ជាតិ
គ្រោះថ្នាក់ចរាចរណ៍ធ្វើឲ្យកម្ពុជាខាតបង់ថវិកា ៣០០ លានដុល្លារក្នុង១ឆ្នាំ
×
ភ្នំពេញ៖ បើតាមការវាយតម្លៃរបស់ធនាគារអភិវឌ្ឍន៍អាស៊ី (ADB) គ្រោះថ្នាក់ចរាចរណណ៍ទូទាំងប្រទេសបានធ្វើឲ្យកម្ពុជាខាតបង់ថវិកាប្រមាណ ៣០០លានដុល្លារក្នុងមួយឆ្នាំៗ។ ការខាតបង់នេះ ត្រូវបានគិតលើការចំណាយផ្សេងៗ ដូចជា ការព្យាបាលជំងឺ, ការជួសជុលសម្ភារដែលខួចខាតដោយសារគ្រោះថ្នាក់ចរាចរណ៍ ជាដើម។
លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើងពីការវាយតម្លៃរបស់ ADB ចំពោះការខាតបង់ដោយសារគ្រោះថ្នាក់ចរាចរណ៍នៅទូទាំងប្រទេសកម្ពុជានេះ ក្នុងពិធីចុះហត្ថលេខាលើអនុស្សរណៈនៃការយោគយល់គ្នាស្ដីពីការអប់រំសុវត្ថិភាពនៃការបើកបរ រវាងក្រសួងសាធារណការ និងអង្គការ APIWSA នៅថ្ងៃទី១៣ខែធ្នូ។
លោកអះអាងថា បច្ច័យនៃគ្រោះថ្នាក់ចរាចរណ៍បានធ្វើឲ្យរអាក់រអួលដល់គោលនយោបានកាត់បន្ថយភាពក្រីក្ររបស់រដ្ឋាភិបាល ដោយតែគ្រោះថ្នាក់នេះបានបន្សល់ទុកនូវជនពិការ ក្មេងកំព្រា ស្ដ្រីមេម៉ាយ និងបាត់បង់កម្លាំងពលកម្ម។
សូមស្តាប់ប្រសាសន៍ លោក ស៊ុន ចាន់ថុល ខាងក្រោមនេះ៖
បើតាមលោក ស៊ុន ចាន់ថុល គិតជាមធ្យម គ្រោះថ្នាក់ចរាចរណ៍ទូទាំងប្រទេសបានបង្កឲ្យមានមនុស្សស្លាប់ចំនួន ៥នាក់ និងរបួសចំនួន ១៥នាក់ជាក្នុង១ថ្ងៃៗ។
Tag:
ស៊ុន ចាន់ថុល
ចរាចរណ៍
© រក្សាសិទ្ធិដោយ thmeythmey.com