អន្តរជាតិ
នយោបាយអន្តរជាតិ
×![]()
ការមិនប្រើប្រាស់សិទ្ធិវេតូជំទាស់ដំណោះស្រាយក្រុមប្រឹក្សាសន្តិសុខអង្គការសហប្រជាជាតិដែលខ្លួនធ្លាប់ប្រើប្រាស់រាប់សិបដងមកហើយដើម្បីការពារអ៊ីស្រាអែលនោះ បានធ្វើឲ្យអ៊ីស្រាអែលចោទរដ្ឋបាលលោក បារ៉ាក់ អូបាម៉ា «ក្បត់អ៊ីស្រាអែល»។ អ៊ីស្រាអែលក៏ត្រៀមខ្លួនធ្វើសង្គ្រាមការទូតជាមួយបណ្តាប្រទេសនានាដែលគាំទ្រដំណោះស្រាយប្រឆាំងអ៊ីស្រាអែលក្នុងក្រុមប្រឹក្សាសន្តិសុខផងដែរ។
អ៊ីស្រាអែលបានកោះហៅមន្ត្រីទូតប្រទេសសមាជិកក្រុមប្រឹក្សាសន្តិសុខមកជួបនិងសួរនាំផងដែរ ក្រោយការបោះឆ្នោតអនុម័តដំណោះស្រាយប្រឆាំងអ៊ីស្រាអែលនៅក្រុមប្រឹក្សាសន្តិសុខសប្តាហ៍មុន។
គេដឹងច្បាស់ថា អ៊ីស្រាអែលកោះហៅមកប្រាប់ថាខ្លួនមិនពេញចិត្ត និងត្រៀមលក្ខណៈតបតតាមដែលអាចធ្វើបានដែរ។ អ៊ីស្រាអែលគំរាមសងសឹកដោយប្រើប្រាស់វិធានការការទូតនិងសេដ្ឋកិច្ចដើម្បីប្រឆាំងប្រទេសណាដែលគាំទ្រដំណោះស្រាយប្រឆាំងអ៊ីស្រាអែល។ រដ្ឋមន្ត្រីពាក់ព័ន្ធត្រូវបាននាយរដ្ឋមន្ត្រី ប៊ិនចាមិន នេតាន់យ៉ាហ៊ូ ប្រាប់ឲ្យត្រៀមលក្ខណៈកាត់បន្ថយទំនាក់ទំនងការទូតនិងសេដ្ឋកិច្ចជាមួយបណ្តាប្រទេសសមាជិកក្រុមប្រឹក្សាសន្តិសុខដែលបានបោះឆ្នោតគាំទ្រដំណោះស្រាយផងដែរ។
បញ្ហានៅពេលនេះមិនមែនជាទំនាក់ទំនងជាមួយអាមេរិក ឬអង្គការសហប្រជាជាតិទេ តែជាទំនាក់ទំនងរវាងអ៊ីស្រាអែលជាមួយពិភពលោកទាំងមូល។ តើអ៊ីស្រាអែលសុខចិត្តរស់នៅម្នាក់ឯង ក្នុងភាពឯកោហើយបន្តសកម្មភាពសង់លំនៅដ្ឋានខុសច្បាប់លើដីប៉ាឡេស្ទីន ទាំងដែលពិភពលោកទាំងមូលមើលឃើញថាខុសឬ? តើសំណង់ខុសច្បាប់និងទន្ទ្រានលើទឹកដីគេនោះពិតជាមានតម្លៃខ្លាំងជាងទំនាក់ទំនងជាមួយពិភពលោកមែនទេ?
