សាលក្រម​សមុទ្រ​ចិន​ខាងត្បូង​ដែល​កាត់​ឲ្យ​ចិន​ចាញ់ក្តី មិន​ស្ថិតក្នុង​របៀបវារៈ​កិច្ចប្រជុំ​អាស៊ាន​នៅ​ហ្វីលីពីន​ទេ
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
សាលក្រម​សមុទ្រ​ចិន​ខាងត្បូង​ដែល​កាត់​ឲ្យ​ចិន​ចាញ់ក្តី មិន​ស្ថិតក្នុង​របៀបវារៈ​កិច្ចប្រជុំ​អាស៊ាន​នៅ​ហ្វីលីពីន​ទេ
អត្ថបទ : ថ្មីៗ       January-06-2017, 11:27 am         1644
រូបភាព
រូបភាពប្រមុខដឹកនាំអាស៊ាន និងចិនក្នុងកិច្ចប្រជុំកំពូលអាស៊ាន នៅឡាវ
រូបភាពប្រមុខដឹកនាំអាស៊ាន និងចិនក្នុងកិច្ចប្រជុំកំពូលអាស៊ាន នៅឡាវ
 
​ប្រធាន​វិលជុំ​អាស៊ាន​ហ្វីលីពីន នឹងដាក់​បញ្ហា​សមុទ្រ​ចិន​ខាងត្បូង​ដើម្បី​ជជែក​នៅក្នុង​របៀបវារៈ​នៃ​កិច្ចប្រជុំ​កំពូល​អាស៊ាន​ចុងឆ្នាំ​នេះ​។ ក៏ប៉ុន្តែ​វិសាលភាព​នៃ​ការជជែក​ពី​បញ្ហា​នេះ ផ្តោត​តែ​លើ​ក្រម​ប្រតិបត្តិ​សមុទ្រ​ចិន​ខាងត្បូង​(CoC) សេចក្តីថ្លែងការណ៍​ស្តីពី​ភាគី​ក្រម​ប្រតិបត្តិ​សមុទ្រ​ចិន​ខាងត្បូង (DoC) និង​គោលការណ៍​មួយចំនួន​ផ្សេងទៀត​ដែលជា​ដំណោះស្រាយ​បញ្ហា​សមុទ្រ​ចិន​ខាងត្បូង​។ តែ​សាលក្រម​សមុទ្រ​ចិន​ខាងត្បូង នឹងមិន​ដាក់​ក្នុង​របៀបវារៈ​រួម​នោះទេ​។
 
​អនុរដ្ឋមន្ត្រី​ការបរទេស​ហ្វីលីពីន លោក Enrique Manalo នៅ​ថ្ងៃទី​៥ មករា នាឱកាស​សង្ខេប​ព័ត៌មាន​ប្រចាំថ្ងៃ បាន​អះអាងថា បញ្ហា​សមុទ្រ​ចិន​ខាងត្បូង មាននៅ​ក្នុង​របៀបវារៈ​របស់​អាស៊ាន ហើយ អាស៊ាន នឹង​បន្ត​ធ្វើការ​ជាមួយនឹង​គ្នា​នៅក្នុង​ឆ្នាំនេះ​ដោយ​ផ្តោត​សំខាន់​លើ ក្រម​ប្រតិបត្តិ​សមុទ្រ​ចិន​ខាងត្បូង ដែល​មិនទាន់​បញ្ចប់​នៅឡើយ​នោះ និង​សេចក្តីថ្លែងការណ៍​ស្តីពី​ភាគី​ក្រម​ប្រតិបត្តិ​សមុទ្រ​ចិន​ខាងត្បូង និង​គោលការណ៍​នៃ​ក្រម​ប្រតិបត្តិ​។ នេះ​បើ​យោងតាម​ការចុះផ្សាយ​រប​ស់​សារព័ត៌មាន​ក្នុងស្រុក​ហ្វីលីពីន inquirer.net​។ 
 
​លោក​អនុរដ្ឋមន្ត្រី បាន​បន្តទៀតថា ក្នុងចំណោម​គោលដៅ​ចម្បង​នៃ​កិច្ចសហប្រតិបត្តិការ​រ​បស់​ហ្វីលីពីន និង​អាស៊ាន ជាមួយនឹង​ចិន​ឆ្នាំនេះ គឺ​ព្យាយាម​សម្រេច​ឲ្យ​បាន​នូវ​ក្របខណ្ឌ​សម្រាប់​ក្រម​ប្រតិបត្តិ​សមុទ្រ​ចិន​ខាងត្បូង​នៅ​ចុង​ឆ្នាំនេះ​។ នេះ​បើ​យោងតាម​ប្រភពព័ត៌មាន​ដដែល​នោះ ដែល​បាន​ដកស្រង់​សម្តី​របស់​មន្ត្រីការទូត​ជាន់ខ្ពស់​ហ្វីលីពីន ដែល​អះអាង​ទៀតថា សាលក្រម​សមុទ្រ​ចិន​ខាងត្បូង​របស់​តុលាការ​ម​ជ្ឈ​ត្ត​កម្ម​ក្រុងឡាអេ មិនមាន​នៅក្នុង​របៀប​វារៈ​អាស៊ាន​នោះទេ​។​
 
