អន្តរជាតិ
ចិនមានមន្ទីរពិសោធន៍ និងចិញ្ចឹមគជ់ខ្យងទឹកសាប-ទឹកប្រៃ សម្រាប់ផលិតគ្រឿងសំអាង និងអលង្ការនានា
×![]()
ហៃណាន៖ ចិនមានមន្ទីរពិសោធន៍គជ់ខ្យង ឬពែក្ស (pearl) ក្នុងខ្លួនសត្វងាវទឹកសាប ឬងាវសមុទ្រ សម្រាបផលិតជាគ្រឿងអលង្ការដ៏មានតម្លៃដែលកកើតដោយធម្មជាតិ ក្នុងខេត្តហៃណាន។
មន្ទីរពិសោធន៍គជ់ខ្យងដែលមានឈ្មោះថា Haiyu Pearl នេះ ស្ថិតនៅក្នុងទីក្រុងសាន់យ៉ា ដែលប៉ូលទេសចរណ៍ពេញនិយមជាប់សមុទ្រចិនខាងត្បូងដែលមានចម្ងាយជាង ២គីឡូម៉ែត្រ ពីហៃខូវដែលជាទីរួមខេត្តហៃណាន។
ចិនបានបង្ហាញការចិញ្ចឹម ការពិសោធន៍ និងការកែច្នៃគជ់ខ្យងសម្រាប់គ្រឿងលម្អរាងកាយ សម្ភារៈប្រើប្រាស់ វត្ថុអនុស្សាវរីយ និង គ្រឿងសំអាងការតុបតែងខ្លួនមនុស្ស។ គជ់ខ្យងដែលត្រូវបានរៀបចំយ៉ាងមានសណ្តាប់ធ្នាប់ ទាំងនោះ រួមមាន ពណ៌ស ផ្កាឈូក ខៀវ បៃតង ប្រផេះ និងពណ៌ខ្មៅ។
ក្រៅពីកន្លែងផលិត និងពិសោធន៍គជ់ មន្ទីរពិសោធន៍ក៏ជាកន្លែងសម្រាប់ទេសចរទិញគ្រឿង អលង្កាការ និងគ្រឿងសំអាងកាយផងដែរ។
ចិនជឿថា គជ់ និងគជ់ខ្យងដែលត្រូវបានគេប្រើប្រាស់ជាគ្រឿងអលង្កាសម្រាប់ពាក់លម្អខ្លួនតាំងពី ៥០០ ឆ្នាំមុនគ្រិស្តសករាជមក អាចជួយលើករាសីខ្ពស់ សុខភាព និងការធ្វើអាជីវកម្ម របស់ពួកគេ៕
© រក្សាសិទ្ធិដោយ thmeythmey.com