-រដ្ឋបាលលោក អូបាម៉ា មានចេតនាអនុញ្ញាតឲ្យដំណោះស្រាយប្រឆាំងអ៊ីស្រាអែលចេញបាន
សហរដ្ឋអាមេរិកមិនបានប្រើប្រាស់បុព្វសិទ្ធិការទូតខ្លួនការពារអ៊ីស្រាអែលនោះបានក្លាយជារឿងចម្រូងចម្រាសខ្លាំង។ រដ្ឋាភិបាលអ៊ីស្រាអែលខឹងសម្បារក្រុងវ៉ាស៊ីនតោនជាខ្លាំង ហើយថែមទាំងបានទិតៀនរដ្ឋបាលលោក បារ៉ាក់ អូបាម៉ា ឥតមានសំចៃមាត់ឡើយ។
ជាការពិត អាមេរិកអាចប្រើប្រាស់សិទ្ធិជំទាស់បានដើម្បីទាត់ចោលដំណោះស្រាយដែលទារឲ្យអ៊ីស្រាអែលបញ្ឈប់ការសង់សំណង់ដ្ឋានខុសច្បាប់លើទឹកដីប៉ាឡេស្ទីន។ តែរដ្ឋបាលលោក អូបាម៉ា មិនចង់ប្រើប្រាស់សិទ្ធិនេះឡើយ ព្រោះវាមិនសមរម្យទាំងគោលការណ៍សីលធម៌និងផ្លូវច្បាប់។
ដើមឡើយ អេហ្ស៊ីបជាអ្នកព្រាងដំណោះស្រាយនេះ ប៉ុន្តែរដ្ឋមួយនេះសុខចិត្តដកមកវិញក្រោយប្រធានាធិបតីទើបជាប់ឆ្នោតទូរសព្ទទៅសួរនាំ និងស្នើឲ្យដកដំណោះស្រាយនេះចេញ។ អេហ្ស៊ីបមិនខ្វល់ពីរដ្ឋបាលអូបាម៉ាឡើយ ព្រោះ ដូណាល់ ត្រាំ ឯណោះទេនឹងត្រូវដឹកនាំអាមេរិកក្នុងរយៈពេល ៤ឆ្នាំទៅមុខយ៉ាងតិច។ ហើយសម្រាប់អេហ្ស៊ីប ប៉ាឡេស្ទីនក៏មិនមានតម្លៃអ្វីច្រើនដូចអ៊ីស្រាអែលដែរ។ ដូច្នេះ ដកដំណោះស្រាយចេញដើម្បីកុំឲ្យមានរឿងហ្មងសៅទៅថ្ងៃមុខ។
សូមនិយាយរឿងដំណោះស្រាយនេះបន្តទៀត។ ក្រោយអេហ្ស៊ីបដកសេចក្តីព្រាងដំណោះស្រាយហើយ ប្រទេសម៉ាឡេស៊ី សេណេហ្កាល់ ណូវែលសេឡង់ និងវេណេហ្ស៊ុយអេឡា បានដាក់សេចក្តីព្រាងដំណោះស្រាយរបស់ខ្លួនវិញម្តងចូលក្នុងរបៀបវារៈនៃការបោះឆ្នោតក្រុមប្រឹក្សាសន្តិសុខ។ ក្នុងចំណោមប្រទេសសមាជិកទាំង ១៥ ប្រទេស ១៤រួមទាំងសមាជិកអចិន្ត្រៃយ៍ ៤ផងនោះបានបោះឆ្នោតគាំទ្រដំណោះស្រាយ ខណៈមន្ត្រីទូតអាមេរិកលោកស្រី Samantha Power សុខចិត្តមិនលើកដៃបោះឆ្នោតប្រឆាំងដែលមានន័យថាអាមេរិកបោះឆ្នោតអនុប្បវាទ។
-រដ្ឋបាលអូបាម៉ា ក្បត់ អ៊ីស្រាអែល
