រដ្ឋមន្ត្រីសាធារណការថា មានរថយន្តដឹកលើសទម្ងន់អាងខ្នងបង្អែកធំ តែក្រសួងមិនលើកលែង

ជាតិ

សេដ្ឋកិច្ច

រដ្ឋមន្ត្រីសាធារណការថា មានរថយន្តដឹកលើសទម្ងន់អាងខ្នងបង្អែកធំ តែក្រសួងមិនលើកលែង

29, Dec 2016 , 8:39 am

រូបភាព

ដោយ:

ភ្នំពេញ៖ រដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល អះអាងថា ក្រសួងធ្លាប់ជួបការអន្តរាគមន៍មួយពីររបស់អ្នកមានឥទ្ធិពល នៅក្នុងអំឡុងពេលធ្វើយុទ្ធនាការបង្រា្កបរថយន្តដឹកជញ្ជូនលើសទម្ងន់កំណត់ និងរថយន្តតទ្រុងខុសបច្ចេកទេស ប៉ុន្តែមន្ត្រីក្រោមឱវាទលោកបានបដិសេធនឹងការអន្តរាគមន៍ទាំងនោះ និងចាត់វិធានការតាមច្បាប់ជាធរមាន។

ថ្លែងប្រាប់អ្នកសារព័ត៌មានបន្ទាប់ពីសន្និបាតបូកសរុបលទ្ធផលការងារប្រចាំឆ្នាំ២០១៦ និងទិសដៅការងារឆ្នាំ២០១៧ នៅថ្ងៃទី២៨ខែធ្នូនេះ លោក ស៊ុន ចាន់ថុល ឲ្យដឹងថា ក្រសួងនឹងបន្តអនុវត្តវិធានការបង្ក្រាបរថយន្តកែខុសបច្ចេកទេសឲ្យអស់ពីលើដងផ្លូវ។

សូមស្ដាប់ប្រសាសន៍ លោក ស៊ុន ចាន់ថុល ខាងក្រោមនេះ៖

តាមរបាយការណ៍ក្រសួងសាធារណការ និងដឹកជញ្ជូន នៅក្នុងឆ្នាំ២០១៦នេះ ក្រសួងបានបង្ក្រាបរថយន្តដឹកជញ្ជូនលើសទម្ងន់កម្រិតកំណត់ចំនួន ១៨៤១គ្រឿង និងពិន័យជាប្រាក់សរុប ៣០៨២លានរៀល។ ចំពោះការកាត់ទ្រុងរថយន្តដែលខុសបច្ចេកទេស ចាប់ពីខែតុលា ដល់ខែធ្នូឆ្នាំ២០១៦ គឺបានចំនួន ១២៦៩គ្រឿង៕