Duterte ចង់​ឲ្យ​រុស្ស៊ី​ក្លាយជា​សម្ព័ន្ធមិត្ត​ដើម្បី​ការពារ​ហ្វីលីពីន​
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ, ​​​​ន​យោ​​បាយ​​អន្តរ​ជាតិ​
Duterte ចង់​ឲ្យ​រុស្ស៊ី​ក្លាយជា​សម្ព័ន្ធមិត្ត​ដើម្បី​ការពារ​ហ្វីលីពីន​
អត្ថបទ : សៅ ផលនិស្ស័យ       January-07-2017, 3:16 pm         3904
រូបភាព
រូបភាព៖ Manila Bulettin
រូបភាព៖ Manila Bulettin
​ប្រធានាធិបតី​ហ្វីលីពីន​លោក Rodrigo Duterte សង្ឃឹមថារ​ស្ស៊ី​នឹង​ក្លាយជា​សម្ព័ន្ធមិត្ត​ហ្វីលីពីន ហើយ​ជា​អ្នកការពារ​ហ្វីលីពីន​ដែរ​។​លោក​លើកឡើង​បែបនេះ​ក្នុងពេលដែល​លោក​បំពេញ​ទស្សនកិច្ច​ទៅលើ​នាវាចម្បាំង​រុស្ស៊ី​ដែល​ចូល​សំចត​នៅ​ក្រុង​ម៉ានីល​នោះ​។

 
​ក្នុងពេលដែល​ចាប់ដៃ​ជាមួយ​ឧ​ត្ត​មនា​វី​ទោ  Eduard Mikhailov ដែលជា​មេបញ្ជាការរង​កងទ័ព​ជើង​ទឹក​រុស្ស៊ី​ប្រចាំ​តំបន់​ប៉ាស៊ីហ្វិក ប្រធានាធិបតី​ហ្វីលីពីន Rodrigo Duterte បាន​អះអាងថា លោក​សង្ឃឹមថា​រុស្ស៊ី​នឹង​ក្លាយ​ជាស​ម្ព័​ន​មិត្ត​និង​ជួយ​ការពារ​ហ្វីលីពីន​នៅពេល​ខាងមុខ​។​
 
​យោងតាម​ទីភ្នាក់ងារ​ព័ត៌មាន Reuters  ប្រធានាធិបតី​ហ្វីលីពីន Duterte បាន​ថ្លែង​ដូច្នេះ​ថា​៖« យើង​ស្វាគមន៍​មិត្ត​រុស្ស៊ី​។ បើសិនជា​មក អាចមក​សំចត​នៅទីនេះ​បាន​គ្រប់ពេល​, អាចមក​លេង ឬ​មក​ផ្គត់ផ្គង់​ភស្តុភា​, ឬ​មក​ធ្វើជា​សម្ព័ន្ធមិត្ត​ហ្វីលីពីន​ដើម្បី​ការពារ​យើងទាំងអស់គ្នា​»​។ 
 
​ការបញ្ជាក់​បែបនេះ​នេះ កើតឡើង​ក្រោយពេល​ឯកអគ្គរដ្ឋទូត​រុស្ស៊ី​បាន​លើកឡើងថា រុស្ស៊ី​ត្រៀមខ្លួន​ផ្គត់ផ្គង់​អាវុធ​ទំនើបៗ​ឲ្យ​រុស្ស៊ី ហើយ​រុស្ស៊ី​ក៏​ចង់​ក្លាយជា​មិត្ត​ជិតស្និទ្ធ​របស់​ហ្វីលីពីន​ដែរ​។​
 
​តាំងពី​ឡើងកាន់​អំណាច​មក ប្រមុខរដ្ឋ​ហ្វីលីពីន​រូបនេះ​បានបង្ហាញ​ជំហរ​ចង់ទៅ​ពង្រឹង​ទំនាក់ទំនង​ជិតស្និទ្ធ​ជាមួយ​រុស្ស៊ី​និង​ចិន ហើយ​បែរខ្នង​ដាក់​សម្ព័ន្ធមិត្ត​ប្រពៃណី​និង​ជា​អតីត​ម្ចាស់​អាណានិគម​របស់ខ្លួន​អាមេរិក​។ លោក​បន្ត​ទិតៀន​រដ្ឋបាល​អាមេរិក​របស់លោក បា​រ៉ា​ក់ អូ​បា​ម៉ា ហើយ​លោក​ក៏​បញ្ជា​ឲ្យ​គេ​កាត់បន្ថយ​ទំនាក់ទំនង​យោធា រហូត​ចង់​បណ្តេញ​ទាហាន​អាមេរិក​ចេញពី​ហ្វីលីពីន​ទៀត​។ 
 
