រុស្ស៊ី​ប្រហែល​កំពុង​រក​ច្រក​ចេញពី​ជម្លោះ​ប្រដាប់អាវុធ​ស៊ី​រី​?
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
រុស្ស៊ី​ប្រហែល​កំពុង​រក​ច្រក​ចេញពី​ជម្លោះ​ប្រដាប់អាវុធ​ស៊ី​រី​?
អត្ថបទ : សៅ ផលនិស្ស័យ       January-07-2017, 7:39 pm         5388
រូបភាព
​នាវា​ដឹក​យន្តហោះ​ចម្បាំង​រុស្ស៊ី Admiral Kuznetsov និង​ក្រុម​នាវាចម្បាំង​ផ្សេងទៀត​ដែល​បំពេញ​បេសកម្ម​នៅ​ស៊ី​រី​បាន​ចាក​ចេញពី​តំបន់​ម៉េ​ឌី​ទែ​រ៉ា​ណេ​ដើម្បី​ត្រឡប់មក​រុស្ស៊ី​វិញ​។ វា​បញ្ជាក់ថា រុស្ស៊ី​កំពុង​ព្យាយាម​កាត់បន្ថយ​វត្តមាន​កងទ័ព​របស់​ខ្លួន​នៅ​ស៊ី​រី និង​អាច​ត្រៀម​ដកខ្លួន​ចេញពី​សង្គ្រាម​ដ៏​រ៉ាំរ៉ៃ​នេះ​ផង​ក៏​មិនដឹង​។

​កងទ័ពជើងទឹក​រុស្ស៊ី​បានសម្រេច​ប​ញ្ចូ​ន​នាវា​ដឹក​យន្តហោះ​វ័យ​ជរា​របស់ខ្លួន Admiral Kuznetsov និង​នាវាចម្បាំង​ផ្សេងទៀត​ពី​តំបន់​មេ​ឌី​ទែ​រ៉ា​ណេ​ទៅ​រុស្ស៊ី​វិញ​។ ការដក​សព្វាវុធ​នេះ​កើតឡើង​ស្រប​ពេលដែល​រដ្ឋាភិបាល​ក្រុង​មូ​ស្គូ​សម្រេច​កាត់បន្ថយ​វត្តមាន​ទ័ព​នៅ​ស៊ី​រី ក្រោយ​ពេលដែល​ខ្លួន​ជួយ​រំដោះ​ទីក្រុង Aleppo បាន​ទាំងស្រុង​កាលពី​ចុងឆ្នាំ ២០១៦​កន្លងទៅនេះ​។​
 
​មេបញ្ជាការ​កងទ័ព​រុស្ស៊ី​ដែល​ឈរជើង​នៅ​ស៊ី​រី​លោក Andrey Kartapolov បាន​អះអាងថា ក្រុម​នាវា​ច្បាំង​និង​នាវា​ដឹក​យន្តហោះ​ដែល​ត្រូវ​ចាក​ចេញពី​តំបន់​ម៉េ​ឌី​ទែ​រ៉ា​ណេ​នេះ​បាន​បញ្ជ​ប់​ប្រតិបត្តិការ​ដោយ​ជោគជ័យ​ហើយ​។​
 
​តាមពិតទៅ នាវា​ដឹក​យន្តហោះ  Admiral Kuznetsov និង​ក្រុម​នាវាចម្បាំង​ដែល​អមដំណើរ​ជាមួយគ្នា​នោះបាន​ទៅ​ឈរជើង​នៅ​ជិត​ប្រទេស​ស៊ី​រី​កាលពី​ពាក់កណ្តាល​ខែតុលា​កន្លង​ទៅ ហើយ​នាវា​ទាំងនេះ​បាន​ចូលរួម​បំពេញ​បេសកម្ម​យ៉ាងសកម្ម​បំផុត​ដើម្បី​ជួយ​ជ្រោមជ្រែង​កងទ័ព​រដ្ឋាភិបាល​ស៊ី​រី​ប្រឆាំង​ក្រុម​ឧទ្ទាម​ថែម​ទៀតផង​។​
 
