ជាតិ
សុវត្តិភាព ចរាចរណ៍
១៧១៧នាក់ស្លាប់ដោយសារគ្រោះថ្នាក់ចរាចរណ៍ក្នុងឆ្នាំ២០១៦ ដោយភាគច្រើនជាអ្នកជិះម៉ូតូ
×![]()
គ្រោះថ្នាក់ចរាចរណ៍ដែលបានកើតឡើងកាលពីឆ្នាំ២០១៦កន្លងមក មានចំនួន៣៧០០លើក ដែលបណ្តាលឲ្យស្លាប់១៧១៧នាក់ និងរបួស៦៦០៧នាក់ ដែលក្នុងនោះរបួសធ្ងន់មាន៥៩ភាគរយ។ នេះបើតាមរបាយការណ៍ដែលបង្ហាញក្នុងកិច្ចប្រជុំបូកសរុបលទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោកឆ្នាំ២០១៦ និងទិសដៅការងារឆ្នាំ២០១៧។
កិច្ចប្រជុំដែលរៀបចំឡើងក្រោមអធិបតីភាពសម្តេចឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ នៅសណ្ឋាគារសូហ្វីតែល នាព្រឹកថ្ងៃចន្ទ ទី២ ខែមករា ឆ្នាំ២០១៧ នេះ បានបង្ហាញឲ្យឃើញថា ភូមិសាស្ត្រដែលកើតគ្រោះថ្នាក់ចរាចរណ៍ច្រើនជាងគេនារយៈពេល១២ខែកន្លងមក គឺរាជធានីភ្នំពេញ (៣៨៨លើក) ខេត្តព្រះសីហនុ (២៨៧លើក) និងខេត្តកំពត (២៣៨លើក)។
មូលហេតុដែលបណ្តាលឲ្យគ្រោះថ្នាក់ចរាចរណ៍ មាន ការបើកបរលើសល្បឿនកំណត់ ៤៤ភាគរយ មិនប្រកាន់ស្តាំ១២ភាគរយ ស្រវឹង១២ភាគរយ មិនគោរពសិទ្ធិ៩ភាគរយ វ៉ាជែង១២ភាគរយ បត់៧ភាគរយ កត្តាយានយន្ត៣ភាគរយ និងងងុយដេក២ភាគរយ។ បើប្រៀបធៀបទៅនឹងឆ្នាំ២០១៥ គ្រោះថ្នាក់ចរាចរណ៍ថយចំនួន៤៤៣លើកស្មើ១១ភាគរយ អ្នកស្លាប់ថយចំនួន២៧១នាក់ស្មើ១៤ភាគរយ និងអ្នករបួសថយចំនួន៥៤២នាក់ស្មើ៨ភាគរយ។
ជាមួយគ្នានេះផងដែរ របាយការណ៍បង្ហាញថា ក្នុងចំណោមអ្នកស្លាប់ភាគច្រើនជាអ្នកជិះម៉ូតូដែលមានចំនួន១២៧៤នាក់ ស្មើ៧៤ភាគរយ ក្នុងនោះ មិនពាក់មួកសុវត្ថិមានចំនួន៩៧៦នាក់ស្មើ៥៧ភាគរយ៕
កិច្ចប្រជុំដែលរៀបចំឡើងក្រោមអធិបតីភាពសម្តេចឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ នៅសណ្ឋាគារសូហ្វីតែល នាព្រឹកថ្ងៃចន្ទ ទី២ ខែមករា ឆ្នាំ២០១៧ នេះ បានបង្ហាញឲ្យឃើញថា ភូមិសាស្ត្រដែលកើតគ្រោះថ្នាក់ចរាចរណ៍ច្រើនជាងគេនារយៈពេល១២ខែកន្លងមក គឺរាជធានីភ្នំពេញ (៣៨៨លើក) ខេត្តព្រះសីហនុ (២៨៧លើក) និងខេត្តកំពត (២៣៨លើក)។
មូលហេតុដែលបណ្តាលឲ្យគ្រោះថ្នាក់ចរាចរណ៍ មាន ការបើកបរលើសល្បឿនកំណត់ ៤៤ភាគរយ មិនប្រកាន់ស្តាំ១២ភាគរយ ស្រវឹង១២ភាគរយ មិនគោរពសិទ្ធិ៩ភាគរយ វ៉ាជែង១២ភាគរយ បត់៧ភាគរយ កត្តាយានយន្ត៣ភាគរយ និងងងុយដេក២ភាគរយ។ បើប្រៀបធៀបទៅនឹងឆ្នាំ២០១៥ គ្រោះថ្នាក់ចរាចរណ៍ថយចំនួន៤៤៣លើកស្មើ១១ភាគរយ អ្នកស្លាប់ថយចំនួន២៧១នាក់ស្មើ១៤ភាគរយ និងអ្នករបួសថយចំនួន៥៤២នាក់ស្មើ៨ភាគរយ។
ជាមួយគ្នានេះផងដែរ របាយការណ៍បង្ហាញថា ក្នុងចំណោមអ្នកស្លាប់ភាគច្រើនជាអ្នកជិះម៉ូតូដែលមានចំនួន១២៧៤នាក់ ស្មើ៧៤ភាគរយ ក្នុងនោះ មិនពាក់មួកសុវត្ថិមានចំនួន៩៧៦នាក់ស្មើ៥៧ភាគរយ៕
Tag:
ចរាចរណ៍
© រក្សាសិទ្ធិដោយ thmeythmey.com
