ជាតិ
សេដ្ឋកិច្ច
×![]()
ភ្នំពេញ៖ ក្រុមហ៊ុនចិនបោះទុន ៦០លានដុល្លារសាងសង់មជ្ឈមណ្ឌលផ្គត់ផ្គង់គ្រឿងសំណង់ នៅក្នុងទីតាំងកំពង់ផែស្វយ័តភ្នំពេញ (PPAP) ។ 
សេចក្ដីប្រកាសព័ត៌មានរបស់ PPAP ដែលចុះថ្ងៃទី៣០ខែធ្នូឲ្យដឹងថា PPAP និងក្រុមហ៊ុនចិន Yunnan Sengmao Investment (Cambodia) បានចុះកិច្ចសន្យាជួលដីទំហំ ៩,៣ហិកតា ស្ថិតក្នុងភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ សម្រាប់រយៈពេល ៤០ឆ្នាំ (ឆ្នាំ២០១៦ដល់ឆ្នាំ២០៥៦)។ ក្រុមហ៊ុននឹងសាងសង់មជ្ឈមណ្ឌលផ្គត់ផ្គង់គ្រឿងសំណង់នៅលើដីនេះ ដោយក្រុមហ៊ុននឹងបង្កើតស្ដង់ប្រមាណ ៧០០សម្រាប់ជួលឲ្យអ្នកផ្គត់ផ្គង់គ្រឿងសំណង់ទាំងក្នុងស្រុក និងក្រៅស្រុក។
លោក ហ៊ឺ បារី អគ្គនាយក PPAP ដែលថ្លែងប្រាប់កាសែត Khmer Times បានឲ្យដឹងថា ក្រុមហ៊ុនចិនមួយនេះនឹងបោះពី ៥០លាន ទៅ៦០លានដុល្លារលើគម្រោងមជ្ឈមណ្ឌលផ្គត់ផ្គង់គ្រឿងសំណង់នេះ ស្របពេលដែលក្រុមហ៊ុនបានមើលឃើញពីការអភិវឌ្ឍយ៉ាងលឿន និងមានតម្រូវការខ្ពស់ក្នុងវិស័យសំណង់របស់កម្ពុជា។
យោងតាមសេចក្ដីប្រកាសព័ត៌មានខាងលើ PPAP រំពឹងថាបរិមាណកុងតឺន័រឆ្លងកាត់ផែនឹងមានប្រមាណ ២ម៉ឺន TEU ក្នុងមួយឆ្នាំៗ ដោយសារក្រុមហ៊ុនចិននឹងត្រូវនាំចូលគ្រឿងសំណង់មកពីប្រទេសចិនដើម្បីផ្គត់ផ្គង់នៅកម្ពុជា។ សេចក្ដីប្រកាសដដែលនេះបញ្ជាក់ទៀតថា គម្រោងនេះនឹងបង្កើតការងារបន្ថែមប្រមាណ ៥ពាន់ការងារ។
បើតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ ទុនវិនិយោគក្នុងវិស័យសំណង់ នៅក្នុងរយៈពេល ១០ខែដើមឆ្នាំ២០១៦ មានទឹកប្រាក់ ៧,៨ពាន់លានដុល្លារ កើនឡើង៣០០ភាគរយ ធៀបនឹងរយៈពេលដូចគ្នានៅឆ្នាំ២០១៥ ។ ដោយឡែកការវិនិយោគក្នុងវិស័យនេះនៅក្នុងឆ្នាំ ២០១៥ មានតម្លៃ ៣,៣ពាន់លានដុល្លារ កើនឡើង ៣៤ភាគរយធៀបនឹងឆ្នាំ២០១៤ ៕
សេចក្ដីប្រកាសព័ត៌មានរបស់ PPAP ដែលចុះថ្ងៃទី៣០ខែធ្នូឲ្យដឹងថា PPAP និងក្រុមហ៊ុនចិន Yunnan Sengmao Investment (Cambodia) បានចុះកិច្ចសន្យាជួលដីទំហំ ៩,៣ហិកតា ស្ថិតក្នុងភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ សម្រាប់រយៈពេល ៤០ឆ្នាំ (ឆ្នាំ២០១៦ដល់ឆ្នាំ២០៥៦)។ ក្រុមហ៊ុននឹងសាងសង់មជ្ឈមណ្ឌលផ្គត់ផ្គង់គ្រឿងសំណង់នៅលើដីនេះ ដោយក្រុមហ៊ុននឹងបង្កើតស្ដង់ប្រមាណ ៧០០សម្រាប់ជួលឲ្យអ្នកផ្គត់ផ្គង់គ្រឿងសំណង់ទាំងក្នុងស្រុក និងក្រៅស្រុក។
លោក ហ៊ឺ បារី អគ្គនាយក PPAP ដែលថ្លែងប្រាប់កាសែត Khmer Times បានឲ្យដឹងថា ក្រុមហ៊ុនចិនមួយនេះនឹងបោះពី ៥០លាន ទៅ៦០លានដុល្លារលើគម្រោងមជ្ឈមណ្ឌលផ្គត់ផ្គង់គ្រឿងសំណង់នេះ ស្របពេលដែលក្រុមហ៊ុនបានមើលឃើញពីការអភិវឌ្ឍយ៉ាងលឿន និងមានតម្រូវការខ្ពស់ក្នុងវិស័យសំណង់របស់កម្ពុជា។
យោងតាមសេចក្ដីប្រកាសព័ត៌មានខាងលើ PPAP រំពឹងថាបរិមាណកុងតឺន័រឆ្លងកាត់ផែនឹងមានប្រមាណ ២ម៉ឺន TEU ក្នុងមួយឆ្នាំៗ ដោយសារក្រុមហ៊ុនចិននឹងត្រូវនាំចូលគ្រឿងសំណង់មកពីប្រទេសចិនដើម្បីផ្គត់ផ្គង់នៅកម្ពុជា។ សេចក្ដីប្រកាសដដែលនេះបញ្ជាក់ទៀតថា គម្រោងនេះនឹងបង្កើតការងារបន្ថែមប្រមាណ ៥ពាន់ការងារ។
បើតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ ទុនវិនិយោគក្នុងវិស័យសំណង់ នៅក្នុងរយៈពេល ១០ខែដើមឆ្នាំ២០១៦ មានទឹកប្រាក់ ៧,៨ពាន់លានដុល្លារ កើនឡើង៣០០ភាគរយ ធៀបនឹងរយៈពេលដូចគ្នានៅឆ្នាំ២០១៥ ។ ដោយឡែកការវិនិយោគក្នុងវិស័យនេះនៅក្នុងឆ្នាំ ២០១៥ មានតម្លៃ ៣,៣ពាន់លានដុល្លារ កើនឡើង ៣៤ភាគរយធៀបនឹងឆ្នាំ២០១៤ ៕
Tag:
សំណង់
ហ៊ឺ បាវី
© រក្សាសិទ្ធិដោយ thmeythmey.com