​យោងតាម​ទីភ្នាក់ងារ​ព័ត៌មាន TASS ការដក​កងទ័ព​រុស្ស៊ី​មួយចំនួន​នេះ​ធ្វើឡើង​តាម​បទបញ្ជា​របស់លោក​ប្រធានាធិបតី វ្ល៉ា​ឌី​មៀ ពូ​ទីន ហើយ​ការសម្រេចចិត្ត​នេះ​ក៏​ធ្វើឡើង​ក្រោយ​ពេលដែល​រុស្ស៊ី​និង​អ៊ីរ៉ង់ រួមជាមួយ​តួ​ក​គី​សម្រេចបាន​បទ​ឈប់​បាញ់​មួយ​នៅក្នុង​ជម្លោះ​ស៊ី​រី​។ លោក ពូ​ទីន បាន​អះអាងថា បទ​ឈប់​បាញ់​ថ្មី​នេះ​មានតម្លៃ​ខ្លាំង​និង​អាច​ផ្តល់ឱកាស​ឲ្យ​ភាគី​ឈានទៅ​បញ្ចប់​ជម្លោះ​ដែល​កើតឡើង​រយៈពេល ៦​ឆ្នាំ​។ អាច​ថា ការប្រើប្រាស់​កម្លាំង​កន្ល​ង​មក​បាន​ត្រួស​ត្រាយផ្លូវ​ខ្លះៗ​រួចទៅហើយ​សម្រាប់​ការឈាន​ទៅ​ចរចា ហើយ​វា​ក៏​ដល់​ពេលដែល​គេ​ត្រូវ​ត្រឡប់មក​ប្រើប្រាស់​ផ្លូវ​ការទូត​និង​នយោបាយ​វិញ​ម្តង​ដើម្បី​ដោះស្រាយ​រឿង​នៅ​សេសសល់​។​
 
​តាមរយៈ​ការបង្កើត​បទ​ឈប់​បាញ់​នេះ  គេ​រំពឹងថា ក្រុម​ឧទ្ទាម និង រដ្ឋាភិបាល​ស៊ី​រី​ដោយមាន​ការចូលរួម​ពី​ភាគី​ពាក់ព័ន្ធ​នឹង​ចាប់ផ្តើម​ដំណើរ​ការចរចា​ជាថ្មីទៀត​និង​ឈានទៅ​បង្កើត​ដំ ណោះ​ស្រាយ​នយោបាយ​។ កាលពី​ថ្មីៗ​នេះ ប្រមុខ​ការទូត​អាមេរិក​លោក ច​ន ឃែ​រី ក៏​សង្ឃឹមថា​ដំណោះ​ការចរចា​នឹង​អាច​ចាប់ផ្តើម​ឡើងវិញ ហើយ​លោក​មាន​សុទិដ្ឋិនិយម​ចំពោះ​កិច្ចចរចា​សន្តិភាព​ដែល​នឹងត្រូវ​រៀបចំឡើង​ដោយ​រុស្ស៊ី​នៅ​ក្រុង Astana ប្រទេស​កា​ហ្សា​ក់​ស្ថាន​ចុងខែ​មករា​នេះ​។​
 
 យ៉ាងណា​ក៏ដោយចុះ ការដក​កងទ័ព​ដោយ​ផ្នែក​នេះ​ជា​ទម្លាប់​និង​ជា​យុទ្ធសាស្ត្រ​របស់​រុស្ស៊ី​។ មហាអំណាច​មួយ​នេះ​មិនអាច​ឈរជើង​នៅ​ជម្លោះ​បរទេស​ដែល​រ៉ាំរ៉ៃ​យូរអង្វែង​ឡើយ​ព្រោះ​វា​អាចពាក់ព័ន្ធ​ការចំណាយ និង ផ្លូវ​ឈានទៅ​បញ្ចប់សង្គ្រាម​។ រុស្ស៊ី​មិនដែល​មានលទ្ធភាព​ខ្ពស់​ក្នុងការ​លូកលាន់​ក្នុង​ជម្លោះ​បរទេស​បានយូរ​អង្វែង​ដូច​សហរដ្ឋ​អា​មេ​រិ​កឡើ​យ ហើយ​រុស្ស៊ី​ខ្លួនឯង​ក៏​កំពុង​ត្រដាបត្រដួស​ដោយសារ​ប្រេង​ធ្លាក់​ថ្លៃ​និង​រង​ទណ្ឌកម្ម​របស់លោក​ខាងលិច​រយៈពេល​ប៉ុន្មាន​ឆ្នាំ​មកនេះ​ផង​។ ហើយ​ម្យ៉ាងវិញទៀត រុស្ស៊ី​តែងតែ​គិតគូ​ពី​អនាគត​នៃ​ជម្លោះ ហើយ​មហាអំណាច​មួយ​នេះ​ប្រុងប្រយ័ត្ន​បំផុត​នៅពេល​អន្តរាគមន៍​នៅ​បរទេស​។ រុស្ស៊ី​ខ្លាច​ផុងខ្លួន​នៅក្នុង​ជម្លោះ ដកខ្លួន​មិន​រួច​និង​ខាត​ប្រយោជន៍​ឥតអំពើ​៕ 
 
   រក្សាសិទ្ធិដោយ thmeythmey.com  
ព័ត៌មានចម្រុះ
3 hrs - 343
​លោកនាយក​រដ្ឋមន្ត្រី​ម៉ាឡេស៊ី ណា​ជីប រ៉ា​ហ្សា​ក់ នៅ​ថ្ងៃទី​១៦ មករា​នេះ បាន​ព្រលះ​មី​យ៉ាន់​ម៉ា​ជាថ្មី​ក្នុង​វេទិកា​ប្រទេស​ឥស្លាម​លើ​បញ្ហា​ជនជាតិភាគតិច​ម៉ូ​ស្លី​ម​រ៉ូ​ហ៊ីង​យ៉ា និង​ថែមទាំង​ទទូច​ឲ្យ​ប្រទេស​ឥស្លាម​ចូលរួម​គ្នា​ដើម្បី​បញ្ចប់​សកម្មភាព​ធ្វើ​ទុក​បុក​ម្នេញ​ពី​សំណាក់​អាជ្ញាធរ​មី​យ៉ាន់​ម៉ា​ទៅលើ​ក្រុម​នោះ​។ នេះ គឺ​សេចក្តីថ្លែងការណ៍​មិន​ពេញចិត្ត​របស់​នាយករដ្ឋមន្ត្រី​ម៉ាឡេស៊ី​ដែល​ធ្វើ​ឡើងជា​លើក​ទី​ពីរ​ហើយ​ទៅ​មិត្ត​អាស៊ាន​មី​យ៉ាន់​ម៉ា​នោះ​។
5 hrs - 3158
​ប្រធានាធិបតី​ផុត​អាណត្តិ បា​រ៉ា​ក់ អូ​បា​ម៉ា បាន​ជួប​ផ្តែរ​ផ្តាំ​អ្នកសារព័ត៌មាន​ប្រចាំ​សេត​វិមាន​ដែល​ធ្លាប់​បំពេញការងារ​អស់​រយៈពេល ៨​ឆ្នាំកន្លងមក​ជា​លើកចុងក្រោយ​នៅ​ថ្ងៃ​ពុធ​ទី ១៨ មករា​។លោក​បាន​ថ្លែងអំណរគុណ និង​ប្រាប់​អ្នកសារព័ត៌មាន​ទាំងនោះ​ថា ពួកគេ​បានធ្វើ​ឲ្យ​គ្រប់យ៉ាង​ប្រសើរឡើង ហើយ​ប្រជាជន​និង​ប្រជាធិបតេយ្យ​អាមេរិក​មិនអាច​ខ្វះ​ពួកគេ​បានឡើយ​។ លោក​បាន​ទទូច​ឲ្យ​អ្នកសារព័ត៌មាន​បន្តធ្វើ​កិច្ចការ​ឲ្យ​អស់ពី​សមត្ថភាព​ដើម្បី​ជំរុញ​ឲ្យ​អាមេរិក​ដើរទៅ​មុខ​ហើយ​លោក​ធានាថា គ្រប់យ៉ាង​នឹង​ល្អប្រសើរ​នៅពេល​ខាងមុខ​។
5 hrs - 522
​ប្រធានាធិបតី​ហ្វីលីពីន លោក រ៉ូ​ឌ្រី​ហ្គូ ឌើ​ទើ​តេ នឹង​បំពេញ​ទស្សនកិច្ច​ទៅកាន់​ចិន​ជាថ្មី​ម្តងទៀត​ដើម្បី​ចូលរួម​កិច្ចប្រជុំ​វេទិកា​នៃ​គំនិត​ផ្តួចផ្តើម​«​ខ្សែក្រវ៉ាត់​មួយ និង​វី​ថី​មួយ​» ។ តាមរយៈ​ដំណើរ​ទស្សនកិច្ច​នេះ លោក ឌើ​ទើ​តេ ក៏រ​ពឹង​ថា​នឹង​អាច​ជួប​ជាមួយនឹង​សម​ភាគី​ចិន លោក ស៊ី ជិន​ពីង​ជាថ្មីទៀត​ផងដែរ​។
6 hrs - 1070
​លោក​ប្រធានាធិបតី​អាមេរិក បា​រ៉ា​ក់ អូ​បា​ម៉ា បាន​ពន្យល់​អំពី​មូលហេតុ​នៃ​ការលើកលែងទោស​ដ៏​ភ្ញាក់ផ្អើល​ដល់​ការកាត់ទោស​ឲ្យ​ជាប់ពន្ធនាគារ​ដល់​អ្នក​វិភាគ​ស៊ើបការណ៍​សម្ងាត់​យោធា​ម្នាក់​ដែល​បានធ្វើ​ឲ្យ​បែកធ្លាយ​ឯកសារ​របស់​យោធា​។
9 hrs - 4588
​នៅសល់​មិន​ដល់​៤៨​ម៉ោង​ឡើយ លោក​បា​រ៉ា​ក់ អូ​បា​ម៉ា និង​ភរិយា​លោក​ស្រី្ត​ទីមួយ Michelle Obama រួមជាមួយ​បុត្រី​ទាំងពីរ​នឹង​ចាក​ចេញពី​សេត​វិមាន​ហើយ​។ លោកស្រី Michelle បាន​អរគុណ​ស្វាមី​លោកស្រី និង​បញ្ជាក់ថា លោកស្រី​មាន​កិត្តិយស​បំផុត​ដែល​បាន​ធ្វើជា​ស្ត្រី​ទីមួយ​។ 

19 Jan 2017