អន្តរជាតិ
នយោបាយអន្តរជាតិ
ជប៉ុនឃ្លាំមើលនាវាដឹកយន្តហោះចិនដែលធ្វើសមយុទ្ធនៅមហាសមុទ្រប៉ាស៊ីហ្វិក
×![]()
ចុងសប្តាហ៍នេះ នាវាដឹកយន្តហោះចម្បាំងចិនទីមួយ Liaoning ធ្វើដំណើរទៅកាន់ភាគខាងលិចមហាសមុទ្រដើម្បីចូលរួមក្នុងសមយុទ្ធយោធាដើម្បីសាកសមត្ថភាពប្រយុទ្ធក្នុងដែនសមុទ្រទឹកជ្រៅ (Blue Water Navy)។ រីឯជប៉ុន បានអះអាងថាខ្លួនកំពុងឃ្លាំមើលសកម្មភាពរបស់ទាហានចិនជាពិសេសនាវាដឹកនយន្តហោះចម្បាំងនៅមហាសមុទ្រប៉ាស៊ីហ្វិកនេះ។
សូមស្ដាប់ព័ត៌មានលម្អិត៖
**audio2**
ក្រសួងការពារជាតិចិនបានចេញសេចក្តីប្រកាសព័ត៌មានមួយបញ្ជាក់ថា នាវាដឹកយន្តហោះចម្បាំងទីមួយ (Liaoning) របស់ខ្លួនទៅកាន់តំបន់ភាគខាងលិចមហាសមុទ្រប៉ាស៊ីហ្វិកដើម្បីចូលរួមសមយុទ្ធយោធាទ្រង់ទ្រាយធំមួយ។ ជប៉ុនដែលជាមិត្តជិតខាងនោះបានបង្ហាញក្តីបារម្ភចំពោះការចល័តទ័ពនេះ ហើយអះអាងថាខ្លួនកំពុងឃ្លាំមើលសកម្មភាពនាវាក្រុងប៉េកាំងនេះ។
យោងតាមសារព័ត៌មាន South China Morning Post ក្រសួងការពារជាតិជប៉ុនបានឃើញ នាវា Liaoning ចេញដំណើរឆ្លងតាមដែនសមុទ្រអន្តរជាតិទៅកាន់កន្លែងសមយុទ្ធយោធាអមដោយនាវាចម្បាំង ៧គ្រឿងផ្សេងទៀត។ ប៉ុន្តែនាវាទាំងនេះមិនបានឆ្លងចូលដែនសមុទ្រជប៉ុនឡើយ។
បើតាមក្រសួងការពារជាតិចិន សមយុទ្ធយោធានេះជាលំហាត់យោធាប្រចាំឆ្នាំ ហើយវាក៏ធ្វើឡើងដើម្បីកសាងសមត្ថភាពរបស់កងទ័ពក្នុងការប្រយុទ្ធនៅក្នុងដែនសមុទ្រទឹកជ្រៅ (Blue Water Navy)ដែរ។ ប៉ុន្តែចិនមិនបានផ្តល់ព័ត៌មានលម្អិតពាក់ព័ន្ធការធ្វើសមយុទ្ធនេះឡើយ។
តាមពិតទៅ សមយុទ្ធនៅមហាសមុទ្រប៉ាស៊ីហ្វិកនេះកើតឡើងស្របពេលដែលចិនក្តៅស្លឹកត្រចៀកខ្លាំងដោយសារប្រធានាធិបតីអាមេរិកថ្មី ដូណាល់ ត្រាំ ទូរសព្ទទៅជជែកជាមួយមេដឹកនាំកោះតៃវ៉ាន់នោះ។
មុនមានលំហាត់យោធានៅមហាសមុទ្រប៉ាស៊ីហ្វិកនេះ នាវាដឹកយន្តហោះចម្បាំង Liaoning បានចូលរួមក្នុងសកម្មភាពលំហាត់យោធាកងទ័ពជើងអាកាសដែលមានទាំងការហោះហើរយន្តហោះចម្បាំង, ប្រយុទ្ធនិងសង្គ្រោះជាដើម នៅសមុទ្រលឿង (Yellow Sea)។
សូមបញ្ជាក់បន្តិចផងដែរថា នាវា Liaoning ជានាវាដឹកយន្តហោះទីមួយ ហើយវាមិនមែនជានាវាផលិតក្នុងស្រុកទេ តែវាជាប្រភេទនាវាផលិតដោយសហភាពសូវៀតមានទម្ងន់ ៦ម៉ឺនតោន ដែលចិនបានទិញមកពីអ៊ុយក្រែនកាលពីឆ្នាំ១៩៩៨។ ហើយចិនបានកែលម្អនិងច្នៃឡើងវិញសម្រាប់ប្រើប្រាស់ក្នុងវិស័យយោធាខ្លួន។ រហូតដល់ឆ្នាំ ២០១២ នាវាដឹកយន្តហោះនេះត្រូវបានគេដាក់ឲ្យដំណើរការជាផ្លូវការតែម្តង។
បច្ចុប្បន្ននេះចិនកំពុងបន្តសាងសង់នាវាផ្ទុកយន្តហោះទី២របស់ខ្លួន។ ការសង់នាវាដឹកយន្តហោះបន្ថែមនេះ ជាផ្នែកមួយនៃយុទ្ធសាស្ត្រពង្រឹងអំណាចយោធារបស់ខ្លួនជាពិសេសអំណាចកងទ័ពជើងទឹកតែម្តង ស្របពេលដែលមហាអំណាចនេះប្រឈមបញ្ហាសន្តិសុខច្រើននិងមានជម្លោះជាមួយបណ្តារដ្ឋដទៃក្នុងបញ្ហាសមុទ្រចិនខាងត្បូងផង។ នៅពេល ចិនមាននាវាដឹកយន្តហោះចម្បាំងច្រើន វានឹងជួយពង្រឹងយុទ្ធសាស្ត្រយោធានិងសម្រួលដល់ការប្រតិបត្តិការយោធារបស់ខ្លួនក្នុងកាលៈទេសៈចាំបាច់ ក៏ដូចជាដើម្បី ការពារប្រយោជន៍របស់ខ្លួននៅបរទេសដែរ ៕
