អន្តរជាតិ
នយោបាយអន្តរជាតិ
ត្រាំ ចង់លុប Obamacare តែអូបាម៉ា ប្រាប់សមាជិកសភាបក្សប្រជាធិបតេយ្យឲ្យជួយការពារ
×![]()
ដោយ: តន ចាន់រិទ្ធារ៉ា
ប្រធានាធិបតីចប់អាណត្តិ បារ៉ាក់ អូបាម៉ា បានអំពាវនាវដោយផ្ទាល់ទៅកាន់សមាជិកសភាមកពីបក្សប្រជាធិបតេយ្យ ឲ្យជួយការពារច្បាប់សុខាភិបាល Obamacare ដែលកំពុងរងការគំរាមលុបចោលពីសំណាក់ក្រុមសាធារណរដ្ឋ។ ក្រុមសាធារណរដ្ឋ ដែលមិនពេញចិត្តនឹងច្បាប់នេះតាំងពីដើមមកនោះ ប្រកាសហើយថា នឹងលុបចោលច្បាប់នេះ ដ្បិតពួកគេមានសំឡេងភាគច្រើននៅសភាទាំងពីរជាន់រួចទៅហើយ។ ប៉ុន្តែបក្សប្រជាធិបតេយ្យ ទំនងជាមិនបោះបង់កេរដំណែលរបស់លោក អូបាម៉ា ឡើយ។
ប្រធានាធិបតីអាមេរិក បារ៉ាក់ អូបាម៉ា នៅថ្ងៃទី៤ ខែធ្នូ បានធ្វើដំណើរដោយកម្រមួយទៅកាន់វិមាន Capitol នៃសភាអាមេរិក។ លោក បានជួបជាមួយបណ្ដាសមាជិកសភាបក្សប្រជាធិបតេយ្យ និងបានទទូចពួកគេឲ្យជួយរារាំងក្រុមអ្នកសាធារណរដ្ឋរបស់ប្រធានាធិបតីជាប់ឆ្នោត ដូណាល់ ត្រាំ ពីការលុបចោលច្បាប់សុខាភិបាល Obamacare ។ លោក អូបាម៉ា ដែលនឹងត្រូវចាកចេញនៅ១៥ថ្ងៃខាងមុខ កំពុងព្យាយាមអស់ពីសមត្ថភាព ដើម្បីប្រយុទ្ធក្នុងសមរភូមិការពារមរតករបស់លោក។
បើតាមសារព័ត៌មាន BBC សមាជិកសភាបក្សប្រជាធិបតេយ្យ Elijah Cummings បានប្រាប់ក្រុមអ្នកសារព័ត៌មានថា ប្រធានាធិបតីចប់អាណត្តិ បានប្រាប់ឲ្យសមាជិកសភាទាំងពីរនៃបក្សប្រជាធិបតេយ្យ ជួយការពារសមិទ្ធផលរបស់លោក។ យ៉ាងណាក្ដី សមាជិកបក្សប្រជាធិបតេយ្យ ទំនងជាពិបាកក្នុងការពារច្បាប់ Obamacare នេះ ដ្បិតពួកគេមិនមានសំឡេងភាគច្រើនឡើយទាំងនៅរដ្ឋសភា និងនៅព្រឹទ្ធសភា។
ការប្រឈមមុខរវាងបក្សទាំងពីរជុំវិញច្បាប់ខាងលើ លេចរូបរាងកាន់តែខ្លាំងដល់កម្រិតកំពូលនៅថ្ងៃទី៤ ខែមករា ខណៈដំណើររបស់លោក អូបាម៉ា ទៅកាន់ Capitol ក៏ជួននឹងដំណើររបស់អនុប្រធានាធិបតីជាប់ឆ្នោត Mike Pence ដែរ។ ដូចគ្នានឹងលោកអូបាម៉ា លោក Pence ទៅកាន់វិមាន Capitol ដើម្បីសមាជិកសភាទាំងពីរជាន់នៃបក្សសាធារណរដ្ឋ ឲ្យប្រុងប្រៀបចាត់វិធានការលុបចោលច្បាប់ Obamacare តែម្ដង។
ថ្លែងបន្ទាប់ពីជំនួបជាមួយសមាជិកសភាបក្សសាធារណរដ្ឋរួចមក លោក Pence បានប្រាប់អ្នកកាសែតថា រដ្ឋបាលថ្មីរបស់ប្រធានាធិបតីជាប់ឆ្នោត ដូណាល់ ត្រាំ ចាត់ទុកការលុបចោល Obamacare ជាអាទិភាពទីមួយ ហើយលោក នឹងរកគោលការណ៍ថ្មីដើម្បីជំនួសច្បាប់របស់ប្រធានាធិបតីចប់អាណត្តិ អូបាម៉ា។ ប៉ុន្តែគេមិនទាន់ដឹងទេថា រដ្ឋបាលថ្មីរបស់លោក ត្រាំ ឬក៏ក្រុមសាធារណរដ្ឋ យកអ្វីជំនួស Obamacare ដែលកំពុងជួយប្រជាជនរាប់នាក់នោះដែរ។
ប្រធានរដ្ឋសភាមកពីបក្សសាធារណរដ្ឋ Paul Ryan ក៏និយាយដែរថា៖« យើងនឹងជំនួសវាដោយអ្វីថ្មី និងប្រសើរជាងនេះ ហើយក្នុងពេលអន្តរកាលនេះ គេត្រូវធានាថា ប្រជាជនទាំងអស់នឹងមិនរងផលប៉ះពាល់អ្វីទេ»។
