក្មេងៗឥឡូវចាប់ផ្តើមចាប់អារម្មណ៍មកលេងកីឡាបាល់ទាត់ ហើយពេលដែលតូយ៉ូតារៀបចំបែបនេះវារឹតតែធ្វើឲ្យក្មេងៗចង់ចូលរួមកាន់តែខ្លាំង អ៊ីចឹងខ្ញុំគិតថា ការធ្វើអ៊ីចឹង គឺធ្វើឲ្យវិស័យកីឡាបាល់ទាត់យើងឆាប់រីកចម្រើនទៅថ្ងៃខាងមុខ»។
ជាមួយគ្នានេះ តាមរយៈបទពិសោធន៍របស់ខ្លួនដែលចូលប្រឡូកក្នុងវិស័យកីឡាបាល់ទាត់តាំងពីនៅក្មេង ខ្សែប្រយុទ្ធដ៏ឆ្នើមរបស់ក្លិបព្រះខ័នរាជស្វាយរៀងរូបនេះយល់ឃើញថា ការចូលហ្វឹកហាត់ក៏ដូចជាលេងបាល់ទាត់ទាំងខ្លួននៅក្មេងជាកត្តាមួយដ៏ល្អក្នុងការអភិវឌ្ឍន៍ជំនាញរបស់ខ្លួនឲ្យកាន់តែរីកចម្រើន។
«នៅពេលគាត់ចូលរួមហ្វឹកហាត់តាំងពីក្មេងវាធ្វើឲ្យ Skill របស់គាត់មានន័យថាកាន់តែជំនាញ។ អ៊ីចឹងនៅពេលគាត់ធំឡើង ហើយទទួលបានការហ្វឹកហាត់គ្រប់គ្រាន់ គាត់នឹងមានការលេងគ្រប់គ្រាន់តាំងពីក្មេង។ ដូចខ្ញុំអ៊ីចឹងខ្ញុំបានចាប់ផ្តើមតាំងពីអាយុ១៤ទៅ១៥ឆ្នាំ មានន័យថាមានលក្ខណចង់យឺត តែបើពួកគាត់ចូលហ្វឹកហាត់តាំងពីក្មេងអ៊ឺចឹង គាត់ប្រហែលជាល្អជាងខ្ញុំ»។ នេះជាសំដីរបស់កីឡាករ ប្រាក់ មុន្នីឧត្តម។
ទន្ទឹមនឹងនេះ លោក គង់ នួន ប្រធានក្រុមហ៊ុនតូយ៉ូតាខេមបូឌាបានបញ្ជាក់ថា ព្រឹត្តិការណ៍ការប្រកួតពានរង្វាន់បាល់ទាត់កុមារតូយ៉ូតាកម្ពុជាធ្វើឡើងក្នុងគោលបំណងជួយបង្កើនប្រសិទ្ធភាពនៃវិស័យកីឡាបាល់ទាត់កម្ពុជាឲ្យកាន់តែរីកចម្រើន ដោយចាប់ផ្តើមពីការបណ្តុះបណ្តាលកុមារ និងយុវជនថ្នាលដើម្បីអភិវឌ្ឍន៍នូវជំនាញឲ្យកាន់តែប្រសើរឡើង ក៏ដូចជាជួយឲ្យកីឡាករទាំងនោះបានសម្រេចគោលបំណងដែលចង់ក្លាយជាកីឡាករឆ្នើម។
ការប្រកួតពានរង្វាន់បាល់ទាត់កុមារតូយ៉ូតាកម្ពុជាប្រចាំឆ្នាំ២០១៦ ជាលើកទី២ ក្រោមកិច្ចសហការ GFA Soriya Cambodia មាន២៤សាលាចូលរួម ពោលគឺមានកើនឡើង១២សាលាបើប្រៀបធៀបនៅនឹងឆ្នាំមុនដែលមានតែ១២សាលាចូលរួម។ ការប្រកួតនេះនឹងចាប់ផ្តើមពីថ្ងៃទី១៨ ដល់ថ្ងៃទី៣១ ខែធ្នូ ដែលត្រូវនឹងថ្ងៃនៃការប្រកួតជើងឯកពានរង្វាន់តូយ៉ូតាប្រចាំតំបន់ទន្លេមេគង្គ(Toyota Mekong Club 2016)។
ការប្រកួតនេះធ្វើឡើងតាមរូបមន្តជម្រុះ ដោយបែងចែកជាពីរវគ្គក្នុងមួយវគ្គមាន១២សាលា ហើយវគ្គទី១ធ្វើឡើងនៅថ្ងៃទី១៨ ខែធ្នូ ចំណែកវគ្គទី២ធ្វើឡើងនៅថ្ងៃទី២៥ ខែធ្នូ។ ការប្រកួតជម្រុះដែលធ្វើឡើងនៅលើទីលាន 3G ក្នុងវគ្គនីមួយៗត្រូវជម្រុះ៦ក្រុម ដើម្បីបាន៦ក្រុមឡើងទៅកាន់វគ្គផ្តាច់ព្រ័ត្រ ដែលរៀបចំនៅពហុកីឡដ្ឋានជាតិ នាថ្ងៃទី៣១ ខែធ្នូ ឆ្នាំ២០១៦៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បាល់ទាត់
បាល់ទាត់កុមារតូយ៉ូតា
ប្រាក់ មុន្នីឧត្តម
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម