លោក ប្រា​យុទ្ធ សុំទោស​អតីត​នាយករដ្ឋមន្ត្រី យី​ង​ឡាក់ រឿង​បញ្ជូន​ប៉ូលិស​ទៅតាម​ដាន​លោកស្រី​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
លោក ប្រា​យុទ្ធ សុំទោស​អតីត​នាយករដ្ឋមន្ត្រី យី​ង​ឡាក់ រឿង​បញ្ជូន​ប៉ូលិស​ទៅតាម​ដាន​លោកស្រី​
អត្ថបទ : តន ចាន់​រិ​ទ្ធា​រ៉ា       January-05-2017, 10:58 am         64118
រូបភាព
លោក ប្រាយុទ្ធ និងលោក​ស្រី យីងឡាក់ ពេលចុះមើល​ស្ថានភាពទឹកជំនន់រួមគ្នា កាលលោក​ស្រី យីងឡាក់ គ្រប់គ្រងរដ្ឋាភិបាល
លោក ប្រាយុទ្ធ និងលោក​ស្រី យីងឡាក់ ពេលចុះមើល​ស្ថានភាពទឹកជំនន់រួមគ្នា កាលលោក​ស្រី យីងឡាក់ គ្រប់គ្រងរដ្ឋាភិបាល
 
 
​មេដឹកនាំ​របប​សឹក​ថៃ លោក​ឧ​ត្ត​ម​សេនីយ៍ ប្រា​យុទ្ធ ចន្ទ​អូ​ចា បាន​សុំទោស​អតីត​នាយករដ្ឋមន្ត្រី​ដែល​លោក​ធ្វើ​រដ្ឋប្រហារ​ទម្លាក់​ពី​តំណែង លោកស្រី យី​ង​ឡាក់ ស៊ីណាវ៉ាត្រា ជុំវិញ​វត្តមាន​មន្ត្រីប៉ូលិស​ស្លៀកពាក់​ស៊ីវិល​តាមដាន​សកម្មភាព​លោកស្រី ពេល​លោកស្រី​ធ្វើដំណើរ​កម្សាន្ត​ជា​លក្ខណៈ​គ្រួសារ​ថ្មីៗ​នេះ​។ លោក ប្រា​យុទ្ធ បញ្ជាក់ថា វត្តមាន​មន្ត្រីប៉ូលិស​ស្លៀកពាក់​ស៊ីវិល​ទាំងនោះ គឺ​ដើម្បី​ធានា​សុវត្ថិភាព​របស់​អតីត​នាយករដ្ឋមន្ត្រី​រូបនេះ​ប៉ុណ្ណោះ​។
 
​នាយករដ្ឋមន្ត្រី​ថៃ ប្រា​យុទ្ធ ចន្ទ​អូ​ចា នៅ​ថ្ងៃទី​៤ ខែមករា បាន​សុំទោស​អតីត​នាយករដ្ឋមន្ត្រី យី​ង​ឡាក់ ស៊ីណាវ៉ាត្រា ជា​សាធារណៈ ក្រោយពេល​លោកស្រី​កើតទុក្ខ​មិន​សុខចិត្ត ដោយសារ​មាន​ប៉ូលិស​ស្លៀកពាក់​ស៊ីវិល​តាមដាន​លោកស្រី​។ លោក​និយាយថា ប៉ូលិស​ទាំងនោះ គ្រាន់តែ​ទទួលបញ្ជា​ទៅ​ការពារ​សុវត្ថិភាព​អតីត​ប្រមុខ​រដ្ឋាភិបាល​រូបនេះ ខ្លាចក្រែង​មាន​ហេតុការណ៍​អាក្រក់​ណាមួយ​កើតឡើង​ចំពោះ​លោកស្រី​។​
 