ក្រោយការបោះឆ្នោតនៅក្រុមប្រឹក្សាសន្តិសុខ អ៊ីស្រាអែលក្តៅស្លឹកត្រចៀកខ្លាំងដែលអាមេរិកមិនស្តាប់បង្គាប់ខ្លួន ហើយរដ្ឋាភិបាលនេះហ៊ានចោទថា «រដ្ឋបាលលោក អូបាម៉ា កំពុងក្បត់អ៊ីស្រាអែល»។ ប្រធានាធិបតី អូបាម៉ា ដែលនៅសល់ពេលមិនដល់មួយខែស្រួលបួលក្នុងតំណែងនោះ មិនបានឈឺក្បាលវិលមុខអ្វីឡើយព្រោះលោកកំពុងលំហែកាយនៅរដ្ឋហាវ៉ៃឯណោះ។ លោកដឹងមុនថា អ៊ីស្រាអែលប្រាកដជាជេរប្រមាថលោកច្រាសឆ្អេះ តែលោកមិនខ្វល់ឡើយព្រោះវាជាសារព្រមានសម្រាប់រដ្ឋាភិបាលអ៊ីស្រាអែលដែលតែងអាងខ្នងអាមេរិក។
«តាមព័ត៌មានដែលយើងទទួលបាន យើងមិនមានមន្ទិលសង្ស័យទេដែលថារដ្ឋបាល អូបាម៉ា ផ្តួចផ្តើមឡើង។នៅពីក្រោយ ហើយក៏សហការជាមួយក្រុមប្រទេសដទៃទៀតដើម្បីរៀបចំចងក្រងដំណោះស្រាយនិងធ្វើយ៉ាងណាជំរុញឲ្យវាត្រូវអនុម័ត»។ នេះជាការបញ្ជាក់របស់នាយករដ្ឋមន្ត្រីអ៊ីស្រាអែលនិងជារដ្ឋមន្ត្រីកាបរទេស បេនចាមិន នេតាន់យ៉ាហ៊ូ (Bejamin Netanyahu) ក្នុងកិច្ចប្រជុំគណរដ្ឋមន្ត្រីរបស់ខ្លួន។ ជំហររដ្ឋបាលលោក អូបាម៉ា បង្ហាញឲ្យឃើញច្បាស់ពីការប្រែប្រួលនៃទំនាក់ទំនងជាលក្ខណៈប្រពៃណីរវាង អ៊ីស្រាអែលនិងអាមេរិក។
តាំងពីអ៊ីស្រាអែលប្រកាសឯករាជ្យ អាមេរិកប្រឹងប្រែការពារអ៊ីស្រាអែលតាមផ្លូវការទូត និងផ្តល់លុយកាក់និងសព្វាវុធផងដើម្បីជួយអ៊ីស្រាអែលពង្រឹងវិស័យការពារជាតិរបស់ខ្លួន។ អ៊ីស្រាអែលមានឥទ្ធិពលខ្លាំងលើការសម្រេចចិត្តរបស់អាមេរិក ដោយសារប្រជាជនជ្វីវកាន់កាប់ស្ថាប័ននយោបាយតាំងពីសភា ដល់គណរដ្ឋមន្ត្រី និងខ្លះទៀតកាន់កាប់ជំនួញធំៗរាប់មិនអស់ផង។ ដូច្នេះហើយ ចង់មិនចង់រាល់ការសម្រេចនានារបស់អាមេរិកសុទ្ធតែរងឥទ្ធិពលរបស់សហគមនអ៊ីស្រាអែល។
ដូចឃើញស្រាប់កញ្ចប់ជំនួយការពារជាតិដែលមានទំហំ ៣៨ ពាន់លានដុល្លារទើបត្រូវសភាអាមេរិកអនុម័តកាលពីខែកញ្ញាដើម្បីផ្គត់ផ្គង់ឲ្យអ៊ីស្រាអែលលើវិស័យការពារជាតិសម្រាប់ពេល ១០ឆ្នាំនោះ។
ថ្វីបើអ៊ីស្រាអែកមានឥទ្ធិពលលើនយោបាយអាមេរិកក៏ដោយ លោក នេតាន់យ៉ាហ៊ូ និងលោក អូបាម៉ា មិនសូវមានទំនាក់ទំនងល្អជាមួយឡើយ។ អ្នកទាំងពីរបន្តប្រឈមមុខដាក់គ្នានិងធ្លាប់រិះគន់គ្នាញឹកញយដែរតាំងពីលោក អូបាម៉ា ឡើងកាន់តំណែងម្ល៉េះ។ សូម្បីតែប្រមុខការទូតរបស់រដ្ឋបាលលោក អូបាម៉ា លោក ចន ឃែរី ធ្លាប់ហៅអ៊ីស្រាអែលថាជា «រដ្ឋ Apartheid» ថែមទៀតរហូតធ្វើឲ្យអ៊ីស្រាអែលកើតទុក្ខមិនសុខចិត្តហៅឲ្យ ឃែរី សុំអភ័យទោសផង។
យ៉ាងណាក៏ដោយ រឿងដែលធ្វើឲ្យអ៊ីស្រាអែលនិងអាមេរិកប្រឈមមុខគ្នាខ្លាំងចុងក្រោយបង្អស់គឺការជួយជ្រោមជ្រែងរបស់រដ្ឋបាលលោក អូបាម៉ា ចំពោះការបង្កើតកិច្ចព្រមព្រៀងនុយក្លេអ៊ែរអ៊ីរ៉ង់កាលពីខែកក្កដាឆ្នាំមុន។ រដ្ឋបាលអ៊ីស្រាអែលចាត់ទុកកិច្ចព្រមព្រៀងនេះជាគ្រោះថ្នាក់បំផុតសម្រាប់ខ្លួន ហើយអ៊ីស្រាអែលគំរាមប្រើប្រាស់អន្តរាគមន៍ឯកតោភាគីដើម្បីវាយសំពោងអ៊ីរ៉ង់និងបំផ្លាញកម្មវិធីនុយក្លេអ៊ែរអ៊ីរ៉ង់ក្នុងករណីចាំបាច់ថែមទៀត។
យ៉ាងណាក៏ដោយចុះ ក្រោយ ភ្លៀង មេឃប្រាកដជាស្រឡះ។ អ៊ីស្រាអែលកំពុងរង់សហការជាមួយប្រធានាធិបតីទើបជាប់ឆ្នោតលោក ដូណាល់ ត្រាំ ដើម្បីស្តារទំនាក់ទំនងដែលល្អក់ករកនិងភាពហ្មងសៅដែលមានកន្លងមក។
យ៉ាងណាកដោយ វាប្រហែលលែងជាបញ្ហានៅពេលដែលអ្នកជំនួញក្លាយជាអ្នកនយោបាយ លោក ដូណាល់ ត្រាំ ឡើងកាន់តំណែងជាផ្លូវការ។ អ៊ីស្រាអែលមានទឹកមាត់លេបវិញពេលដែលដូណាល់ ត្រាំ ក្លាយជាប្រធានាធិបតី ហើយដំណោះស្រាយដែលប្រឆាំងអ៊ីស្រាអែលនឹងក៏នឹងត្រូវអាមេរិកទាត់ចោលដែរ។
ដូណាល់ ត្រាំ ក្លាយជាអ្នកនយោបាយដែលមាននិន្នាការទោរទន់ទៅរកអ៊ីស្រាអែល។ តាំងពីមុនឈ្នះឆ្នោតម្ល៉េះ លោកបានសន្យាប្តូរស្ថានទូតអាមេរិកពី Tel Aviv ទៅកាន់ក្រុងហ្ស៊េរុយសាឡិមដើម្បីបង្ហាញពីការទទួលស្គាល់ភាពស្របច្បាប់នៃការកាន់កាប់ទឹកដីភាគខាងកើតក្រុងហ្ស៊េរុយសាឡិមដោយអ៊ីស្រាអែលតាំងពីឆ្នាំ ១៩៦៧មកនោះ។ ប្រទេសជាច្រើនលើពិភពលោកមិនហ៊ានទទួលស្គាល់ទេព្រោះគេដឹងថាវាខុសច្បាប់ តែអាមេរិកនឹងទទួលស្គាល់។
បើរឿងបែបនេះកើតឡើងមែន ទង្វើរបស់អាមេរិកក្រោមអាណត្តិលោក ដូណាល់ ត្រាំ មិនត្រឹមតែមិនជួយឲ្យមជ្ឈិមបូព៌ាអាចសម្រេនបាននូវសុខសន្តិភាពប៉ុណ្ណោះទេ ថែមទាំងបំផ្លាញដំណើរការស្វែងរកសន្តិភាពរវាងរដ្ឋជ្វីវអ៊ីស្រាអែល និងរដ្ឋអារ៉ាប់ប៉ាឡេស្ទីនថែមទៀតផង៕
អ៊ីស្រាអែលបានកោះហៅមន្ត្រីទូតប្រទេសសមាជិកក្រុមប្រឹក្សាសន្តិសុខមកជួបនិងសួរនាំផងដែរ ក្រោយការបោះឆ្នោតអនុម័តដំណោះស្រាយប្រឆាំងអ៊ីស្រាអែលនៅក្រុមប្រឹក្សាសន្តិសុខសប្តាហ៍មុន។
គេដឹងច្បាស់ថា អ៊ីស្រាអែលកោះហៅមកប្រាប់ថាខ្លួនមិនពេញចិត្ត និងត្រៀមលក្ខណៈតបតតាមដែលអាចធ្វើបានដែរ។ អ៊ីស្រាអែលគំរាមសងសឹកដោយប្រើប្រាស់វិធានការការទូតនិងសេដ្ឋកិច្ចដើម្បីប្រឆាំងប្រទេសណាដែលគាំទ្រដំណោះស្រាយប្រឆាំងអ៊ីស្រាអែល។ រដ្ឋមន្ត្រីពាក់ព័ន្ធត្រូវបាននាយរដ្ឋមន្ត្រី ប៊ិនចាមិន នេតាន់យ៉ាហ៊ូ ប្រាប់ឲ្យត្រៀមលក្ខណៈកាត់បន្ថយទំនាក់ទំនងការទូតនិងសេដ្ឋកិច្ចជាមួយបណ្តាប្រទេសសមាជិកក្រុមប្រឹក្សាសន្តិសុខដែលបានបោះឆ្នោតគាំទ្រដំណោះស្រាយផងដែរ។
បញ្ហានៅពេលនេះមិនមែនជាទំនាក់ទំនងជាមួយអាមេរិក ឬអង្គការសហប្រជាជាតិទេ តែជាទំនាក់ទំនងរវាងអ៊ីស្រាអែលជាមួយពិភពលោកទាំងមូល។ តើអ៊ីស្រាអែលសុខចិត្តរស់នៅម្នាក់ឯង ក្នុងភាពឯកោហើយបន្តសកម្មភាពសង់លំនៅដ្ឋានខុសច្បាប់លើដីប៉ាឡេស្ទីន ទាំងដែលពិភពលោកទាំងមូលមើលឃើញថាខុសឬ? តើសំណង់ខុសច្បាប់និងទន្ទ្រានលើទឹកដីគេនោះពិតជាមានតម្លៃខ្លាំងជាងទំនាក់ទំនងជាមួយពិភពលោកមែនទេ?
-រដ្ឋបាលលោក អូបាម៉ា មានចេតនាអនុញ្ញាតឲ្យដំណោះស្រាយប្រឆាំងអ៊ីស្រាអែលចេញបាន
សហរដ្ឋអាមេរិកមិនបានប្រើប្រាស់បុព្វសិទ្ធិការទូតខ្លួនការពារអ៊ីស្រាអែលនោះបានក្លាយជារឿងចម្រូងចម្រាសខ្លាំង។ រដ្ឋាភិបាលអ៊ីស្រាអែលខឹងសម្បារក្រុងវ៉ាស៊ីនតោនជាខ្លាំង ហើយថែមទាំងបានទិតៀនរដ្ឋបាលលោក បារ៉ាក់ អូបាម៉ា ឥតមានសំចៃមាត់ឡើយ។
ជាការពិត អាមេរិកអាចប្រើប្រាស់សិទ្ធិជំទាស់បានដើម្បីទាត់ចោលដំណោះស្រាយដែលទារឲ្យអ៊ីស្រាអែលបញ្ឈប់ការសង់សំណង់ដ្ឋានខុសច្បាប់លើទឹកដីប៉ាឡេស្ទីន។ តែរដ្ឋបាលលោក អូបាម៉ា មិនចង់ប្រើប្រាស់សិទ្ធិនេះឡើយ ព្រោះវាមិនសមរម្យទាំងគោលការណ៍សីលធម៌និងផ្លូវច្បាប់។
ដើមឡើយ អេហ្ស៊ីបជាអ្នកព្រាងដំណោះស្រាយនេះ ប៉ុន្តែរដ្ឋមួយនេះសុខចិត្តដកមកវិញក្រោយប្រធានាធិបតីទើបជាប់ឆ្នោតទូរសព្ទទៅសួរនាំ និងស្នើឲ្យដកដំណោះស្រាយនេះចេញ។ អេហ្ស៊ីបមិនខ្វល់ពីរដ្ឋបាលអូបាម៉ាឡើយ ព្រោះ ដូណាល់ ត្រាំ ឯណោះទេនឹងត្រូវដឹកនាំអាមេរិកក្នុងរយៈពេល ៤ឆ្នាំទៅមុខយ៉ាងតិច។ ហើយសម្រាប់អេហ្ស៊ីប ប៉ាឡេស្ទីនក៏មិនមានតម្លៃអ្វីច្រើនដូចអ៊ីស្រាអែលដែរ។ ដូច្នេះ ដកដំណោះស្រាយចេញដើម្បីកុំឲ្យមានរឿងហ្មងសៅទៅថ្ងៃមុខ។
សូមនិយាយរឿងដំណោះស្រាយនេះបន្តទៀត។ ក្រោយអេហ្ស៊ីបដកសេចក្តីព្រាងដំណោះស្រាយហើយ ប្រទេសម៉ាឡេស៊ី សេណេហ្កាល់ ណូវែលសេឡង់ និងវេណេហ្ស៊ុយអេឡា បានដាក់សេចក្តីព្រាងដំណោះស្រាយរបស់ខ្លួនវិញម្តងចូលក្នុងរបៀបវារៈនៃការបោះឆ្នោតក្រុមប្រឹក្សាសន្តិសុខ។ ក្នុងចំណោមប្រទេសសមាជិកទាំង ១៥ ប្រទេស ១៤រួមទាំងសមាជិកអចិន្ត្រៃយ៍ ៤ផងនោះបានបោះឆ្នោតគាំទ្រដំណោះស្រាយ ខណៈមន្ត្រីទូតអាមេរិកលោកស្រី Samantha Power សុខចិត្តមិនលើកដៃបោះឆ្នោតប្រឆាំងដែលមានន័យថាអាមេរិកបោះឆ្នោតអនុប្បវាទ។
-រដ្ឋបាលអូបាម៉ា ក្បត់ អ៊ីស្រាអែល