​លោក ពន្យល់ថា សាលក្រម​សមុទ្រ​ចិន​ខាងត្បូង បាន​ក្លាយជា​ផ្នែក​មួយ​នៃ​ច្បាប់​អន្តរជាតិ​រួចទៅហើយ​។ ជាងនេះទៅទៀត​នោះ លោក យល់ឃើញថា បើ​ដាក់​សាល​ក្រុម​សមុទ្រ​ចិន​ខាងត្បូង​ក្នុង​របៀបវារៈ នោះ​បរិយាកាស​នៃ​កិច្ចប្រជុំ នឹង​មិនល្អ​នោះទេ​។ 
 
​សូម​ជម្រាប​ផងដែរ បញ្ហា​សមុទ្រ​ចិន​ខាងត្បូង គឺជា​ជម្លោះ​ផលប្រយោជន៍​អធិបតេយ្យ ដែលមាន​រដ្ឋ​ពាក់ព័ន្ធ​ដូចជា​រដ្ឋ​អាស៊ាន ព្រុយ​ណេ ម៉ាឡេស៊ី ហ្វីលីពីន និង​វៀតណាម ជាមួយនឹង​ចិន​។ រៀងរាល់​កិច្ចប្រជុំ​ប្រចាំឆ្នាំ​របស់​អាស៊ាន មិនដែល​រំលង​បញ្ហា​សមុទ្រ​ចិន​ខាងត្បូង​ឡើយ​។ នោះ ក៏​ព្រោះ​បញ្ហា​នេះ មានរឿង​ចម្រូងចម្រាស​ច្រើន ដែល​មិនទាន់​ដោះស្រាយ​ឲ្យ​បាន​ចប់សព្វគ្រប់​។ ចិន ដែល​កំពុង​បង្កើន​វត្តមាន​យោធា​នៅក្នុង​តំបន់​ជម្លោះ​នោះ បានទាមទារ​តំបន់​ជម្លោះ​ស្ទើរតែ​ទាំងស្រុង ដោយ​យោងតាម​កត្តា​ប្រវត្តិសាស្ត្រ ខណៈ​រដ្ឋ​អាស៊ាន​ទាមទារ​ដោយ​អាងច្បាប់​។ 
 
​នៅ​ថ្ងៃទី​១២ កក្កដា ឆ្នាំ​២០១៦ កន្លងទៅ តុលាការ​ម​ជ្ឈ​ត្ត​កម្ម​អចិន្ត្រៃយ៍​ក្រុងឡាអេ បានចេញ​សាលក្រម​តាម​បណ្តឹង​របស់​ហ្វីលីពីន ដោយ​សម្រេច​ឲ្យ​ហ្វីលីពីន ឈ្នះក្តី​លើ​ចិន​។ តុលាការ បាន​បកស្រាយ​ថា សំអាង​របស់​ចិន​នៅក្នុង​សមុទ្រ​ចិន​ខាងត្បូង មិនមាន​មូលដ្ឋាន​ផ្នែក​ច្បាប់​នោះទេ​។ ជាងនេះទៅទៀត​នោះ តុលាការ ក៏បាន​ចាត់ទុក​សកម្ម​ភាព​របស់​ចិន​នៅក្នុង​សមុទ្រ​ចិន​ខាងត្បូង ដែលមាន​ទាំង​ការបង្កើត​កោះ​សិប្បនិម្មិត​សុទ្ធសឹងតែ​ខុសច្បាប់​ទៀត​។ យ៉ាងណាក៏ដោយ ចិន ប្រកាស​យ៉ាង​ដាច់ខាត​ថា មិន​ទ​ទូល​ស្គាល់ សាលក្រម​នោះទេ​។ សម្រាប់​ចិន សាលក្រម​នោះ ប្រៀបប្រដូច​នឹង​ក្រដាស​សម្រាម​យ៉ាង​ដូច្នេះ​ឯង​៕ 
Tag:
 ហ្វីលីពីន​
  សមុទ្រ​ចិន​ខាងត្បូង​
  អាស៊ាន​
   រក្សាសិទ្ធិដោយ thmeythmey.com  
ព័ត៌មានដែលទាក់ទង
2 month - 1125
2 month - 801
2 month - 948
ព័ត៌មានចម្រុះ
2 hrs - 2369
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2007
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1037
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2961
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2314
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017