តាមពិតទៅនៅថ្ងៃទី៤ ដដែលនោះ ព្រឹទ្ធសភាអាមេរិក ដែលគ្រប់ដណ្ដប់ដោយក្រុមសាធារណរដ្ឋ បានចាប់ផ្ដើមជំហានទី១ របស់ខ្លួនដោយបោះឆ្នោតដោយសំឡេង៥១ ទល់នឹង៤៨ បើកផ្លូវឲ្យមានការដេញដោលដំណោះស្រាយហិរញ្ញវត្ថុ ដែលសំដៅកាត់ផ្ដាច់ធនធាននៃច្បាប់ Obamacare តែម្ដង៕
ប្រធានាធិបតីអាមេរិក បារ៉ាក់ អូបាម៉ា នៅថ្ងៃទី៤ ខែធ្នូ បានធ្វើដំណើរដោយកម្រមួយទៅកាន់វិមាន Capitol នៃសភាអាមេរិក។ លោក បានជួបជាមួយបណ្ដាសមាជិកសភាបក្សប្រជាធិបតេយ្យ និងបានទទូចពួកគេឲ្យជួយរារាំងក្រុមអ្នកសាធារណរដ្ឋរបស់ប្រធានាធិបតីជាប់ឆ្នោត ដូណាល់ ត្រាំ ពីការលុបចោលច្បាប់សុខាភិបាល Obamacare ។ លោក អូបាម៉ា ដែលនឹងត្រូវចាកចេញនៅ១៥ថ្ងៃខាងមុខ កំពុងព្យាយាមអស់ពីសមត្ថភាព ដើម្បីប្រយុទ្ធក្នុងសមរភូមិការពារមរតករបស់លោក។
បើតាមសារព័ត៌មាន BBC សមាជិកសភាបក្សប្រជាធិបតេយ្យ Elijah Cummings បានប្រាប់ក្រុមអ្នកសារព័ត៌មានថា ប្រធានាធិបតីចប់អាណត្តិ បានប្រាប់ឲ្យសមាជិកសភាទាំងពីរនៃបក្សប្រជាធិបតេយ្យ ជួយការពារសមិទ្ធផលរបស់លោក។ យ៉ាងណាក្ដី សមាជិកបក្សប្រជាធិបតេយ្យ ទំនងជាពិបាកក្នុងការពារច្បាប់ Obamacare នេះ ដ្បិតពួកគេមិនមានសំឡេងភាគច្រើនឡើយទាំងនៅរដ្ឋសភា និងនៅព្រឹទ្ធសភា។
ការប្រឈមមុខរវាងបក្សទាំងពីរជុំវិញច្បាប់ខាងលើ លេចរូបរាងកាន់តែខ្លាំងដល់កម្រិតកំពូលនៅថ្ងៃទី៤ ខែមករា ខណៈដំណើររបស់លោក អូបាម៉ា ទៅកាន់ Capitol ក៏ជួននឹងដំណើររបស់អនុប្រធានាធិបតីជាប់ឆ្នោត Mike Pence ដែរ។ ដូចគ្នានឹងលោកអូបាម៉ា លោក Pence ទៅកាន់វិមាន Capitol ដើម្បីសមាជិកសភាទាំងពីរជាន់នៃបក្សសាធារណរដ្ឋ ឲ្យប្រុងប្រៀបចាត់វិធានការលុបចោលច្បាប់ Obamacare តែម្ដង។
ថ្លែងបន្ទាប់ពីជំនួបជាមួយសមាជិកសភាបក្សសាធារណរដ្ឋរួចមក លោក Pence បានប្រាប់អ្នកកាសែតថា រដ្ឋបាលថ្មីរបស់ប្រធានាធិបតីជាប់ឆ្នោត ដូណាល់ ត្រាំ ចាត់ទុកការលុបចោល Obamacare ជាអាទិភាពទីមួយ ហើយលោក នឹងរកគោលការណ៍ថ្មីដើម្បីជំនួសច្បាប់របស់ប្រធានាធិបតីចប់អាណត្តិ អូបាម៉ា។ ប៉ុន្តែគេមិនទាន់ដឹងទេថា រដ្ឋបាលថ្មីរបស់លោក ត្រាំ ឬក៏ក្រុមសាធារណរដ្ឋ យកអ្វីជំនួស Obamacare ដែលកំពុងជួយប្រជាជនរាប់នាក់នោះដែរ។
ប្រធានរដ្ឋសភាមកពីបក្សសាធារណរដ្ឋ Paul Ryan ក៏និយាយដែរថា៖« យើងនឹងជំនួសវាដោយអ្វីថ្មី និងប្រសើរជាងនេះ ហើយក្នុងពេលអន្តរកាលនេះ គេត្រូវធានាថា ប្រជាជនទាំងអស់នឹងមិនរងផលប៉ះពាល់អ្វីទេ»។
តាមពិតទៅនៅថ្ងៃទី៤ ដដែលនោះ ព្រឹទ្ធសភាអាមេរិក ដែលគ្រប់ដណ្ដប់ដោយក្រុមសាធារណរដ្ឋ បានចាប់ផ្ដើមជំហានទី១ របស់ខ្លួនដោយបោះឆ្នោតដោយសំឡេង៥១ ទល់នឹង៤៨ បើកផ្លូវឲ្យមានការដេញដោលដំណោះស្រាយហិរញ្ញវត្ថុ ដែលសំដៅកាត់ផ្ដាច់ធនធាននៃច្បាប់ Obamacare តែម្ដង៕
Tag:
ដូណាល់ ត្រាំ
បារ៉ាក់ អូបាម៉ា
ObamaCare
© រក្សាសិទ្ធិដោយ thmeythmey.com