​បើតាម​ទីភ្នាក់ងារ​ព័ត៌មាន​ដដែល នៅ​ខែមេសា​ខាងមុខនេះ លោក Duterte អាច​នឹង​ទៅ​បំពេញ​ទស្សនកិច្ច​នៅ​ក្រុង​មូ​ស្គូ​ផងដែ​លវា​បង្ហាញ​ពី​គោលជំហរ​ក្នុងការ​ពង្រឹង​ទំនាក់ទំនង​រវាង​រុស្ស៊ី​និង​ហ្វីលីពីន​នោះ​។ កន្លងមក លោក Duterte បានលើកឡើង​ម្តង​ជា​ពីរដង​ថា​លោក​ចង់​ជួប​ប្រធានាធិបតី​រុស្ស៊ី​លោក វ្ល៉ា​ឌី​មៀ ពូ​ទីន ខ្លាំងជាងគេ​។   
 
​ត្រឡប់មកវិញ វត្តមាន​នាវាចម្បាំង​របស់​រុស្ស៊ី​នៅ​ហ្វីលីពីន​ជាការ​បង្កើត​ទំនាក់ទំនង​រវាង​កង​ទ័ពជើងទឹក​ប្រទេស​ទាំងពីរ​ក្នុង​លក្ខណៈ​ផ្លូវការ​ជា​លើកដំបូង​បំផុត​មួយ​។ ហើយ​ភាគី​ទាំងពីរ​ក៏​ត្រៀមលក្ខណៈ​ដើម្បី​រៀបចំ​សមយុទ្ធ​យោធា​ជាមួយគ្នា​ផង​នៅពេល​ខាងមុខ នៅ​សមុទ្រ​ចិន​ខាងត្បូង​ផង ។​
 
​កាលពី​ខែ​មុន រដ្ឋាភិបាល​ក្រុង​ម៉ានីល​បាន​បញ្ជូន​រដ្ឋមន្ត្រីការបរទេស​និង​រដ្ឋមន្ត្រី​ការពារជាតិ​ទៅកាន់​ក្រុង​ម៉ូស្គូ​ដើម្បី​ជជែក​ពី​កិច្ចព្រមព្រៀង​លក់​អាវុធ​ថែម​ទៀតផង បន្ទាប់ពី​សមាជិក​ព្រឹទ្ធ​អាមេរិក​ប្រកាសថា​ខ្លួន​ហាមឃាត់​ការលក់​អាវុធ ២៦០០០​ដើម​ឲ្យ​ហ្វីលីពីន​។ ការហាមឃាត់​នេះ​ធ្វើឡើង​ដើម្បី​ឆ្លើយតប​នឹង​«​សង្គ្រាម​ប្រឆាំង​គ្រឿងញៀន​របស់​ប្រធានាធិបតី Duterte ដែល​ត្រូវបាន​គេ​ចាត់ទុកថា​ជាការ​រំលោភ​សិទ្ធិមនុស្ស​ធ្ងន់ធ្ងរ​នោះ​៕ 
 
Tag:
 សមុទ្រ​ចិន​ខាងត្បូង​
   រក្សាសិទ្ធិដោយ thmeythmey.com  
ព័ត៌មានដែលទាក់ទង
1 month - 1279
1 month - 864
3 week - 1015
ព័ត៌មានចម្រុះ
2 hrs - 2448
ក្រោយ​ស្បថ​ចូលកាន់​តំណែង    ប្រធានាធិបតី​ទី ៤៥ របស់​អាមេរិក​ត្រៀម​ចុះហត្ថលេខា​លើ​បទបញ្ជា​ប្រតិបត្តិ​ដើម្បី​បើកផ្លូវ​សម្រាប់​ការបង្ក្រាប​ជនអន្តោប្រវេសន៍ និង​ទាត់ចោល មរតក​នយោបាយ​រប​ស់លោក បា​រ៉ា​ក់ អូ​បា​ម៉ា​មួយចំនួន​ផង​។ លោក​នឹង​ចាប់ផ្តើម​អនុវត្ត​គោលនយោបាយ​សង់​ជញ្ជាំង​តាម​ព្រំដែន​ម៉ិ​ក​ស៊ិ​ក​, លុបចោល​ច្បាប់​ស្តីពី​ប្រព័ន្ធ​សុខាភិបាល​និង​កិច្ចព្រមព្រៀង​សេដ្ឋកិច្ច​ជាច្រើន​ផង​។ 
4 hrs - 2023
​ថ្ងៃ​ស្បថ​ចូលកាន់​តំណែង​របស់ លោក ដូ​ណា​ល់ ត្រាំ មកដល់​ទៅហើយ តែ​អ្វីដែល​គួរ​ឲ្យ​ភ្ងា​ក់​ផ្អើល​ចលនា​បាតុកម្ម​ប្រឆាំង​លោក​កើតឡើង​ផុសផុល​នៅ​ក្រុង ញូវយ៉ក និង​នៅ​ក្រុង​វ៉ាស៊ីនតោន​ទៅវិញ​។ នៅ​ក្រុង​ញូវយ៉ក គេ​ឃើញ​អភិបាល រួមជាមួយ​បណ្តា​សកម្មជន​សិទ្ធិមនុស្ស និង​តួ​សម្តែង​ល្បីៗ​ផ្សេងទៀត​ដឹកនាំ​ចលនា​បាតុកម្ម​នេះ​។
7 hrs - 1038
​នៅ​ពិធីជប់លៀង​មួយនា​ល្ងាច​ថ្ងៃ​ព្រហស្បតិ៍ លោក ដូ​ណា​ល់ ត្រាំ បាន​ប្តេជ្ញាចិត្ត​បង្រួម​បង្រួម​ជាតិ​អាមេរិក​នៅពេលដែល​លោក​កាន់តំណែង ហើយ​រាល់​អ្នកបោះឆ្នោត​ឲ្យ​លោក​មិន​ត្រូវគេ​បំភ្លេចចោល​ទៀតឡើយ​។ ប្រធានាធិបតី​រូបនេះ​ក៏បាន​ឆ្លៀត​អួតអាង​ផង​ថា ជ័យជម្នះ​របស់លោក​ក​ន្ល​ង​មកជា​អ្វីដែល​គ្រប់គ្នា​មិន​ធ្លាប់​ឃើញ​ឡើយ​ក្នុង​ប្រវត្តិសាស្ត្រ​ពិភពលោក​។
9 hrs - 2964
​ខ្សែ​រថភ្លើង​ដឹកទំនិញ​ដោយផ្ទាល់​រវាង​ចិន និង​អង់គ្លេស បាន​ទៅដល់​ក្រុង​ឡុង​ដ៍​នៅ​ថ្ងៃទី​១៨ ខែមករា ក្រោយ​ធ្វើដំណើរ​លើ​ចម្ងាយ​ផ្លូវ​ដ៏​ឆ្ងាយ​រួចមក​។ សេវាកម្ម​រថភ្លើង​ផ្ទាល់ នេះ​បាន​ធ្វើដំណើរ​ឆ្លងកាត់​ប្រទេស​ដល់​ទៅ​១០ លើ​ចម្ងាយ​ផ្លូវ​ជាង​៧៤០០​គីឡូម៉ែត្រ ដោយ​ប្រើពេល​១៧​ថ្ងៃ​ឯណោះ​។ សេវាកម្ម​រថភ្លើង​នេះ នឹង​ជួយ​ជំរុញ​ទំនាក់​ទំនាក់​ពាណិជ្ជកម្ម​រវាង​មហាអំណាច​ទាំងពីរ​នេះ តាមរយៈ​ការកាត់បន្ថយ​ថ្លៃ​ចំណាយ​ដឹកជញ្ជូន​ដ៍​លើសលប់​។​
10 hrs - 2320
​ជនអន្តោប្រវេសន៍​ជាច្រើន​បាន​ប្រញាប់ប្រញាល់​ឆ្លងដែន​ពី​ម៉ិ​ក​ស៊ិ​ក​ចូល​ទឹកដី​អាមេរិក ធ្វើយ៉ាងណា​ឲ្យ​បាន​មុនពេល​លោក ដូ​ណា​ល់ ត្រាំ ចូលកាន់​អំណាច​ថ្ងៃ ២០​មករា​។ ពួកគេ​ព្យាយាម​ផ្សងព្រេង ប្តូរជីវិត​ប្រឈម​គ្រោះថ្នាក់​ច្រើនសន្ធឹក​ដោយ​មិន​ខ្លាចរអា ឲ្យ​តែ​បាន​ចូលដល់​ទឹកដី​អាមេរិក​។

20 Jan 2017