Ronaldo លើក​ទឹកចិត្ត​ដល់​កុមារ​ស៊ី​រី​ថា «​កុំ​អស់​ក្តីសង្ឃឹម​»
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


កីឡាអន្តរជាតិ, អន្តរជាតិ
Ronaldo លើក​ទឹកចិត្ត​ដល់​កុមារ​ស៊ី​រី​ថា «​កុំ​អស់​ក្តីសង្ឃឹម​»
អត្ថបទ : ធឿន បញ្ញាឬទិ្ធ       December-24-2016, 9:39 pm         1102
រូបភាព
Cristiano Ronaldo ខ្សែប្រយុទ្ធ​ជម្រើសជាតិ​ព័រ​ទុយ​ហ្គា​ល់ និង​ក្លិប Real Madrid បាន​ផ្ញើ​សារលើកទឹកចិត្ត​ដល់​កុមារ​រងគ្រោះ​នៅ​ស៊ី​រី ថា កុំ​ឲ្យ​អស់សង្ឃឹម ជាមួយនឹង​ការសន្យា​ជួយ​សម្រាល​បញ្ហា​ពួកគេ​។​


​តាមរយៈ​វីដេអូ​ឃ្លី​ប ៣០​វិនាទី កីឡាករ​ខ្សែប្រយុទ្ធ​ល្បីល្បាញ ដែល​នាំ​ឲ្យ​ក្រុម​ជម្រើសជាតិ​ព័រ​ទុយ​ហ្គា​ល ទទួលបាន​ពានរង្វាន់ EURO ឆ្នាំ​២០១៦ និង​ជា​ម្ចាស់​ពាន Ballon d’Or រូបនេះ បាន​និយាយ​ជា​ភាសា​អង់គ្លេស ទៅកាន់​កុមារ​ដែល​កំពុង​រងគ្រោះ​ដោយសារ​សង្គ្រាម​នៅ​ស៊ី​រី ដោយ​មានន័យ​ដូច្នេះ​ថា​៖«​យើង​ដឹងថា​អ្នក​កំពុង​រង​ទុក្ខ ឈឺចាប់​។​ក្នុងនាម​ខ្ញុំ​ជា​កីឡាករ​បាល់ទាត់​ល្បី​ក្នុង​ពិភពលោក ខ្ញុំ​នឹង​ជួយ​ដោះស្រាយ​បញ្ហា​របស់​អ្នក​។ ខ្ញុំ​ចង់​ប្រាប់ថា​អ្នក​(​កុមារ​)​កុំ​អស់សង្ឃឹម ពិភពលោក​នឹង​នៅ​ជាមួយ​អ្នក​។ យើង​យកចិត្តទុកដាក់​លើ​អ្នក ហើយ​ខ្ញុំ​នឹង​នៅ​ជាមួយ​អ្នកជា​និច្ច​»​។​

​សារ​នៃ​ក្តីសង្ឃឹម​នេះ ធ្វើឡើង​បន្ទាប់ពី Ronaldo បានផ្តល់​មូលនិធិ​សប្បុរសធម៌​តាមរយៈ​អង្គការ Save the Children ដើម្បី​ជួយ​ដល់​កុមារ​ដែល​រងគ្រោះ​ដោយសារ​សង្គ្រាម​នៅ​ស៊ី​រី ជាពិសេស​នៅ​ទីក្រុង Aleppo​។​

​គួរ​បញ្ជាក់ថា ប្រទេស​ស៊ី​រី បាន​ផ្ទុះ​សង្គ្រាមស៊ីវិល​ជា​យូរ​រ៉ាំ​រៃ​មក​ណាស់​ហើយ រវាង​ក្រុម​ពួក​ឧទ្ទាម និង​អ្នកគាំទ្រ​រដ្ឋាភិបាល ដែល​បណ្ដា​ឲ្យ​មនុស្ស​ស្លាប់​រាប់ម៉ឺន​នាក់ ជាពិសេស​នោះ គឺ​កុមារ​។ ក្រៅពីនេះ​ប្រជាជន​ស៊ី​រី​រាប់ពាន់នាក់ ក៏បាន​ភៀសខ្លួន​ទៅ​ជ្រកកោន​នៅ​ប្រទេស​ដទៃទៀត​ផងដែរ​៕


   រក្សាសិទ្ធិដោយ thmeythmey.com  
ព័ត៌មានចម្រុះ
2 hrs - 2435
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2019
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2962
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2320
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017