ក្រោយការបោះឆ្នោតនៅក្រុមប្រឹក្សាសន្តិសុខ អ៊ីស្រាអែលក្តៅស្លឹកត្រចៀកខ្លាំងដែលអាមេរិកមិនស្តាប់បង្គាប់ខ្លួន ហើយរដ្ឋាភិបាលនេះហ៊ានចោទថា «រដ្ឋបាលលោក អូបាម៉ា កំពុងក្បត់អ៊ីស្រាអែល»។ ប្រធានាធិបតី អូបាម៉ា ដែលនៅសល់ពេលមិនដល់មួយខែស្រួលបួលក្នុងតំណែងនោះ មិនបានឈឺក្បាលវិលមុខអ្វីឡើយព្រោះលោកកំពុងលំហែកាយនៅរដ្ឋហាវ៉ៃឯណោះ។ លោកដឹងមុនថា អ៊ីស្រាអែលប្រាកដជាជេរប្រមាថលោកច្រាសឆ្អេះ តែលោកមិនខ្វល់ឡើយព្រោះវាជាសារព្រមានសម្រាប់រដ្ឋាភិបាលអ៊ីស្រាអែលដែលតែងអាងខ្នងអាមេរិក។
«តាមព័ត៌មានដែលយើងទទួលបាន យើងមិនមានមន្ទិលសង្ស័យទេដែលថារដ្ឋបាល អូបាម៉ា ផ្តួចផ្តើមឡើង។នៅពីក្រោយ ហើយក៏សហការជាមួយក្រុមប្រទេសដទៃទៀតដើម្បីរៀបចំចងក្រងដំណោះស្រាយនិងធ្វើយ៉ាងណាជំរុញឲ្យវាត្រូវអនុម័ត»។ នេះជាការបញ្ជាក់របស់នាយករដ្ឋមន្ត្រីអ៊ីស្រាអែលនិងជារដ្ឋមន្ត្រីកាបរទេស បេនចាមិន នេតាន់យ៉ាហ៊ូ (Bejamin Netanyahu) ក្នុងកិច្ចប្រជុំគណរដ្ឋមន្ត្រីរបស់ខ្លួន។ ជំហររដ្ឋបាលលោក អូបាម៉ា បង្ហាញឲ្យឃើញច្បាស់ពីការប្រែប្រួលនៃទំនាក់ទំនងជាលក្ខណៈប្រពៃណីរវាង អ៊ីស្រាអែលនិងអាមេរិក។
តាំងពីអ៊ីស្រាអែលប្រកាសឯករាជ្យ អាមេរិកប្រឹងប្រែការពារអ៊ីស្រាអែលតាមផ្លូវការទូត និងផ្តល់លុយកាក់និងសព្វាវុធផងដើម្បីជួយអ៊ីស្រាអែលពង្រឹងវិស័យការពារជាតិរបស់ខ្លួន។ អ៊ីស្រាអែលមានឥទ្ធិពលខ្លាំងលើការសម្រេចចិត្តរបស់អាមេរិក ដោយសារប្រជាជនជ្វីវកាន់កាប់ស្ថាប័ននយោបាយតាំងពីសភា ដល់គណរដ្ឋមន្ត្រី និងខ្លះទៀតកាន់កាប់ជំនួញធំៗរាប់មិនអស់ផង។ ដូច្នេះហើយ ចង់មិនចង់រាល់ការសម្រេចនានារបស់អាមេរិកសុទ្ធតែរងឥទ្ធិពលរបស់សហគមនអ៊ីស្រាអែល។
ដូចឃើញស្រាប់កញ្ចប់ជំនួយការពារជាតិដែលមានទំហំ ៣៨ ពាន់លានដុល្លារទើបត្រូវសភាអាមេរិកអនុម័តកាលពីខែកញ្ញាដើម្បីផ្គត់ផ្គង់ឲ្យអ៊ីស្រាអែលលើវិស័យការពារជាតិសម្រាប់ពេល ១០ឆ្នាំនោះ។
ថ្វីបើអ៊ីស្រាអែកមានឥទ្ធិពលលើនយោបាយអាមេរិកក៏ដោយ លោក នេតាន់យ៉ាហ៊ូ និងលោក អូបាម៉ា មិនសូវមានទំនាក់ទំនងល្អជាមួយឡើយ។ អ្នកទាំងពីរបន្តប្រឈមមុខដាក់គ្នានិងធ្លាប់រិះគន់គ្នាញឹកញយដែរតាំងពីលោក អូបាម៉ា ឡើងកាន់តំណែងម្ល៉េះ។ សូម្បីតែប្រមុខការទូតរបស់រដ្ឋបាលលោក អូបាម៉ា លោក ចន ឃែរី ធ្លាប់ហៅអ៊ីស្រាអែលថាជា «រដ្ឋ Apartheid» ថែមទៀតរហូតធ្វើឲ្យអ៊ីស្រាអែលកើតទុក្ខមិនសុខចិត្តហៅឲ្យ ឃែរី សុំអភ័យទោសផង។
