Big Sam ជា​ជម្រើស​ទី​១ ដើម្បី​ជំនួស​កៅអី Pardew នៅ Crystal Palace
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


កីឡាអន្តរជាតិ, អន្តរជាតិ
Big Sam ជា​ជម្រើស​ទី​១ ដើម្បី​ជំនួស​កៅអី Pardew នៅ Crystal Palace
អត្ថបទ : មុំ ពិទូរ្យ       December-23-2016, 11:53 am         593
រូបភាព
​អតីត​គ្រូបង្វឹក​ក្រុមបាល់ទាត់​ជម្រើសជាតិ​អង់គ្លេស លោក Sam Allardyce ឬ​ហៅថា Big Sam អាចជា​បេក្ខភាព​ទីមួយ​ដើម្បី​ជំនួស​តំណែង លោក Alan Pardew ដែល​ត្រូវ​ក្រុម Crystal Palace បញ្ចប់​ពី​កៅអី​អ្នកចាត់ការ​ទូទៅ​កាលពី​ថ្ងៃ​ព្រហស្បតិ៍​ម្សិលមិញ​នេះ​។ នេះ​បើ​យោងតាម​ការចុះផ្សាយ​រប​ស់ BBC​។​
 
​ក្លិប Crystal Palace កំពុង​សំឡឹង​រក​អ្នកចាត់ការ​ក្លឹប​ថ្មី បន្ទាប់ពី​លោក Alan Pardew ត្រូវបាន បញ្ឈប់​តំណែង​ក្រោយ​ដឹកនាំ​ក្រុម​មិនបាន​ល្អ​សោះ​។ ក្រុម​ដែលមាន​មូលដ្ឋាន​នៅ​ក្រុង​ឡុង​ន៍​ឈ្នះ​តែម្តង​ប៉ុណ្ណោះ ក្នុងចំណោម ១១​ប្រកួត​ចុងក្រោយ​។ សព្វថ្ងៃ Crystal Palace ស្ថិតនៅ​ចំណាត់ថ្នាក់​១៧ នៃ​តារាង​ពិន្ទុ​ក្របខ័ណ្ឌ Premier League និង​ស្ថិតនៅលើ​តំបន់​ត្រូវ​កាត់ចោល​តែមួយ​ចំណាត់ថ្នាក់​។​
 
​បន្ទាប់ពី​ការបញ្ចប់​តំណែង​នេះ Crystal Palace កំពុង​ពិចារណា​លើ​បេក្ខភាព​លោក Sam Allardyce សម្រាប់​តំណែង​អ្នកចាត់ការ​ទូទៅ​ថ្មី​នេះ​។ អតីត​អ្នកចាត់ការ​ក្លឹប​ញញួរ West Ham United ក្លាយជា​ជម្រើស​ឈានមុខ​គេ ខណៈ​លោក​ក៏​កំពុងតែ​នៅ​ទំនេរ​ពី​ការងារ ក្រោយ​បញ្ចប់​ការងារ​នៅ​ក្រុម​ជម្រើសជាតិ​អង់គ្លេស​នោះ​។​
 
​សូម​រម្លឹកថា Big Sam វ័យ​៦២​ឆ្នាំនេះ ធ្លាប់​ដឹកនាំ​ក្រុម​ជម្រើសជាតិ​អង់គ្លេស​បានតែ​មួយ​ប្រកួត​ប៉ុណ្ណោះ​ហើយ​ត្រូវ​ប​ញ្ឍ​ប់​វិញ​។ លោក ត្រូវបាន​សហព័ន្ធ​កីឡាបាល់ទាត់​អង់គ្លេស ហៅ​កាត់​ថា FA បញ្ចប់​តំណែង បន្ទាប់ពី​រកឃើញថា​បាន​ប្រើ​តួនាទី​ខុស​ដើម្បី​ចរចា​លើ​កិច្ចព្រមព្រៀង​មួយ​ដែលមាន​តម្លៃ​ជាង​៥​សែន​ដុល្លា​អាមេរិក និង​ផ្តល់​ដំបូន្មាន​ពី​របៀប​ផ្ទេរ​កីឡាករ កាលពី​ខែកញ្ញា​កន្លងទៅ​៕
 
 
 
Tag:
 Sam Allardyce
  Crystal Palace
  Alan Pardew
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
2 hrs - 2367
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2006
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1035
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2959
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2313
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017