សូមស្ដាប់ព័ត៌មានលម្អិត៖
**audio2**
ក្រសួងការពារជាតិចិនបានចេញសេចក្តីប្រកាសព័ត៌មានមួយបញ្ជាក់ថា នាវាដឹកយន្តហោះចម្បាំងទីមួយ (Liaoning) របស់ខ្លួនទៅកាន់តំបន់ភាគខាងលិចមហាសមុទ្រប៉ាស៊ីហ្វិកដើម្បីចូលរួមសមយុទ្ធយោធាទ្រង់ទ្រាយធំមួយ។ ជប៉ុនដែលជាមិត្តជិតខាងនោះបានបង្ហាញក្តីបារម្ភចំពោះការចល័តទ័ពនេះ ហើយអះអាងថាខ្លួនកំពុងឃ្លាំមើលសកម្មភាពនាវាក្រុងប៉េកាំងនេះ។
យោងតាមសារព័ត៌មាន South China Morning Post ក្រសួងការពារជាតិជប៉ុនបានឃើញ នាវា Liaoning ចេញដំណើរឆ្លងតាមដែនសមុទ្រអន្តរជាតិទៅកាន់កន្លែងសមយុទ្ធយោធាអមដោយនាវាចម្បាំង ៧គ្រឿងផ្សេងទៀត។ ប៉ុន្តែនាវាទាំងនេះមិនបានឆ្លងចូលដែនសមុទ្រជប៉ុនឡើយ។
បើតាមក្រសួងការពារជាតិចិន សមយុទ្ធយោធានេះជាលំហាត់យោធាប្រចាំឆ្នាំ ហើយវាក៏ធ្វើឡើងដើម្បីកសាងសមត្ថភាពរបស់កងទ័ពក្នុងការប្រយុទ្ធនៅក្នុងដែនសមុទ្រទឹកជ្រៅ (Blue Water Navy)ដែរ។ ប៉ុន្តែចិនមិនបានផ្តល់ព័ត៌មានលម្អិតពាក់ព័ន្ធការធ្វើសមយុទ្ធនេះឡើយ។
តាមពិតទៅ សមយុទ្ធនៅមហាសមុទ្រប៉ាស៊ីហ្វិកនេះកើតឡើងស្របពេលដែលចិនក្តៅស្លឹកត្រចៀកខ្លាំងដោយសារប្រធានាធិបតីអាមេរិកថ្មី ដូណាល់ ត្រាំ ទូរសព្ទទៅជជែកជាមួយមេដឹកនាំកោះតៃវ៉ាន់នោះ។
មុនមានលំហាត់យោធានៅមហាសមុទ្រប៉ាស៊ីហ្វិកនេះ នាវាដឹកយន្តហោះចម្បាំង Liaoning បានចូលរួមក្នុងសកម្មភាពលំហាត់យោធាកងទ័ពជើងអាកាសដែលមានទាំងការហោះហើរយន្តហោះចម្បាំង, ប្រយុទ្ធនិងសង្គ្រោះជាដើម នៅសមុទ្រលឿង (Yellow Sea)។
សូមបញ្ជាក់បន្តិចផងដែរថា នាវា Liaoning ជានាវាដឹកយន្តហោះទីមួយ ហើយវាមិនមែនជានាវាផលិតក្នុងស្រុកទេ តែវាជាប្រភេទនាវាផលិតដោយសហភាពសូវៀតមានទម្ងន់ ៦ម៉ឺនតោន ដែលចិនបានទិញមកពីអ៊ុយក្រែនកាលពីឆ្នាំ១៩៩៨។ ហើយចិនបានកែលម្អនិងច្នៃឡើងវិញសម្រាប់ប្រើប្រាស់ក្នុងវិស័យយោធាខ្លួន។ រហូតដល់ឆ្នាំ ២០១២ នាវាដឹកយន្តហោះនេះត្រូវបានគេដាក់ឲ្យដំណើរការជាផ្លូវការតែម្តង។
បច្ចុប្បន្ននេះចិនកំពុងបន្តសាងសង់នាវាផ្ទុកយន្តហោះទី២របស់ខ្លួន។ ការសង់នាវាដឹកយន្តហោះបន្ថែមនេះ ជាផ្នែកមួយនៃយុទ្ធសាស្ត្រពង្រឹងអំណាចយោធារបស់ខ្លួនជាពិសេសអំណាចកងទ័ពជើងទឹកតែម្តង ស្របពេលដែលមហាអំណាចនេះប្រឈមបញ្ហាសន្តិសុខច្រើននិងមានជម្លោះជាមួយបណ្តារដ្ឋដទៃក្នុងបញ្ហាសមុទ្រចិនខាងត្បូងផង។ នៅពេល ចិនមាននាវាដឹកយន្តហោះចម្បាំងច្រើន វានឹងជួយពង្រឹងយុទ្ធសាស្ត្រយោធានិងសម្រួលដល់ការប្រតិបត្តិការយោធារបស់ខ្លួនក្នុងកាលៈទេសៈចាំបាច់ ក៏ដូចជាដើម្បី ការពារប្រយោជន៍របស់ខ្លួននៅបរទេសដែរ ៕
Tag:
Liaoning
ជប៉ុន
ចិន
Blue Water Navy
© រក្សាសិទ្ធិដោយ thmeythmey.com