យ៉ាងណាក៏ដោយ រឿងដែលធ្វើឲ្យអ៊ីស្រាអែលនិងអាមេរិកប្រឈមមុខគ្នាខ្លាំងចុងក្រោយបង្អស់គឺការជួយជ្រោមជ្រែងរបស់រដ្ឋបាលលោក អូបាម៉ា ចំពោះការបង្កើតកិច្ចព្រមព្រៀងនុយក្លេអ៊ែរអ៊ីរ៉ង់កាលពីខែកក្កដាឆ្នាំមុន។ រដ្ឋបាលអ៊ីស្រាអែលចាត់ទុកកិច្ចព្រមព្រៀងនេះជាគ្រោះថ្នាក់បំផុតសម្រាប់ខ្លួន ហើយអ៊ីស្រាអែលគំរាមប្រើប្រាស់អន្តរាគមន៍ឯកតោភាគីដើម្បីវាយសំពោងអ៊ីរ៉ង់និងបំផ្លាញកម្មវិធីនុយក្លេអ៊ែរអ៊ីរ៉ង់ក្នុងករណីចាំបាច់ថែមទៀត។
យ៉ាងណាក៏ដោយចុះ ក្រោយ ភ្លៀង មេឃប្រាកដជាស្រឡះ។ អ៊ីស្រាអែលកំពុងរង់សហការជាមួយប្រធានាធិបតីទើបជាប់ឆ្នោតលោក ដូណាល់ ត្រាំ ដើម្បីស្តារទំនាក់ទំនងដែលល្អក់ករកនិងភាពហ្មងសៅដែលមានកន្លងមក។
យ៉ាងណាកដោយ វាប្រហែលលែងជាបញ្ហានៅពេលដែលអ្នកជំនួញក្លាយជាអ្នកនយោបាយ លោក ដូណាល់ ត្រាំ ឡើងកាន់តំណែងជាផ្លូវការ។ អ៊ីស្រាអែលមានទឹកមាត់លេបវិញពេលដែលដូណាល់ ត្រាំ ក្លាយជាប្រធានាធិបតី ហើយដំណោះស្រាយដែលប្រឆាំងអ៊ីស្រាអែលនឹងក៏នឹងត្រូវអាមេរិកទាត់ចោលដែរ។
ដូណាល់ ត្រាំ ក្លាយជាអ្នកនយោបាយដែលមាននិន្នាការទោរទន់ទៅរកអ៊ីស្រាអែល។ តាំងពីមុនឈ្នះឆ្នោតម្ល៉េះ លោកបានសន្យាប្តូរស្ថានទូតអាមេរិកពី Tel Aviv ទៅកាន់ក្រុងហ្ស៊េរុយសាឡិមដើម្បីបង្ហាញពីការទទួលស្គាល់ភាពស្របច្បាប់នៃការកាន់កាប់ទឹកដីភាគខាងកើតក្រុងហ្ស៊េរុយសាឡិមដោយអ៊ីស្រាអែលតាំងពីឆ្នាំ ១៩៦៧មកនោះ។ ប្រទេសជាច្រើនលើពិភពលោកមិនហ៊ានទទួលស្គាល់ទេព្រោះគេដឹងថាវាខុសច្បាប់ តែអាមេរិកនឹងទទួលស្គាល់។
បើរឿងបែបនេះកើតឡើងមែន ទង្វើរបស់អាមេរិកក្រោមអាណត្តិលោក ដូណាល់ ត្រាំ មិនត្រឹមតែមិនជួយឲ្យមជ្ឈិមបូព៌ាអាចសម្រេនបាននូវសុខសន្តិភាពប៉ុណ្ណោះទេ ថែមទាំងបំផ្លាញដំណើរការស្វែងរកសន្តិភាពរវាងរដ្ឋជ្វីវអ៊ីស្រាអែល និងរដ្ឋអារ៉ាប់ប៉ាឡេស្ទីនថែមទៀតផង៕
Tag:
អ៊ីស្រាអែល
បេនចាមិន នេតាន់យ៉ាហ៊ូ
បារ៉ាក់ អូបាម៉ា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
