ជាតិ
សេដ្ឋកិច្ច
គ្រឹះស្ថានហិរញ្ញវត្ថុតែ ១ ចូលរួមដេញថ្លៃយកទុនបង្វិលជាប្រាក់រៀលរបស់ NBC លើកទី ៣
×![]()
ភ្នំពេញ៖ នៅក្នុងការដេញថ្លៃលើកទី៣នេះ មានគ្រឹះស្ថានហិរញ្ញវត្ថុចំនួន ១ប៉ុណ្ណោះ ដែលចូលរួមដេញថ្លៃយកសាច់ប្រាក់រៀល របស់ធនាគារជាតិនៃកម្ពុជា (NBC) ដែលទឹកប្រាក់ដេញបានគឺចំនួន ៨ ពាន់លានរៀល ជាមួយអត្រាការប្រាក់ ៣ ភាគរយ។ នេះបើតាមលទ្ធផលដេញថ្លៃ ដែល NBC ប្រកាសនៅថ្ងៃទី២០ខែធ្នូ។
NBC បានដាក់ឲ្យដេញថ្លៃសាច់ប្រាក់រៀលរបស់ខ្លួនចំនួន៣ លើករួចមកហើយដោយគិតទាំងលើកនេះ។ ទឹកប្រាក់ដាក់ឲ្យដេញថ្លៃទាំងបីលើកមានចំនួនដូចគ្នា គឺ ៤០ពាន់លានរៀល។ លើកទី១ មានគ្រឹះស្ថានហិរញ្ញវត្ថុចំនួន៣ចូលរួម ដែលទឹកប្រាក់ដេញបានគឺ ១២ពាន់លានរៀល និងលើកទី២ មានគ្រឹះស្ថានចំនួន៣ ដេញបានប្រាក់សរុប ៨,៤ ពាន់លានរៀល ជាមួយអត្រាការប្រាក់ ៣ ភាគរយដូចគ្នា។
លោក ហួត អេងតុង ប្រធានសមាគមគ្រឹះស្ថានមីក្រូហិរញ្ញវត្ថុកម្ពុជា ថ្លែងប្រាប់សារព័ត៌មានថ្មីៗថា ការថយចុះនូវគ្រឹះស្ថានហិរញ្ញវត្ថុដែលចូលរួមដេញថ្លៃនេះ គឺមកពីការថយចុះតម្រូវការប្រាក់នៅរដូវកាលនេះ។ លោកលើកឡើងយ៉ាងដូច្នេះថា៖«ការរៀបចំដេញថ្លៃនេះល្អហើយ តែការចូលរួមដេញថ្លៃអត់ទាន់មានច្រើន គឺមកពីសេចក្ដីត្រូវការប្រាក់រៀលអត់ទាន់មានច្រើន។ តម្រូវការប្រាក់រៀល គឺទៅតាមពេល មិនមែនត្រូវការរហូតឯណា។ គ្រឹះស្ថានខ្លះគេមានប្រាក់រៀលផ្គត់ផ្គង់ដោយខ្លួនគេ»។ បើតាមលោក ហួត អេងតុង តម្រូវប្រាក់រៀលរបស់គ្រឹះស្ថានថយចុះ ក៏ព្រោះពេលនេះជារដូវប្រមូលផលស្រូវ ដែលកសិករមានថវិកាប្រើប្រាស់ផ្ទាល់ខ្លួន។
ការដាក់ឲ្យដេញថ្លៃប្រាក់រៀលនេះ គឺស្ថិតក្នុងប្រតិបត្តិការផ្ដល់សន្ទនីយភាពដោយមានការធានា (LPCO) ដែល NBC ទើបដាក់ឲ្យអនុវត្ត ដើម្បីជំរុញការផ្ដល់កម្ចីជាប្រាក់ដល់ពលរដ្ឋ ជាមួយអត្រាការប្រាក់សមរម្យ។ តាមរយៈប្រតិបត្តិការនេះ NBC នឹងផ្ដល់កម្ចីជាប្រាក់រៀល ជាមួយនឹងអត្រាការប្រាក់ ដល់គ្រឹះស្ថានហិរញ្ញវត្ថុ ដែលចូលរួមដេញថ្លៃ ដោយ គ្រឹះស្ថានហិរញ្ញវត្ថុទាំងនោះ ត្រូវដាក់ឧករណ៍ដែលអាចជួញដូរបាន (NCD) ជាវត្ថុធានា៕