​ថ្លែង​នៅមុន​កិច្ចប្រជុំ​គណៈរដ្ឋមន្ត្រី​លើក​ទី​១ ប្រចាំឆ្នាំ​២០១៧ មេដឹកនាំ​របប​យោធា​រូបនេះ ក៏បាន​អង្វរ​អតីត​នាយករដ្ឋមន្ត្រី «​មិនបាច់​យំយែក​អ្វី​ទេ​»​ព្រោះ​វា​ជា​ចាំបាច់​ដែល​ត្រូវមាន​មន្ត្រី​សន្តិសុខ ទៅកាន់​ការពារ​លោកស្រី​។ លោក​សង្កត់ធ្ងន់ថា លោក​ដាក់​បញ្ជា​ឲ្យ​ប៉ូលិស​ទៅតាម​លោកស្រី យី​ង​ឡាក់ ព្រោះ​បើ​មានរឿង​កើតឡើង លោកស្រី ច្បាស់​ជា​បន្ទោស​រដ្ឋាភិបាល​ដែល​មិនបាន​យកចិត្ត​ទុក​លើ​លោកស្រី​មិនខានឡើយ​។  
 
«​ប៉ុន្តែ​ត្រូវតែមាន​មន្ត្រី​សន្តិសុខ​ទៅ​ការពារ​។ ខ្ញុំ​ក៏​ប្រាប់​ពួកគេ មិន​ឲ្យ​ថតរូប​ច្រើន​ឡើយ​។ អ៊ីចឹង​ខ្ញុំ​ចង់​សុំទោស​លោកស្រី យី​ង​ឡាក់ ចំពោះ​រឿងនេះ​។​»​នេះ​ជាការ​បញ្ជាក់បន្ថែម​រប​ស់​នាយករដ្ឋមន្ត្រី ប្រា​យុទ្ធ ដែល​ដឹកនាំ​រដ្ឋប្រហារ​មិន​បង្ហូរឈាម​ទម្លាក់​លោកស្រី យី​ង​ឡាក់ ពី​តំណែង​នាយករដ្ឋមន្ត្រី​កាលពី​ឆ្នាំ​២០១៤ និង​ត្រូវបាន​ចេញផ្សាយ​ដោយ​កាសែត​ថៃ​បាងកក​ប៉ុស្តិ៍​។​
 
​ពាក្យ​សុំទោស​របស់​មេដឹកនាំ​របប​សឹក​ថៃ ធ្វើឡើង​តែមួយ​ថ្ងៃ​ប៉ុណ្ណោះ បន្ទាប់ពី​លោកស្រី យី​ង​ឡាក់ បង្ហោះ​សារ​មិន​ពេញចិត្ត​តាម​ហ្វេ​ស​ប៊ុ​ក ព្រោះ​មាន​ប៉ូលិស​ស្លៀកពាក់​ស៊ីវិល​តាមដាន​លោកស្រី​។ ហេតុការណ៍​នេះ​កើតឡើង អំឡុងពេល​លោកស្រី កំពុងធ្វើដំណើរ​កម្សាន្តឆ្នាំ​ថ្មី​ជា​កូនប្រុស​នៅ​ថ្ងៃទី​២ ខែមករា ក្នុងស្រុក Pai នៃ​ខេត្ត Mae Hong Son ។​
 
​លោកស្រី យី​ង​ឡាក់ បាន​សរសេរ​លើ​ទំព័រ​ហ្វេ​ស​ប៊ុ​ក​លោកស្រី​ថា​៖ «​ខ្ញុំ​មិនដែល​គិតថា ខ្ញុំ​ត្រូវបាន​តាមដាន​ដោយ​ប៉ូលីស​ស្លៀកពាក់​ស៊ីវិល និង​អាជ្ញាធរ ដែល​ចេះតែ​ចូល​ឆែកឆេរ​ហាង និង​កន្លែង​ដែល​ខ្ញុំ​ទៅដល់​ឡើយ​។​» លោកស្រី​បន្តថា ធនធានមនុស្ស​របស់​រដ្ឋាភិបាល គួរតែ​ចំណាយពេល​មើល​ការខុសត្រូវ​ប្រជាជន មិនមែន​តាមដាន​លោកស្រី​នោះទេ​៕ 
 
 
Tag:
 ថៃ​
  ប្រា​យុទ្ធ ចន្ទ​អូ​ចា​
  យី​ង​ឡាក់ ស៊ីណាវ៉ាត្រា​
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
2 hrs - 2490
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2030
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1038
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2968
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2320
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017