កូរ៉េខាងត្បូង​សោកស្ដាយ ក្រោយ​ជប៉ុន​ហៅ​ទូត​ចូល​ស្រុក​ជុំវិញ​រូបសំណាក​ស្ត្រី​បម្រើ​ផ្លូវភេទ​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
កូរ៉េខាងត្បូង​សោកស្ដាយ ក្រោយ​ជប៉ុន​ហៅ​ទូត​ចូល​ស្រុក​ជុំវិញ​រូបសំណាក​ស្ត្រី​បម្រើ​ផ្លូវភេទ​
អត្ថបទ : តន ចាន់​រិ​ទ្ធា​រ៉ា       January-06-2017, 3:06 pm         3796
រូបភាព
​បញ្ហា​ស្ត្រី​បម្រើ​ផ្លូវភេទ​រវាង​កូរ៉េខាងត្បូង និង​ជប៉ុន ដែល​ស្ងប់ស្ងាត់​អស់​មួយរយៈ​មក​នោះ បាន​កម្រើក​ជាថ្មី​ម្ដងទៀត បន្ទាប់ពី​ប្រជាជន​កូរ៉េខាងត្បូង​បានដាក់​តាំង​រូបសំណាក​តំណាង​ស្ត្រី​បម្រើ​ផ្លូវភេទ​នៅមុខ​ស្ថាន​កុងស៊ុល​ជប៉ុន​។ បញ្ហា​នេះ​ហាក់​កើន​កម្ដៅ​ខ្លាំង​ដល់​ថ្នាក់​រដ្ឋាភិបាល​ក្រុង​តូ​ក្យូ កោះហៅ​អគ្គរដ្ឋទូត​របស់ខ្លួន​ប្រចាំ​ក្រុង​សេ​អ៊ូ​ល ជាការ​ឆ្លើយតប​នឹង​សកម្មភាព​របស់​កូរ៉េខាងត្បូង​ផងដែរ​។​


​កូរ៉េខាងត្បូង បានបង្ហាញ​ការសោកស្ដាយ​យ៉ាងខ្លាំង​ចំពោះ​សកម្មភាព​របស់​ជប៉ុន ដែល​បាន​កោះហៅ​អគ្គរដ្ឋទូត​របស់ខ្លួន​ត្រឡប់​ចូល​ស្រុក​វិញ ដើម្បី​ជាការ​តវ៉ា​នឹង​ដាក់តាំង​រូបសំណាក​ស្ត្រី​បម្រើ​ផ្លូវភេទ​នៅមុខ​ស្ថាន​កុងស៊ុល​របស់ខ្លួន​នៅ​កូរ៉េខាងត្បូង​។ ក្រុង​សេ​អ៊ូ​ល ក៏​ទទូច​ឲ្យ​ក្រុង​តូ​ក្យូ កុំ​យក​បញ្ហា​នេះ​ធ្វើ​ឲ្យ​ប៉ះពាល់​ទំនាក់ទំនង​ទ្វេភាគី ដែល​ហាក់​មានការ​រីកចម្រើន​នា​រយៈពេល​ចុងក្រោយ​នេះ​។​

​ក្នុង​សេចក្ដីថ្លែងការណ៍​នៅ​ថ្ងៃទី​៦ ខែមករា អ្នកនាំពាក្យ​ក្រសួងការបរទេស​កូរ៉េខាងត្បូង​និយាយថា​៖ «​យើង​សោកស្ដាយ​ណាស់​ចំពោះ​ទង្វើ​របស់​ជប៉ុន ជុំវិញ​រូបសំណាក​ស្ត្រី​បម្រើ​ផ្លូវភេទ​នេះ​។ រដ្ឋាភិបាល​កូរ៉េខាងត្បូង ចង់​បញ្ជាក់​ឲ្យ​ច្បាស់​ថា ប្រទេស​ទាំងពីរ គួរតែ​បន្ត​ជំរុញ​ទំនាក់ទំនង​ទ្វេភាគី​ពឹងផ្អែក​លើ​ការពិត និង​មិនត្រូវ​ខ្វល់ខ្វាយ​ពី​បញ្ហា​ប្រឈម​អ្វី​ឡើយ​។​»

​បើតាម​សារព័ត៌មាន The Japan Times រដ្ឋាភិបាល​ក្រុង​តូ​ក្យូ បាន​កោះហៅ​លោក Yasumasa Nagamine អគ្គរដ្ឋទូត​ប្រចាំ​កូរ៉េខាងត្បូង ជាការ​តវ៉ា​របស់ខ្លួន​ប្រឆាំងនឹង​រូបសំណាក​ស្ត្រី​បម្រើ​ផ្លូវភេទ ដែល​ត្រូវ​បានដាក់​ខាងមុខ​ស្ថាន​កុងស៊ុល​ជប៉ុន​ក្នុង​ក្រុង​ប៊ូសាន​កាលពី​ចុងឆ្នាំ​មុន ដោយ​សកម្មជន​ស៊ីវិល​មួយក្រុម​។ មិន​ត្រឹមតែ​ប្រកាស​កោះហៅ​មន្ត្រី​ទូត​ទេ ជប៉ុន​ក៏បាន​ផ្អាក​ជា​បណ្ដោះអាសន្ន​ការចរចា​ស្ដីពី​ការផ្លាស់ប្ដូរ​រូបិយវត្ថុ​ជាមួយ​កូរ៉េខាងត្បូង​ផងដែរ​។​

​តាមពិត​ទៅមុន​ចាត់វិធានការ​បែបនេះ ជប៉ុន ក៏​ស្នើ​ឲ្យ​កូរ៉េខាងត្បូង​យក​រូបសំណាក​នេះ​ចេញ​ពីមុខ​ស្ថាន​កុងស៊ុល​របស់ខ្លួន​ដែរ ប៉ុន្តែ​រដ្ឋាភិបាល​កូរ៉េខាងត្បូង ហាក់​មិន​អើពើ​នឹង​សំណើ​នេះឡើយ​។ នេះ គឺ​រូបសំណាក​តំណាង​ស្ត្រី​បម្រើ​ផ្លូវភេទ​កូ​រ៉​ខាងត្បូង​ទី​២ ដែល​ដាក់តាំង​ខាងមុខ​ទីតាំង​តំណាង​ជប៉ុន​នៅ​បរទេស​។ រូបសំណាក​ទី​១ ដែលមាន​រូបរាង​ស្រដៀង​គ្នា​នេះដែរ ត្រូវ​បានដាក់​ខាងមុខ​ស្ថានទូត​ជប៉ុន​ប្រចាំ​ក្រុង​សេ​អ៊ូ​ល​តែម្ដង​។​

​បញ្ហា​ស្ត្រី​កូរ៉េខាងត្បូង ដែល​ត្រូវ​ទាហាន​ជប៉ុន​បង្ខំ​ឲ្យ​ធ្វើជា​ទាសករ​បម្រើ​ផ្លូវភេទ​នោះ បាន​ធូរស្រាល​មួយកម្រិត បន្ទាប់ពី​ជប៉ុន​សុខចិត្ត​ផ្ដល់​សំណង​ទឹកប្រាក់​សម្រាប់​ស្ត្រី​ទាំងនោះ​។ យ៉ាងណាក្ដី បញ្ហា​មួយ​នេះ​ក្លាយជា​របួស​ក្នុង​ចិត្ត​ជនជាតិ​កូរ៉េខាងត្បូង និង​ក្លាយជា​ឧបសគ្គ​នៃ​ទំនាក់ទំនង​ការទូត​រវាង​ប្រទេស​ក្បែរ​ខាង​ទាំងពីរ​នេះ​៕

Tag:
 កូរ៉េខាងត្បូង​
  ជប៉ុន​
  ស្ត្រី​បម្រើ​ផ្លូវភេទ
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
3 hrs - 343
​លោកនាយក​រដ្ឋមន្ត្រី​ម៉ាឡេស៊ី ណា​ជីប រ៉ា​ហ្សា​ក់ នៅ​ថ្ងៃទី​១៦ មករា​នេះ បាន​ព្រលះ​មី​យ៉ាន់​ម៉ា​ជាថ្មី​ក្នុង​វេទិកា​ប្រទេស​ឥស្លាម​លើ​បញ្ហា​ជនជាតិភាគតិច​ម៉ូ​ស្លី​ម​រ៉ូ​ហ៊ីង​យ៉ា និង​ថែមទាំង​ទទូច​ឲ្យ​ប្រទេស​ឥស្លាម​ចូលរួម​គ្នា​ដើម្បី​បញ្ចប់​សកម្មភាព​ធ្វើ​ទុក​បុក​ម្នេញ​ពី​សំណាក់​អាជ្ញាធរ​មី​យ៉ាន់​ម៉ា​ទៅលើ​ក្រុម​នោះ​។ នេះ គឺ​សេចក្តីថ្លែងការណ៍​មិន​ពេញចិត្ត​របស់​នាយករដ្ឋមន្ត្រី​ម៉ាឡេស៊ី​ដែល​ធ្វើ​ឡើងជា​លើក​ទី​ពីរ​ហើយ​ទៅ​មិត្ត​អាស៊ាន​មី​យ៉ាន់​ម៉ា​នោះ​។
5 hrs - 3160
​ប្រធានាធិបតី​ផុត​អាណត្តិ បា​រ៉ា​ក់ អូ​បា​ម៉ា បាន​ជួប​ផ្តែរ​ផ្តាំ​អ្នកសារព័ត៌មាន​ប្រចាំ​សេត​វិមាន​ដែល​ធ្លាប់​បំពេញការងារ​អស់​រយៈពេល ៨​ឆ្នាំកន្លងមក​ជា​លើកចុងក្រោយ​នៅ​ថ្ងៃ​ពុធ​ទី ១៨ មករា​។លោក​បាន​ថ្លែងអំណរគុណ និង​ប្រាប់​អ្នកសារព័ត៌មាន​ទាំងនោះ​ថា ពួកគេ​បានធ្វើ​ឲ្យ​គ្រប់យ៉ាង​ប្រសើរឡើង ហើយ​ប្រជាជន​និង​ប្រជាធិបតេយ្យ​អាមេរិក​មិនអាច​ខ្វះ​ពួកគេ​បានឡើយ​។ លោក​បាន​ទទូច​ឲ្យ​អ្នកសារព័ត៌មាន​បន្តធ្វើ​កិច្ចការ​ឲ្យ​អស់ពី​សមត្ថភាព​ដើម្បី​ជំរុញ​ឲ្យ​អាមេរិក​ដើរទៅ​មុខ​ហើយ​លោក​ធានាថា គ្រប់យ៉ាង​នឹង​ល្អប្រសើរ​នៅពេល​ខាងមុខ​។
5 hrs - 522
​ប្រធានាធិបតី​ហ្វីលីពីន លោក រ៉ូ​ឌ្រី​ហ្គូ ឌើ​ទើ​តេ នឹង​បំពេញ​ទស្សនកិច្ច​ទៅកាន់​ចិន​ជាថ្មី​ម្តងទៀត​ដើម្បី​ចូលរួម​កិច្ចប្រជុំ​វេទិកា​នៃ​គំនិត​ផ្តួចផ្តើម​«​ខ្សែក្រវ៉ាត់​មួយ និង​វី​ថី​មួយ​» ។ តាមរយៈ​ដំណើរ​ទស្សនកិច្ច​នេះ លោក ឌើ​ទើ​តេ ក៏រ​ពឹង​ថា​នឹង​អាច​ជួប​ជាមួយនឹង​សម​ភាគី​ចិន លោក ស៊ី ជិន​ពីង​ជាថ្មីទៀត​ផងដែរ​។
6 hrs - 1070
​លោក​ប្រធានាធិបតី​អាមេរិក បា​រ៉ា​ក់ អូ​បា​ម៉ា បាន​ពន្យល់​អំពី​មូលហេតុ​នៃ​ការលើកលែងទោស​ដ៏​ភ្ញាក់ផ្អើល​ដល់​ការកាត់ទោស​ឲ្យ​ជាប់ពន្ធនាគារ​ដល់​អ្នក​វិភាគ​ស៊ើបការណ៍​សម្ងាត់​យោធា​ម្នាក់​ដែល​បានធ្វើ​ឲ្យ​បែកធ្លាយ​ឯកសារ​របស់​យោធា​។
9 hrs - 4590
​នៅសល់​មិន​ដល់​៤៨​ម៉ោង​ឡើយ លោក​បា​រ៉ា​ក់ អូ​បា​ម៉ា និង​ភរិយា​លោក​ស្រី្ត​ទីមួយ Michelle Obama រួមជាមួយ​បុត្រី​ទាំងពីរ​នឹង​ចាក​ចេញពី​សេត​វិមាន​ហើយ​។ លោកស្រី Michelle បាន​អរគុណ​ស្វាមី​លោកស្រី និង​បញ្ជាក់ថា លោកស្រី​មាន​កិត្តិយស​បំផុត​ដែល​បាន​ធ្វើជា​ស្ត្រី​ទីមួយ​។ 

19 Jan 2017