NBC បានដាក់ឲ្យដេញថ្លៃសាច់ប្រាក់រៀលរបស់ខ្លួនចំនួន៣ លើករួចមកហើយដោយគិតទាំងលើកនេះ។ ទឹកប្រាក់ដាក់ឲ្យដេញថ្លៃទាំងបីលើកមានចំនួនដូចគ្នា គឺ ៤០ពាន់លានរៀល។ លើកទី១ មានគ្រឹះស្ថានហិរញ្ញវត្ថុចំនួន៣ចូលរួម ដែលទឹកប្រាក់ដេញបានគឺ ១២ពាន់លានរៀល និងលើកទី២ មានគ្រឹះស្ថានចំនួន៣ ដេញបានប្រាក់សរុប ៨,៤ ពាន់លានរៀល ជាមួយអត្រាការប្រាក់ ៣ ភាគរយដូចគ្នា។
លោក ហួត អេងតុង ប្រធានសមាគមគ្រឹះស្ថានមីក្រូហិរញ្ញវត្ថុកម្ពុជា ថ្លែងប្រាប់សារព័ត៌មានថ្មីៗថា ការថយចុះនូវគ្រឹះស្ថានហិរញ្ញវត្ថុដែលចូលរួមដេញថ្លៃនេះ គឺមកពីការថយចុះតម្រូវការប្រាក់នៅរដូវកាលនេះ។ លោកលើកឡើងយ៉ាងដូច្នេះថា៖«ការរៀបចំដេញថ្លៃនេះល្អហើយ តែការចូលរួមដេញថ្លៃអត់ទាន់មានច្រើន គឺមកពីសេចក្ដីត្រូវការប្រាក់រៀលអត់ទាន់មានច្រើន។ តម្រូវការប្រាក់រៀល គឺទៅតាមពេល មិនមែនត្រូវការរហូតឯណា។ គ្រឹះស្ថានខ្លះគេមានប្រាក់រៀលផ្គត់ផ្គង់ដោយខ្លួនគេ»។ បើតាមលោក ហួត អេងតុង តម្រូវប្រាក់រៀលរបស់គ្រឹះស្ថានថយចុះ ក៏ព្រោះពេលនេះជារដូវប្រមូលផលស្រូវ ដែលកសិករមានថវិកាប្រើប្រាស់ផ្ទាល់ខ្លួន។
ការដាក់ឲ្យដេញថ្លៃប្រាក់រៀលនេះ គឺស្ថិតក្នុងប្រតិបត្តិការផ្ដល់សន្ទនីយភាពដោយមានការធានា (LPCO) ដែល NBC ទើបដាក់ឲ្យអនុវត្ត ដើម្បីជំរុញការផ្ដល់កម្ចីជាប្រាក់ដល់ពលរដ្ឋ ជាមួយអត្រាការប្រាក់សមរម្យ។ តាមរយៈប្រតិបត្តិការនេះ NBC នឹងផ្ដល់កម្ចីជាប្រាក់រៀល ជាមួយនឹងអត្រាការប្រាក់ ដល់គ្រឹះស្ថានហិរញ្ញវត្ថុ ដែលចូលរួមដេញថ្លៃ ដោយ គ្រឹះស្ថានហិរញ្ញវត្ថុទាំងនោះ ត្រូវដាក់ឧករណ៍ដែលអាចជួញដូរបាន (NCD) ជាវត្ថុធានា៕
Tag:
ប្រាក់រៀល
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
